Stadium sakna tur tender chhuak tep
March 20th, 2008 5:49 pm | News | ZOaTlau | 147 Views|
|
AR Ground-a stadium sak tura ruahman kha engchen nge hma lak ni tawh?
Tender tihchhuah mek a ni a. Dt 25.03.2008 ah tender hawn tura tih a ni.
Zawhna leh chhanna tlem! Ka rawn dah ve mai mai e, kan ram hruaitute zawhna leh chhanna hi.
Mizoram Legislative Assembly
March ni 19, 2008 starred question
Pu Lalchhandama Ralte:
Kum 2003-2008 chhungin sawrkar treasury khar a ni em?
Zoramthanga, Finance Minister:
Kum 2003-2008 chhung hian sawrkar treasury khar a ni lo.
Lalchhandama Ralte:
Sawrkar treasury khar a ngaih thin hian engvanga khar nge a nih?
Zoramthanga, Finance Minister:
Sawrkar treasury khar a ngaih thin chhan chu sawrkar-in RBI-a account-ah sum hman tur a neih tawh loh mai bakah RBI atanga puk theih Ways and Means Advance leh Overdraft a puk hnuah pawh sum a la neih loh cheu vang a ni.
Pu Andrew Lalherliana:
Mizoram College of Nursing dinna tura pawisa Centarl-in a sanction tawh bo a awm em ni?
R Tlanghmingthanga, Health & Family Welfare Minister:
Bo a awm leh awm loh hi chhui mek a ni.
H Liansailova:
Mizoram-ah Youth Commission din fel a ni tawh em?
ZH Ropuia, Sports & Youth Department:
Mizoram-ah Youth Commission, 2008 din fel a la ni lo.
H Liansailova:
La din fel a nih loh chuan engnge harsatna la awm?
ZH Ropuia:
Harsatna a awm hriat a ni hrih lo a, Youth Commission Bill hi Cabinet ngaihtuah tur leh pawmpui tura hmalak mek a ni. Cabinet in a pawm chuan Assembly House-a ngaihtuah tura buatsaih a ni ang.
R Lalzirliana:
Mizoram puma in lo ram chhiah chungchanga ram danin a beisei ang hian mipuite hian mahni Self assessment tur chuan kan dan neih hi English a nih bakah a chipchiar harsa lutuk a ni lo maw?
Dr R Lalthangliana, Land Revenue & Settlement Department Minister:
Chhiahkhawnna Selft assessment Form I & II kha mipuite awlsan zawk nan revise in, saptawng bakah mizo tawng pawhin dah tel a ni tawh e.
R Lalzirliana:
A hmangtu mipuite hriatthiam tawk leh an tawng hman ngei mizo tawnga buatsaih thar tumna a awm em?
Dr R Lalthangliana:
A form pawimawh zual tihloh a Dan pumpui chu mizo tawnga dah tumna a la awm rih lo.
D Thangliana:
Oil & Gas zawnnaah Hortoki bulah eng chen nge hma an lak tawh? Harsatna a awm em?
B Lalthlengliana, Industries Department Minister:
Oil & Gas zawnnaah Hortoki bulah Geological Survey leh Geochemical Survey te zawh tawh a ni a, Geophysical Survey pawh tun March thla chhung hian zawh fel tum a ni. Harsatna lian tham an neih hriat a ni lo.
D Thangliana:
Oil & Gas dapnaah eng eng company te’n nge hma la? Engchen nge hma an lak tawh?
B Lalthangliana:
Oil & Gas dapnaah (Hortoki Area vel-ah) ONGC leh Indian Oil Company-te’n hma an la. An hmalak dan chu (a) ami ang khi a ni.
D Thangliana:
Oil & Natural Gas zawnnaah hmasawnna a awm em?
B Lalthangliana:
Oil & Gas zawnnaah hmasawnna a awm.
D Thangliana:
Oil & Gas zawn chhuahna atan Global Tender kohah company thlan tawh niin a lang a, eng company te nge thlan an nih a, khawi ram amite nge an nih?
B Lalthangliana:
Oil & Gas zawn chhuahna atan Global Tender kohah heng company te hi thlan an ni.
1. Hortoki leh a chhehvel atan ONGC-India Oil Company India
2. Aizawl atanga Hnahthial inkar atan Oil India Ltd - India Sunters Resources Ltd - Shiv-Vani Oil Explortation Ltd - India.
A chunga company te khian Asian Oil Field Services Ltd leh Geophysical Institute of Israel te an ruai bawk.
3. Hnahthial atanga Saiha atan Reliance Energy Ltd, Reliance Natural Resources Ltd, Naftogaz, Russia lehGeopetrol International Inch, France.
Lalchhandama Ralte & Zodintluanga:
AR Ground-a stadium sak tura ruahman kha engchen nge hma lak ni tawh?
ZH Ropuia, Sports & Youth Services Minister:
Tender tihchhuah mek a ni a. Dt 25.03.2008 ah tender hawn tura tih a ni.
Lalchhandama Ralte & Zodintluanga:
A hming tur engnge?
ZH Ropuia:
Rajiv Gandhi Sports Stadium at Aizawl tih a ni e.
Lalchhandama Ralte & Zodintluanga:
Architecture Design tu siam nge?
ZH Ropuia:
M/S Mathur & Kapre Associates Pvt. Ltd. New Delhi te siam a ni.
Lalchhandama Ralte & Zodintluanga:
Senso tura ruahman zat leh a senso tur hi khawi atanga lokal nge?
ZH Ropuia:
Senso tura ruahman zat hi Rs 136.00 crore a ni a. 12th Finance Commission atangin Rs 25.00 crore approved tawh a ni a, hemi hmang hian phase-I tender tihchhuah a ni.
Lalchhandama Ralte & Zodintluanga:
Sanctioning letter No & date min hrilh thei em?
ZH Ropuia:
12th Finance Commission (2005-2010) report November, 2004-a tarlan bak chu sanctioning letter No leh date hriat a ni lo.
Lalchhandama Ralte & Zodintluanga:
Mihring engzat leng turin nge duan a nih?
ZH Ropuia:
Mi 20000 leng tura duan a ni.
Lalchhandama Ralte & Zodintluanga:
Engtik hunah nge sak zawh beisei a nih?
ZH Ropuia:
12th Finance Commission atanga Rs 25.00 crore dah atangin phase-I thawh phawt a ni ang a, a chhuanzawmna tur sum awm veleh a bak chhunzawm a ni ang.
May be related
- ZH Ropuia’n enge a sawi?
- Mizoram sorkar leiba - “Vaibelchhe 3,611″
- Youth Idol 2007 TBC Zaithanpuia
- Election Result:
- Administrative Technical Terminology and Scientific Writing Seminar khar a ni
Recent entries
- Pathian tih mi, tawngtai room hran nei
- He is risen! Happy Easter!
- Lungrem chim chungchangah “Legal Notice”
- Vote thlak chungchang
- Tu zawk nge kohhranin a phuar dawn?
- Football for Famine Report
- Liverpool football fan club blog thar
- Tlem chu a in a ang
- By His wounds we are healed
- World’s best-known protest symbol turns 50
March 20th, 2008 at 8:49 pm
AR lammuala Stadium sak, Lengpui airport runway siam that etc. chu an sawi nuai nuai tawh. Vai contractor ho pawh an vir sek tawh a. Tak tak ni ang maw????
March 20th, 2008 at 9:56 pm
ka fanu hi zan ah amu ve duh a, eng chen nge niang awwwwww! eng tik ah nge zan mut duh loh hun aneih leh ang awwwww! akekekke…
March 20th, 2008 at 11:27 pm
AR ho an insawn chhuak dawn si lo. Rulling lam lahin Stadium sak an thupui tlur mai bawk si. Zozam Magazine lahin an rin loh thu an au pui ve reng bawk si. Hui ha. a mak teh nuai e a.
March 20th, 2008 at 11:46 pm
12th Finance Commission Report atanga tender han siam ringawt mai chu leh.. Finance Commission Award hi Project awmlo - duan pawm a nih loh chuan tun nge release ang leeeeeeee
March 20th, 2008 at 11:46 pm
Fund release and tihnaaaaaaaaa
March 21st, 2008 at 5:45 am
Vanglaini ah tuten emaw an ziah kha, Lammuala stadium sak tum hi Assam Riffles lamin an hre lo. An thu lo chuan engmah a theih awm si lova.
March 21st, 2008 at 10:26 am
Lammual ah hian Stadium awm ta se chuan traffic jam a nasa mai mai ngawt lovang maw? Sihhmui lamah te awm ta se, a ziaawm zawk lovang maw? Kawng a nuam si a, traffic tawt lutuk pawh kan ziaawm phah ngei ang.
https://gerrarda-pa.blogspot.com/ hi lo tlawh ve teh uuuuuuuu..
March 21st, 2008 at 12:51 pm
Kan ram hruiatu te zawhna leh chhanna chuan lung ava ti awilo tak em? mimawl tawngkam thiam awmkhawm diktak anni! MLA ah hian MBA,Doctor(MBBS), Ph.D,Engineer te hi awm ve teuh thei se kan ram hian kan thatpui zawk a rinawm.
1.Nursing college sakna tur pawisa bo pawh an sawi chianglo duhlo!
R Tlanghmingthanga, Health & Family Welfare Minister khian hriat vek
a rinawm.
2.Assam Rifles lammual a stadium sak tum hi enge a awmzia! khawpui
tawt zia hi an hrelo ami! Assam Rifles hotu ten an phal chiang toh em?
3.Oil and gas dapchhuah hunah Mizoram in share engzah nge kan chan
ve dawn, peh hel lo hian han sawi chiang deuh se a lawmawm ngawt
ang,D.Thangliana zawhna leh B Lalthangliana chhanna khi a ho lutuk!
March 21st, 2008 at 2:10 pm
@honey, dik chiah! Kan ram hruaituite calibre hniam zia a lang! Hui ha..!
Thil lang chiang chu:(Keima mimal ngaihdan mai mai..)
1. LAMMUALAH STADIUM AN SA LO ANG:. Eng vang maw? A estimate 136 crores-ah 12th Finance Commission atanga Rs 25.00 crore dah atangin phase-I thawh phawt a ni ang a, a chhuanzawmna tur sum awm veleh …khawi atangin nge chu a chhunzawmna tur SUM chu lo awm ang? Engtia rei nge? Hun akal zel ang a, a Estimate pawh vawi tam revise a ngai leh ang a….Phase I atana 25 crores pawh ‘12 Finance Commission report’ atanga Tender koh!! Official-a Sanction-na lehkha pawh hmuh tur awm lo…Assam Rifles hovin an hre lo an la ti ta deuh deuh.. MNF political stunt mai a nih hmel!!
2. Mizoram College of Nursing dinna tur pawisa bo hi Minister Tlanghmingthanga hian a hre reng a, amah ngeih hi a tibotute zinga tel ve a nih avangin a sawi ching duh lo.
“Bo a awm leh awm loh hi chhui mek a ni”…He he… Minister meuhin bo a awm leh awm loh pawh han hriat loh chu leh…Mahni hna chanvoah a chiang lo deuh nge a chiang lutuk zawk???
3.Lalchhandama Ralte khian a zawhna mawl lutuk hmangin Zoramthanga hming tihthat a tum tih a lang reng. A hming tha chuang lo..leiba ngah em mai!!
4.D Thangliana:
Oil & Natural Gas zawnnaah hmasawnna a awm em?
B Lalthangliana:
Oil & Gas zawnnaah hmasawnna a awm.
He he hehee.. Naupang Sunday School-a Thuinchhang kan sawi rual thin kha min ti hre chhuak!
March 21st, 2008 at 5:45 pm
House-ah an inchhang mam leh pur mai maw!!! mipui bum nan house zahawm tak an hmang leh ang tih ava hlauhawm em? Dawtsawi culture ah min hruailut palh ang e.
March 22nd, 2008 at 1:01 am
an in ep dan chu a naupang chhia ang reng hle mai a. Bakah, tu, dawt thup thiam thiam ti te pawh an ang roh mange
March 22nd, 2008 at 11:58 am
Kan politician ho ka huatna chhan chu mipui hmuhah inhua ang deuhin an awm a, a takah an in haw leh silo hi ani, a rukin an in support tham lehnghal a! mipui hi min va bum nasa tak em!
Ram siamthat duhna State (e.g. Kerala,Tamilnadu,Andhra Pardesh) ah te chuan an politician te ram hmangaih vangin Assembly house ah te anin tibuai mai, kan politician ho ve hi chu mi hmuh a lan mawi tum ringawt a taka corrupt hle si, ram siamthat nana engmah ti thiamlo, mimawl awmkhawm mai anlo ni!!
kan politician ho hi ram hruaitu atan an qualify thlawt lo.
March 22nd, 2008 at 12:02 pm
kan MLA ho zingah hian Mipui/Mimir ho aia Vision nei tha leh Fing (Fing phakar/tawngkam thiam ringawt nilo) 10 thlanchhuah tur ti ta sela a beidawn thlak ngawt ang!