June ni 27 zan khian Mizoram thalai thenkhat, mahni vei veia ram vei em emtute discussion neih chu LPS, Skylinks leh Zonet-ah tihchhuah a ni dawn a, he talk show-ah hian ‘THALAITE HMATHLIR’ tih hmanga Mizoram dinhmun sawiho a ni.
Zoram Today chanchinbu huaihawt talk show-ah hian Mizoram thalai thahnem tawk tak an kalkhawm a, Lunglei, Kolasib, Serchhip etc.-a ram vei tak takte sawm ni mah se, a hun a chep tak deuh avangin an rawn tel hman lo niin thudawnna chuan a sawi a, chutihrualin Lawngtlai lam atanga rawn tel thei an awm thung.
Thalai rual THALAITE HMATHLIR sawihoa kalte hi Bus conductor atanga Doctor te, foreign-a awm hrep tawh atanga thingtlang tlangval hawiher zau tak te. College lecturer atanga journalist te, rawngbawltu atanga social worker te, BD zirlai atanga University zirlai hruaitute, Chapcharkut Miss atanga zaithiam lar te, writer atanga visual media mi leh sate an ni hlawm a, thalai rual, mahni inchawm thei, mahni kut leh kea din tum tlatte an ni hlawm.
He’ng thalai rual kalkhawmte hian sawrkar an sawisel ringawt lo a, an hmathlir an sawi a. Point tha tak nen thil an sawi hlawm a, a tul chuan an inhnial a, a changin thukhat an vawn chang a awm bawk.
Nileng deuhthawa thu-sawihona neih a nih avangin THALAITE HMATHLIR hi zan khat thilthua chhuah zawh vek theih a rinawm loh a, zan hnih tal awh tur a ni.
Topic tlangpui chu thalaite’n politics an hmuh dan tih te a ni a, tin, engvanginnge tunlai thalai lehkhathiam rual tam tak hi politics-ah an zuanluh loh tih te, Mizoram hi tute ta nge? Mizoram politics i hmuh dan tih te, Mizoram hmabak hi a thim nge a eng tih te leh Engnge thalaite’n an tih ve theih tih te a ni hlawm.
Mizoram hmabak leh thim chhan leh eng chhan thiam tak an sawi a, thusawitute chuan a tlangpuiin thalaite’n Mizoram siamtha turin tih theih kan nei tih lam hawi zawngin thu an keihthlu hlawm a. Tawngkam mawi lo lutuk leh dengkhawng lutuk hman a ni lo a, Mizoram thatna duh vang liau liaua he talk show hi neih niin Zoram Today chanchinbute huaihawt a ni.
Similar Posts:
- Thalaite Hmathlir
- Thalai Movement Leh Kei
- Mizoram Chhanchhuahna Kawngzawh
- Thalaite Khawvel
- Thalaite’n Kuthnathawktu an tlawh dawn!
June 25th, 2007 at 2:19 pm
Good, very good development. The younger generation’s minds are less polluted by corruption than adults. Moreover, their chances for employment in the state government have been dashed by much less qualified candidates only becuase they are closed to big bosses e.g. ministers and Babus.
Our history may be like that of France where the youth pushed their government twice in 1789 and 1968. Let us hope.
Report this comment
June 25th, 2007 at 2:27 pm
My first posted…..testing…..
Report this comment
June 25th, 2007 at 2:28 pm
Ah seems good……thanks
Report this comment
June 25th, 2007 at 2:36 pm
welcome
Report this comment
June 25th, 2007 at 5:24 pm
Positively good…!!(Negatively good a awm phei chu ka hre law..) There seems to be a small light at the end of the tunnel…
Report this comment
April 20th, 2008 at 6:14 pm
Politician leh sorkar hna thawk eiru confirmed te poh hi han kalkhawm se discussio han nei se an experience nen anni hlei2 hian an sawi thain ka ring tlat. Khi programme khi a thalo ka ti lo a tha lutuk.. at least there’s some effort. Mahse mak tak mai leh bei tidong em emtu chu zu rui a ni emaw, zirlai a ni emaw missionary a ni emaw a, eng mi mai poh hian zoram kan vei zia hi lungrual takin kan soiho thei reng tlat mai hi ni. There’e something very2 wrong deep inside each and everyone of us, something much deeper than we know
Report this comment