A in miau a : In lo inti mah sela, a nam tlat a, a kal pai miau a, ‘a nam case’ in an man a ni mai. Tumahin a zu no dawm lai an hmu lova, hrawk hrui puar pawp khawpa a lem lai an hmu hek lo. A cheziaah a thil tih a chiang reng a, chu a thil tih chu danin a phal miau lova, dan phal loh thil a tih avangin dan bawhchhetute chan ang a chan ve a ngai tlat. A nitin hlawhchchhuah atanga a chawm, a nu, tar tawh tak leh nupui fanau berh tak takte tan chuan a va hrilhhai thlak rua em! Sawi tur an nei lo, an pa berin dan a bawhchhe tlat si.
Bus nelawm loh chu : A conductor niawm ang takte pawh inang veka an incheina, pawisa bag aia talhfiak humten a chhunga chuangte an enkawlna, tukverh sang veh vawh, dahchhuah theih si loha an nawrhluh lai chuan a hmuh phak chinah ringawt pawh nam ve si, a nam case-a man ngam loh an ther fuk mai! A ni, heng ho hi zawng an hausa em a ni. Engmah an eiru lo, lawmthu sawina vek alo ni zawk. An in pawh a lian tha, pawn lam atanga a lan ang aiin a chhung ala ropui zui. Heng ho pawh hian ei ru an inti ngai lo, an eiru lai hmuh theih a ni hek lo. An thil tihah a lang a, an cheziaah a hmuh theih bawk. Mahse, tu in nge ‘A nam Case’ in man ang? Dan phal loh, ram leh hnam atana thil pawi tak, miretheite chanai ei zawh sakah rilruin puh ve mah ila, man ngawt han tum teh se, ‘evidence’ a awm thei tlat lo. An lakah hian zawng, ‘a nam case’ a apply ve theih tlat loh.
Mizo tlangval huaisen : ‘Mizote hi hnam huaisen, lu chhum ban chhum huama ram leh hnam chhan ngam mi an ni’ an ti thin, hmanah chuan. |hangtharte tan chuan kan hnam huaisenna hmuh tur a awm tawh lo mai ni lovin, han lipse tak tak phei chuan kan dahlau zia chiah hmuh theih a ni ta! Zunina ‘E suh’ tih tar ngai khawpa mawl, kuang thlalakpui uar tak hnam, van lam permission lak tum niawm ziazanga Biak Ina kuang zawn lut thin, hman tangkaina tur awm miah lo pangpar leh puan inpek ching, a huhova thil tih tawh chuan sual pawh sual lo anga ngai tlat, nun pui aia a sawi lama ram tang thin, fate sual aia mi fate sual vei zawk, rakzu tlemte zawnga mahni inlum leh nupui fanau kalsana zankhaw tairek thleng thlenga meng peih, a aia tam zawk leh man to zawk awmna hre ru renga dap ngam si lo, rethei bakberhte tana khawtlang leh kohhrana nihna sâng chan ve theih lohna hmun hi kan tunlai Zoram khawvel a ni ta em?
Kan hmabak a ko : Khawvela ram ropui ber berahte hian ‘Revolution’ alo awm tawh thin a, a chhan bulpui berah chuan mirethei leh hausa inkar kak zauh luat vang a ni zel. Rorel fung chelhtute an inthlak thawk a, miretheiten an chanai eisaktute an vel let ve tawh thin. Chutiang hunah chuan kawthlerah thisen a luang a, mangang aurawlin khawpui a luah a, an chiau vawng vawng thin. Hmasawnna rahbi pawimawh tak erawh a ni duh viau. Chutiang hun thleng lo hram tur chuan khawtlang inrelbawlna tha leh kohhran inkaihhruaina dik a pawimawh.
Similar Posts:
- Liandova leh Tuaisiala – Mizo darthlalang
- ENGTIKAH NGE NIANG? TUTE NGE BUL TAN ANG?
- Mizote hi hnam dawih kan ni (?)
- IN TI HUAISENA TE
- Zahthlak Ah Kan Ngai Em Le?
a tha khawp mai
October 18th, 2006 at 2:45 pm
ka ngaisang..xothansang, tunge a xiaktu pa hi?…very ngaihsan awm…
mizoram hi chuan revolution hi kan mamawh chiang chhiava alawm…
a van han xiak dik in, awmxia a van nei thui dawnlo leh tak em…
a xiah hi chu kan ngam…a tih tak tak hi kan ngam mang si lo vek sia…
a pawi chiang asin….
Report this comment
October 18th, 2006 at 4:22 pm
Ziak tha khawp mai… Mahse Revolution aiah hian Reformation hi a tha zawk lo maw….??? Bak chu ngaihtuah zui ve tawh mai teh u… Alex…i va vang re re ve…thil min rawn ken loh vaih…
Report this comment
October 18th, 2006 at 4:43 pm
van ziak thra em em alex.keichu Hj revolution hi kan mamawh ka ti.reformation ringawt zawng a duang tute kha khawtlang hruiatute, kan mihausa te , kan kohhran hruiatute (an vaiin ka tihna ani lo) annih leh tho anga chanvo tha nei te chu a awmthei apiang te an nisi a zoram ah hian ,ngai bak kan awh lovang.revolution ah chuan mizo midik,thinrim tawh tak tak kan kat chhuak teuh ang ,a lian a te in,a hausa , a rethei in….ka ngaihdan mawl te mai ania..
Report this comment
October 18th, 2006 at 4:58 pm
Biak in ah kuang an zawn lut thrin em ni?
‘a thi chhung te hian lo hmang trangkai roh se’ tih rilru pu a pe an ni tlat lo a
hihihihi an tuar pui a ni tih en tir na a ni xok… a thrat loh na ka hre tlat lo hei chu.
Report this comment
October 18th, 2006 at 6:03 pm
Biak in a kuang zawn luh hi tunhnai atang khan an ching deuh tran a. A bikin Kohhran Upa emaw puipa deuh emaw an thih hian…
Report this comment
October 18th, 2006 at 7:28 pm
Breathanalyzer hi aizawlah awm si lo va maw.. insual buai vel zu rim nam deuh hi chu civil casualty ah khian an hruai a. Doctor ten lehkha hi an roll ah tah chuan ‘thaw rawh’ an tia, an pupils torchlite in an check a..a dilated chuan an book mai.
Yeah, social revolution kan ngai, nonviolent revolution. Nobody wants another Manipur, the only way is to get up, stand up for ur right. And everybody has to decide to be an honest citizen, and also quit ignoring corruption.
Report this comment
October 18th, 2006 at 8:22 pm
Tun hnai kher a ni mi? An tih na a rei toh lo mo? Upa leh pastor te hi biakin vuina program a om thin
Report this comment
October 18th, 2006 at 10:28 pm
Biakinah kuang an zon luh chuan DAN KHATNA in a thi an ti thin :))
Report this comment
October 19th, 2006 at 8:30 am
Engtin nge i hriat
Report this comment
October 19th, 2006 at 12:30 pm
father, tun hnai mai a ni hleinem, ka nau….i la naupang deuh hret a ni….
hmaaaaaaaan atrang tawh in Upa leh Pastor te hi, biakin ah an vui nawn leh xiah alawm….. a rei toh lutuk tlat….
Report this comment
October 19th, 2006 at 10:32 pm
Hre ve leh tawp. lol
Report this comment
October 19th, 2006 at 11:50 pm
i tih Breath analizer te chu kan police hian an nei ve reng alom, mahse hman tlak pakhat mah om lo in kan sorkar in vai contractor te an supply tir alom mole!
Report this comment
October 19th, 2006 at 11:54 pm
MNF ho tih dan khan kan underground ve mai don mi…. a mawl fal deuh kan bawl ang nga.. hotu te chu Sap ram ah kan om don alom
Report this comment
October 22nd, 2006 at 10:49 am
Breathanalyzer an hmang tawh lo.. casualty ah rui leh rui lo an chech chuan lehkha an khawr a.. a hmawr lehlam ah an ham a, a lehlam ah an lo hnim…. line te an zawh tir thin in ka hria.
Khawm case an tih hi a tha khawp mai.. lol … nam case ai chuan fine a tlem zawk a… medial in duh em an tia duh tih a… lo nam leh chuan fine a tam a… medical duh lo tih a.. a hnu ah magistrate bulah min man ve ringawt tih leh mai tur…. rim ber a lo nam tawh loh chuan.. tlem fine in a chhuah leh theih mai….. Experience nei tawh in kan hrilh che u a nih chu.. mahse lockup ah chuan zan khat pawh rei khawp mai…… rui deuh a luh law law chi… akekekeee … lock-up ah pawh kan la in thei tho nia!!!
Report this comment
October 27th, 2006 at 4:22 pm
Eiru zawng zawng hi man vek dawn ta ila, Mizoram chhunga Jail-ah hian an leng thlot lovang, Sunday School Zirtirtu thar lak a ngai nasa awm…? A nam case in man tur pawh ti ila Kohhran hian a tuar nasa ber mai lawng maw le….Breath Analyzer aia hnar a fing zawk kan awm teuh zawk mai lawng mawle…!!!??Lolzz
Report this comment
December 2nd, 2006 at 7:31 am
Tlangval huaisen tih Paragraph saw Mizoram chhunga cheng zofate dinhmun dik tak a ni, zah chem chemna tlak a tling tak meuh.
Han lipse tak tak chuan mahni hnampuite hmusit ching, mahni engmah nisi lo. Central chawmhlawm, a ba ringawta nung siin sorkar budget eiru-a inhampuar ve em em te.
Ram leh hnam vei kan inti; Mizoram arhmai tiat lek satharte chenna ni awmtak tlang bengberek a kan thar chhuah ve theih chhun Sawhthing pawh hmang tangkai thei lo, ram leilung hausakna haichhuahna kawnga ngawng tlatte. Hnama chiang nisi, mahni chhung khat hnaite chauh vei pha, khawvel hmun hrang 2 zo hnahthlakte vei pha tur phei chuan sawi thu a cheng lo. A sawi lamah chuan intifing leh hria, midangte ek khum zat zat thei, a tak ramah chuan Rel leh lawng pawh la hmu lo, Aizawla awm vanga lo intithei ve em emte kan lo ni eeee.
Report this comment