Thalaite I tangrual ang u
April 15th, 2008 2:01 am | more than words | Mizo Master | 53 views|
|
Mizoram dinhmun chu mulukawlh rual awmkhawm ang deuh kan ni an ti.
Mulukawlh rual pawh hi leia sa ei tur tlemte kha ei tumin an lo thlawk thla dum dum a. An zinga huai ber, lu lawk biau biau khan midang kha a han nek sawn a, an sa eitur chanve chu a han ei zo duak a. A chanve a eizawh hnu chuan a kalsawn a. A huai ber a kalsawn hnu chuan a huai ber dawttuho chu an lo kal ve leh a, sa zawng zawng chu an ei zo ta vek a, mulukawlh tam ber chu eitur nei loin an hawihai a, anmahni an inchuk thi pheng phung a.
Mizoramah pawh kan rama eitur awm ve, budget leh chhiahte chu a huai ber Minister-hoin a chanve an ei zo duak a, a huai ber dawttu sorkar hnathawkhoin Minister-te ei bang chu an ei zo ta vek a. Mipuite chu eitur nei loin kan hawihai a, kan la inngeih lo zui bawk a.
He ram siamtha tur hian hetiang vela min thlentu politician hlun leh senior tam berte an tlak tawh loh, system tha loin an rilru a eichhiat tawhte an ni. Kan hria e. YMA pawh hruaitute lam sorkar hnathawk an tam lutuk avangin an zinga tam tak budget ei raltute zingah an tel ve a, siamthat lam rilru an pu thei lo. Kohhran chuan mipui zirtirin theihtawp a chhuah mek a, inthlana in-candidate a rem ve loh avangin mipui rilru siamtu hna a thawh bak hi chu tih theih dang a nei vak lo a ni. MUP chu an huatthu lohah putar awmkhawm an ni a, MHIP pawh hmeichhe tana ding an ni. MZP leh MSU pawh zirlaite tana ding an ni a, Mizoram pum tana ding theite chu thalai chauh an ni.
Thalaite hmang hian Mizoram hi tihdanglam a lo ni tawh thin. Mizo Union leh MNF-te pawh thalaite movement a ni a, tun hunah hian ram siamtha tur thalai movement a lo chhuak leh ta nual a, hengahte hian thalai zawng zawng tel vek ila, huaisen takin, engkim chan huamin kan ram hi siamtha turin pen chhuak i la, thalaite i tangrual ang u.
Kan ram hi thalaite’n siamthat kan duh chuan siamthat theih a ni a, a theih loha ngaite chu mi beidawng an ni. Tun dinhmuna nuam ti, siamthat duh lote’n siamthat theih loh angin thalaite min tihbeidawn an tum thin a, Aizawl khawpuia mi hausa tam tak chuan hetiang taka nuam chen reng hi an duh avangin ram siamthatna reng reng hi an duh lo a ni. Mahse, kan ramah tualthahna te, ruk ruk te, eiruk te, induhsakna hleihluak te, pawngsual te, inbumna te, mi tihraltitnate a thleng tam tulh tulh si a, taima taka an thawh pawha ei leh bar tur takngial pawh an thawhchhuah theih tawh loh avangin
kuthnathawktute an insuihkhawm ta.
Thalai tam takte hnathawh tur chu sorkar duhsak zawng, tling hlei lo rualte’n an hnawh khat mek a, thalaite’n auchhuah nachang kan va hre lo em! Sports Stadium pawh inbumna mai mai a ni an ti asin.
Mahse, ram siamtha theitu tur thalaite kan ngawi rei ta lutuk a, tun chinah chuan ram thatna turin i tangrual tawh ang u. Thalaite berin ram hi tha se kan tih a, Pathian hre chunga kan thawh peih a, kan inpek a, kan inhuam thui phawt chuan kan ram hi siam theih a ni. Hawh u, ram siamtha turin a rualin i penchhuak ang u. Hei hi Mizo thalai zawng zawngte ka sawmna a ni e.
May be related
- Thalai rualte’n Mizoram kan siamtha thei
- Thalaite’n Kuthnathawktu an tlawh dawn!
- Thalaite Hmathlir
- Thalaite’n nau vei takin ram an vei!
- Broadband Mizoram in kan mamawh
Recent entries
- Crimson Hertz
- Hnahthial.com i bel chiang ang
- Kuhva ei hnam changkang tak an awm lo!
- Japan-a hnathawk thin George Lalremruata
- District kan duh..duh duh!!
- CM in Hnahthial district pek a tum a sawina
- Mimi Lalzamliani Lelte in bel chiang
- Witness Hiphop’logy 2008
- Nupui(then) Vit Hlum
- Prohibition led to drug-linked deaths in Mizoram
