LAWNGTLAI:- Lawngtlai Area High School sport neih a ni a. Tukin zing dar 11:00 AM khan Sport chu tan a ni a. Heta tel ve, Dickson-a (kum 17), S/o Lalnghaka, Paithar High School a Class-IX zirlai chu Basketball court sira entute thutna siam hnungah chuan “Ni a sa em mai” tiin hahchawlin a thu a.
A chunga thutna ah chuan hmeichhe naupang pahnih hi an thu bawka, anni chuan a hnung-danna bang chu an han ngheng deuh a, a chim ta mai niin an sawi. (See Illustration) . He bang chim hian bang phen daihlim a thu Dickson-a chu zu delhin, nikhaw hre lovin a awm nghal a, rang taka Civil Hospital panpui a ni na in, a hliam tuar lovin a boral nghal a ni.
School Sports pawh chawlh lailawk nghal niin Dickson-a ruang hi an khua Paithar ah phurh nghal a ni a. Lawngtlai DEO pawhin hriattirna siam nghalin naktuk zirtawpni hian a sun nan High School zawng zawng chawlh a puang.
Pavilion Contractor hi Lunglei lam mi niin, a contract thawh ah hian Rod a hmang lo niin a hmuna kal ten an sawi a, Cement chhungah hian Rod hmang lovin, a ban ah pawh rod hmang lovin Mau an phum vel mai mai tih an sawi bawk. Lawngtlai DC Pu. Ralkapa pawh a hmunah a kal nghal a. Contract thawktu hian rod hmang lova, mau te a lo hmang mai mai hi a lungawi lo hle a, he thihna lo thleng hi pawi a tih thu a sawi bawk.
Contractor hming leh address hi heng phone number ahte hian zawhfiah chuan a hriat theih mai awm e:-
DC Office Lawngtlai : (03835) 232655, 233292, 233298
Project Director, DRDA :- 232310, 233209
(Illustration by Collins. Story based on actual eye-witness account. sorry, no photo available) Large pic here https://img16.imageshack.us/img16/6539/16836759.jpg
.
Similar Posts:
- Zirtirtu Faktlak A Ni Em??
- Chetchhiatna 2
- Mizoram Inter District U-19 Football Tournament 2012
- MBSE HSLC 2013 Result
- MZU Sport Board an demawm
February 26th, 2009 at 9:18 pm
A va pawi ve le, Contractor chu va ti ho ve o, tiang hi thleng fo tawh lo se ka va ti m ooooo.
Report this comment
February 26th, 2009 at 9:28 pm
Va pawi ve a. Contractor chu a va thawk chhe awm ve, hrem roh se. Karimganj vai mistiri+mau. Terrific combination.
Report this comment
February 26th, 2009 at 9:29 pm
Chhim lamah hian contractor ho hi an va phei a,hna hi chhe deuh hian an va thawk a.A va poi ve aw.Ka khawngaih hle mai.A barakhaih ngawt ang a chhungte.Pathian in a chhungte awmpui zel rawh se.
Report this comment
February 26th, 2009 at 9:33 pm
Contractor chu a dem awm ngei mai a. Dem tur pawh ani bawk. Chutih rualin Contractor te hnathawh endiktu tur Sorkar lam atangin an awm tih hriat bawk tur ani a. Contractor hnathawh endiktu te hi hrem tel ngei tur chi bawk an ni ang. Kan tihdan tam takah hi chuan a thawktu leh a endiktu lam Sum hmangin kan invawm lungawi a. Hna hian a tuar thrin ani. Inhrem kan ngai niin a lang. Thuneitute hian a hremna lam hi lek ngam sela kan thrat phah ang.
Report this comment
February 26th, 2009 at 10:07 pm
Vawselapa ka thlawp e. Sawrkarin (department)-in duh dan tlangpui an nei ngei tur a ni a, tunlaiah chutiang mau mai mai chu an approved ka ring lo. Chuvangin a mawh phurtute hi hrem ngei rawh se. Sawrkar pawh hian mahni mi leh sa siam nana tute emaw contract an lo pe a nih pawhin a hna (project) kha pawimawh number one a ni tih hi hriat a tha hle mai. Mite nunna hialin a tuar phah phei chuan a Pawi tak tak a ni.
Report this comment
February 26th, 2009 at 11:33 pm
Tlem lai deuh khan Minister Dr Lalzama kawmthlang lawk (Aizawl-Bawngkawn), LAD hnuaia construction — footpath & railing a chim huk a; naupang pakhat a delh hlum tawh a. Local Administration Department mualphona ni ngei tur a ni. An repair lawk lo bawk, tunah khian repair tawh tak ang maw?
Range Assam Rifles Gatepui bul lawk (Khatla-Bungkawn)-ah lungrem a chim thut mai a; mi 4 vel em ni ta kha aw? —a hmunah an boral nghal a. PWD (Road) lam chan a nih a rinawm a. Eng reaction nge an lak zui tak le? Mipui hian kan hre ve ngei tur a ni —transparency kan mamawh!
Sports & Youth Services Department lam chan ni ngeiin Lawngtlai Pavillion nghenchhan chima chhiattawhna lo thleng ta pawh hi a rin theih a ni. Contrator chauh hi em ni mawhchhiata a chungthu ngaihtuah ngaia awm tur chu? TEUH LO, accessories zawng zawng chungah zilhna nem lo a awm ngei tur a ni dawn lawm ni?
A chunga Contractor-te reng reng khian an duh ang thala a ruka chettlat theihna kawng riau an nei em ni? An hnathawh dawrawm tak ang khi nunna hloh nana hman hial a nih si chuan … kawngkal fel leh rinawm taka hna thawh dan a awm ve ngei chuan a rinawm si.
Contractor hna thawk tha lote hi engtia tih zel tur nge ni ta ang? Vets Office pawh hmanah khan luah tura peihfel a nih tawhin bungraw thiar luh dawn tepin sawprawp taka a tlukchhiat tawh bawk kha!
Contractor-te hian Mangkhawng hi kam fo suh se! Tun tuma lung/leirawhchan rem chim hi MNF hun laia hna thawh nge; Congress hun laia hna thawh? Inmawhchhiattawn lah hi kan tum ran hlawm a —printing & Stationery Building chhuat chung su dul dul vanga inthair chhuak tia thawkkhat laia Chanchinbua rawn lang pawh kha SIAM THAT (renovate) a nih tawh leh tawh loh thu kan hre zui tawh bawk si lo! “Kha Building kha Brig T Sailova hun laia sak, Lal Thanhawla inaugurate a ni,” ti mai maia thamraltir turah ka ngai lo!
INMAWHCHHIAT kual kawia hun tam hman hrep ai chuan; SIAMTHAT vat vat hi a kawnghmang zawk turah kei chuan ka ngai a. “Hna thawk lo chuan ei pawh ei suh se,” tih a nih laiin “Hna thawk tha lo chuan a phu tawk zilhharhna tawng ve ngei se,” —chu chu tha in tih ve ngei ka ring. Mi ram lungrem hi ka chik chiang thin; Zopa contract hna thawh a ni lo chiang khawp mai!
Report this comment
February 26th, 2009 at 11:48 pm
General Diary engtia ziah (maintain) nge a nih? Hmeichhe naupang pahnih —bang ngheng chimtute chu Police-ten engtin nge an tih ve le? Contractor leh he project-a Supervisor (JE, SDO) chungah eng action nge lak a nih dawn? Sports etc., in-charge Minister-in engtia hmalak nge a neih tawh? Paithar hi Lawngtlai atangin khawi lam direction —engtia hla nge?
High School zawng zawng chhuti leh phungthluk inralna maia chinfel chi a ni lo ve.
Report this comment
February 27th, 2009 at 12:49 am
He thil thleng hian ngaihtuahna ati thui hle mai. Contractor thenkhat te hian an hnathawh poimawhzia hi an hre lo fo thin nge, sum duhna hian ati a zawk? Hman kuma Khatla a bang chim te kha kan la hre theuh anga, Capital Complex lung rem chim kha..Mizo tlangval pawisawilo nunna kan chan kha… Kan sorkar thar ah hian hengho hnathawh dan hi uluk zawka enfel thin ni se ka ti ngawt mai!!! A pawi thin hle mai!
Report this comment
February 27th, 2009 at 2:05 am
A va lungchhiatthlak in a va zahthlak em!!!!!!!!!
Report this comment
February 27th, 2009 at 3:13 am
“Pavilion Chim” han tih ruap mai kha atirah tak kha chuan ka ngai rapthlak OVER lehzual a; BLEACHER ang chi zawng zawng chim huam mai turah ka ngai a … ka rin ai daih chuan a lo ziaawm a … a nghenchhan bal nin nian (a entirna lem nena ka han thlir chian tak hnu chuan) a lo ni zawk a. A lema entir a nih ang hi a tak a nih ngat chuan basketball court sira pavilion pawh hi a sikhaw chikim vekin ka hria; a thatchhe arbawm khai — lu pan hna thawh hrim hrim a nih hi maw le!
Lunglei-pa chu Running Bill a la hnem hman tawh ang em aw? Chanchin han chhiar hian, December thla tir lawka General Election nei, tun dinhmunah “ZNP Lunglei —Vanneiha Hnamte kaihhruaiten Congress zawm,” tih vel a rawn lang leh mai te hi … kan delh dulhzia, thlengtlawrzuan nunram a va la lang chiang thin tak em!
Report this comment
February 27th, 2009 at 3:16 am
mi thi chu khawngaihtlak ve maw… mihring in kan hun kan hriat loh zia mai hi…kal na tur chian chian loh phei chuan….
Report this comment
February 27th, 2009 at 3:25 am
An VC thin kha cancer-in a boral achha a ni tawh ber a (a khua chu thupin, kamtam lo mai ila) — a tu leh fate pawhin an tah leh laih thin a … “Ka pu, Boral ta hlauh la, i thla a muang em?” tiin, tap hawm hawm chungin an han zawt leh ngawt thin! Ani chuan, ban chelh chawlh, na tuara then tawk tawk pah hian, “A khawi lam lamah pawh … kal … dawn … ila … ka thla … a muang e …” tiin a chhang.
Cancer hi thih nan a tha ber, inhmakhuana hun a awm deuh an ti!
Report this comment
February 27th, 2009 at 3:46 am
va rapthlak in a van lainat awm ve le…
a contractor mawlh chu a ruk pawh nise rod em em han ei zawh tak mai chuh. A ni’ng Ha nei thra te hi an pung zel a em le?
Report this comment
February 27th, 2009 at 3:55 am
comment #7 Chawnghilh: I ti thra lutuk. hnampui zokte chuan dan ang in thiltisualtu chungah hremna an thlen mai thin. Thudik a tran ngam loh na hian Dawihzepna leh vai chhiatna rapthlak zawkah min hruai lut thin.
Report this comment
February 27th, 2009 at 9:01 am
We are a bunch of cowards, cant muster up enough courage even to take the kind of action we want to take, to say the things that we want to say. Its hard to say whether this is due to the influence of our so called christianity or our ancestors weakness which we carry on till this day.
Mi hmaizah hi kan tina lutuk a..hrem awm hliah hliah pawh hi kan chhuahzalen leh mai zel. Manipur-a an stadium sak a chim tum te khan contractor chu an kahhlum hmiah mai kha maw le. Keini chu kan dawihzep..dik tak chuan mi sawmhnih pawh thi sela, there wont be a single soul even to land a punch on the contractor.
Kan Mizoramah ve lah hian mihausa tan Jail tan a har phian lehnghal a.
Report this comment
February 27th, 2009 at 9:05 am
A pawi hle mai, a contractor hming leh address chu rawn tarlang teh u lem.
Report this comment
February 27th, 2009 at 10:13 am
He vanduaina a mawhphurtu ber chu Contractor chu a nih chian chu!!!! Hetiang ang mi hlemhle lutuk leh tenawm taka hna thawk thin te hi ram hmelma lian ber an ni. Sorkar in a phu tawk hremna pe ngei rawh se…. murder case awrh hial awm niin ka hria.
Report this comment
February 27th, 2009 at 10:20 am
Contracator Hming UPDATE:-
______________________________________________
Name of Contractor : Sanghmingliani Lunglei Chanmari
Thawktu: Thangzuala. Zobawk. Sangi hian a thawhtir.
A leitir ani mai thei bok. 2006 ah complete a ni. Sports Council hnuaiah.
Lawngtlai DC in condolence pawisa Rs. 60,000/- a pe.
A nghenchhan hi metres 30 vel zeta sei ani a, a vaiin a chim vek. A lem ah khan tlem chim angin entir ania. A vaiin a chim zawk e.
Dickson-a hi kum 14 chauh a ni zawk.
Rod hmang lovin mau hman a ni.
Mau pum pawh ni lovin mau an phel a. rod angin an hmang.
Contract thawktu chhungte lam atangin engmah tawngka dawn a la nilo.
______________________________________________
Report this comment
February 27th, 2009 at 10:28 am
Hmeichhe naupang pahnih pawh dawl lo stadium neih chu ava hlauhawm ve le!! Mi tam zawk an thih hma in Diksona’n a tuar ta hlauh va, a thihna hian midang nunna chhanchhuak ngei se ka va ti em!!
Report this comment
February 27th, 2009 at 12:14 pm
siam thra lo deuh ve maw le!!!!
Report this comment
February 27th, 2009 at 1:35 pm
Contractor leh a hna siamsaktu leh petu ni bawk sawrkar thiam loh niin keipawh ka hria. Mahni chenna tur sak nana kan duh miah loh tur hmanraw chhe tak tak hmanga mipui vantlang hman tur kan han sa thin hi chu a pawi a ni. Dan hmanga hetiang contractor hna thawk tha lo te hremna hi khauh taka lek kawh ni tawh rawh se.
Report this comment
February 27th, 2009 at 2:05 pm
X_MAN_19 : DC hming hi Thlamuana ni xok
Report this comment
February 27th, 2009 at 2:07 pm
chawnghilh : paithar atranga lawngtlai hi 20 km vel ni mai thei. saiha kawngah
Report this comment
February 27th, 2009 at 2:11 pm
Khawdang atangin thiam zir turin a kal a, a tan thihna a lo ni zawk si……aw ka va han lainat ve…..!! a va han vanduai ve le…
Report this comment
February 27th, 2009 at 2:19 pm
mi pakhat nunna chan ngai hrim hrim ni se chuan a contractor fapa hi delhhlum zawk ta se an in beat zawk ang a te ka ti mai mai. A sum duh na lamah a fapa nen a thleng ani ve mai a..
Report this comment
February 27th, 2009 at 2:27 pm
Ava pawi thin e ,poisoi lo an thi leh ta ringawt mai..!!!
Report this comment
February 27th, 2009 at 4:47 pm
A va zia love aw..He pavilion hi ahma ami ang bawk khan siam tha leh sela…Tichuan he hmeichhe naupang pahnih awmna ah hian he contractor fate hi thuttir ila,a hnuai Dickson a awmna ah hian a mah awm tir bawk ila..tih te ania ka ngaihtuah vel mai mai ni kei lalmisuala hian…
Report this comment
March 3rd, 2009 at 12:45 pm
Pavilion chim video https://www.youtube.com/watch?v=bNKXDvTQOi8
Report this comment
March 3rd, 2009 at 7:35 pm
kan in ngaidam leh ngawt dawn? It seems that’s what we always do anyway.
Report this comment