Sum atchilhin rilru a khawihbuai dan
April 19th, 2009 1:21 pm | more than words | valbawihi | 370 views|
|
Sum han tih hian (Rs Pawisa) kan nitin khawsak na atan leh in leh lo din na, ram tih hmasawnna pawimawh tak hi a ni . Rs, pawisa hi a hlu hle a, a pawimawh a, a tangkai bawk a, a tha lam hawi emaw a chhe lam kawk pawh in hna a thawk thin.
Atchilh tih pawh hi thil dang zawng zawng ai pawha kan ngaihpawimawh bik, kan lungkham lian ber kan ngaihsan bik ti pawh in kan sawi thei ang. Entir nan - Tlangval pakhat chuan nula pakhat chu nula dang rim ngaihsak lek lovin, a rim tlut tlut mai a, khawdang reng reng a hawi thei lo, chutiang chu nula atchilh kan ti thei ang.
MIMAL LEH CHHUNGKAW NUN A EICHHIA :
Sum tel lo hian ka khawsa thei lo ti ila a sual tampui lovang, a tangkai a, a hlu a, a tul a, a pawimawh bawk. Chutiang tak a thil hlu leh tangkai chu neih kan tum ang a, kan bei bawk tur chu a ni. Amaherawhchu neih kan tum dan kalkawng a dik em? A tha em? A mawi em? Tih erawh kan ngaihtuah a pawimawh hle a ni.
Sorkar hnathawkin a hlawhbi aia tam a neih fo thin avangin, a in leh lo din dan te khawsak an rel dan te, a bungraw hrang hrang neih dan te, an fate an enkawl theih dan han thlir hian, thlirtu rilru a danglam theiin, kha sorkar hna thawk nunah khan duham lehzualna a hring chho thei a, chapona te, tunhmaa an tih duhloh thil, zu leh sa, nulat tlangvalna a tha lo zawng a nun pui hreh loh na a thlen thei thin.
Kha nun khan mi a ei chhe hlek hlek a, rilru nawmna lam aiin, hreawmna leh hahna, taksa hrisel that loh na thleng pawh in a thlen thei awm e. Kha nun khan fate nunkawng zawh dan te, an nungchang te, an nakin nun thlengin a eichhe ve thei a ni. Mimal avangin chhungkua a buai a, chhungkua pawhin a tuar thei bawk. Heng hi thilthleng thei reng a ni a, a lo thleng palh a nih phei chuan a reaction chu Pa emaw nu emaw ah alo kir leh thei a ni. Chung chuan harsatna, a bikin rilru hahna, thlamuang taka hahchawlhna a thlen tir lo thin.
KHAWTLANG NUN A EICHHIA :
Kan khawtlang nun han thlir vang vang pawh hian, khawtlang nun hi a nuam tawh lova, a ralti a, a zalen tawk tawh lova, a tawp a, a mawi tawk tawh lo a ni. Engvangin nge ? kan tih chuan kan sum ngainat luat avangin mahni tanghma kan sial lutuk a, thenawmin khawveng leh khawtlang kan thlir duh tawh lova, a theih dan kawng dapin kan hap buan buan ni ta berin a lang.
Sum kan neih theihna, hmuh theihna a nih phawt chuan mawi leh mawi lo kan thlu phal a, mi rel kan pawisa lova, hmaitlang kan ti chhah ngam a, mawi lo taka chet kan hnial thin lo a ang khawp mai. Khawtlang in relbawlna kawngah pawh hatsatna a thlen thei awm e. Sum in thil a ti thei tih kan hriat lutuk avang leh kan ngaihsan luat avang hian hmeichhia a hlutna tihhmelhem te, in zuar te, fawr kual mai mai nun pawlawh taka khawsa te pawh kan khawtlang a tuam mek reng niin a lang.
Rukruk duhna te, inhralh duhna te, pawisak neih vak loh na te, induh sak tawn liam liamna te lo tlahniam zel in kan khawtlang in a tuar hlek hlek a, a buai thin a, a zalen lova, khawtlang boruak a hliam thin a ni. Entirnan – nula pahnih khat chu an fawr kual thin a, an lo man a, an khua an zawt a, a khaw mipui tan chuan tunlai dan alawm kan ti dawn nge a va zahthlak ve kan ti dawn. Mahni theuh I han in bih chiang teh ang.
Kan thil thlir zalen ta lutuk te, kan tunlai tak lutuk avang pawh hian khawtlang hian hliam engemaw tak chu a thawk thei a ni.
RAM LEH HNAM A EICHHIA :
Mimal nun, chhungkua, khawtlang sum avanga a eichhiat theih dan leh a eichhiat mek dan, kim lo taka kan tarlan kal chho mek avang hian, ram leh hnam a nghawng chho daih a ni tih kan hre theuh awm e. Mimal tu emaw kha Politician, Sorkar mi, Contractor Supplier, Sumdawng, inhlawhfa etc. kan ni theuh si.
Ram rorelna thu ah, Minister leh M.L.A. te kutah a awm a, kha rorelna leh dan leh dun tha taka thawk turin Officer lian tak tak te, a aia te deuh te, a hnuaia thawktu zawng zawng te an pawimawh ta vek anih chu. An pawimawhna leh an hnathawh te a inang lova, mahni hmazawn theuh a kan tih tur rinawm tak leh taima taka thawk hna, zawmthaw leh mahni tanghma ngaihtuah ran chunga hna kan thawh tak fo thin avang hian thil anih tur ang ni pha lo leh ni thei lovin a lo awm ta thin a ni. Chu chuan enge a rah chhuah kan tih chuan, ram leh hnamin a tuar, ram leh hnam a rum thin a ni lawm ni.
Sum atchilhna avang hian, kan hnathawh dan kalphung entirnan – Contractor in hna a thawh dan, Department in a thawh dan, Sorkar miin hna a thawh dan, Development sum hmanga hna kan thawh dan, Supplier te pawhin an thil (material) supply dan, Sumdawng pawhin bukna dik lo hman kan hreh loh dan te, mipui tam tak pawhin thawk vak lo leh hahdam taka pawisa sum lak kan hreh lohzia atang hian ram leh hnam that lehzualna lam ai chuan a chhe lam hawi in ke kan pen a ang khawp mai. Kan moral a chhiat nasat tawh em avangin, kan ke pen zanna kawng kha ram leh hnam hmelma leh phurrit chikhat chu niin a lang.
A tawp ber atan chuan, Rs, Pawisa hi a tangkai a, a hlu a, a pawimawh bawk a, neih kan tum ang, kan thawk bawk anga, changkan lehzual te, hmasawn lehzual te, sum tam zawk neih a intodelh te kan tum tur a ni. Amaherawhchu kan tumna kalkawng leh dan te kha, dik leh thianghlim zawk, fel zawk, mawi zawk ni thei sela a van duhawm dawn em ! Khawdang hawi lek lova atchilhna rilru bansan in kan moral kan reform (siamtha) thei a ni tih hria in khua a tlai hma in, ram leh hnam tan, khawtlang tan kan phak tawk leh kan nihna dinhmun theuh atangin tan la thar theuh turin nang leh kei hi kan pawimawh a ni tih I hre thar leh ang u.
April 19th, 2009 at 1:24 pm
Ka’n comment hmasa ber ve lawk teh ang
April 19th, 2009 at 1:31 pm
Tunah comment tak takna.
Ziak tha khawp mai, a thui (sei?) hle nain ka chhiar chhuak vek mai, biak ina sermon tlak a nih hi. Punctuation pawh a dik thain chhiar a nuam khawp mai. A post-tu pawh hi mi tikhek khawk tak ni ngei tur a ni. A nick hi nuizatthlak dangdai vel khawp mai
April 19th, 2009 at 1:48 pm
Good post nia Sum hi mitihlim tu a nih rual in min ti lungngai tu a ni, thianghlim lo taka sum lakluh chu a hmanna poh a ho in a thianghlim lo thin a ni, chuvang chuan kan sum duhluat avanga thianghlim lo taka lakluh hi sim vat a ngai a ni.
April 19th, 2009 at 2:05 pm
Nick hi ka duh reuh khawp mai.
I ziak tha khawp mai. Rs khi telh kher loin “Cheng/pawisa/sum/tangka” emaw ti mai zawk ta la, ram dang pawisa $,£, €, ¥, ƒ, etc..etc.. hi i huam tel lo a ang ta riau-in a lang.
April 19th, 2009 at 2:08 pm
Chepate: A nick khi i lo star
April 19th, 2009 at 2:10 pm
Lalamandate, sum hi chu a lo hlu a ni e ti raw, ‘SUM’ a nih tawh chuan a thianghlim emaw thianghlim lo emaw kan thliar vak lo tlang chua nih hi mawle, tute pawh hian. Mitin hian eiru te hi endawng ngam ila, kohhran pawhin eiruk avanga sawrkar thununna tawk mek te pawh hi phuar ve ngam bawk sela(inru leh sawnpai te pawh an phuar ngam a lawm) sum kan neih theihna tura kan tih dan bawrh bawrh hi chu a zia awm deuh maithei a sin.
April 19th, 2009 at 2:21 pm
A thawhkhatna atan Punctuation punctuation ka sawi ang. A dik thawkhat viau. Mahse, ‘in’ tih hi suffix a ni a, a hmaa thu nen zawm tur a ni tih chauh kan sawi ang e. Entirnan - ‘Khawdang hawi lek lova atchilhna rilru bansan in kan moral kan reform (siamtha) thei a ni tih hria in khua a tlai hma in,….’ - bansanin, hriain, a tlai hmain, etc.tih zawk tur a ni e.
April 19th, 2009 at 2:21 pm
Ni ngawt mai kan pawl kan sorkar hunah eiru kan hriat apiang an lawina kohhran kan phuartir ang a, sorkar hna thawk chu a hna atangin kan ban nghal ang @thianpa thaiboy hian an sorkar lai hian tiang khi a apply ve ngam ang em aw?
Diklo taka sum lakluh ching te hi kan ngaihsan lohzia tilang hle ila chuan hreawm an tih a, an sim ve mai tepawh hi a rinawm, chhiatni thatni te hian ensan hmaih mai ila.
Engnge in ngaihdan ?
April 19th, 2009 at 2:35 pm
A thawh hnihna. Ka vei zawng tak i rawn chhawpchhuak a, ka lawm e. Kan Bible chuan ‘Pawisain engkim a si thlu’ (Thuhriltu 10:19). Saptawngah chuan ‘Money is the answer to everything’ tih a ni tawp mai. He a thiltihtheihna avang tak hian pawisa hi lei pathian an lo ti chawk reng a ni.
Kan thinlunga Pathian dinhmun luah awlsam ber, Pathianin a venthawn ber, a thik ber pawh pawisa bawk a ni. ‘Pathian leh sum rawng a bawl kawp theih loh’ tiin Isuan a sawi top (Math 6:24).
Bible-ah mi 3 pawisa ngainat vanga thi kan hmu. Pakhat chu Juda Iskariota a ni a, zirtirte zingah treasurer a ni a, ei ruk ching a ni (Johana 12:6). A chaklohna takah thlemna a tawk a, a do zo lova, tangka 30 lekin Isua a hralh a, a rilru a buai phah a, a inawkhlum. Pahnihna leh pathumna chu nupa an ni a, Anania leh Saphiri te an ni (Tirhkohte 5:1-11). An ram hralhna pawisa anmahni tan an dah then a, a bak Kohhranah an pe lut a, a vaia pe angin an insawi. An thih phah ve ve.
A tawp bera ka sawi duh chu. Sakawlh (666) leh pawisa hi a inlaichin tlat a ni tih hi a ni. Thupuan bung 13 tawp lamah kan hmu. Chalah leh kut dinglama Sakawlh chhinchhiahna nei te chauh lo chuan an ‘leiin’ an ‘hralh’ hei dawn lo tih kan hmu. ‘Lei leh hralh’ tih hi sum sawina tawngkam tho a ni. Sum thlarau hi Sakawlh niin a lang. Thlarau Thianghlim aiin Sum thlarau hi kan chang fur tawh lo maw? Sum kan duh dan em em te, eiruk, hlep ruk, etc. kan pawisak loh em em dan te hi. Sum kan hmuhna tur a nih dawn phawt chuan dawt ziak leh sawi pawi kan ti reng reng lo.
Kan thlarau nun hi hmuh theih ta se, Sakawlh (666) hian kan chalah leh kan kung dinglamah ‘666′ tih hi a chhu kulh mai lo’ng maw? Kei ka duh fir bawk a, Post Matric Scholarship ringawt pawh hi income an ziak ang thlapa chhuta dil thei lo chuan dil loh mai tur. Sum thlarau hi i nel lo vang u.
April 19th, 2009 at 2:40 pm
Ensan pawh hi kan en zawhah an rawn en veleh tho anga a ho awm
Tak taka, ni e official tak chuan ensan chu a tih chi loh maithei a, mahse chhiatni/thatni-ah te hian mi corrupt chhungkua te hi chu trawiawm tha duh lo ila, an mahni pawh zak chem2in siam thin ila an sim em loh pawhin kan ziaawm tlan phah deuh mahna.
April 19th, 2009 at 2:47 pm
A tha khawp mai, hei hi Mizo, kritian zaa za inchhalna rama kan chhiatpui ber a ni a, hnamdangte pawhin min hmuh mawhna ber a ni, i titha e, Valbawihi, i nick hi ka duh bon thuai thuai..he..he
April 19th, 2009 at 3:28 pm
Ensan chu a chi dawn em ni? Mahni theih tawk leh phak tawk theih a eiru/hlepru/zepru an tam zawk awm si a, eiru ho hin eirolo ho hi an leh ensan zawk a nga.
April 19th, 2009 at 3:29 pm
hin=hian
April 19th, 2009 at 7:27 pm
Khawvel Pa hausa Warren Buffet ka ngaihsan na chu.. a fate a ro sum a chhawm tir miah lo hi.. a sawi dan takah ” mihring nuna pawimawh ber thiamna anneih theih nan ka pui toh a” ati mai.. ka ngaisang thlawt..
Mi dang te hnena kan in pek zawh pauh leh kan hlim a ni mai.. Pianthar leh pianthar loh lam a nilo.. khaawvel pain ken nive in ka hria.. Hlim duh in a ni lawm ni hna hahthlak taka kan thawh ni?
April 19th, 2009 at 8:05 pm
A la thi hlei nem, kut beng ngawt chuan a fa te a dah bik miah lovang, an in thre thraw ( relationship breakdown) anih loh chuan.
April 19th, 2009 at 8:58 pm
“Dollar duh hian kan daw lar lar mai,” tiin Mizo pakhat, US-a awmin a sawi ve teh khiah, “pastor a ni e,” an la ti ta dah!
Tirhkohten kut an nghahnaa Thlarau Thianghlim an dawn thin pawh Simon-a chuan a lo awt ve a; tangkaa lei a duh ut ut a, Petera’n a liak na hle, “I tangka hi i boral rualin boral ve rawh se, Pathian thilpek tangka suma lei tum avangin …” (cf TT 8:18, 19) Pawisa hian engkim a lo lei thei hauh lo mai! Simona duhthawhna rilru ang hi SIMONY an tihzui phah ta reng a ni.
Kan rama dik lo taka sum neite leh dik taka sum ngahte pawh hian an thihsan nge nge tho —a nei lote pawh kan liam zel ve tho bawk a. Kutdawhte hi an ropui tih chang ka nei thut bawk thin; mi khawngaihna an dilchhuak thiam hi mi namai lo an tling tlat!
Kan Lalpa Isua Krista khawvel len lai nite pawh khan, Jerusalem Temple-a sakhaw lama puipate zingah Sadukai-te kha Pharisaite aiin an hausa fe zawk; duham chintawk erawh chu an hre chuang lo va; Temple kawtkai leh a chhung engemaw chin kha SUMDAWNNA hmunah an chantir ta vek a nih kha —Temple — “Tawngtaina In” ni turah khan tawngtai thawm ri aiin ‘bak-bak-bur, be, bu, coin-jingling …,” thawm a lian ta zawk tlat, eng vang nge? REVERENCE aiah REVENUE an dah len tak zawk vang a ni. Isua meuh pawhin a tei thei bau lo; hruizen nen a hlap hial … an dawhkante a thal hawl hawl mai!
Rim tak leh harsa taka thawhchhuah SUM chu kan renchem thiam tlangpui — ’sum awlsam’ reng reng chu a luanchhuah lehna pawh a nep … tin, dik lo taka sum khawlkhawmtute hian an rokhawm lehchhawngtu tur tu leh fa damchhuak an nei vak chuang bik lo ni awma sawi ka hre ta zauh zauh … sum hman kawngah an tu leh fate an lo intlakral hman ve khawp niin chikmite tlangkam ka dawng fo mai! NOI
April 19th, 2009 at 10:04 pm
Warren Buffet chu a thi a la tih bik em loh khi…:-)
A tha khawp mai a,kan thupui chu..kei tuna eiru milian ho fate phaia awm e awm lo e..inla lian ve em em ringawt ho te hi ka ngaisang lo teh mai ania…an zak lo zawk te hi ka tia nia..Khawtlang hian endawng thin ila ka tia nia kei pawh..
I nick hi a funny top..he he..Best Nick of the Year ni mai lo maw aw??
April 19th, 2009 at 11:53 pm
Kan awmpui thin rawlthar fel tak pakhat chuan, “Pawisate chu … hman chhung daih lek a ni alawm,” a ti mai thin.
April 20th, 2009 at 3:25 am
Pawisa pawh ka nei lo, pawisak pawh ka nei bawk lo.
April 20th, 2009 at 10:30 am
Sum chu a nei a apianing a neih nawmzia an hria a, duham tual tual an ti.
April 20th, 2009 at 1:39 pm
Engpawhnise sum hi chu a lo sum nge nge em a tin ni, neih loh hlau hian chhung tin hi kan buai suau suau a nih ber hi maw.. a then in mawi hawih an zawn laiin a then phei chuan tu mitmei mah an veng hek lova, eiruk theih ang ang an eiru a, chuvang taka thawhchhhuah phu lova in lianpui pui nuam tak tak a lo din khep khup theihna chhan… a dik a dik chuan sorkar hnathawk pangai tan chuan officer emaw pawh nise chuti em em a pawisa ngah nachhan tur hi a awm lo re re, an fate phaiah lehkhazirtir vek chungin inlamah nuamsa taka khawsak theihna hi eng allowanace ah mah a awm love
April 20th, 2009 at 4:52 pm
Sum chu dik tak a hlawhchhuah a tha ber.
dik tak a sum hmu chuan a hmanna pawh a tha nge nge thin.
Eiru missionry chawm ho erawh hi chu aw… a tha lo tih theih bur ni si lo hian a tha lo em em bawk si a, sawi thui lo mai ang.