I wish I felt nothing (for Sawmtea late)
August 19th, 2008 1:11 pm | more than words, music and lyrics | ZOaTlau | 960 views|
|
Jakob Dylan hla I Wish I Felt Nothing hi cassette-ah a thun khat vek a, side A leh B-a khat ta vek mai chu a floor-mate hnamdang pawhin chaw dawh pahte hian an sa kal rut rut zel a. A thian Mizote tan ngat phei chuan a chanchin sawi leh he hla hi a lang lo thei lo.
‘Ber’ thla kan kai a, far ngaw kara cheng tan chuan thla engte hi a mawi danglam bik emaw tih mai tur a ni. Far kung ngaw thim ruih karah chuan rem leh rem lo hian thla eng chu a rawn lang ve dat dat a, chutih hunah chuan ani Sawmtea chuan he hla atchilh tak hi a play thin ni.
Ngaihbik a nei a, mahse a fuh thei si lo, chu boruak karah chuan a lung leng chuan
Say when you’re alone
It’s better ’cause nobody knows you
When no one’s your friend
It’s better ’cause nobody leaves you
So you turned your back
On a world that you could never have
‘Cause your heart’s been cracked
And everyone else’s is goin’ mad
Chorus:
But I hear voices
And I see colors
But I wish I felt nothing
Then it might be easy for me
Like it is for you
Now all of these people
Come up from deep holes
Pullin’ you down
And it’s just no use
When all the abuse follows you down
By the morning you’ve gone
Leavin’ me here all alone
Sayin’ it’s no mystery
I know that nobody here needs me
(chorus)
And I know you believe that you and me don’t belong here
And the worst we could do
Is keep trying to pretend we care
tiin a ngaih chu a thlah a ni. Mi extreme a ni a, a tihtawh chu a ti tlut tlut zel, unaupa tiin kan inko hlawm a, “Unaupa, thla eng khi han en mah teh!” tia ka room-a a rawn tei lut vut vut laite mitthlaah a cham reng thin.
August ni 19 zing lam dar thum vel a ri a, tui taka ka mu lai chu phone ri chuan min rawn thawng harh dawt mai a. “Tun ang huna phone ri chu zualko a ni ngei ang, ka pu kha a dam lo a, a tar tawh si a,” ti chungin phone chu kan la a, chutah chuan a ni khawvela ka lo suangtuah ngai reng reng loh chu lo thleng ta ni. “Thianpa Sawmtea chu zanin khan Delhi-ah motorin a su hlum,” a na khawp mai.
Mitthlaah MCS a interview dawna phur taka office-a ka hnathawk lai min rawn tlawh a, “Ka sam hi ka met fai vung a, ka tling ve mai ang chu…” tiin fiamthu a rawn thawh a, interview a ti tha viau tih kan hre leh a, chutah a hna zawm lai kalsan thei turin MCS chu a lo tling ve a, tlangval a la ni a, beiseina sang tak a nei.
“Thihna ka pumpelh leh hlauh thin, Pathianin missionary atan min duh a niang,” tiin a lo sawi tawhte bengah a rawn ri thar leh a. Shillong-a a awm lai hian tum hnih ngawt a thi tep. Vai suamhmang lar laiin Biakliana thlanah amahin a lo va kal a, gunda emaw tiin an man a, thah an tum a, mahse Mizo hmeichhe pakhat, amah pawh hrelotu chuan a lo hum hlauh thu te, Mawlai, Shillong-a khasi ruhkawl awmna, thihna tam tak thlenna hmun hi kan awmna thleng tura paltlang ngai a ni thin a. Tlai khat chu Sawmtea bike keng chhuak hi a rawn haw lawk lo a, hnamdang unaute chuan phone call an lo dawn a, “In thianpa Sawmtea Mawlai-ah Khasi hmeichhia a tai palh a, an khawih a ni awm e,” tih zawng chu. Khasi rama khasi pawi sawi hlauhawm zia kan hria, khasi ngei pawhin an hlauh Mawlai vengah ngat phei chuan.
Hemi tum hian thi hnuangin a rawn thleng a, vanneihthlak takin Mawlai-a NEHU lecturer chuan a lo hre hlauha a rawn chhanchhuak.
Sawmte… i thiante chuan kan va ngai dawn tak che em! Kan tih theih chhun i chenna In Champhai thlengin kan rawn zui dawn che nia.
(Naktuk Kolkata strike vangin a ruang hi Thursday-ah chauh rawn thlen pui hman a nih rin a ni)
August 19th, 2008 at 2:16 pm
A uih awm hle mai…engkim hi kan tana tha tur hian A ruat vek sia hriatthiam hram2 tum hi a tha ngai e…
He hla hi nalh ka tih pawl tak a ni!!
August 19th, 2008 at 2:50 pm
His pics (a fiah vak lo)
https://img232.imageshack.us/im.....wmalh9.jpg
https://img135.imageshack.us/im.....008am3.jpg
August 19th, 2008 at 2:55 pm
ka va han khawngaih tak emm!
soiotur vang ve. khawngaih tih mai loh chu.
Pathianin a chhungte awmpui se!
August 19th, 2008 at 3:40 pm
Japfu hostel ava nih duh hmel ve an rawn tarlan hi!
August 19th, 2008 at 3:47 pm
Sawmtea hi Saramati hostel-ah a awm a…
August 19th, 2008 at 5:33 pm
A uiawm takzet.Pathian thlamuanna a chhungte hnenah lo thleng rawh se.
August 19th, 2008 at 6:51 pm
khi hla khi ka la ngaithla ngai lova mahse…. tun maiah khan kan ngaithla a…. ngaihthlak a nuam khawp mai…
August 19th, 2008 at 7:20 pm
A va pawi tak e aw, a uiawm takzet zet a ni. A kalsan tak a chhungte Lalpan awmpui mawlh rawh se. Naktuk zan dar 9 ah Delhi Mizoram House ah a thlahna hun hman tur ani.
August 19th, 2008 at 8:28 pm
Yet another big loss. My deepest condolence for the loss. May his soul rest in Peace.
August 19th, 2008 at 10:20 pm
He hla hi ka ngaithla tha leh a lunghlui a va leng ve le zanin chu…
August 20th, 2008 at 9:32 am
Va uihawm ve aw…ka hmuh hnuhnu ber kha chuan a la hlim ve asin maw le…a chhungte Pathianin awmpui zel rawh se.
August 20th, 2008 at 12:22 pm
Zo-a i ziak hlauh chu tihzia e, Lalhriata’n min rawn sms a he thu hi min thawng khawp mai. Sawi takah chuan MSU kan in hman ho lai a khiangkawi ipte kan ah ho tham tham lai te min ngaih tir e. Lungleng mi ve thei tak a nia, poetry min khelpui thinlai te kha chuan chhawrhthlapui khi a chhawr rim thei bik a nia. “I hmel that aimah hian solfa i thiam hmel, nula i rim pawhin faifuk miah suh ang che.” tii a kan fiamlai te. Ruahsur hnuai a an in Alu Kudama ka han zawn chiam Ruatfela Nu ka han hmuhchhuah tak dan te kha hmanlai ang changzo ta. Kan thianpa hi chu kan ui takzet a ni.
August 20th, 2008 at 12:41 pm
He thu ziak chuan chhinlung hostel kawt a far thing ding filh thulh hnuai a volley ball court te, Japfu hostel chung a ni lum ai nawm zia te,sensiar hostel thlen hma deuh a saman-i dawr a dozem ei te, zan lam a mei han chhem a persara hostel kawt a leikapui style a han zai ho ham ham te!! min hriat chhuah tir!!
saramati hostel han luh a dam duk mai ,,mahse, STD booth awm na a hnaih avanga len luh rem ve tak thung si te, zan lam a STD hmang tur a hmeichhia ho hun pek hmasak a,meitei ho in a hu hova inrim na an hmang emaw tih tur a, kawng sir an tru trup trin te…………
Pu Johnny a kha la awm tak maw!!
Pu Thara te in a zirtawp zan a ‘nilai leh beihrual thupui’ han khel ho te ..a tam mai,
sawmtea chu lainat awm hle mai..a thianten in ui zia tur pawh a hriat thiam awm khawp mai!!
August 21st, 2008 at 9:14 am
thats one of my fav. songs
August 26th, 2008 at 4:11 pm
Sawmte a va hunlo tak em! I boral ni atang khan e kan thiannu hian zantin i phone call chang in a hun a hmang a. Ka rawn haw hunah parcel in tha takin ka rawn in pack anga; keimah ka rawn hawn dawn che nia i tih te khan e hetiang hun hi a thleng ang tih kan thiannu hian a ring phalo a sin.I kuang chunga “sawmte ka la phal lo a sin” tih ziakna rose par senduk a Hmangih che lantir nan a rawn dah te kha pialral atang tal chuan i rawn hmuh ve a ring a; i rauthla tal in kan thian nu mittui hi rawn hrufai se kan va ti tak em, keini chuan kan hnem theilo in hnem ngaihna kan hre mawh si lo.
I hlimthla mai a chan na a tihzia min hrilh fak renga; tih theih kan nei si lo. I ngaih thin zia te kha hetiang hun i thlen don vang hi em ni ang le tiin a ngaihtuah thin a sin.
September 2nd, 2008 at 12:42 pm
newspaper ah ka lo chhiar ve a, k hriat mi chu a ni lo na a, k ui khop mai