Mizoramah hian District khawpui hrang hrang bakah Damdawi In kan nei teuh a, heng Damdawi Ina awmte ei leh in hi tun hma atanga khan Sawrkar-in tumsakin, Chaw leh a hmeh, Thingpui leh chhang tunhma deuh kha chuan Bawnghnute pawh a pe thin.
Tunah hian damlo pakhat hian nikhatah Rs.30 an hmang thei a, PHC-ah chuan Rs.35 an hmang thei thung niin ka hria. Khawvel sum leh pai nasa taka a tlakchhiat avangin thilman nasa takin a sang a. Tunhmaa Dal 1kg Rs.30 vela kan lei kha tunah chuan Rs.70 ten kan lei ta a. Damloten nikhata Rs. 30/35 chauh anneih chuan zingthingpui, tukthuan, chhunah thingpui leh chhang, zanriah chaw nen an va han ei chhe nasa dawn em tiin ka ngaihtuah a.
Kum 2007-a thilman
1. Dal/Dailuah 1kg Rs.30 tunah Rs.70
2. Tel 1lt Rs.50 tunah Rs.75
3. Buhfai 1kg Rs.11 tunah Rs.15
4. Bawnghnute 1lt Rs.16 tunah Rs.30
(Heng hi a tlangpui chauh)
Damlo eitha mamawh ngawih ngawih ten an eithat deuh dan tur hi Sawrkar hian ngaihtuah thei sela ka ti ngawt mai.
Similar Posts:
- Whistle Blower Part 20 ( Tleirawl rualin damdawi an bar mawlh mawlh)
- Kan thiam theihloh thil pahnih
- Engkim tan hun ruat a awm.
- Arngeng (Acne) damdawi-Dam ngei ngei na
- Mizo vs Vai Sumdawng
April 21st, 2009 at 12:02 am
Hostel, Hotel, Chhung tin tan thil a harsa kim ve vek dawn tho a va ang ve! Hospital bik pawh a nih hran dawn loh hi! Hospital-ah hian achangin sa leh artui pawh an pe tel thin! Thil man a to tak em avangin eitur quality a chhiatphah ang em? Nge, an rawsawt dawn a tlem phah sawt ang? Sorkar-in a haider thei tawp bik nang le!
US hi ei leh ina mi tin an intluktlanna riau niin a lang —President leh mi narante ei leh in hi a inthlau hran lo hle. He laia mi-hausa ber ber te pawh hian planet danga mi buhhum fang khat pawh leilung piantirh atang khan an la chaw-lut bik map lo!
He planet-earth hi kan Pathian Nung hian mihringte leh thilsiam dang — nunna nei leh nei lote tan pawh hian a lo buatsaih kimchang hle hian ka hre thin.
Report this comment
April 21st, 2009 at 12:14 am
Damdawi hmasa ber chu Nursing Care hi ani. Dr te reilo te an han kala tihtur an hansawi zung2-a a tak tak a damlo enkawl hna duat leh hmangaih taka enkawltu chu Nurse te hi an ni.
Damdawi eitur leina leh damdawiin mess hi kutdawh ramah chuan tihthat viau han free vek eitur tuihnai tinreng chhawp hi chu a harsa dawn a la harsa zel ang. Mahse enkalwtu kutdam hmelhlim leh duat tih hriat te hi chu manchawi belh miah lov inpek theih a ni
Report this comment
April 21st, 2009 at 5:17 am
PHC/SHC ah chuan chaw (rice), dal kan dal tawk , a rim nam che che leh artui pumkhat an sem thin.
Report this comment
April 21st, 2009 at 11:19 am
Kan Mizoram Sorkar chak tak hian he thil hi chu a en nawn leh chu a ngai khawp in ka hria kei pawh Damna duh in Damdawiin ah kan awm a kan ei leh in a that loh chuan dam chak chu a har khawp ang.
Report this comment
April 21st, 2009 at 12:27 pm
Civil Hospital ah pawh Lapua leh Bandage takngial pawh lei a ngai nia! Tun hmaa a tlawn a awm thin kha tunah chuan a awm ngai {mang} lo! Mak tak a ni.
Comment #2 a mi khi Mahse enkalwtu kutdam hmelhlim leh duat tih hriat te hi chu manchawi belh miah lov inpek theih a ni Hman deuh Lunglei chanchinbu pakhat a SMS huangah nurse rui chunga duty an awm thin thu leh an tih zel chuan an hming nen lama sawi chhuah a vau(?)na ka hmu tlat pek.
Report this comment
April 21st, 2009 at 12:47 pm
Lapua leh bandage mo.. he he, doctor leh nurse hmelhriat i neih that chuan tel lian pui pui an khilai thei ang che.
Report this comment
April 21st, 2009 at 3:56 pm
Aryan, sawi khi dik lutuk, hetiang lamah hi chuan kan la hnufual hle a tih theih, Sorkar damdawiin ai chuan Private Hospital ah hian ei leh in chu a tha fe, hetiang a nih zel te chuan kan sorkar damdawiin ah hian tunge awm duh anga in Admit duh ang? Hetiang kawngah hi chuan kan sawrkar (M.N.F & Congress & ZNP & MPC &) te hi ka dem thlawt, antih tur anti thlawtlo,
Report this comment
April 21st, 2009 at 4:36 pm
mzvision: “Damdawi hmasa ber chu Nursing Care hi ani. ”
A dik lutuk. Hei ringawt pawh hi damna tling khawp a ni. Heti chung hian an tawngkam tha te hi an la ui deuh emaw ni!!
Calvin, private damdawi inah chuan ei leh in chu a tha ngei ang; sumdawng rilru an ni a; mahse, a senso hi mi rethei te hian an afford ang em? Sorkar damdawi inah chuan man lovin engemaw chen a kal theih a, hrehawm deuh mah se miin an pan a ni mai lo maw??
Report this comment
April 21st, 2009 at 5:27 pm
Ka lo sawi ve, Aizawl civil hospital hian phai lam sorkar hospital chu a tluk lo khawp mai. Bandage chu sawi loh, syringe, venflon, urine bag, folley’s catheter, damdoi zawng2 deuh tho, antibiotic thra chi thlengin a free a. Mizoram hian fund hi kan hmuh tam ve tho chuan ngati nge ti em em a kan inthlauh le ka ti.
Chutih rual chuan Civil hosp a thawk doctor leh nurse te hi khulam doctor leh nurse ai chuan an fel feee! Nurse phei hi chu an fel khawp mai Mizoramah hian, kan kristian vang..ti dawn ila Kerelite sister sual fe fe an tam tho. Chubakah test report te hi khulam aiin kan rang zawng, accuracy chu thudang lo nise. Investigation tih man te hi nominal tak tak a nia, private nen a inthlauh zia chu nasa tak a ni, private hi a accurate kher zawk lo lehnghal a.
Chutih rual leh chuan Civil hi Durtlang hospital ai chuan a la thra leh fe in kei chuan ka hria. Engkim khi an charge bak ah tlem an la charge belh zel. Pumna in Civil casualtyah i kal chuan syringe leh ranitidine leh Difen inj plus chiu man a free, Rs 5 card man an la ve. Durtlangah chuan man a mal in an nei vek.Damdawi man bak a nursing charge an ti tel zel te hi a mak ka ti. Hospital sunday a thawh pawh a phur awm loh phah a lawm le. An doctor leh nurse te hian an hlawh hnem em em awm ka hre si lova, an management khi chu duhthu a sam lo ve ngawt mai.
Report this comment
April 21st, 2009 at 5:48 pm
a free a an dawn a nih loh chuan man chu an neih ngei a ngai ang chu. nurse pawh hlawh pek ve an ngai tho a. tin, a hospital tehna ber tur zawk kha chu medical & nursing care quality a ni zawk ang chu
Report this comment
April 21st, 2009 at 5:50 pm
tin, durtlang hospital a private ward a i awm phei chuan 15% (?) vel i bill bakah i pe extra ang. chu chu dawmdawiin awm man neilote enkawl nan an hmang thin… an ti
Report this comment
April 21st, 2009 at 6:00 pm
A ni tho mai, Silent_man. Mahse an sawi ang in…. Civil hospital a thi chu kan sawisel luai2 a, Durtlang hospital a thi chu ‘Pathian remruat
Report this comment
April 21st, 2009 at 6:01 pm
In sawi peih e a, a hospital chawpa khawi insurance company ah tute emaw-chawimawi phû te- hlawkna turin a lo dah em lo hi chu a lawmawm lamah hian ngai mai ang u.. LOL
BTW, dal leh tel tih vel hi a lo va to ta ve… sa duh deuh tan chuan chawhmeh siam duah lova sa siam tawp kha a hlawkthlak mah tawh zawk dawn anih hi..
Report this comment
April 21st, 2009 at 7:16 pm
Velawk..Civil hospital chu hmanrua an nei tha,doctor pawh an tamin an thiam,mahse miin Durtlang an pan fo,Nursing care+doctor care nihmiang ka ti mai.Chutihrual in kan Aizawl Civil Hosp hi chu Vai ram Sorkar hospital ai chuan a tha fe ah ka lo ngai a sin!Vairamah hian a nia pawisa chu ngai nasa ni. Mess erawh mimal ngaih dan ni se,Hotel emaw tih mai a chi loh ang!!!!
Report this comment
April 21st, 2009 at 7:44 pm
Retheite VIP turzia kan Politician-ten min tiam a nih chuan; retheite aia la VIP lehzual zawk tur chu damlote hi an ni. Engtin nge Hawla and kids an chet tan dawn le! NLUP a hlawhtlin lehzual nan HOSPITALS upgrade a ngai a; HOSPITALITY dik tak a thawktute atangin patients leh visitors-ten an mamawh. Chawkidar inluling ve khar khar-te pawhin hawihhawm zawka chet dan zir belh ve teh se. “Hospital chung a chim” tih hrim hrimte kha a trihbaiawm viau a nia! Governor leh CM an in-admit-na tlakin kan ram Hospital hi cheibawl ni rawh se.
Report this comment
April 21st, 2009 at 8:23 pm
civil hospital Azl thawktu te hi an fakawm ankhawngaihthlak ve tho, va enve mahteh u bed strength in a zawhloh let 10 vel damlo hi an awm tup2 a mawlmang leh aa pui pui an nat miau si chuan an lo beng leng ve hram2 a damlo tam dan a zir a thawktu rawih belh awm chuang silo e.g 10 vil tur khan 20 te an vil a Civil hosp pan tu tam ber hi chu harsa leh mawl mang tak2 hlir mai hosp rules te chu hrethiam thei miahlo hlir thlankhawm ni awm tak2…Nurse leh Doctor hi ni ta ila nem leh duat tak a tih sen hi chu hartak a niang.
Report this comment
April 21st, 2009 at 8:39 pm
@ chawnghilh, kan sawrkar thara miretheite kan VIP ve tawh dawn chuan mirethei zawk ten cabin pawh kan chang ve thei tawh ang chu ti raw
Enga ti nge kan MLA/minister te hi thlan tlin an nih hnu lawk hian in-checkup tura phai lam an pan sup sup zel mai le, a hma zawnga hrisel viau anga lang si kha thlantlin an nih hnu hian an hrisel lo duh khawp nia, ram roreltu a tran hia an ngeih lo a niang, hetiang reng a nih dawn te chuan an nunna pawhin a tuar ang tihte a hlauhawm sia inhnukdawk/bang leh mai se an dam rei phah deuh maithei a sin
Report this comment
April 21st, 2009 at 8:44 pm
“Mizoram State-a MLA, phai lama Medical Check up-a kalte hian kan ram Hospital an chulhnum lohzia an lantir chiang tih Israel hnam tinin hre mawlh rawh se,” titu tur PETER-a trhek trhawk kan va mamawh tak em!
Doctor leh Nurse-te an chhuanawm —Hospital a awm ve ta nial; COMPARE chu a thiang ve alawm! Ka pianna Serkawn Christian Hospital ka chhuang —Pi Sangi leh Pi Hnuni chhar ka ni.
Report this comment
April 21st, 2009 at 8:48 pm
Kan ram primari sikul zirtirtu ten an fate an sikula an luhtir duh lo nen hian a tehkhin theih mai em.
Report this comment
April 21st, 2009 at 8:50 pm
Sorkar hospital hi chu eitur a thra mawh hrim hrim,hostel mess pawh a thra em em ngai hlei nem..mz vision rawn sawi nursing care khi a pawimawh khawp mai..doctor te pawh tunah chuan an fel tawh khawp e an tia,damlo carena tihlan hian 50% chu a tidam hrim hrim,a nawlpuiah chuan,rilru damna hi a lo ni khawp thrin mai.
Report this comment
April 21st, 2009 at 8:55 pm
Bajaj Allianze nen a inthlunzawm leh ta … hahchhiau leh khuhhip a tipung e.
Report this comment
April 21st, 2009 at 9:18 pm
Kum sawm feeeee liam ta ah khan article pakhat(tu ziah leh eng megazine nge ka hre tawh lo) a pa damdawi ina a awmpui chungchang a ziahna kha ka chhiara, nurse duty pakhat a lo star dan chanchin te, a thu thiam zia kha tun thlengin ka rilru-ah a la cham reng thin,’ ka pa chu damin a chhuak a, kei erawh chu ka na a ni’ tih vel te kha, kha article kha ka chhiarleh chak a, a ziaktu kha ka hre chakkhawp mai bawk.
Doctorte leh nurse te tawngkam khat lek pawh hian damlote hnenah damna a thlen thei tih hi thawktute hian hre nawn fo se kan ti a nih hi le.
Report this comment
April 21st, 2009 at 9:30 pm
Nia, ngaihdan soihona hian finna a kaichhuakin hmasonna poh a thlenin ka hria. Ka post chhan ber pakhat chu 1999 cho vela Rs. 30 a puar deuha kan ei thin kha tunah chuan Rs. 50 vel a ngai toh. Hmana Dal firulh thin kha a tunah chuan a filh thuau toh tihna a ni e..:-) Sorkar hian Rs. 50 vel dahsak ve toh sela. Dal poh filh thuau lovin fi leh rulh aga a zia deuh zok ang a..:-D
Report this comment
April 21st, 2009 at 9:45 pm
@triplestar : ka pa chu damin a chhuak a, kei erawh chu ka na a ni’
A va han thlawh fuh chiang —ka chhiar chak ve ngang a ni awm e. Helhhawlhpui vei up up mai hi a hrehawm duh asin!
Report this comment
April 21st, 2009 at 9:52 pm
@chawnghilh, nia, hei kum 10 chuang fe a liam tawh a, 20 a ni dawn hial tawh ang chu, kha thu kher kha chu kei pawh ka rilruah hian a la cham reng thin, mawi hi ka ti tawp thei lo a ni e.
Report this comment
April 22nd, 2009 at 1:19 am
Nurse tum bir ber damdawi sem zova zan duty lai-a chaw eikhom dar dar ho hi an duty ti ah kan ngai em le?? Work Ethic a ni em??
Report this comment
April 22nd, 2009 at 1:09 pm
“ka pa chu damin a chhuak a, kei erawh chu ka na a ni” tih article chu chhiar ve a va chakawm ve awww!!!
Report this comment
April 22nd, 2009 at 1:21 pm
Tunah mizoram dawmdawi in ah chuan Durtlang Prs Hospi aia pan tlak khi anawm lo. A thawhtute pawh an fel tlangpui. Nure te ho hian min ngaizawng ta emaw tih mai tur in min vil renga, min nuih sen sen reng. Dam loh lawk loh hi a thlan awm zawk mah thin
Dr Ringluaia A Superi. lai khan thawktu zingah thil neuh neuh atam deuhva, Dr.Biakmawia, pa tha, rinawm, dikna duh mi erawh kha chu tam tak chuan an mil lo chu ani e.
Ka lawm e!
No offence!
Report this comment