Zohnahthlak ah hian hnam hrang tamtak kan awm a, tawng bil hran pawh tam tak a awm a ni. Chin Hills leh Mizoram leh Manipur zohnahthlak te khawsak na ram ah hian tawng dangdai tak tak a tam khawp mai, in hnaih leh inzul tak tak an ni vek hlawm bawk.
Mizoram ah hi chuan a tlangpui thuin, Mizo tawng kan tih mai hi kan hmang tlang vek ti ila, a sual em em lovang. Burma Lai tlang ah chuan Lai/Pawi tawng an hmang tlangpui bawk anga, Tiddim lam ah Paite chutiang zelin. Mahse, Chin Hills a Thantlang Township chhung a khawsa, Dawn (aw ah thlukna a awm) ho khi an dangdai zual khawp in ka hria.
Chhungkaw khat ah pawh an mipa ten Mizoram a Mizo tawng kan tih hi an hmang vek a, an hmeichhia ten Pawi/Lai tawng an hmang vek thung tlat an tih hi a ni. A dangdai ka ti em mai a, ka han post mai a ni e. Nupa an in biak pawn pa berin Mizo tawng a hmang anga, an nu in Lai/Pawi tawng an tih tlat pek chu. Ka hriat hi a dik turah ka ngai ngawt a… dik tak maw.
Similar Posts:
- Zohnahthlak inpumkhatna kawnga Ralteho entawn tlakzia
- Kuki State leh Nomenclature
- Chhulkhat chhuak inenhranna hi!
- Hnam Vs Ram
- Eng hi nge Mizo Tawng chu?
February 20th, 2009 at 2:16 pm
Va mak tak ve, mizo tawng chu an hnam dan chuan ‘mipa tawng’ deuh a ni tihna a nih dawn chu.
February 20th, 2009 at 2:17 pm
comment hmasa ber ang,,amak awm hle mai aaa!! eng because vang nge niang aw!! ,,…off topic daih eng tin nge in thu thawh ah hian pic vel hi in post tel thin reuh le,??!!
February 20th, 2009 at 2:18 pm
hmasaber leh lo ani maw,,2 na..no offence
February 20th, 2009 at 2:24 pm
A ni ngawt tak mai. Hei hi thil awm tak tak a ni a. DAWN rama Pathian thuhril Evan pakhat pawhin a sawi uar khawp mai. Thil mak tak chu a ni vein ka hria. Ram dangah hetiang hi awm ve tak maw..
February 20th, 2009 at 2:25 pm
Keini chhung vethung chuan Mizo (Lusei) tawng leh English kan hmang pawlh nuai mai. Kan thiante erawh chuan English leh Hindi an hman pawlh hrep bawk.
February 20th, 2009 at 2:29 pm
Kan chhungkua chuan mizo tawng bak kan thiam lo
@ #2 kei pawhin ka thiam bik lo he he
February 20th, 2009 at 2:31 pm
Kei pawh a mak ka tih zawng taka ni. Engpawhnise hmeichhia leh mipa inthliarna a awm a nih ber mai chu.
February 20th, 2009 at 2:40 pm
Mizorama inhlawhfa a an mipa te an kal tin vang in mizotawng an thiam a lawm
February 20th, 2009 at 2:40 pm
Patriot, ka thu dawnna chuan, in lungrual tak chu an nih lawi thu a sawi tel mauh mai.
Zorunpui, i hriat belh lo maw, hemi te chanchin hi…mak ka tih zawng tak a ni. Triplestar sawi ang deuh khian, Mizo tawng pangai hi Mipa tawng ang deuh, Pawi/Lai tawng chu hmeichhe tawng ang deuh a an han neih tlat mai hi a mak dangdai ve tlat asin…
February 20th, 2009 at 2:52 pm
HV inthliarna chu a awm chiang alawm, inlungrual takin an inthliar kan tihram teh ang.
A chhan bul bal hriat ka chak khawp mai a!.
Tripura Ambasa-ah hrangkhawlho lungphunnaah ka kal ve a, mizo lengkhawm hla ngawt an sa a, mizo tawng thiam lo pawhin an sa thei vek mai nia. Anmahni tawngin hla sak tham an nei ve lo a ni awm e.
February 20th, 2009 at 2:56 pm
chakawm khawp mai… kalo zawt chiang dawn nia… chepa hian a hrechiang lo maw le!!! Hrangkhawl ho hi classmate ka nei nual tawh a, Shillong lehkha zir lai khan…. thlahtu hmun alawm kan nih, an ti ve tlat.
February 20th, 2009 at 2:59 pm
Patriot, ka zawh hma a ka sawi theih chu, ka post ang khi a ni hrih mai e…. a mak dangdai a ni tawp. Chhungkaw khat lek chu nise ka hrethiam thei, a khaw nawt ngat mai a.. lungrual taka mipa tawng leh hmecichhe tawng niawm tak an nei hi mak ka ti… ka ngaihtuah chiang a, ka lu ka hiat a, ka nui vun vun mai…
February 20th, 2009 at 3:00 pm
Hnam khat vek kan nihzia a entir a nih ber hi.. inthliar hrang tur kan awm loh zia a entir a ni ber awm e.. entirna tha tak niin ka hria.
February 20th, 2009 at 3:05 pm
Hei hi chu a dik ang , hmanah ka hriatna arei tawh, ka lo zawt chiang leh a nge, kan thenawm nu, aizawl ka kal hunah.
February 20th, 2009 at 3:10 pm
An chhungkua chu an inngeih em em ka ring lo. (Rin thu mai mai, chaw tak khukpui loh chi).
A ni tak reng a, tawng hman hian inunau-na leh inlaichin-na ah hian hmun pawimawh ber a luah reng a ni. Zohnahthlak vek kan ni kan tia zohnahthlak dang tawng pakhat mah hriat loh chuan insuihkhawm tih vel chu chu kan hlat viau a ni. Eng nge in ngaihdan?
February 20th, 2009 at 3:11 pm
Lusei tawng (tuna Mizo tawng kan tih tak hi) rorel nan a tha a, tih a nih thin kha, Dawn Mipa ho chuan Inti Pa takin an tawng khauh khauh a niang chu. Pawi/Lai tawng hi chu a nem deuh tlam a, nu ho chuan nuta riau in an hre bawk a ni ang chu.
February 20th, 2009 at 3:15 pm
Patil leh tuaiin eng tawng nge an hman ve ang aw te ka lo ti ve mai mai
February 20th, 2009 at 3:16 pm
cons-xx, an in ngeih loh bikna chuang an sawi miah lo asin.
zorunpui, i thu sawi @13 khi a tha ka ti hle mai…ngaihruatna tha tak a ni in ka hria
February 20th, 2009 at 3:19 pm
triplestar, a ni ngawt tak mai a…hairehai…. an mix vel aniang a hahahhaa… Aizawl ami ten, English leh Mizo an mix ang deuh hian hairehai
February 20th, 2009 at 3:19 pm
Pu H.V. an chhungkua ah khian nangni keini tih a tam duh hmel em alom…
February 20th, 2009 at 3:28 pm
A ngaihna ka hre bik hauh lo mai
February 20th, 2009 at 3:29 pm
An hnam danah an lo neih tawh a nih chuan a tam ka ring chuang lo, hmeichhe aw a sin deuh a mipa aw a thum deuh a, keini pawh/ nang ni keini kan inti hran chuang hleinem
February 20th, 2009 at 5:29 pm
Dawn ho hi khawvel a tawng chi-2 hmang, mipa tang bik leh hmeichhe tawng bik nei(culture atang) awm chhun anga an sawi chu a ni a. An khaw hming an awm khawm na ber pawh Dawn khua a nia. An hmeichhiate hian Lai(Hakha) tawng an hmang a, Mipain Lusei/Duhlian tawng an hmang. Mahse an tawng hi Lusei tawng chu a ni nan an tawng awn deuh.
Mipain Lai(Hakha) Tawng an tawng chuan “Eee hmeichhe tawng a hmang nia!” an in in ti thin a, mipa tan hian an mahni society-ah chuan Lai(Hakha) tawng hman hi an nuihzat duh viau ni in an sawi. Tahan pawh hian Dawn ho Lushai ho karah deuh hlir an awm a, Chin state a tang rawn peng unau dangte ai hian Tahan Lushai awmna bikah hian rawn pem lut hmasa pawl a ni. Thian pawh tam tak ka nei a, Tahan a seilian ho erawh hi chuan Lushai tawng hi a hmei a pain an hmang a. An inchhungah erawh Hmeichhei ho chuan Lai(Hakha) tawng hi hmang chu an la awm ve.
February 20th, 2009 at 5:44 pm
Tawng lam han sawi takah chuan Kawl(Bama) tawng pawh hi a zauin tawng an nei kim ve khawp mai a. Lal(Hmanlai lal’Ba yin”) biakna tawng, Upa biakna tawng, Phungki(Phung Kyi/ buddhist monks) biakna tawng hi an nei hrang thliah a, heng tawngte hi midang lakah va hman chi a ni lo a, kan biak tur a te zirin tawng hi hmang a ngai a, heng tawng hi very formal a ni ringawt. Tawngtual leng pang ngai hi chu mi pangngai/minaran ho in biakna ania.
Tin, Shan ho pawh hi Nula & tlangval inchhaina tawng, upa biakna tawng & tawng tual leng hi an nei hran a. Amahni zingah pawh upa biakna & nula tlangval inchhaina tawng thiam lo hi an awm ve nuk. Thangtharah phei chuan thiam lo an tam zawk tawh mah mai thei.
February 20th, 2009 at 5:53 pm
Dawn khua khi Chin State chhungah awm mahse Mizoram(Tio lui, Lawngtlai district) nen 5 mile vel chauh a hla ani a.
Ka hriat dan chuan tun hma in Lusei lalte (Sailo lal) leh Pawi ho (Thlanrawn ho) an lo indo thrin a, an inhneh chhawk deuh zak zak a. A tawp lamah Sailo lal hovin Thlanrawn an hneh vek hnuah Thlanrawn awp chin khua tamtak chu an hnena “Chhiah” pe turin leh an kut hnuaia awm turin thu an pe a, chumi khua zingah chuan Dawn khua hi an tel ve a, Dawn khua a mipa zawngzawng chu Sailo Lal hovin Duhlian-LUsei-Mizo trawng hmang turin thu an lo pe a, chuchu an la kalpui reng niin ka hria.
Lehkha bu leh ziak rawn tur ka nei nual in ka hria a, ka hai hman rih lova, heti zawng hi ni phawt se.
February 20th, 2009 at 7:00 pm
RDAC, lawmawm lutuks
han chhunzawm zel ula mawle
February 20th, 2009 at 7:01 pm
An mak reng reng e…mipa leh hmeichhe tawng dang ta hrim hrim chu
February 20th, 2009 at 7:29 pm
Pu h.v a chu i awmna a hlat hlat nen eng tin tin nge maw i hriat daih2 bik le?
February 20th, 2009 at 7:45 pm
A ngaihnawm hle mai, bengvarthlak ka ti takzet mai. An khau chu la zin ve ila a tha ang, a entertaining in ka ring khawp mai. An inbe thei reng chu a ni phawt ang a, an fakawm hrim hrim e - tawng/dialect pahinh chu an thiam phawt chu ania, an vannei ka ti hle mai. RDAC ziah khi ka hawi a ti zau hle mai baawk, ka thianpa historian ka lo zawt ve chhin ang.
February 20th, 2009 at 8:05 pm
wonderboy, an sawi ka hre zeuh2 a, a dik lovang tih hlauh vangin, a hre tur awm te ka hmuh remchan ah ka zawt zeuh zeuh bawk a… ka post ngam ta hram a ni
February 20th, 2009 at 8:17 pm
An dangdai tak hle mai. A nuam phian ang.
February 20th, 2009 at 8:22 pm
Pu h.v, thoh tha khop mai. Tiang te te atang hian ‘mi hrang’ kan nih loh zia a ti lang chhiang nge nge alawm
February 20th, 2009 at 8:57 pm
Ka nu hi Simte hnam a nia Simte tawng vek in in bia. Mahse keini aiin a in ti Mizo fe zawk. Tawng ah hian i buai lo ang u. Enge Mizo tawng in tih ber hi: Lusei, Hmar, Paite, Thadou, Simte, Zou, Vaiphei(Duhlian)???
February 20th, 2009 at 9:43 pm
justkhawbung, tuna i rawn hman hi Mizo tawng chu a ni. Zohnahthlak tawng zawng2 khawm tu/inpawlh vek a hausa ber ni ta…Duhlian tawng an tih bawk chu a ni. Ka thianpa Thawngno-a (fam) Vulmawi bassis kha Simte bawk a zaidam nangial mai.
February 20th, 2009 at 10:03 pm
In rawn thawh tha hlawm khawp mai a bengvarthlak e. Thil interesting tak zawng a ni mawlh mai.
February 20th, 2009 at 10:28 pm
Nuam thei ve aww….an inbiak dan tur vel ka ngaihtuah a,ka khi ver ver mai..
February 20th, 2009 at 10:42 pm
beethugs2, kan in ang a nih chu…. luliana hi an mipa ni ta se a tawng buai vek tho mai lovang maw…..sunglass lianpui a vuah ngawt loh phei chuan hairehai
February 20th, 2009 at 10:43 pm
H. Vangchhia, kei chhuan zohnahthlak tawng zawng zawng hi Mizo tawng ka lo ti vek mai a. Mizo tawng hi pakhat chauh a lo awm a lo ni maw?
February 20th, 2009 at 10:52 pm
RADC sawi khi a dik a nih chuan tihluihnain mipahovin an tawng an thlak a ang hle mai. A lo rei zela (chepa sawi angin) an tawng origin tak chu hmeichhe tawng an ti ta bik a nih hmel phawta. Tihluihna atanga rawn chhuak a nih tak tak chuan…. it’s a very painful experience, I should say. In unauna tilangtu pawh a ang chiah love.
Ka han critical deuh mai mai a nia, inunauna tihngheh zel duh ber berte zing a mi chu ka ni e. Thil kal tawh a ni a. Tawng pahnih chu hmang zel tho se a interesting ve alawm.
February 20th, 2009 at 10:55 pm
just…. , Paite,Hmar, Lusei, Mara, Lai etc te min huikhawm tu ( timai ang) hi Mizo a ni mai lawm ni. A awmzia chu kan identity, kan nihna ti chiang tu… khing hnamzawng2 te hnamkhat/pumkhat min nih tir tu a ni dawn lawm ni le? Tichuan, Zohnahthlak ah hian hnambil tawng hrang2 a awm ( a thupui ah ka sawi tawh) mahse, tawnga min huikhawm tu ber erawh chu Mizo tawng/Duhlian tawng kan tih hi a ni tlat. Hnam tinin tawng bil kan nei theuh mai ..tawngbil la hmang te hi Mizo an nilo tihna erawh a ni hauh lo bawk. eg: South American US a piangin Hispanic tawng a thiam in a hmang ber a, English a thiam vak hauhlo mai… American a nih loh phah miah lo tlat mai.
Zohnahthlak tawng zawng zawng hi zohnahthlak tawng a ni vek in ka hria a mahse, Mizo tawng han tih tur tak erawh hi chu Duhlian tawng, tuna kan hman mek chauh hi a ni. A hmanglo te hi Mizo an nilo tihna a ni hauh lo thung. Mizo chu min huikhawm, min ti khawm tu atan a hman mai ani in ka hria. A awmzia ta chu, Mizo tawng tamtak karah khan, common language kan neih chu Duhlian tawng kan tih hi a hausak ber avang pawh a ni mahna…..hman a ni ta a ni. If there is no common language within the tribes…how can we have unity?
February 20th, 2009 at 10:59 pm
Dear HV,
I yahoo em?
I rintlak
funny
February 20th, 2009 at 11:00 pm
yes
February 20th, 2009 at 11:03 pm
Mizo history chhiar chuan kan history kha a chhuanawm lem lohna lai a awm. Hnam hrang hrang, hnam khat chhungah pawh indo, inthah a tam lutuka, tunlai hian kan inpumkhat zawk daih. Pastor Liangkhaia Mizo History-ah khan British leh Christianity rawn luh hma Mizote hun hman kha a thim zia thu uar takin a sawi nghe nghe a ni. Inpumkhatnaah kher hi chuan kan history khan innghirngho leh inlak bing a hlawk loh ziah hi min zirtir thawkhatin ka hria. Chuvangin hnam inpumkhatna hi uar zel ang u.
February 20th, 2009 at 11:25 pm
YESH
February 20th, 2009 at 11:38 pm
Mizo2 kan inti a….a then ‘R’ lam thiam lo ( paite,Thodo,Lai…..etc) kan hmuh/hriatin Burmami2….kan ti a….na ve deuh tur asin…thenkhat phei hi chu an Pu pute atanga mizorama om tawh an ni a… mizo(lusei) tam tak ai chuan an Mizorammi zawk daih a ni….Mi tamtak phei hi chu mizoram buai laia Burma/Manipura tlan chhia…Mizoram buai hnua rawn lut leh chauh an ni leh nghal……
February 21st, 2009 at 1:12 am
Dear Pu HV
Lusei tawng ti mai i la Mizo tawng kan tih vet hi?? (Ao (Naga) ho hian an tawng hi Nagamese an ti thei bik dawn emi?)
Enge i ngiahdan.
I Mizo pui
khawbung
February 21st, 2009 at 2:30 am
Mizo tawng hi Lusei tawng a nih ka hre hauhlo kei chuan. Duhlian tawng tih a ni.. interpret tu thenkhat chuan Lusei tawng angin an let fo thung. Ao tawng chu Ao tawng a ni mai, Simte tawng pawh Simte, Lai tawng pawh Lai tawng…. Naga thlah zawng2 huam kima an common language chu Nagamese a ni, Jani se de…? Tin, Zohnahthlak zawng zawng pawh min huam kim a kan common language chu Mizo tawng hi a ni. Kan hnam bil tawng pawh hi zohnahthlak tawng vek a ni, Mizo tawng kan tih tak erawh a ni em tih erawh chu, Mizo mahni hnam lakhran tum ran ho ngaihtuah dan azir ni rawh se.
Naga ho hi Mizo te hiankei ni aia hnam mawl angin kan ngai mahse, an hnam hi Nagaland leh Burma a mi thleng hian sawi hat tur awm miah lovin, ( ka rhiat chin ah ) an awmtlat, tin, Nagamese (Assamese laklek lehnghal) an tawng tualleng ah an pawm hmak… an chhuanawm in kan tluklo tawp.
February 21st, 2009 at 2:38 am
Tawng chungchangah Pu H. Vangchhia sawi hi ka thlawp khawp mai.
Zo hnahthlak Paite, Lai, Hmar, Lusei, Mara..etc zawng zawng khai khawm nan Mizo kan inti a.
Lai tawng, Hmar tawng, Lusei (or duhlian) tawng, Ralte tawng.. etc nei hrang thliah mah ila a khaikawm nan (common) Mizo tawng kan hmang tih mai hi a tha ka ti.
Tichuan kan tawng hman (Common language) chu a hming a tan Mizotawng ti mai ila, tunah hian official taka kan hnam pumina kan nem ngheh tlan fak chu awm hrih lo mah se, Kan zinga mi eng tawng ber emaw pawh hi lo thlang chhuak ila, a hming atan chuan Mizotawng tih mai hi a tha ka ti.
Kan history kan en letin leh tuna Mizoram state-in a hman mek atang te, kan hnampui huapa kan thlir pawhin tuna kan hmang mek mi tamtakin duhlian tawng an tih fo hi, Common language-ah kan pawm tlang a nih chuan duhlian tawng or Lusei tawng ti ti tawh lo vin, Mizote common language a nihna anga ngaiin Mizotawng tiin a hming thar hi i pawm tlang mai ang u.
Mizo tawng tiin kan lo sawi ri fo tawh a, chuvangin a thar a ni lo i ti a ni mai thei e. Mahse President thar an thlang a, mahse an thlan thar chu nikuma mi tho kha ni mah sela, thlan thar a nih miau avangin a thar ang chiaha lawm luh leh lak a nih ang hi, a ni vel e.
Tichuan a ziak danah pawh hming (noun) a lo nih takah chuan ziak zawm ta ila - “Mizotawng” tiin.
February 21st, 2009 at 2:41 am
Pui-bawiha Says:
Tawng chungchangah Pu H. Vangchhia sawi hi ka thlawp khawp mai.
mahse chuti lutuka thlawp chu i nilo em. hahaha
February 21st, 2009 at 2:47 am
He tawng, tuna kan comment nan a kan hman ber hi, Mizoram ah leh khawvel zohnahthlak zawng2 ten, Mizo tawng ti a kan hriat chu a ni. Zohnahthlak tawng bil te hi chu a tawng a kha a hnambil hming chawi a koh mai an ni fan.
A Simte takin, Mizo i hih ki cian ni/Mizo ah i chiang ang u.
February 21st, 2009 at 2:50 am
Pu HV chuti lutuka chiang chu kanni hlawm lo i tihna emni.
February 21st, 2009 at 3:17 am
Mizo ah hian Manipur lam Mizo ho ang te, Chhim lam Mizo te hian chian loh riau hi an rawn tum tlat thin alawm. Mizo ah hian lungawi mai tur ania…Aizawl a Mizo an tih pawh hi an hnampui tho an ni hawlm sia… Mizo tih ah hi chuan, Hmar kun leh Chhimkun bak hi chu kan chiang ah ka ngai e… kan thu khel ah khian i lut zawk ang u khai a ninawm… sawi hnu sawi nawn reng mai hi zawng. Kan in hrilh fiah chuang lovang hairehai. kan chhah hlawm telh tulh em mai. …No offence
Chu zawng ai chuan, mipa tawng leh hmeichhe tawng nei te khi life in ka hmu chak
an zing ah rei vaklo ka awm mai mai chak tlat nia mawle. 
February 21st, 2009 at 3:18 am
Mizo History hi chhum bung taka kan hriat laklawh hian kan ngaihtuahna pawhin a hawl thui tawk lo thin a. Mahse, Mizo history tak tak kan chhui erawh chuan tute mah hi a bo a bang awm lovin Mizo tih hian min phuarkhawm vek lawi si a ni. Tin, kan mizo history hi side hrang hrang atanga kan thlek a ngai a. Kawl hovin an thawnthu leh history a Mizote min lo dah dan atangin Bangâli hovina min lo hmuhdan inkar vel hi a pawimawh lehzualin ka hria.
Thawnthu intawm kan ngah em em atang te pawh hian thlah khat, unau vek chu kan ni chiang hle chuan a lang fo thin. Pastor Liangkhaia chuan Liandova te unau kha Sukte thlahtute an ni, a ti a. An mikhual mihausa tak Lersia kha Chawngthu thlahtu niin an sawi ve bawk a. Tin, Lalruanga thawnthu hi Hmar hovin an ta neih hle bawk. Chutiang zelin a dang pawh chhui dawn ila, chhui tur a tam hle ngei ang.
Chuvangin kan pi leh puten Tiau lui an kan hma kum eng emaw zatah kha chuan hnam khat angin an lo awm ho vek thin chu a ni phawt mai. Chuvangin kan history hi a chhumbung tawk lek lo deuh hian tlemin chhui thui deuh law law thei ila, ka rilru puthmang pawh a zau lehzual thei ngei ang.
Tin, Mizo Language tih leh Mizo dialect tih hi thliar hrang thiam bawk ila. Tuna English kan tih Sap tawng pawh hi hmanlai chuan England leh a chhehvela an dialect pakhat ve mai a ni a. Anglo an ti thin a, a hnu deuhah old english an tih leh a, tunah chuan English tih a lo ni ta a. A hmaa hmang lawk bik lo te pawhin tunah chuan pianpui tawnga hmangin an uar telh telh a. England mai ni lo, khawvel pumpui a lo dengchhuak ta a ni.
Mizo tawng (Language) kan tih bik hi Lusei dialect a lo ni tawh thin a. Lusei ni ve lo ten Lusei ho chu Duhlian an ti thin ni awm tak a ni Pu R.Vanlawma leh Dr.Vumson (Zo history) ah khan an ziak a. He dialect hi Zohnahthlak dialect zawng zawngah a naupang ber a, a la rei lo ber bawk a ni. A chhan chu tawng upa kan tih reng reng hi Paite, Hmar leh Lai tawng tualleng pangngai te a la ni hlawm a. Chuvangin a piang hnuhnung ber a nih loh vek pawhin a tih hausak nan heng Zohnahthlak dialect dang hi an fawm lut teuh a ni phawt mai.
Chuvangin a hmangtute pawh Lusei chauh ni lovin, Zohnahthlak tam zawkin kan thiamin kan hmang ta ber a. Lehkhabu tha tha ziak nan kan hmang a, a hriat pawh kan hre thiam tlang ta ber a. Chuvangin Lusei dialect bul thut thin kha tunah chuan Mizo Language tih theih hialin Zohnahthlak zawng zawngte tan pawha kan hriatthiam theih turin a chhungah dialect tinte khung khawm a lo ni ta a. Chuvangin Mizo Tawng or Mizo Language tih chu a dik a ni.
Mahse, hetih rual hian tuna kan sawi Lai, Paite, Hmar, Mara etc.. tawng (dialect) hman mek te pawh hi Mizo dialect chikhat vek an ni a. Tute mah hian kan hmang zak tur a ni lo va, kan vawng nung tlat tur pawh a ni. Theihnise, naupangte tan pawh zir theihin Sikulah optional ang te pawhin dah ni thei se, a tha khawp ang. Tin, tuna Mizo tawng kan tih pawh hi English leh Hindi emaw hnam dang tawng emaw atanga tihausa lovin keimahni Zohnahthlak dialect dang dang atanga tih hmasawn leh thawmphui zel hi tum zawk ila, kan zavai tan a tha zawk pawhin ka ring.
Chutihrual chuan he Mizo tawng thiam lo Mizo thisen kai ve si te pawhin, tlawm lakaa la lovin, thiam tum ila, kan thiam chhun chhun te pawh tawng zak lovin, a thiamte atangin zir tum ila, a do zawng leh a er zawnga rilru kan put tlat erawh chuan kan inkarah khi lian tak a awm phah thei bawk a ni. Chuvangin Identity kan tih hi Tawng ah thutak a inthlung tel a ni.
February 21st, 2009 at 4:02 am
Trawngchung chang ah chuan, Kan chhungkua hi kan hausa ve tlawt in ka hria.P
Kan Family trawng a kan hman Lar em em te.
1. Lai/pawi/Hakha , mizo
2.Duhlian/ Lushei,mizo
3. English/U.S, CA, Uk
4.HINDI/Vaitrawng
5. Lai/Laizo,falam,mizo
6.Kawl/Bama, Burmese ( Kei hei hi ka trawngthei lo nan ka pa leh nu te chuan an la thiam em em.)
A chunga ka sawi Trawng hman, zingah khian kan thran lenna chu Vairampur leh Saprampur anithung!.
Trawngchi 5 kan thiamna leh irchhuahna hi chu kan nu leh pa te vang lio lio a thiam kan ni thung. )
Khing trawng chi 6 khian a tu a te pawh lo kalse khing trawng chi 6 hmang chu kan innchhungah chuan hlimtak in kan lo kawmthei vek/ ang.
February 21st, 2009 at 4:12 am
kei hi ka rethei lehpek ngawt mai tawng ah chuan, duhlian tawng bak han thiam nal ka neilo.
mahse duhlian tawng hi chu sap pachalin duhtawk a saptawnga an tawng ang vel kani.
February 21st, 2009 at 4:14 am
uiiii kan gangte tawng vawi khat mah in sawi tel ve lo…….ka bang deih don ka ti tau
February 21st, 2009 at 4:58 am
Dawn ho emaw kan khel dawn ka tia…. angai te ah bawk kan in barh lut leh tan tlat…in her kawi leh hret tawh angu hmiang. Dawn ho pawh kan tluk dawn hleinem…
an ni chu lungawi deuhin mipa tawng leh hmeichhe tawng an nei hrang hmiah…Keini chu inti fing tak in thil sawngsawhlawt lo tur kan khuai nuai leh dawn tan tlats …in ti ve em?
February 21st, 2009 at 5:47 am
lolz..
E nitak.. Dawn, Trawng chu ni e ka hre nel nual mai ti i la ka chiang chiah lo. An khua awmna chu Tio/Tiau, Luikam dep ania. Thingsai a trangkhian a hla lo. Tihrual in Lunglei bulhnai a, Dawn khua leh Tahan bulhnai a chengte pawh tun a ka sawina, Thantlang District chhung a Dawn khua trang a chhuak thla ni in Pu tar tak Dawnpa, Ka pa thrianpa chuan he thawnthu hi mi a hrilh thrin. Tih rual in an trawng ah hian ni e, Duhlian/mizo trawng hi mipa ten hmang in an Hmeichhia te hian Lai/hakha trawng chu an hman kan ti ve nan a thluk ve ve ah chuan a nih chiah lo ve ve thung.
Eg. Ki ka rang khi tu te sakawr nge? ( he ta “”.Rang”". ka hman hi Lai/halkha trawng ania, Rang”‘. Tih chu, Duhlian trawng in Sakawr tihna ani, hei hi an mipa te trawng hman ani.)
Khita sakawr khi tu te sakawr nge!?. Tihna ani.
An hmeichhia te chuan.
Khi ka rang khi a ho te rang dah asi!… An hmeichhia te trawng hmandan ani a, Hakha trawng dkthlap anithung nan an aw chawi chuan ( an chhuah dihchiah lo, a ziahdan ka thiam lo, Tape a Record hnu a dahchi ani ang!!! )
Ka va jin hun ah an trawnghi Video in ka lo la record tlap dawn ania Pu H.vangchhia leh midangte.
Khinglai vel pawh ka va kal dawn a!!! Tihrual in heng dawn ho hi Tuihleuh an thiam thu leh Tio/Tiau sangha chu a tuiber e ti a Lungrual taka Tlangvuak.sangha vuak an neih pawn Chi tel lo chuan eithei lo va, an za a Inn a va hawnga Chi va la a Lui ah kir leh dial in, an chaw,sangha chu an ei ho leh e anti.
An tih leh chu, an lungrual dan chu.
Dawn khua hin azl hi ni zei dah kan kal ang? ( Dawn, Hmeichhia trawng)
Dawn khua hian azl hi ni engzat kal nge ni ang? Tihna ania.
Anmipa pakhat hian ti hian a chhangta zuia.
Tlangval chaktak chuan azl hi ni 7 ke in kal ani!
ati lawp mai a, an in siam ta sawk sawk a an khua in, Nikhat ah kan ban mei ang, kan lungrual chuan ti in an khua in an chhuak e an tia lawm!. hei hi fiamthu thu tak ania. Social na vel a ka hriat ani. ) LOL.
February 21st, 2009 at 6:08 am
In sawi ngaihnawm hlawm kher mai… mut paha ngaihtuah neuh neuh tlak an ni hlawm tlat
February 21st, 2009 at 7:14 am
flying, an khua i thleng dawn maw?
February 21st, 2009 at 7:27 am
@Pu H. Vangchhia: Aw ka va thleng chho ang thei phei chuan Chin Hills khawpui ho chu ka va luh deuhvek ka ring. Tah sawimai i la, Puihna turvel pawh engkim kan duang lawk vek tawha ka va thlen chho hun hun ah semdarh hna kan tran ang.
Karilru ah chuan mizoram leh Chin Hills hi ramkhat ah ka dah tlat. Hei vang hian theih tawkte kan tihve chhunchu a retheizual ten chhak leh thlang ami ten temve se tih hi ka duhthu sam ani.
February 21st, 2009 at 9:39 am
@H.Vangchhia: HEi ka lehkha bu kawl ka haichhuak a, Dawn khua a trong chi 2 an hman thu heti hian a ziak. ( Ka ziak hmasa kha chu ka chhiar tawh bu dang a mi a ni)
” Chin State Thlantlang biala Dawn khua leh Leisen khuaah chuan mipa tawng leh hmeichhe tawng a dang tlat mai a, khawvela thil danglam pakhat a tling ve a ni. Mipa-in Lusei tawng an hmanga, hmeichhia-in Pawi tawng an hmang thung a. Nau lo piang thar reng rengin tawng an thiam phat atangin mipa an nih chuan Lusei tawng an hmang a, hmeichhia an nih chuan Pawi tawng an hmang nghal zel a.”
” Hmeichhia-in Lusei tawng an hman ve chuan hmeichhia te te mipa tawng hmang ve an ti a, an zahpui hle a. Chutiang bawkin mipa pawh in Pawi tawng an hman chuan Patling pui hmeichhe tawnga tawng chu mawi lo an ti hle a ni, an ti”
“Hmeichhe tawng leh mipa tawng a lo awm dan hi Dawn khaw lal hlui Pu Lian Hup-a chuan hetiang hian a sawi-’ Hmanlaiin Dawn khua hi hnamdang in an run fo mai a, a khaw mite chu Mizorama Thingsai khua leh a Cherhlun khuaah an tlanchhe thin a. Rei tak tak an awm thin a. An tlanna rama miten Lusei tawng an hmang si a, anni zinga mipate chuan Lusei tawng an hmang ve ta a, hmeichhiate erawh chuan Pawi tawng chu an hmang zui ta zel a. Tichuan mipa tawng leh hmeichhe tawng a lo awm ta a, vawiin ni thlengin a la hrang ta reng a ni, a ti”.
(K.L Khama Chhakchhuak ziak ” Zofate Nunphung Lamdang Zel Leh An Hun Tawnte”, page-164-165, Printed at the FANAI PRINTERS, Lower Lamka, Churachandpur-795128, Manipur. 1st December, 1993)
February 21st, 2009 at 9:57 am
RDAC chu i ti lawmawm hle mai. Ziak thlap in a lo awm reng a nih kha mawle… kei chu mi titi atang chauh in ka hre thin. A lawmawm lutuk, tikhan khawvel Mizo ten hre ve se a tha a ni. A bengvar thlak hle mai. Ka lawm e.
February 21st, 2009 at 10:09 am
Ngharchhip ( Old) New Ngharchhip, Chawngtui, N. Vanlaiphai lam ah pawh hian an tam!!. Ka la kal lo nan tiang hi ka ngeihven ve a theihtawk in cc ka hre zung zung mai. Pu RDAC: ziah tifam kim tel tu a tan ti in.
February 21st, 2009 at 11:11 am
Kan chhungte kha an ni mai thei ani
February 21st, 2009 at 7:08 pm
thingsai khua hi ka pianna khua, ka naupan laia ka thian te kha la dam ve zel tak maw, Thanchungnunga te kha
February 21st, 2009 at 9:06 pm
Tunah chuan an hmeichhia te pawh hian inthlahrung lovin mizotawng hi lo hmang ve tawh sela. Kan vai a tan a ni e.
February 21st, 2009 at 9:40 pm
@triblestar : Thanchungnunga hi, Cherhlun khua a mi em ni i sawi?
Thingsai vel pawh ka va chuldawn anih hi Saikuti thlante pawh ka va en dawna!!.. LOL
February 21st, 2009 at 9:48 pm
@flying: Thanchungnunga chu Thingsai khua, Thingsaia kan awm laia kan thenawm a nia, a hming chiah ka la hria,a ahmel hmang pawh ka hre tawh lo, rawn zawng risk tawp mai rawh lolz
February 21st, 2009 at 9:50 pm
Va sawi chiam mahla min hre tawh chuang lovang, kan inkawm thin lai chuan kum 3 vel chiah kan la ni
February 21st, 2009 at 10:11 pm
@Triblestar : Ka pu emaw ka lo ti hman trep a lawm le!!!
February 22nd, 2009 at 4:57 am
Pu H.V, Tuna I rawn sawi Hnam Dawn tih Hnam khi keipawn ka hriat tirh chuan mak ka ti ve khawp mai. Malaysia ka thlen tirh khan kan room thenawmah hian Dawn pa chu a awm thin a lawm. Mizo tawng a thiam khawp mai. Thlen tirh a Lai hnam zinga Mizo tanwg a tawng thei ka hmuh hmasak ber niin ka hria. Mahse an Mizo tanwg chu a awn deuh hlek thung.
February 22nd, 2009 at 11:33 pm
Communicable a nih chuan a tha mai!
Hmeichheho leh Mipaho dialect hman chu inang lo mah se; an hrethiam ve ve a nih chuan —a tha lutuk! Babel In sang sa angin an khawsa kher lo a nih chu!
An va awhawm letling ve le; chumi khuaa mite chu mi inzir-mi tak ni vek hlawm phei sela chu … Mizo Literature engemaw ti taka a hmasawn zawnga duangchhuak thei tak pawh an ni ang le! Prose leh Poetry tihhausak nan an community chu hman thiam a chakawm hle mai! Eng degree fahrana tawng thiam nge ni hlawm ang aw? An hriatthiam tawk tawk lekfang hian an lo in-communicate ang tih erawh chu ka hlau … thupui hlapui vai nan tak taka hmantlak zeng si lovin!
American pa tawng Zotawngin ka let a —Mizo bik tan a ngai si a. Kan zinga vaiho awm tan mi dang pakhatin Mizo tawng ka lehlin atangin vaigtawngin a letling chhawng ve leh a. Lehlin hun chhung a duh rei duh phian. Zotawng hrethiam chiah, vaitawng hrethiam chiah kan awm a nih chu! Mahse, American-pa message chu hun duh rei hretin kan hrethiam kim ta tho ve.
Kan topic-a mite erawh khi chu Zo-tawng leh Lai-tawng ngeiin an inhrethiam tawn NGHAL vek a; duh leh hmeichheho pawhin Zotawng hmang ve naw naw se; an mipaten Lai tawng hmang ve naw naw bawk se … an hriatthiam dan a la inmilin —a ziaawm pha khawp tho ang le. Hriatthiam bau loh khawpa inbiak chu a hrilhhaithlakin a bangbo duh teh asin!
American leh British-ho chungchangah pawh Winston Churchill-a chuan, “Same country divided by the same language,” a ti’mathlawn lo … communicable hi a tul ber chu a ni!
February 23rd, 2009 at 1:21 am
Language is a mean of communication between a person and the other…an tia mi kha
June 24th, 2011 at 2:13 pm
Hei chu a va dangdai dawn ve aw!
June 24th, 2011 at 2:18 pm
@TuaiSialA check your FB msg