Mi bikte hi chu he leia an sulhnu lo hnutchhiah hlu tak tak vang hian hriatreng an ni fo thin a. An puala hun buatsaih pawh hi an phu hliah hliah bik.
Feb. 12, 2009-a mual liam ta, hlaphuahthiam Biakdika (BD-a) hriatrengna hun LPS leh Evening Post-in a buatsaih BD-a Nite chu Feb. 27 (Zirtawpni) zan hian LPS studio-ah neih a ni dawn a, he programme hi live-a pekchhuah a ni ang.
BD-a Nite ah hian Pathian fakna hla leh lengzem hla, BD-a’n a phuah, zaithiam hrang hrangin an lo sak tawh thin chu Youth Icon 2006 & 2007 top 10 ami ten an sa dawn a, Mizo mipui tana hla tha tak tak hnutchhiahtu BD-a hriatrengna hun atan hian hemi zana zai tur te pawh an inbuatsaih uluk hle a ni.
Hla mawi leh tha tak tak a phuah avanga a hming dai tawh ngai lo tur BD-a hian natna hrehawm tak tuara a huntawp a hman hnuah a hlaphuaha a ngaih thu a lo sawi fo tawh, atana Salem Thar buatsaihtu Hawilopar Mawi Isua hnenah min lo chawlhsan tawh a, Damna Kim awm lohna he leia a kalsan takte chuan kan tana a hnutchhiah a hla hmanga chawimawi let ve theihna leh amah kan hrereng tih lantirna atan BD-a Nite ah hian amah ngaisangtu leh uitu zawng zawngte a hmunah tel thei lo mah ila, LPS kaltlangin TV lamah en theih a ni dawn a, internet lamah you tube kaltlanga en theih tur pawhin a buatsaihtute hian hma an la mek a ni.
He zan hlu tak, a hla hmanga Mizo mipuite lo awi tleitu BD-a hriatrengna hi zan hriatreng tlak ni turin amah BD-a hla hrang hrang chu Youth Icon atanga an aw leh hmel kan lo hriat tawh – Zoramchhani, Malsawmtluangi Fanai, Lalhmingsanga, K. Lalremmawia, Zomuanpuii, Joy Zairemmawia, Josephine, Danglovi, Mali, Joseph, Rinkima etc. ten an sawi dawn a ni.
Similar Posts:
- Youth Idol Roliana Ralte Nite hman zawh a ni ta
- Youth idol kal chho mek zel
- Youth Icon-in banna thehlut
- Pafa ka ngaihsan Saiawi pafa
- Vote Mary Kom for Pepsi & MTV Youth Icon 2008
February 25th, 2009 at 1:50 pm
BD-a kha chu uihawm ngawt mai. A chhungte tan a lunglen thlak duh ngawt ang le.
Khitiang ang proggame hi an hmang hma lutuk deuh ani. Tlemin han rial deuh se. te ka ti vel mai mai. A hlu leh zual ang.
Zaithiam ho chuan, a hla phuah ho chu -SA- lovin an -SAWI- dawn a maw ?
Report this comment
February 25th, 2009 at 2:09 pm
BD-a hi a fakawm ka ti a, a hla phuah thu leh hla te hi atha thei hle a, Mizote hian kan chawimawi a phu ve hliah hlaihin ka hria.
Athupui hi ka chhiar a,”Hlaphuahthiam Fam BD-a Nite” tih a ni sia, BD-a Nite(Apa farnute) ho chanchin chhiar tumin ka rilruah a lo awm a. A nite ho tumah an hming chanchin a lang bawk si lo a, BD-a hriatrengnan hun an hman dan tur an rawn ziah lah hi zanlam a ni lawi bawk si a, chupawh zan-1 choh a nih hmel a, “Nite” an tih chuan ni-1 ai tlem lo tur ni ngei in a lang a. “Nite” tih hi a lai hut in ka hria. A thlak dan mawi zawkte a awm thei lawm ni le?
Report this comment
February 25th, 2009 at 2:32 pm
A tha khawp mai. Amaherawhchu, engatinge mite hi an damlaia kan chawimawi loh a, an thih hnua kan chawimawi vul lek chuk thin hi. Kei ka ngaihdanah chuan dam lai ngeia chawimawi phute chawimawi hian awmzia a nei zawkin ka hria.
Report this comment
February 25th, 2009 at 3:39 pm
BD-a bawk chu… ka va han kham tak.. chanchin dang post tur a om thlot lo a niang…. huihamzzzzz
Report this comment
February 25th, 2009 at 4:45 pm
constantinexx, i lo kham chu a va pawi ve,keini chuan kan kham lo a sin,Bda hi ka ngaisang a,ka ui ngawih2 bawk,tunlai hla phuah thiam ah chuan ka ui ber leh ka ngaihsan ber a ni,hetiang a a pual a hun neih hi a phu ber pawl a ni awm e.
keini thi ve ta i la kan ram tan hian hnutchhiah kan nei tlem awm mang e,Bda zawng hla ropui tak tak min hnutchhiah a,a hming hi a chuai tawh lo ang.
Report this comment
February 25th, 2009 at 4:57 pm
@llmsailo, i ngaisang a, a tha, kei pawhin ka ngaisang ve tho, a hla pawh tha ka ti ve tho, tunlai mizo website visit na apianga an rawn post chhen hi ka kham tihthu mai a ni e.
Report this comment
February 25th, 2009 at 5:31 pm
Dam lai a hriatrengna programme insiamsak te chu a hit lo eee…lolzz
Tak takah, BD-a chu a uihawm khawp mai. A buatsaihtu te an fakawm in an inpekna a ropui hle.
Amaherawh chu ‘Nite’ an siam hma thei luttuk hi chu, mipui thil theihnghilh zung zung thin te hian an theihnghilh hma a buatsaih hi a buatsaihtute hian tha an ti zawk em ni chu aw te ka ti deuh…..mai…..mai!
Report this comment
February 25th, 2009 at 5:45 pm
Fam tih ringawt hian an hmang ngai ami “famta” or “fam ta” an ti deuh kher thin in ka hre sia
Report this comment
February 25th, 2009 at 5:59 pm
Viking sawi angin kumkhat tal (anni.) vel chu ni thei se tha zawk mai awm mang e…te ka lo ti ve mai mai teh ang.
Report this comment
February 25th, 2009 at 6:32 pm
engemaw huau huau natur an duh ve hrim hrim a, han tih chhan mai tur an hriatloh na lamah BD-a nite an ti ta mai mai ni awm tak ani.
Report this comment
February 25th, 2009 at 9:25 pm
A va hma thin ve le…. Midangin min tih khalh ang ti niawm taka han tih thut mai chuh! Ka pi ka fuihpawrh dawn… Phal suh ka ti dawn chiang mai. A nupui tan pawh hrehawm a thuahhnih dawn em mai. Chutah, zaithiam ni mang lo, zawnchhuah chawp ho in hun an la hmang dawn zui. Chuan, a vui ni hian LPS leh Evening Post lam mi ka hmu miah lo che u!!!
Report this comment
February 25th, 2009 at 10:39 pm
a talent neih te hi chu thu khat, a bula awm hi a nuam in a zangkhai hle a, ti ti thiam tak leh chapo lo tak a nihna hi a ui awm zual……
Report this comment
February 25th, 2009 at 10:42 pm
Money Manufacturing lamhawi zawnga sumdawngte chetna hi … A TRIBUTE TO … de de de…. lam zawngin thenkhatin kan lo ngai mai mai ve tho bawk a. Naute lem pahnih (two dolls) pawh an lo siam vat mai a … an hming an thlak leh ta mai bawk a … SUMDAWNNA SENTIMENTAL rawngkai a ni mai alawm!
Thlirtuten kan la lungrun zawkin ka ring.
Report this comment
February 26th, 2009 at 7:24 pm
wonderboy dam laia hriatrengna programme lam ka sawi lo e aw. Nite lam ka sawi lo. Dam laia inchawimawi theih reng, thih hnua kan in chawimawi vul chuk thin hian awmzia a nei tam loin ka hria a ni zawk e. A dam lai khan chawimawi nita se nasa takin awmzia a nei zawk ngei ang.
Report this comment
March 17th, 2009 at 9:29 am
Mahminga… chawimawi an tum mek laiin a thi poh a ni thei a, chulovah tuman dam chen tur kan hre hlei nem…… chuvang chuan damlaia in chawimawi don chuan… mijong2 lo piang chhuak hi an kum1 birthday ah chawimawi vek se ni mai…
Report this comment