Belated KumThar chibai, Misual ho. Thu ziah hi ka thiam teh fahran lova, ka ziah thiam loh leh tawngkam thiam loh zia chu, Gothica te, Viking te hian an hre chiang khop mai. Engpawh chu ni se, a hmasain min lo hriat thiam na ka dil a che u.
He ka ngaihtuahna hi in lo ngaihtuah ve thin ang em ka hre lo. A then chuan in lo ngaihtuah ve ngei thinin ka ring. Hringnun lamtluang kan zawhnaah hian, kan rin phak loh loh a tha leh a chhia kan tawng vek ang ti ila ka sawisual ka ring lo.
Thil tha kan tawh chang hian enga ti nge kan hlim em em thin? A tha lo kan tawh hian nga ti nge kan nguiin, kan chauh hnawp thin le? A tha kan tawn hi chuan sawi tam vak pawh angaiin ka hre lo, kan lawm thiam tlang theuh in ka ring.
Mahse a tha lo kan chunga a thlen hian engati nge kan kun reng thin? tih hi ka ngaihtuah thin a, a mak ka ti khawp mai. Heng kan thil tawnte hi eng vanga kan hmachhawn tura awm nge tih hi kan zawhna ni ta se, eng tin nge kan chhan hlawm ang le?
Pathian thuin, “Engkim in ta ani” atia, engkimah hianin a tha leh thalo a tel vek ani. Tin Joba, a harsat/nat lai ber pawh’n, “Pathian hnen atangin a tha pawh, a thalo pawh kan hmu tur ani lo em ni?” ati anih kha.
Keiniin eng tin nge kan tih ve ang, he dinhmunah hian awm ta ila? Pathian kan mawhchhiat duh mai long maw? A chhan leh vang awmlo hian kan chungah hian Pathianin ro arel ngai siloa. Kan thinlung theuh hi i han X-Ray teh ang u.
Similar Posts:
- Lalpa I hmangaih ang chiah khan Lalpa’n hmangaih ta che se la!
- Valued system…………
- A tuar ngam reng kan awm lo
- Sam 37:5 leh 6 hi lehlin dik lo a ni thei em?
- I fa te khawiah nge an awm? (Nu leh pa ni tur te tan pawh)
February 1st, 2009 at 10:27 pm
e lalmisualpa i awmve animaw
Report this comment
February 1st, 2009 at 10:45 pm
Apostol-te khan Pathian Thu an tlangzaupui lai tak tak khan Thuthlung Thar Bu hi a la awm lo va; “according to the Scripture” tih reng reng kha Genesis to Chronicles (tunlai Judaten TANAKH an tih) hi a ni thin; Genesis leh Chronicles inkarah hian Historical writings leh Prophets-ho an awm tho va; Kristian-te hian a bu chheh dan hi kan tidanglam ta hret a; Genesis to Malachi a ni ta mai pawh a!
Beroia khuaa mite pawh khan TANAKH hlir kha thuchah finfiah nana an keu thin chu a ni (cf. Acts 17:10,11). Thuthlung Thar Bu hi chu tlaikhawhnu-a chilhkhawm a ni chauh, Thuthlung Hlui-a sawilawk (prophesied) Messia kha —a thlen dik chianna ziakna Bu, Thuthlung Thar kan nei ta a; thlamuanthlak takin a famkim lehzual ta a ni e. Hriat kawp a ngai khawp mai; Thuthlung Hmasaa an tihdan (type) kan hriat chian fekfawk chuan Thuthlung Thar-a a nemnghehna (antitype) kan chiang lehzual dawn a lo ni; rinna hian thutakah zung a kaih nghet ngei ngei tur a ni.
Report this comment
February 1st, 2009 at 11:43 pm
chawnghilh thuthlunghlui hi thuthlungthar nen an inzawmna lam hi i chhui ngai em? official lo taka kalo ngaih mai mai danin thuthlung thara ringtu kal dantur tamtak hi thuthlunghlui ah hian chetzia in an entir niin ka hre thin. entirnan thlalera mosian dar rul a khaikan te, uire lunga denhlum tih te, van atanga manna lo tla te, so and so many more.
Report this comment
February 2nd, 2009 at 11:29 am
Isua pawh khan Judate thurochhiah leh Mosia dan bu te pawh a chhiar thin a, thuthung thar hi chu tlai khawhnu deuha lakkhawm a ni. Thupuan bu di AD -95 vela Johana’n Patmos thliarkara Isua inlar a hmuh chanchin a ziah chhuahna a ni a, tun thlengin he thliarkarah hian Johana chenna pukte pawh ala awm.
Juda-ho chuan Mosia lehkhabu pangate Genesis to Deut.) Pentateuch an tihho kha an ngaisang hle a, tin, chanchin ziahna bu leh zawlneiho chanchin tarlanna (Nebii’m & Kethubii’m)te pawh an chhiar nasa hle. Isarel thlahte Palestina awm, an tawng thiam tawh lote tana an siam Bible (Septuagint) ah erawh an then dan a dang mai thei e..
Report this comment
February 3rd, 2009 at 7:40 am
@funny : Thuthlung hlui hi Thuthlung thar nen an inzawmna lam hi i chhui ngai em? Official lo taka ka lo ngaih mai mai danin Thuthlung thara ringtu kal dan tur tam tak hi Thuthlung hluiah hian chetziain an entir niin ka hre thin. Entirnan, thlalera Mosian dar rul a khai kan te, uire lunga denhlum tih te, van atanga manna lo tla te, so and so many more …
i rawn tarlante khi Theological term takin ‘TYPES’ an ti ve reng a ni. Tichuan, Thuthlung Thara a thlen dikna CHRIST CENTERED zel ni bawk kha ‘ANTI-TYPES’ an ti ve leh mai a; Literature subject-a la i nih chuan Criticism subject kha Bible zir nan i chhawr tangkai thiam thei hle ang.
Mizo hmeichhe infiamna INKAWIBAH ang takin han sawi ta ila; Thuthlung Hlui-a BI ZOZAITE kha; Thuthlung Thar-ah KAWI an rawn inchhawng chat chat hlawm zel ang. Thanks for the inspiration, to you @sillyboy too.
Hlate (Psalms) pawh Nebii’m leh Kethubii’m bakah khian … TORAH, HISTORY, HLA, ZAWLNEI lehkhabute chungchang pawh Kleopa leh a thianpa hnenah khan a kawhhmuh, hetiangin,
“Tin, an hnenah, “Heng hi ka thu kha a ni, Mosia Danah te, Zawlnei Lehkhabuah te, Fakna Hla Bu-ah te ka chanchin ziak a piang a lo thlen turzia in hnena ka awm laia ka hrilh thin che u kha,” a ti a. Tichuan, Pathian Lehkhathu hriat nan an thinlung a tifing (opened) ta a… (Luka 24:44,45)
Luka 24:27-ah pawh, “Mosia leh zawlneite zawng zawng lehkhaah a tan a, Pathian Lehkha zawng zawng ama chanchin ziak apiang chu anmahni a hrilhfiah zel a,” tiin.
Thuthlung Hlui-ah CHRIST CONCEIVED a ni a; Thuthlung Tharah CHRIST REVEALED a ni thung. Bless you and yours —guys!
Report this comment
February 3rd, 2009 at 3:40 pm
chawnghilh kawi INKAWIBAH i tehkhin khi dik ka ti lutuk.
literature subject la chu nilove, bakah thuthlunghlui hi chu naupan laia ngaihnawm tih vanga ka chhiar bak kha ka chhiar tlem khawpmai. thuthlungthar hi chu ka keu phar nasa ve angreng a mahse a bung leh chang lam zawng erawh chuan ka chhinchhiah ngai lemlo, rinna lampang zawng hian ka criticize ti ila a dik ber ang, keima thiam ang tawk tawk in kalo zir ve mai chauh zawk ani e, a History leh literature lam aiin.
Report this comment
April 16th, 2009 at 8:38 pm
V-a US misual hian thil tha tak tak a va rawn fun hnem ve. mahse, mahse kan tih sak te’ng,Kristaa hlimna tur chu min tlanna hi ni se chu chuan midang chunga thrat chhuah a keng tel ngei tur chu a ni ang. Tin, lungngaih lai laia midang lawmna siam sak tura phek chhuak thei tur mihring hi kan awm meuh dawn em maw ni le. a practicable ka ti tlat lo, Krista meuh pawh kha lungngaih vanga thlan thisena chhuak hial a ni si a
Report this comment
July 26th, 2011 at 11:28 pm
ÑÍÎÑ ÄÂÓÕÝÒÀÆÍÛÕ ÄÎÌÎÂ…
minny…
Report this comment