(Courtesy ZALEN 15th August)
Aizawl: Mizoram-a Swine Flu (H1N1) hri vei nia inringhlel mi pali zinga pahnih chuan an vei ngei (positive) tih nimin khan finfiah a ni. Heng Swine Flu veite hi Lengpui Airport-a duty CRPF hnamdang pakhat leh CRPF dang pakhat, Delhi atanga chhuti-a lo haw, Falkawn khua ami a ni.
Lengpui Airport-a duty CRPF hi Ningani khan amah a inrinhlelh avangin Falkawn Referral Hospital-ah dahluh a ni tawh a, nimin khan Falkawn khua ami pawh hi dahluh nghal a ni bawk.
Chief Secretary chuan, “Hetiang a nih takah chuan mipui lakah zep turah kan ngai lo a, mipuite ralkhel lo se,” tiin thil hlauhawm lutuk a nih loh thu leh control theih an inbeisei thu chanchinthar lakhawmtute a hrilh a ni.
Aizawl Civil Hospital-ah hian Microbiology Room No. 207-ah Swine Flu vei nia inringhlelte tan test tih theih a ni a. A vei nia inringhlelte chu hmun dang – Casualty, OPD leh Doctor-te Clinic-ah test tura kal lo turin doctor thiamte chuan an ngen nghal a ni. Mizoram-ah Swine Flu vei mi pahnih hmuhchhuah an nih chungchangah hian nimin khan Chief Secretary Vanhela Pachuau chuan a Bangla-ah chanchinthar lakhawmtute kawmin, Mizoram-ah Swine Flu vei hmuh ni mahse, under control-a dah theih beisei a ni a, mipuite lo chi-ai lo turin kan ngen a ni, a ti.Chief Secretary chuan Swine Flu veite enkawlna atan hian mahni In lam pawh a pawi lem lo tih ni mahse, Hospital ngeia indah hi tha kan ti a, Falkawn Referral Hospital-ah an awmna tur bik hmun siam a nih thu a sawi a. Swine Flu veite enkawlna damdawi hi tunah Capsule sanghnih Mizoram chuan a nei mek tih a sawi.
Tunah hian Lengpui Airport-ah doctor leh nurse duty an awm mek thu sawiin, VIP te pawh endik (check) vek tura tih a ni, a ti a. Vairengte Excise Checkgate-ah Police nen tangrualin duty dah tur a ni bawk. Ngopa lamah pawh duty dah an ni a, mahse, Manipur nena inkalpawhna ramri bul Khawkawn-ah dah tha zawka hriatna a awm mek avangin hetiang tur hian hmalak mek a ni, a ti bawk.
Heng bakah hian Zokhawthar lamah pawh vawiin atang hian Champhai District CMO hovin Swine Flu vei leh vei lo test turin duty ruahman a ni.Health Services Director Dr.Pallai chuan thuthar lakhawmtute zawhna chhangin, damdawi hmanga inenkawla dam mai theih a nih thu an sawi a. Swine Flu chungchang buaipui tur bika ruat doctor te pawhin he natna hrik hi taksaa a lanchhuah hma ni 1 atanga ni 7 chhung leh dam anga an lan tawh hnu ni 1 atanga ni 7 chhungin midangah kaichhawn a hlauhawm phak, an ti. Naupangah chuan ni 1 atanga ni 14 chhungin midang kai a hlauhawm thei, an ti bawk.
Dr.Pallai chuan Swine Flu vei leh veilo test-na (Testing Kit) hi tun dinhmunah Mizoramah 50 neih a nih thu leh, hmun dangah pawh a tul angin ngaihtuah a nih tur thu a sawi a. Miputien Swine Flu veite laka an lo inven chu a pawimawh rualin, a vei tawh ten midang an kaichhawn lohna tur leh anmahni enkawltu doctor te tan invenna hmanruaa thuam an nih thu a sawi.
Mizoram-a Swine Flu vei nia inringhlelte sample doctor ten an lak hi Kolkata-ah thlawhna hmanga thawn thlak a ngai a, hei vang hian a vei nia inringhlelte chuan zing dar 9:00 leh dar 10:00 inkarah test tir thei se an duh tih a sawi bawk. Tuna Swine Flu vei hmuhchuah pahnihte hi damlo dangte nen an inpawlhsawp loh nan Referral Hospital building chhawng chung berah nimin khan sawn chhoh nghal an ni tiin Health Services Director Dr.N.Pallai chuan a sawi.
(admin note – swine flu chungchang in rawn submit nual a mahse a vai kha chuan publish awmzia awm silova; a thui ber hi kan rawn chhuah ta mai. User vlchinzah leh chhimkeite khan pakhat ve ve an ron submit a, v_vantawl pawn vawi 2 lai a rawn submit a.. kan vei tlang chu nih hmel khawp mai 
. A rawn submit tu te chungah lawmthu kan sawi e)
Similar Posts:
- First Mizo Swine Flu Fatality
- Lunglei Civil Hospital-a thil thleng
- Swine flu in Mizoram ?
- Zaithiam rual ten an Mit (Eye) an hlan
- Rampawn atanga ram vei hi phal a ni lo a mi?
August 16th, 2009 at 5:19 am
Tun din hmunah chuan kai mai thei dinhmunah kan ding a in rinhlelhna kan neih chuan damdawiin lam pan a Doctor rawn vat ahim ber ange. A natna lanchhuah dan tlangpui chu:
1.Khawsiksang thut.
2.Thlanin a bual a vawt anti em em.
3.Ti hrawl leh ruh natak
4.Lu na leh nguai
5. Khuhro,hrawkna leh thil lem zawng a nuam lo.
Swin Flu hritlang pang ngai ang chu ani mai a,mahse taksa chaklo Zunthlum,Heart Desease, Thawhah leh chuap natna nei tan in kai chhawn a awlsam bik.
[Report abuse]
August 16th, 2009 at 5:22 am
Falkawn tlangval LRMa hi ka hmelhriat a nia, a hnen atanga kaichhawng ni a rinhlel an awmnual a, Falkawn khaw mipui an chiai hle. Positive pahnih te hi type 2 quarter ah an sawn a ni zawk lo maw?
[Report abuse]
August 16th, 2009 at 5:34 am
In ven vat atha ang, mi dang an kai chhawn hmain. lo fimkhur hle ang che u…
[Report abuse]
August 16th, 2009 at 6:04 am
Boruaka hri leng hi chu inven a harsa khawp mai. A darh chak ropui mai si a. A damdawi hi chhungkaw tinin kan neih theihna turin damdawi dawrah lei mai theih turin awm se la, a tha ber ang.
[Report abuse]
August 16th, 2009 at 8:21 am
pune a trang a lo ho nula kha nge a an tak le? a positive ve ta m?
[Report abuse]
August 16th, 2009 at 9:26 am
Ngopa a duty an dah daihin a dik thei nang!!! a piah khaw pa3…Chiahpui,N.E Khawdungsei leh Khawkawn te tan a va muanawm duh awm lo ve…Border village,Khawkawn ah zawk dah ni se tha zawk tur…
[Report abuse]
August 16th, 2009 at 9:31 am
Maharahtra abikin Pune & Mumbai te, Delhi, Chennai te hi swine flu tamna ani a, heta tanga rawn haw te hi chu doctor te hnenah in check up a tha viau ang. A symptom lan hmain a inkai darh theih an ti deuh roh si. Chhungkuain, thenawm khawveng te nen kan vei hluai mai ang tih a hlauhawm hle. Swine flu vanga thihna hmun state dang atanga rawn haw te hi chu in check up vek ni se a tha ang chu
[Report abuse]
August 16th, 2009 at 9:33 am
RC Hmar, tukin AIR Azl news & Zalena a lan danin Khawkawn lamah medical team te hi an duty dawn niin an sawi
[Report abuse]
August 16th, 2009 at 10:54 am
Zia lo hle mai kan fimkhur angai hle mai,hman ni lawka in rawn coment ah khan ninja in ti a mask hrengho kha mahse in taksa he hrikin a luhchilh vaih anih chua in sawi nawmnah chu ka ring bik love.Disposable face mask hi avei chauh hrentur ani lo a, la vei lote tan apawimawh zawk invennan tih hi kan sawi ve duh ani e.i vei tawh hnu a ihman daih chuan itan enge awmzia ,tangkaina pakhat a nei,midang i kaichhawn tur lakah chauh.
[Report abuse]
August 16th, 2009 at 2:48 pm
Kan society hi chu in len pawh them them kan ni sia, ram dang zawng zawng aiin kan kaidarh chak viau ang.
[Report abuse]
August 16th, 2009 at 2:59 pm
Face mask hi pawimawh viau mahse damlo en kawltu, research bei tu etc ho hman ang hi N-95 an tih ang chi a ni a,anatna hrik te tak te in a luh tlang theih loh tur a siam a ni a,he tiang lo deuh hman tlak tak pawh a awm a,mahse face mask naran kha a him chuang kher lo mai thei a nia aw
Nula pahnih an test te kha chu an negative an tih kha
Fimkhur a tha a, sawi angin in len pawh chi kan ni si a,puipunna ah pawh kal loh a tha e
Pu mzvision,Beatles night pawh sawn mai a tha mai ang em le
[Report abuse]
August 17th, 2009 at 9:51 am
Health dept.chu an lo la in ready vak lo a van nih hmel ve le,a hmun chung chang leh a vei chhung te hrilh chung chang ah te.An in zir chho ve zel mah na,chubakah hlawkna an nei dawn lo a ni mahna.
[Report abuse]
August 18th, 2009 at 3:40 am
Dam dam dam … May our God bless Mizoram ever more …
[Report abuse]
August 19th, 2009 at 4:32 pm
Tawngtaina a pawimawh ber in ka hria..”Hri reng reng pawhin i puanin a rawn hnaih hek lo ang”..tih hi Pathianin a mite hnen a a thutiam a lawm le..Mizoram, Pathian ta a lawm!!
[Report abuse]