Nunna hi ava han hlu tak em
February 20th, 2009 11:30 am | more than words | Chris | 396 views|
|
Ka zin kawng thui tak hi ka chhut thina, ti hian ka ngaihtuah thin. Pathian hian min lo ven zia leh min lo hualhim zia hi a tharin nitin in ka hmu chhuak thin. Kum 12 mi vel ka nihin, zan khat chu ka luak ta vak vak mai a, ka awm dan pawh kha ka hre lo ani ber mai. Ka nuin azan azanah doctor min pan puia, (Hetih lai hian nikhaw hre loin ka awm tawh).
Doctor chuan in fapa hi a thluakah khawsikpui a lut anih hi atia, kha mi thu ka nuin a han hriat phata a awm dan tur kha ka ngaihtuah ngam lo, fapa mal neih chhun ka ni bawk sia (Tunah chuan Pathian zarah nau hmeichhia ka nei tawh). Ka pa lah election vangin thingtlang lamah a zin deih bawk sia.
Nikhua ka hriat chhuah meuh chuan hospitalah ka harh chhuak hlol. Thluaka khawsikpui lut tawh chu an dam chhuah pawhin mi pang ngai lo anni duh. Keimah ang natna vei dam chhuak ka hriat chu a aa, a ke pawh a bai bok. Pathianin min ti dam ani ka ti lo thei lo. Pathian hming chu fakin awm rawhse. A tum hnihnaah chuan, thingkung atangin ka tla thlaa, tah pawh chuan Pathian in min ti dam ani.
Hman ni lawk khanin, ka office bang haw, kan local train chuannain naute leh anu a chil hluma, an vanduai hle mai. Kha mi ni khan an hringnun atawp ang tih kha an ngaihtuah miah lovang. Kan hma hun hi tuman kan hriat loh zia hi ati lang chiang zual hlein ka hria. Kan ngaihtuah thin em kan nunna hi? A hlut zia hi kan hre tawk em? Kan hriselnate hi kan thu anih lo zia chu kan hre theuhin ka ring. Pathian hre lek loa, ka thei ber ta emaw in tih hi a hlauhawm khawp mai. Pathian tel loa kan khawsak theih lo zia hi I hre nawn fo ang u. Jeremia tah hlaah chuan ti hian a in ziak, “Tih borala ka awm lo hi Lalpa zahngaihna ani, a khawngaih na chu tuktin in athar zel thin“, a tia, a dik khop mai. Kan muhila, naktuk hmu leh turin kan tho leh angem tih hi tu man kan hre lo ani. Chuvang chuanin kan Pathian hi engkimah ama hnena lawmthu sawi chung zelin, in hlan nawn fo ang u. Pathianin malsawm theuh cheu rawh se, Amen.
February 20th, 2009 at 11:43 am
Tha khawp mai, kan hringnun hi kan chhut ngun fo hi a trul thrin reng a ni. Hriselna te hi kan duha kan neih ngawt theih a ni lo, Pathian a tranga kan dawn a ni a, ei leh in theia kan awm te, zing kan han tho a kan han zung tur tur thei leh kan han e thla zawt2 thei ringawt pawh hi malsawmna kan chhut ngai lem loh, Pathian malsawmna kan dawn a ni a sin, zun theih loh leh ek theih loh a vanga damdawi ina awm ta tam tak an awm.
Pathian malsawmna kan dawn zo zai te hi chhut ila, Pathian hnenah hian lawmthu sawi fo tur kan ni.
February 20th, 2009 at 11:45 am
Christe i thilziak chu thinlung a fan ngaih mai, ni e harsatna nasa tak kan tawh hnu a Pathian min chhanchhuahna kan hmuh chuan Pathian duh lohzawnga awm hi kan ngam lo reng reng, nangpawh i thilziak tam tak ah hian Pathian tih mi i ni tih a hriattheih a lawmawm hle mai.
February 20th, 2009 at 11:49 am
Hetiang thu hian mak tak mai hian min hneh awl khawp mai.
February 20th, 2009 at 12:06 pm
Kan thi dawn tih hi chu kan hre vek a,mahse thi tura han inbuatsaih hi chu a lo har ve thin bawk anih hi le…
Chris chu thlarau lam nun tui i rawn pe tha khawp mai…Pathian hi chu lo tha nih hi..
February 20th, 2009 at 2:04 pm
Thluaka khawsikpui lut chu eng natna nge? Meningitis an tih ang chi hi ami?
February 20th, 2009 at 2:13 pm
Mizovin thluaka khawsik pui lut kan tih hi a medical lam chuan ka hre hauh lo mai, mahse khawsik hlauhawm tak a ni, an kaih a an thi mai thin, a damchhuak leh te pawh in mi an ang tawh ngai lo. (Chris pawh hi in han bel chiang mah anga in hre mai ang… hehe fiamthus
)
February 20th, 2009 at 2:21 pm
@Triplestar, min han belchiang teh… min hrechiang anga min kawm duh telh telh mai ang…. hehe.. Nia, Pathian vang chauhin ani kei pawh dam leh pangngai taka ka awm hi.. Pathian zarah engmah piansualna ka nei lo tih hi ka rawn puang e… amen
February 20th, 2009 at 2:22 pm
Lapa I thu hi khawizu aiin a thlum an tih lai pawhin thihna kher kher hi chu pawmdam thiam a har teh a niang. Lungkhawkrawk karah uluk em em in Thlan kan laia, a mam thei ang ber turin kan lo dah pawh hian, Mitthi chhungten I awmna tur khu ka duh lo an rawn ti tho tho. Vaivut chu vaivutah a kir leh ang tih te hi chu a thlum em em hran pawh ka ti lo.
Nunna hlutzia chu sawi teh luam ngai lovin hrechiang em em tu vek kan ni. Chutih karah kan Zoram ngeiah pawh awlsam taka nunna inlaksak tih vel hi a mikhual tawh mawlh lo.
Where’s the Love? Where’s the Love? ….
February 20th, 2009 at 2:35 pm
@Chris, nia i testimony atang khan dam leh mipangai takin i chhuakleh tih kan hriatin misual ho hian kan lawmpui vek che in ka ring, i vannei thlawt e, Pathian hnenah lawmthu sawi mawlh2 fo rawh. Nihleh an belchiang chhin ang che aw hehe
February 20th, 2009 at 2:44 pm
Nunna hi a hlu viau naa a daih rei lo lulai em mai a nih hi mawle. Mihring nun hun chhung hi second khat atanga kum 70 a ni a, chakna avangin kum 80 pawh a ni thei. Chak leh zualna avangin kum 100 an dam zeuh zeuh bawk. Chuvangin thih hnu piah lam (life after death) atana inpuahchah hi a va han pawimawh em! Hringnun pawimawhna chhan ber hi chu kan hman danin thih hnua kan awm dan tur a hril vang a ni.
February 20th, 2009 at 2:49 pm
Correction ; *Lapa = Lalpa
mak thei mang e, ka review ve asin….
February 20th, 2009 at 3:03 pm
Triplestar, kei pawh ka lawm e, ka dam chhuah leh min lawm pui avangin…
February 20th, 2009 at 3:20 pm
@Patriot:’Nunna hi a hlu viau naa a daih rei lo lulai em mai a nih hi mawle’
Ni e tiraw, nunna hi chu a rei lo a ni, kan thih hun hi kan thleng pha hram choh a ni si a
February 20th, 2009 at 3:34 pm
***Faktea emaw Mmi emaw inkhawihthluktir rawh i ho em mai, nunphung i pawh lo, ..lol…lol.. em mai.
February 20th, 2009 at 3:46 pm
hairehai
February 20th, 2009 at 8:42 pm
Thra khop mai.. mi tih hian Pathian min hruaina leh venhimna hi chu kan nei vek a, kan hre lo (hre duh lo der??) vel mai mai ani.. mahni tawkah PATHIAN hnena lawmthu sawina tur hi chu kan nei vekin ka hria.. Va thra teh chiam lo mah ila TRAWNGTRAI a PATHIAN hnena lawmthu sawi hi chu MIHRING tih tur niin ka hria..
February 21st, 2009 at 1:51 am
ava tawi-fel ngaihnawm tik tek ve
February 21st, 2009 at 3:52 am
Isuan tehkhin thu asai a, Khumah mi pahnih an muang a pakhat kla bo pui ani ang tih hi. kan khum tak tak nise pali(4) panga(5) mu chu lak then a har awm .. mahse a sawi duh na tak chu Thlan hi ani e. Thlanah hian Ring leh ring lo mi han phum dawn ani.Khum chu mut na, Thlan poh Bible thu in mut na ani. Lo ah mi pahnih feh poh kha sawm pawh a in lawm a lawm mahse, Chanchnin tha Hril dik leh dik lo khawvel ah an awm dawn ani. Buh rawtsawm poh kha, Bible pakhat chhung ami sawi theuh theuh ah sawi dik lo kan awm dawn ani. Isuan amah ngei asawi alom a lo kal leh hun tur chu NOVA lawng ang bawk ani ang mi thlem te chauh an lut ang ati alom. kan tlem dawn ani a UNau.. chu vang chuan Thih i hluh veu leh Nova lawng ah chuang rawh, A chuan dan hetah hian lo en mai rawh 1petera 3:20. Calatia 3:27- atrang in. lalpan hlamuanna pe che u rawhse..
February 21st, 2009 at 11:09 am
lal-chris, i van ziak tha vee, ka hnuk a ulh trep a alawm
February 21st, 2009 at 6:11 pm
@patriota: khawih thluk lam hi chu ka dawng hnem tawh fuuuu a sin mimi, faktea, BDA(fam) mahse he ti reng hi kala ni, eng tin nge iang…;D
February 21st, 2009 at 7:10 pm
‘eng tin nge ni ang’ tih tur a nih hi… mak thei eee
February 22nd, 2009 at 11:41 pm
Nunna hi Pathian-in a nunna thaw mihringa a thawk luh a ni a; nunna source dang a awm reng reng lo. A hlu tih ngawt hian a hril fiah seng lo! Nunna hlutzia hre chiang bertu chu Nunna Petu Pathian bawk a ni. Hrethiam chuan nunna Petu a worship lo thei lo; thihna anchhia an tawh hnuah cheu pawh Krista kaltlang chauhvin THAWHLEHNA THUTIAM min hnutchhiah ta reng a ni. Chu chu Ringtute tana Blessed Hope a ni bawk.