mi(sual).com

Lunglei a LDF Cable Net Work buatsaih Mizoram Youth Idol 2007 result puanna nizan a A&C hall a neih chu mipui an hlut hle, Top 10 ten hun hlimawm hmangin, Khuallian Pu ZH.Ropuia Sports & Youth Services Etc. chuan, He Mizoram Y outh Idol 2007 Chhimlam mipui ten nasa taka an hlut leh an chawimawi thiam chu fakin, ka beisei phak aia nasa a thalai te chunga hna a thawh dan hi lawmawm ka ti, tunlai Thalai te Khawvelah Youth Services pawimawhna leh hlutna hria a, thalai te Talent klan zawn thiam zel a tul a ni a ti.

Hall chhungah mi sawmbikte an khat a, Hall chheh vel kawngpuiah mipui sing tam tak pungkhawmin lirthei tlan thei lovin kawng an block vek a, banner hlai pui pui zar in, In lamah TV atangin Live a thlir tu an tam hle bawk.

Tichuan he ‘Y’ Idol contest mi 600 vel zingah Lawngtlai Tlangval, zaithiam em em, TBC Zaithanpuia chu Youth Idol 2007 atan thlan chhuah a nita. Pahnihna atan Lawngtlai tleirawl, hmeltha leh zaithiam tak K.Lalnipuii, thlan a niin, Pathumna atan Lunglei Theiriat Tlangval, Shillong a BA 2nd Year zirlai, Zai lai hmel hmuhnuam em em, C.Vanlaldintharpui thlan a ni bawk, hei bakah, hian Promising Contestant atan Lalrintluangi Saiha leh R.Lalremfeli Lungsen thlan an ni a, Best Entertainer atan C.Lalhminghlui Lunglei Ramthar Veng thlan an ni bawk.

Youth Idol TBC Zaithanpuia hian Y’Idol pawisafai ken Rs 38,000/- a dawn bakah, mimal pawisafai pek tlingkhawm Rs 50,000 chuang dawngin, Pawisafai petute zingah hian Pu ZH.Ropuia Minister leh Dr.R.Lalthangliana Minister te an tel bawk. 2nd.K.Lalnipuii hian Y’Idol pawisafai ken Rs 23,750/- bak mimal pek tling khawm Rs 50,000 chuang leh C.Vanlaldinpuia Y’Idol pawisafai ken Rs 20,050/- bak, mimal pek tlingkhawm Rs 20,000 chuang a dawng bawk.

Present dang neuh neuh tam tak an dawng bawk. heng zingah hian Youth Idol hian Washing Machine te, Steel Almerah lian, Dressing table changkang Foreign Guiter etc etc a dawng tel a, Mizo zinga multi-Millionaire Pi Remsiami chuan N.,Delhi karkhat cham a a senso zawng zawng tumsak a zinna amah hruaitu nen a phalsak.

Result hi zanlai 12:15am vel khan puan chhuah a ni a, Boruak a HOT hle, Vawiin (9.2.07) hian Sports Minister ZH Ropuia’n a chenna In-ah Top 10 te zanriah a siamsak, Lawngtlai mipui chuan Youth Idol pakhatna leh pahnihna an hauh theih avangin an lawm zia entirnan naktuk hian Mipui ten ropui takin an lo hmuak dawn.

– K.Zothankhuma Ed. VIRTHLI News Lunglei.

This entry was posted on Friday, February 9th, 2007 at 10:20 am and is filed under Whatever. Both comments and pings are currently closed.