“A sap veh vawh hle mai” kan tih laiin, “A zo tiah tiah” kan ti hlauh thung a. Hmelthatna te, changkanna te, ropuina te, duhawmna te hi Sap nen kan kalkawptir tlat a, ‘two sides of the same coin’ ang tlukah kan ngai a.
Chutihlaiin, Mizo emaw Zo emaw chu changkang lo, hmelchhia, thing (thring), hmuhsitawm sawina tawngkamah kan hmang fo mai. “A hmel a zo em mai” kan tih chuan, kan hmuh hma hauh atangin hmeltha lo tura ngaihna kan nei nghal ti ila, ka sawi sual awm lo ve. “A hmel chu a sap vang mai a ni” kan tih chuan, a chhe lo tih kan ring nghal tawp.
Hmuhsitna leh ngaihnepna an lo pal tlang tam tawh em avangin America rama negro ho thanmawhbawk pawh – anmahni an inhmuh dan, an ‘self-image’ hniam lutuk thin kha a ni. Martin Luther King Jr. khan hei hi a vei em em a, 1960 bawr chhova ‘Human Rights Movement’ a rawn tih chhoh lai pawh khan, a mihangpuitena mahni an inhmuh dan kha siam dik hmasak a tul tih a hmu chiang hle a ni.
“Black is formal”, “Black horse”, “Black car”, “Black suit” tih zawng zawngte hi Saphovin black an ngaihsanzia tarlanna vek a ni. Vun rawng a nih tak avanga ‘black’ hi hmuhsit ngawt tur a ni lo tiin an inzirtir a, “Black is beautiful” tiin negro naupangho thluak chu an su fai ta a ni. Khatih laia naupang kha tunah an puitling vek tawh. American black hote khuan black nih an zahpui tawh reng reng lo. An chhuang zawk tawh a ni.
Keini Mizo te pawh hian ‘Zo’ tih tawngkam hi a chhe zawngin i hmang tawh lo ang u. “A hmel a zo triah triah” tih hi phum hmiah tawh ila, “A hmel a zo veh vawh hle mai” tiin emaw, “A hmel chu a zo sar mai” tiin emaw i thlak ang u.
In leh lo nuam kan sawi dawn pawhin, “An in leh lo nawmzia chu a zo dap mai a,” te ti ila, “An nunphung changkanzia chu an zo vah mai a ni” te ti ila, mahni kan inhmuh dan – kan ‘self-image’ hi thlak turin movement siam i tum teh ang u. Kan kalna apianga min zuitu tur, kan awmna apianga awm ve zel tur chu ‘keimahni’ hi a nih tlat avangin, hmusita ngainep lovin, ngaihhlut i zir teh ang u.
Similar Posts:
- Facebook thlalak!
- Mizoram Khaw Vawh Kum
- Open letter to H. T. Sangliana by M. Lalmanzuala
- Coloured?
- Thalfavang kut 2012
April 19th, 2009 at 7:54 pm
first comment….
ka hmel hi chu a zo sap
Report this comment
April 19th, 2009 at 8:08 pm
A “Zo” triah triah. Aizawl teenager ho tawngkam anih kha.
Report this comment
April 19th, 2009 at 8:26 pm
A ‘Zo’ lohin. Mizo a lawm kan nih.
Report this comment
April 19th, 2009 at 8:58 pm
‘Zo’ tih dawt chiaha adverb kan hman danah hian kan inngaisang vak lo tih a hriat.
Report this comment
April 19th, 2009 at 9:14 pm
Um! khi post khi ka veizawng ka sawithiam em em si loh a ni, nia mizo te hi mahni hnam chawisangthiam vaklo chu kan ni ve khawp mai, a zo triah triah tih hi chu phumbo hmak chu ka thlawp ve e good post!
Report this comment
April 19th, 2009 at 9:33 pm
Good post ! I sawi zawng zawng khi, Presbyterian Kohhran upa chu nilo mahila, thum takin ka AMEN e !
Report this comment
April 19th, 2009 at 9:38 pm
zo leh zo loh lampang pawh a ni lo. mizo te hi rin ai daiha hnam racist kan nia… dinhmun tha berah sap kan dah a, a dawtah mizo. a hnuai berah vai. pipu te atanga kan nihna ania. sim mai chu a har ang. hei vang hi ania vai nupui pasal nei kan huat laia sap nupui pasal atana neih chu kan duhthusam anih.
Report this comment
April 19th, 2009 at 9:48 pm
Sawi zawm zel nan : tetea_t, khi ‘ Zo ‘ tih a chhe lam emaw a thing lam emaw a kan hmanna khi kan racist vang anih theih dan ka van man mai lo em !
Report this comment
April 19th, 2009 at 9:53 pm
ZO tih (thumal) hi eng angin nge kan mitthla dan deuh ber? Mizo rau rauvah pawh eng/khawi chinah hian nge ZO kan hmanna tur chin RAMRI RIN tarlang chiang fak ila, a fuh mai lo’ng maw? ZO chu 1933 hun lai nge, 1950 a la rawn hawl phaa kan rin le?
A nih leh tunlaia “A zo triah riah …” titute hian ZO TRIAH TRIAH NUN LEH KHAWSAK dan chu an hmu chiang ve tak tak meuh em? “Tunlai chhana SAP VUN NGO HRIM HRIM la ngaihsan vel hi a tunlai vak chuang em ni? Sap ngaisangtu chu a va hniam lulai em em ve,” ti ve ta chiam mai ila —kan sawtpui tlang ang em? (C. Chhuanvawra awm sela chu, ” ‘Tunlai chhan’ tih loh tur ‘tunlai sanah’ tih zawk tur a la rawn ti dawn tho bawk a.)
Chapo ru al chung hian tluk loh riau neia inhriatna hi mihring hian kan nei chawk tho. African-American-ho pawh hian ZALEN an nih kum 100 an hman lai mek pawh an hrechhuak kimchang pha lo; chuvang taka Martin Luther King Jr., khan Abraham Lincoln-a Lim varpuak mai hnungpuak chungin (awmze ril tak neiin) kum 1964 khan a unau-midumte au harh turin leh kum 100 lai an zalen mek lai pawha “zalen-fa” anga an la awm thiam lo kha a au harh a; a mawng-ek a thiar fai lo kan tihna ni lovin, “I HAVE A DREAM …” tih a rawn bekbawrpui thar leh ta a nih kha! Kum 2008 November-ah a DREAM chu rawn phuisui ta deuh ni awma thlirtu pawh an kat ve ta nuk mai!
Sapho hi an sapna lam culture-ah chuan keini tribal kephah hlaite hian kan khum dawn chuang hauh lo; kan khum theihna kawng erawh chu a tam mai … Kan MIZONA dik takah tuman min khum dawn lo! Chu tak chu kan chhuana kan chhawm nun zui zel a ngai zawk.
MAWL, CHHAW, CHUT hi ZO tih thumal tlukpuia ngaih ngawt chi a ni lo. Tunlai Mizo thalaite hi ZO TRIAH TRIAH TAK, FING leh REMHRIA kan mamawh khawp mai! Kan nei tam fu tawh bawk —VAI RIMREM deuh pawh an awm tho vang —mahse, ZO NUN MAWI kan chhawm nun hi a la mawi ber zel.
Min awpbettute ngaihsan hlen hi a awl; ngaihsan hlen loh vek pawhin ngaihsan hrim hrim. Pathian Thu ang tak pawhin Zawlnei Jona leh Nahuma te pawh kha … anmahni hnam awpbettu Assuria-ho hnena tirh kha an awlsam lo viau a ni. Ninevi-a thu va puan kha a ngamawm loh viau mai thei. Awpbeha awm HNAM khan —awpbettute HNAM chunga Pathian hmalak dan tur nep lo tak va puan chiam chiam khaa huphurhawm ve khawp ang! Chuvanga zawlnei mawng rit Jona pawh kan hmuhchhuah tak ni!
Mizo-te pawh Saphovin —Sakhua leh Sorkar-in min lo awp bet tawh a; tunah chuan an lakah hian zalen hle tawha ka lo indah tawh laiin kan thlahte, kan tu leh fate hian min awpbettute KHUM tum ahneka anni aia indah hniam an la tum cheu hi ka khawngaih chem chem hlawm khawp mai! Vun ngo hrim hrim ngaihsan kan tum te hi a ZO lo, a HO a ni zawk!
Midum African-American-ho pawh kan tluk na’nge? Michael Jackson-a vun ngo ta thut hi awt suh u; ani pawh hian a HNAR a hmu lian mai ni lovin; a HNAR, NGO taka siamchawp a buaipui khawp mai … a vun ngo mah se; NIHLIAPPUI DUM tal a la mamawh tih i hria ang u.
Kan ORIGINALITY hi i chhuang ang u; choak-arawn-chang tawn thalai zawng zawngin in ban han phar chhuak teh u. In phar chhuak ngam lo a ni lo; chutiang mi chu in awm loh avanga phar chhuak lo in ni zawk e. ZO TRIAH TRIAH tak zelin aw khawvel kan khum ang!
Report this comment
April 19th, 2009 at 9:54 pm
tetea; sap pasal a neih chu i duhthusam maw lo ni
No pffence
Report this comment
April 19th, 2009 at 10:02 pm
Sekite: Keipawh ka lo ngaihtuah vang vang asin, Zo tih lam hawi reng reng hi chu thil thring, mawl lampang sawi nan kan hmang deuh ber a,tetea_t sawi nen chuan inhmehchiah lo deuh in a lang, a post tupa khi thil chhui ve peih tak, Seki, zorunpuia, chawnghilh leh Epist-a te nen an in an hmel thilchhui peih lamah. Misual thinker ho ka ti mai Ku Muantea pawh a tel phak, keini ho hi lo comment ho zo vek tu te kan nia
off topic :Mizo te hi kan racist em tih lam eg chiangkuang tak pe tel in han post la,sawi tur kan ngah hlawm ngawt ang
Report this comment
April 19th, 2009 at 10:20 pm
@sekibuhchhuak, ‘sap’ tih chuan sawi fiah vak ngai awm lo turah ka ngai a.
“An chhungkua chu an palianin an sap vuah mai” ti ta ila ka thil sawi tum chu i hre thiam mai awm e.
Zo tih pawh hi hetiang deuh tho hian a hman theih ang: “An chhungkua chu ZO tak an ni, an chezia velah a hriat lutuk”.
Engvangin nge sentence #1 khi thil lawmawm lama i ngaih laia sentence #2 khi thil duhawm lutuk lova i ngaih theih? A chhan chu chhungkaw pahnih te khi sap hnam leh Mizo hnam nen kan tehkhin tlat atin ni. Hnam angin Mizo nge kan ngaihsan sap? A tam zawk chuan sap an ti ngei ang.
@funny, “kan” tih hi ka hman nachhan chu keimahni (Mizo/Zo hnahthlak) hnam pumpui ka sawi tum zawk vang a ni.
Report this comment
April 19th, 2009 at 10:23 pm
@funny, sap leh sap loh lampang ani lo. I hre thiam ang chu!
Report this comment
April 19th, 2009 at 10:23 pm
Vun ngo duai, English tawng or American thiam lo hi kan va tawng hnem tawh tak em! SAP tih pawh hi kan sawi fiah ngial chu a la ngai zau ngawt ang chu!
Mizo-tawnga SAP tih thumal kan chhawmluhna phei chu SAHEP/SAHIB a ni a; a vai-tawng giuh geuh teh asin! Vaihovin an mi zahpah deuh an kohna SAHEP, SAHIB tih zul thuakin kan ti-SAP ve ta mai mai a nia!
Kan kawmhmai-ah Grik chhungkua an awm a; kum sawmruk dawnthaw US-ah an rawn khawsa tawh; an saptawng chu Grik tawng emaw kan ti thuak thuak tho … an vun chu kan thalaite duhthusamin an ngo tho. Spanish-ho pawh ngo fe fe an kat nuk mai … anmahni tawng chuan an pawt zuah zuah —saptawnga han biakin an CHHAW TELH TELH … “Sap HEU HOU” hi han hmu hnem chiah hlawm ila; ZO TRIAH TRIAH thlangin thiamna lamah pawh rual kan el nasa lehzual ngawt ang.
Kan India ramri piah lamah hian ek-trhing a awm ve tho tih hriat chian tur … Sap ek a uih ve tho … tih pah hriat chian tur! Cinema-a kan hmuh —hmun mawi tak tak leh inchhungkhur nuam fu fu ang vek hi a lo ni vek lo khawp mai! Magazine changkanga nula nalh leh tlangval nalhten an nalh lai second rei lote chuha Cameraman-ten an lo capture ang veka thil hmuh hi tum reng reng loh tur … sap nula hmeltha, blackicep-a tawlhthlu chuan a mawngbawr nuaiin a sii ve vawng vawng tho! Kan mamawh ang bawka in tur ei tur mamawh ve tho an ni. Damdawi In pawh an nei ve vek a; thlanmual pawh an nei ve vek tho. Kawpawrh chang pawh nei; vawih ve pawm pawm an ni tho … vir pawh an vir … sawi peih kim sen chi a ni lo.
Zotawngin be teh u, heng laia sapte hi … an mawl telh telh. Saptawngin min han bia a; Mizopate hian an ngaihnawm tih leh hriat belhchhah tur tling tham khawpin kan hrilh let thiam ve ngial thung! Kha daih kha asin!
Report this comment
April 19th, 2009 at 10:27 pm
kawthmai —across the street in our neighborhood
black-ice —not blackicep
Kan thianpa phei chuan nupui atan Sap a duh lo; “tih ve mai maiah an tawk chauh,” a ti.
Report this comment
April 19th, 2009 at 10:30 pm
Ding chunga in-kiss pawha rawn dingdihlip sap nula an awm ve thei tho … an sang vek bik chuang lo. Sap pa tawi tim tem, kiar hin hen pawh an tam teh ania!
Report this comment
April 19th, 2009 at 10:39 pm
tetea_t: I comment hmasa a – ” zo leh zo loh lampang pawh a ni lo. mizo te hi rin ai daiha hnam racist kan nia… dinhmun tha berah sap kan dah a, a dawtah mizo. ” i rawn sawi lan avang khian. Mizote’n, kan tawngkam a, Zo tih a, a thing lam leh changkan lo, thil quality lo sawi nan a kan hmang fo hi, Mizote kan racist vang-ah i rawn puh deuh niin ka a langa. Chuvang ania , kan racist vang anih theihna lai tur khi ka man chiah lo ka tih ni.
I comment pahnihna #12, a i rawn sawi hi chu a pawmawm thlap e. Mizote kan racist vanga, hetiang tawngkam , ” A Zo tiah tiah ” tih kan hmanna chhan chu i la rawn sawi chiang chiah chuang lo nain
‘ A zo ‘ ‘ A zo tiah tiah ‘ – tih, changkang lo leh thil quality lo sawi nan a kan hman fo hian concept tha lo tak keimahniah a tuh tel ti te pawn asawi theih awm e. Chutiangin, mahni indahniamna, mahni inhmuhsitna a keng tel tun awm e !
Report this comment
April 19th, 2009 at 10:43 pm
Zo trih triah =fiamthu.Tunlai tawng chher thar ani a,kan tawng hi living language a nih vang ania, a dang pawh kan la chher chhuak teuh ang,mahni in dah hniam lo vin ZO VAH mai ila,ZOsports te hian khawvel deng chhuak se..
Report this comment
April 19th, 2009 at 10:46 pm
in ZO hlawm triah triah emai a
Report this comment
April 19th, 2009 at 10:48 pm
in Zo dang dang hlawm khawp mai, a then in Zo fia fia
Report this comment
April 19th, 2009 at 10:49 pm
1930s veka ka pa te shillonga high school an kal lai chuan, an Headmaster, sap pachal, oxford chhuak Pu Pugh khan mizo hi a ngaisang em em mai a, mizo naupang an nih chuan huaisen turah a ngai a, mizo naupang chu mi rinawm, mi tlawmngai, mi dikah a ngai hmiah. Khasi nena an intihbuai pawhin, Khasi ram mah ni se, Mizo a tan hmiah zel. Ka pa character certificate-ah pawh ‘exemplary’ a pe ngat. Tin, mizo an nih chuan hockey thiam ngei ngei turah a ngai a, a dik pawh a dik.
Tunlaiah hian kan thalai naupang zawkte hian Mizo/Zo hi changkanglo, thring, hmelchhia, nuihzatthlak ‘connotation’-ah an ngai titih deuh tlatin ka hria a, hei hi ka vei riau a ni. Japanese tih leh ‘technology’ tih hi kan rilru-ah a kalkawp tlat ang hian, mizo tih leh thiamna, finna, changkanna hi khawvel rilrua a kalkawp theih nan, keimahni ngei hian mizo tihin a fun tel (connotations) hi kan siam a ngaiin ka hria.
Ka lawmna riau chu. India ram hmun danga ka kal tawhna chin reng rengah mizo chu zaithiam tura ngaihna hnamdangho hian an nei deuh zel. A dik pawh a lo dik nge nge. Delhi-a company pakhatah mizo nula (Hmar hnam) a thawk a, a record a tha ngang mai. An hotupa chuan, staff ka lak leh dawn pawhin mizo ka duh, a ti top.
Sodom khua chu homosexuality-ah hming a chhher a, tun thlengin ‘sodomite’ tih chu homosexuality sawina a ni. Aizawl tih leh ‘fashion chhuak thar’, Mizo tih leh ‘hairstyle thar’ tih mai mai te hi mizo connotation a ni palh ang tih ka hlau thin. Mizo tih leh ‘corruption’ te hi thil inkawp tlatah India ram hian a ngaih mai chuan, Mizo tan kawng a ping tawlh tawlh dawn a ni.
Report this comment
April 19th, 2009 at 10:55 pm
1982 kuma Punjab-a ka awm laiin, India Today (ni tain ka hria)-ah khan mizorama awm hrep tawh, vai sipai pakhatin article a ziak a, a title-ah ‘The land of the 3 Gs’ a tia, mizoramah chuan G pathum a lar – Guns, Guitars and Girls ti velin a ziak a. 1st leh 2nd G hi chu ka pawm, rambuai lai a ni tlat a. 3rd G (Girls) erawh chu a sawi dan a lawmawm vak loh. Nula sihhnip tamna ang deuhin a ziak a, kan thian Punjabi ho lakah hmai a uang lo khawp mai.
Report this comment
April 19th, 2009 at 11:51 pm
‘Sai a chak ber a,Sap-in thil an tithei ber’ tih thua thluak suk Mizote tan SAP chu thra,ZO chu thra lo tih rilru kan put chhung hi chuan kan inhmuhhniamna hian min pawt hniam zel ang tih ka hlau hlel love.Ka ti thei ve a ni tih rilru kan putna atangin changkanna rahbi kan rap ang a,chutah chuan ZO tih chuang awmze mawihnai tak a nei tawh ang.
Report this comment
April 20th, 2009 at 4:12 am
@sekibuhchhuak, kl-a comment khian i thil la hriat thiam loh chu a hrilhfiah ka beisei. mi character te, an mizia leh thil dang tam tak sawi nan zo, sap, vai, bur etc kan hmang thin a. kan hman nachhan chu sap chu ngaihsan tur emaw kan ti a, vai, mizo chu ngai h ropui vak loh tur ah kan ngai thin a ni. hei vang hian thil tam tak hi sap kan ti a, tha vak lo leh duhawm vak lo chu zo emaw vai te kan ti ta thin a ni. hnam thenkhat, eg sap, tha zawk a hriat a, hnam thenkhat, eg mizo, hnuaihnung zawk a hriat tlat hi racism chi khat chu a ni mai lo maw?.
Report this comment
April 20th, 2009 at 4:59 am
Zawhna : Anih ZO-khua kan tih poh hi thingtlang khua enhniam rawng kaia kan sawina em niang nge kan thu-khuh vang??
Report this comment
April 20th, 2009 at 7:59 am
Haha He topic chu khel chi pawh ani lo, kher neuh2 chi a nih hi. Pu Kla sawi khi ka pawm ve mai ang.
Pu KL-an an pa te Shillong a an lehkha zir hunlai a sawi hi a dik thei viau ang. Pu Thenphunga sawi hi ni ta in ka hria ( ka hre sual maithei) ” Shillong a lehkha kan zir ve lai chuan inkhelhah pawh, insualah pawh, lehkhathiamah pawh hnamdang khum kan tum tlat thin,” a ti a ni. Indopui 2na hmalam kha chuan Mizo te hi hnam huaisen, rinawm leh tlawmngai hnam niin kan thang ve hat thin reng a ni. Tuna, Mizo te kan dinhmun erawh hi chu keimahni leh keimahni lung pawh a dum zo tawh meuh lo a ni ang e, he tawngkam Zo tih te pawh a negative thinking zawnga kan lo chelek tak ni tihna rilru te pawh min neih tir ve mai mai a.
Report this comment
April 20th, 2009 at 8:37 am
@mzvision : He kan topic premisis (reasoning) atanga thlir chuan, Zokhua tih chuan a mi chengte pawh Zo vah turah kan rilru hian a ngai deuh a ni lo maw? mi thenkhat tan chuan ngaih kawih awl tak tur a ni. Kei chu a original (bulthut) thingtlang tih hi a mawi ka ti zawk, laklet leh theih nise ka ti.
Kan sikul luh ve lai khan, kan Sir pakhat hian Aijawl khua a awm ve lo kha chu Zokhaw lam mi min ti deuh kher thin a, zokhaw pa tih ai chuan thingtlang pa min ti se ka lawm daih zawk ang. ka ngaihdan ve mai2 a nia.
Report this comment
April 20th, 2009 at 8:37 am
#9 leh #21 thuziak in thiam dun hle mai. in rilru tawm phak ka tum e. Aizawl nitin chanchinbu a chhuah turin han ziak ula mawle misual ho hi zawng kan tlem tham deuh em mai
Report this comment
April 20th, 2009 at 9:13 am
Zokhua tih hi a offensive na ka hre lo a, a hmang tu te pawn derogatory in an hmang ka ring hek lo. Mahse ‘Zo triah triah, “Zo lutuk” ti a mi character define nana hman erawh hi chuan a chhe zawng leh hmusit zawnga hman ani tlangpui.
Report this comment
April 20th, 2009 at 9:19 am
zokhua tih hi chu mi tamtak in an hman nachhan ni a ka hriat chu, “thingtlang” han tih aia offensive lo zawka an hriat vang ni in ka hria, mi tamtak hian “thingtlang” tih hi an duh vaklo asin, ka thiante leh hmelhriat thenkhat pawh hian “kan khua” ti lovin “kan veng” an ti deuh kher thin. mihring ngaihdan chu in anglo tak ak a awm thei thova.
No offence.
hei ka ning tawh ngeimai, nimin atang khan kala mu lo va, ka thu mai mai pawh hi ka awn ruai tawh mai. 7 more hrs to go
Report this comment
April 20th, 2009 at 10:13 am
Hman deuh khan english in Delhi ah mizo tamtak hmaah thu ka sawi a; hnamdang tam fe an tel bawk avangin. Ka sap tawng lam dan kha ka ti puam kual lem lova ka lamdan thin pangai khan ka lam mai a. I sawi tha khop mai mahse I LAM ZO TIAH TIAH khop mai min ti a. Lawm tur nge huat tur aw ka ti rilru nauh nauh a!!
Report this comment
April 20th, 2009 at 11:23 am
‘ZO’ tih tawngkam hi thil thing/changkang lo lam emaw sawina ni ngawtin ka hre lo. Zokhua tih pawh hi huat tur awmin a lang lo. Thingtlang tih ai chuan a pawm a nuam zawkin ka lo ring ve thla ngawt a. Mahni nihna hi zahpui lo ila, vuipui lemlo ila a tha ber.
mzvision : Huat vak tur a nih loh laiin, thil lawmawm lam chu a nih loh hmel. Sap tawng lam danah hi chuan S. Indian-ho mawlh khu a nia manganthlak chu
Report this comment
April 20th, 2009 at 11:35 am
Mzvision, Puamtalh a mi hriat theih loh a lam ai chuan mi hriat theih tur a lam kha zo deuh pawhin mi in hria se…kan communicate nan a hman a ni miau a!!!
Report this comment
April 20th, 2009 at 11:44 am
@kl #22 G three: 1978 nita in ka hria. Hyderabad ah thianten “in Mizoram there is no stigma attached to unwed mothers” tih ngaihdan approval pe mai thei turin min ring tlat mai peka. “Until and unless you understand how closely knit our society is, you will not be in a position to understand how much stigma we attached to unwed mothers” ti a ka chhanna an duhtawk lou khawp mai a, thil min ngaihtuah thui tir khawp a… eng eng impression nge hnam dang zingah kan lo siam thin le….
Report this comment
April 20th, 2009 at 1:45 pm
Ka hnar ngul hi a “zo” thlap mai a. Ka mawngbawr hi a “zo” hle bawk. Ka chawn pawh a “zo” telh tawlh hle. Hei vang hian “Zopa” nih hi ka zak lo. “Thingtlang” tih aia “Zokhua” tih hmangtute pawh hian an hmuhsit dawn chuan an hmusit tho thovang. Tunhma chuan, “A ‘thing’ e,” an tih chu a thring tihna tho a ni. Chuvangin, “Zo” nih hi ka zak lova, “Zokhua”-a khawsak ai chuan “Thingtlang” lama khawsa nih pawh a danglamna ka hre chuang love.
Report this comment
April 20th, 2009 at 1:51 pm
Nia zokhua leh thingtlang tih chungchangah ka ngaihdan ka sawi a, in ngaihdan in lo sawi ve a, a lawmawm e. Hetia sawihona leh mipui ngaihdan luang khawm (discussion) atang hian thudik tlem tal leh pawmnawm zawk chu a lo chhuak thin chawk reng a ni. Mahse, mahni inzahpuina leh vui-hmui tih chhahna lama lo ngaih erawh a fuh chiah chuang lo’vang. Pathian min siamdan leh dinhmun min pekah hian kan lawm zo lo anih pawhin mahni inhmuhsit leh inngaihhniam phah nan kan hmang tur a ni lo.
Zo tih tawngkam hian a thring leh chhe lam a kawk vek bik lo niin ka hre ve mai2 a. Entirnan mai2 – A hmun a zo’va a thengthaw nuam khawp mai han tih chuan min hip vawng2 mai a. Zo-thlifim, Zo-tuithiang tih hming te phei hi chuan lung a tileng satliah lo, ngaih a titha tel hliah2 mai a ni.
Report this comment
April 20th, 2009 at 2:32 pm
Vai hoin Kan hmeichhia te min hmuh dan hmusit deuh a an sawi hi chuan ka nuih tawp. In Hmeichhiate nu pumchhunga an awm laiin in that a, dowry in ngiat a, lehlam ah hmeichhia in mamawh leh si a, Bus ah te hmeichhe chuan ve theih lo khawpin in Hur a, Tin, hmeichhia i pawngsualin in that thul ka ti ve hmiah zel. sawi tur an hre bik lo. Punjabi ho phei hi chu an nasa lehzual. an lakah hian ka hnar hi a lian dawn lo reng reng.
Report this comment
April 20th, 2009 at 2:36 pm
leh lawks. UnwedMother ten free taka an lena, Divorce te tam an tia an nuihzat hunah che u chuan. Kan ramah chuan mimal choice leh freedom kan ngaisang a, nangni ram ve thung chuan Hmeichhia in freedom an neih loh avangin, an thih chilh tawp thin. Pasal te bula awm thei tawh si lo, nu leh Pa inlama kir theih tawh si lo, society in an lo en dawng ve tawh bawk si. I awhhlum emo, in hal hlum emo a ni mai an chang tur chu. Suicide nge tha, freedom tih hmiah mai tur.
Report this comment
April 20th, 2009 at 5:15 pm
redrose-i chu van sawithra triah² ve.. keipawh kan hmeichhia te tiang lampanga an lo sawi leh dek chuan kan ti ve tawh te’ngzz..
Report this comment
April 20th, 2009 at 6:46 pm
zo kan tih tak hi chu sang, thengtho nuam eg durtlang hi chu a zo bok a, a vor var mai lom te kan ti thin. sap kan han tih tak hi chuan english hmang ho hi ni in a lang. eng a poh chu ni se i ziak tha lutkssss… Salute
Report this comment
April 20th, 2009 at 7:23 pm
He topic leh comment chuan min ti awm hle hle thei lo tlat.
@chawnghilh, KL, te comment hian hnam hnuk a khawih a, a lawmawm e.
Sapho hian Mizo hi min ngaisang ve tho a, kan community hi an awh em em, an neih theih si loh a ni. Sum a lei theih a ni si lo.!
Report this comment
April 20th, 2009 at 8:55 pm
Negative blend lam ngawt ai chuan positive approach-a inkaihhruai leh innihtir hi kan tum lian zawk tur a ni. Cadet mai kan la nih laiin Brigadier, Lt Colonel, Major rualte chuan, “Gentleman …” tiin min kaihruai lui tlat thin; gentleman awmin kan awm hmiah … Havildar leh Jemadar-ten drill lamah min han ho leh chuan rawngrut hniam ber ang chiahin min hrual leh thung. Tawngkam tlahawlhte hi kan thiam hnem duh teh asin! mahse, gentleman tan chuan hman chhunzawm chi vak a ni hran lo!
Jakoba pawhin a beram hmul trial a ta tur a nih miau avangin —tiang rang kha beramte tui in tur awmnaah a tung tlat zel a; an hmuh trhan tiang rang angin note an hring pung ta chiam a nih kha. Hmuh hnem leh hriat hnem ang angin kan rilru kan luankawitir mai thin.
A positive —tha lam hawi hian thil inzirtir hi tam sela; a tha hian a tha lo hi chim hneh hrim hrim se, overlap hrim hrim turin tran la tlang ila — sawisel, deusawh, elsen lam ringawt kan inzirtir uar chuan a fuh ber lo vang —chutiang bawkin ZO TRIAH TRIAH lam hawi VISION TRHA, thangthar lo la piang lehzel turte tana thil duhawm —manner, etiquette te pawh inzirtir uar hreh lo ila … Zo hnamze mawi pawh — “not only having it; but behaving with it” zawngin inkalpui uar telh telh ila … Zofate Future would be brighter. London leh Los Angeles khawlaia kan chet dan tur pawh Zoram thingtlang zokhaw hmun kilkhawr ber atang pawha zir thiam lawk kan thei tho vang tih hi kan ring nghet bur tur a ni. Kan politician-te pawh he lama hming thar leh duhawm chher chhuah chak vek an nih ka ring.
Report this comment
April 21st, 2009 at 12:07 am
“Zo triah triah” tih hi a theuneu lo, a mai mai lo. Intih Sap veh vawh a, belhchian dawl leh si lo nih ai chuan Zo triah triah, belhchian dawl deuh nih ka thlang zawk. Mawlna laiah chuan mawl nih hreh lo, hriat loh thilah chuan hre lo nih hreh lo, Zo triah triah deuh hi ka mi lawm zawng an ni.
Report this comment
April 21st, 2009 at 12:18 am
Zo triah triah min tih hi chuan ka lawm thei. Chang chuan mi fak der nan an sawi mai mai thin ten ka hria.
Report this comment
April 21st, 2009 at 12:49 am
“A ni saw zawng Zo-pa ve tak a ni si hlup hlup in a zaia, chaw eikhawm nikhua hian antui te hi a hawp ri hrawih hrawih maia, a chaw han ei te hi lian leng lawng hian an hlawm a, biang pawng tawlh tawlh hian an thial tep ri chuk chuk maia chutih pah chuan antui nen an tlak lem ri duak mai zel asin” ti ta ila “Zo triah triah” kan ti ang nge, “la hmanlai zo-pa hle mai” kan ti ang. nge “a va ori triah tiah” kan ti zawk dawn? Define kim fel vek chu a har hmel mange
Hawh u kan zia thalai awi nung zelin, a tha-hlel deuh hnawl hret hret zelin chak vut vut lovin dim te in hmatiang sawn zai i rel ang u
Report this comment
April 21st, 2009 at 6:46 am
ka lo ngaihtuah phak loh KL-a/i hian a rawn phuh chhuak tlat mai…ka lawm e. Mizo accent a saptawng hmang lui tlat hi ka ni ve a, mi tamtak, kan thian mizo thenkhat tiamin min nuih deuh thin a, mahse fiah tak leh nal tak leh thupui fun taka mizo accent a saptawng kan tawng theih chuan vai accent emaw sap ho zawk accent a tawng ai hian vai ho tak hian min zah/ngaisangru in ka hre ve tlat. Zo tiah tiah …,. mahse changkang ve tlat
Report this comment
April 21st, 2009 at 11:58 am
Good post! Hetiang lam hi ka vei ve em em thin ni!A nghawng tur ngaihtuah miah lova, rilruah a chhe zawng a thil in tuh thei tawngkam kan hman leh, kan tih hi a tam thin. Hman deuh kha khawiah emaw chuan ka sawi zauh tawh a. Zirtirtu ten kut hnathawk zawnga naupang an hrem hian kut hnathawh hi zahthlakah an ngai thei tih te. Kawng sir a tlawmngai pawl then khat ten ” Sex i hman dawn in condom hmang thin ang che…..” tih te hi. Thenkhat tan chuan Condom hman chuan sex hman pawina a awm lo(nulat/tlangval lai paw’n) tiin rilruah a in tuh thei a ni! Sawi tur a tam ang.
Nia, ZO tih kan hman dan pawh hi, tuna kan hman dang letling chiah hian hmang thei ila chuan lawm awm tak tur a ni!
Report this comment