Nikum lam tawh khan Mobile handset THANCHHINGI & SON dawrah ka lei a, thla hnih chauh ka la hmang tihah a chhe palh hlauh mai a, phai lamah(service centre) min thawn sak ta a. Thla tin vawi thum vel tal chu an rawn thawn chhoh leh chhoh loh ka va ngaichang thin a, a lo thleng thei reng reng lo mai !!!
Tun thla (April) hi thla 9 a thangna a ni ta, tichuan tun thla tir khan a lo thleng tawh em tih ka va ngaichang leh a, mahse a lo la thleng chuang lo. Amaherawhchu thu ngaihthalk nuam deuh mai min lo hrilh hlauh mai, ” I phone ang hi tunah stock kan nei rih lova, stock kan neih veleh kan lo replace sak nghal ang che” tiin.
Tichuan, THANCHHINGI & SON dawr chu phone atangin ka phone ang model stock an neih tawh leh neihloh ka va zawt chamchi a, a hnu kar khat velah chuan stock an neih tawh thu in min lo chhang a. Phur tak maiin ken ngai tura ka rin zawng zawng te ka ak a THANCHHINGI & SON dawr pan chuan ka chhuak ta a.
Hei erawh a lawmawm ta hauh lo mai !!! Ka phone min thawnsakna receipt te leh ka leina cash memo te ka han phawrh a, tichuan kar hmasa lama a thara min replace sak tura min tih thu te an dawr nghakte hnenah chuan ka han hrilh a, ka lehkha ken te min han enfiah sak a, darkar chanve zet ka nghah hnu chuan chhuanlam eng eng emaw, man tur ber lai pawh awm lo hnawk fahran mai an sawi an sawi a, “naktukah lokal leh phawt mai rawh”, min ti ta ringawt a. A neitu te tak an awmloh avangin thu tam sawi lem lo chuan ka haw ta a.
A tukah chuan ka va kal leh a, a neitu tak te ka biak duh thu ka sawi a, a neitupa chu an dawr lehlamah a lo awm avangin ka va pan a thil awmzia te ka han sawi a, MIN NGAIHTHALK SAK THA DUH TA LO KHAWP MAI A, ” NAKINAH PHONE IN KAN RAWN HRILH MAI ANG CHE” ti vel mai2 chung chuan min kalsan ta daih mai a, ” KA LO DAWR KHER KHER KHA KA INCHHIR VANG VANG MAI, MOBILE DAWR DANG A TAM TEHLUL NEN” tiin ka ngaihtuah zui nasa hle mai. Tichuan, vawiin hi chanchin min rawn hrilh a intiam ni atanga chhiara kar hnihna a ni leh tawh a, chanchin engmah ka la hre leh ta lo vang vang ani !!!!!!
Min replace sak tura intiamkamna fel tak ka dawn hnua heti mai maia min palzut hi a thalo ka ti hle a, dawt muhluma customer te an bum duh mai na hi a thalo ka ti hle. Kei chuan ka chhungte, ka hnaivai te leh ka thiante chu THANCHHINGI & SON dawr tur hian ka duh ta hauh lo mai le.
Engtin nge ka kalpui zel ang tih chu ka la ngaihtuah mek a, advice tha tak min pe thei in awm phei chuan ka lawm hle ang.
Similar Posts:
- Mobile Phone ka nei ve a
- Misual ho ngaihdan hriat a van chakawm em
- A Aw B Dang
- Engtin nge ka tih ang?
- Mizoram ah Mobile Phone hmangtu nuai 5 chuang an awm tawh
(Y)
April 19th, 2008 at 6:55 am
T&Sons chuan an ti dik lo hle mai.
Ngaihtuahna pakhat a awm thei chu:
internet kaltlangin thu kan ti darh ta chiam mai a, Counsumer court lama
kal hmasa si lovin! T&Sons neitupa hian a a bul tumtu ber a a ngaih hi
Section 499 of Indian Penal Code. DEFAMATION: hmang hian ron ep ta
roh mai sela, eng tin nge kan chhan tak ang le?
Section 499 of Indian Penal Code DEFAMATION provides that
“Whoever by words either spoken or intended to be read,
or by signs or by visible representations, makes or publishes
any imputation concerning any person intending to harm,
or knowing or having reason to believe that such imputation
will harm, the reputation of such person, is said, except
in the cases hereinafter excepted, do defame that person”.
Punishment for defamation:
Whoever defames another shall be punished with simple imprisonment for a term,
which may extend to two years, or with fine or with both.
Report this comment
April 19th, 2008 at 7:00 am
Mahming, ka ron ti ve keuh a nih hi. tunge ka nih ring tawh mai rawh le?
Report this comment
April 21st, 2008 at 3:58 pm
@ damenace…..Dante chu a pawhsawih theih lutuk an tih kha…..
Report this comment
April 21st, 2008 at 7:52 pm
@Puii… dan pawhsawih tak chu a har deuh mai thei, a bikin Indian Penal Code, amaherawh chu dan hmang vek in a tih let dan chu a om mai thei, sum neih dan azirin.
Ka sawi tum tak zawk chu, hetiang a internet a in chhuah mualpho hian, a chhuah mualpho tu hian thiam a chang lo reng thei a sin. T&Sons neitu hian FIR theh lut ta ang sela DEFAMATION behchhanin, a chhuah tu hi a buai ve phian mai lo ang mo? Court a inlan reng a ngai anga, sawrkar hnathawk a nih phei chuan, court a inlan a tan a thra lo hrim hrim.
Hetiang a in chhuah lo hian Consumer court a om reng a, tah chuan complain va theh luh mai ni ta zawk se la. A va fuh zawk mai om ve.
Kan mizo society ah hian chanchinbu emaw thil dang hmang a inchhuah mualpho kan hrat riau va, heihi a fuh ber in ti ve em le? IPC hi palzut tur khawp in tumah dan chunga leng kan awm si lo va.
Report this comment
April 27th, 2008 at 2:47 pm
Defamation file ta se, Court chuan thiam a chantir a ni thei. Mahse, A thlirtu rilru kha, sum tam tak aiin hmingthat…. Media chak zia hi….. zirtur kan la ngah tlang a nih hi. Tute pawhin insiamthat .. nitin in enlet kan mamawh…. hnung lam atanga innuih hi awl teh mai a nia.
Report this comment
September 29th, 2009 at 2:47 am
2007 may thla khan ka phone ka ti chhia ka company leinaah ka kal a athlawnin min siam sak nghal a .ahnu thla thum vel ah ka ti chhe leh a phone thar in min replace sak a chu erawh chu aman thlatin kan cheng 32 in kum khat chhung ka rul thunga man chanve in min pe tihna ang vel anih chu in ang lo ve le aw
Report this comment
April 3rd, 2011 at 4:52 pm
A neitupa ber an ko chhuak nolh maii! Lolz… La type nawi phian zui a..haha.
Report this comment
May 22nd, 2012 at 6:21 pm
FIR theh luh mai chi lo maw
Report this comment
May 22nd, 2012 at 6:50 pm
Cell phone ah chuan Nokia T-Series ( Torch light series, phuah ve thuai a hming
)ho hi an tha ber mai. Rs 1250 a ka lei hi kum 2 ka hmang ta..sawiselna lai tur ka la hre reng reng lo..A torch lah tangkai si..tui ah vawi 2 ka thlah tawh a, ka hawnga kan hru ro thuak thuak a, a ngai te bawkin a tha leh mai..Kei zawk Nokia T-series ho hi ka duh ber mai e 
Report this comment
May 22nd, 2012 at 7:27 pm
Tren tren… Customer care/ ASC ho pawh hi an sual duh phian outlet ai mah in. Netbook ka neih lai khan warranty period ah a chiang lo a, authorised service center ah ka kal pui ve a, an lo sawi buai chiam mai a. Ka in ak haw leh sauh sauh a, an customer care kan phone tak tak mai a, email ka sei tawk ka thawn bawk a. A tukah a rang arangin ka awmna ah rawn kal in motherboard a free ngeiin min rawn thlak sak a. Feedback form ah khan sign tir mai min tum a, remarks ah khan ka ziak ta ţeuh mai a. Rei fe kan in dawr hnuah form thar ah satisfied tih ka ziah sak ve ta a. A hnuah tum hnih chu hemi te hi ka ko leh a, an che rang tawh khawp mai
Report this comment