Mizorama Kohhran lian berin fa neih tam lamah tan lak tumin an bawhzui mêk a, he thil hi thil pawimawh tak leh chhut chian hun lai tak a ni. A chhan ber nia lang chu Assimilation vang ni berin a lang a, kohhran thil pawh ni lovin HNAM thil a ni zawh mah. Engtia hmalak tur nge tih erawh hriatthiam har tak a ni. Thil ngaihtuah ngai:-
1. Mi rethei kan pung anga, kutdawh kan tam phah mai angem?
2. Kan economic hian a tlin chiah angem?
3. Kohhran tih anih avangin Sorkar hian a ‘YES’ leh mai dawn em ni?
4. A dang pawh a awm teuh ang.
Hnam anga chhût chuan Mizote hi kan ral mai ang tih pawh a hlauhawm khawp mai. Kan la tlem ropui si a. Kan ramin zirin, sumdawnna leh hna tam tak te hi nei phei ila chuan hna thawk tur hi kan la indaih lo tih a chiang nasa mai si. Ngaihtuah chian ngai tak a ni lawm ni….?
Similar Posts:
- Israel Hnam bo leh Mizote
- Hnam dang pasal nei fate hi!
- Zai Lam Leh Bawk
- Elevated Road kan siam ang maw?
- Zoram tan engnge i tih ve theih?
May 13th, 2009 at 2:05 pm
Fa neih nan mipa chi a ngai kan pai em um vek, hman duh leh duh lovah a inghat kan tih rualin a pai tur lamin an duh loh chuan chi kha pe ngawt mah ila a sawt awm lo. nuam juai ringot ang.
Naupiang an tam na na chuan tha an pung ber anga sual leh rethei pawh an pung ve tho ang. CM tur tha deuh te an pian fuh chuan kan ram hi kan intodelh anga no a liam joih joih tham kan nei jeih thei asin.
Kohran thu hi kan jawm tam vak ka ring lo kan sual hlom si, mahse jawm deuh an awm pawn an tlem viau ang
May 13th, 2009 at 2:10 pm
Nupui kan la nei ve bawk si lova, ngaihtuah thiam a har khawp mai. Tun ang rih mai mai ah chuan, mahni enkawl theih tawk fa hi chu neih a tha. Neih tam duah a, chawm leh theih si lo ai chuan.
May 13th, 2009 at 2:14 pm
Myanmar,Manipur,Bangladesh,Tripura,Cachar etc atanga Mizorama Orphanage a awm ringawt pawh hi an tam tawh lutuk…hetiang hian min tibuai,hna pangai pawh kan thawk tha thei tawhlo ani hi…
keimahni pawh kan in relbawl theihloh laia ramdang atang free taka kan rama lo lut ho hi Check an ngai tawhin ka hria, nakina kan tan hnawksak anla ni thei…
Bangladesh leh Cachar atanga lo lut ngat phei hi chu tam tak anni…engtin nge kan check ang?
May 13th, 2009 at 2:37 pm
Synod lah hi ! An pastor-ten fa an neih tlem hlawm hlawm nen ! Fa neih tam chuti fakauva atha a nih chuan anmahni, a chawm zo zawk zawk hian nei teuh se la niang chu ! Hypocrites!
No offence!
Ka lawm e!
May 13th, 2009 at 2:41 pm
Thenkhat chuan population tam hrim hrim hian changkang kan inbeisei tlat a. Mahse, kutdawh ram kan nih zia hi theihnghilh ta lo ila, tuna kan resources neih chhun pawh kan la hmang hlei thei lo a ni a, heng ho hman tangkai hi zir ta phawt ila, kan changkang zawk angem?
Ram nitla seng lova, roreltu Kumpinu sorkar kan tih thin khan, khawvel ram tin a awp bet thei tlat. An tawng pawh a tirah hmangtu an tlem teh lul nen tunah chuan khawvel pumah kan dah pawimawh viau tawh mai. Population tam hian changkangna a pe kher lo khawpin ka hria…! Chuvangin, population tam leh tam loh nilovin, ram sorkar te, mipui (human resource leh natural resources)hman tlak, technology hian ram changkang a siam zawk a nih ka ring.
Population tam hrim hrim changkanna a ni ngawt lo, khawi lai emaw ethnic intihbuai changa, tam hneh hrim hrim ang kha tunlai globalah hian a effective ber lo mai thei. China leh India pawh mihring an tam, mahse an changkan leh changkan loh tehna level chu technology leh human resources lam te ni daih mai….!Mihring hmantlak hi pawimawh zawk chu a ni.
May 13th, 2009 at 2:43 pm
Hemi chungchang hi “Synod ethics”.;) kan ti mai dawn em niang?
May 13th, 2009 at 2:43 pm
England-ah leh ram changkang thenkhat Nlal-pi-elcee te vengah chuan, fa nei tam turin an in fuih leh tawh zawk !
Ka lawm e!
May 13th, 2009 at 2:54 pm
Developed country ho kalphung hi thuhran..an family leh social structure pawh leh developing country chhungah pawh a hniam ber ram hian fimkhur taka chet lak a hun fuin ka hria. Mihring hman tlak duang si lova, fa neih duah hian crime, ethnic conflict, corruption, violence leh mirethei zawk rahbehna nasa zawk a thlen duh viau mai.
Hemi avang hian mihring inbuatsaih lamah hian tan lak hi Kohhran hian tihtur tak a ni zawk dawn lawm ni. Tunah pawh 10 lakhs awrh kan awm a, kan inenkawl hlei thei lova, khawtlang sualna bakah corruption hming kan hre zut mai. Mihring mumal lo zet pung ta thur thur ila, Kohhran hi chebuai ka ni zawk angem?
May 13th, 2009 at 2:55 pm
Fa neih tam hi ka bawhzui ve thei lo, ka nupui laka rinawm chung chuan a theih ve loh
May 13th, 2009 at 2:56 pm
Lal-pu-epistemology,i sawi dik lituk i bungbu thei ! Lal-ethic-liana ti tawh che ila atha ang!
No offence
ka lawm e!
May 13th, 2009 at 3:01 pm
Fa chu a siam lai hi chua anuam viauva, mahse, a enkawl lam hi ani!
Ka lawm e!
May 13th, 2009 at 3:08 pm
Kohhran te chuan sunday school member tlem tak avang chauh in a ni lawm ni fa neih tam an rawt na chhan. Biak in chhung chauh lo hi ngaihtuah ve deuh se.
May 13th, 2009 at 3:18 pm
Kei chu neih theih chuan nei teuh dön..10 poh poi tilo. A chhan chu fa nei tlem fate an fel kher lova, fa nei tam fate an sual kher lo bok… He khovelah hian voikhat piangin fa enkok theihna hun voikhat kan nei, a bak a theih loh; risk liau liau a ni. Pathianin min pek chuan 10 chuang poh poi ka tilo..
May 13th, 2009 at 3:19 pm
Enkok - enkol
May 13th, 2009 at 3:21 pm
Hman laiin fa nei tlem tur a insiam an awm ngai lo.An chang kang vak lo.A nih leh engtik lai tak a tang khan nge kan zia awm tak?Fa kan neih tlem tak hnu em ni?Ni chuang nang.Kristian kan nih vang in a ni,kan mi hmasa ten Pathian thu an awih em a,chumi malsawmna chu a nizawk!Han chhut ngun teh u,fa neitlem ten fa fel an neih phah em,an changkang em,anin todelh em le.Nawmsak kan tum na lutuk a vangin Pathian malsawmna FA kan nei peih tawh lo a,Kan chhiat phah zawk a ni thei ang em? Tih tak takah chuan kan ramah hian ei hmuh na tur chuan thawh tur a va la tam si ve!Kan thawh peih loh vang zawkin mikhual chamrei kan ngah a ni mai em?China leh Hamaradesh pawh super power nei zing ami kan ni tlat.Sawi tur a tam thei ngawt ang.
May 13th, 2009 at 3:52 pm
Kei zawng Nupui pakhat aia tam Sorkar hian neih a phal loh chuan Fa ka nei duah thei looooo, chutih rualin pakhat pawh chhaithluk har tih nak alai in,a thenin an hmuh zawh teh reng nen, Kohhran Upa uire fo pawh khawkhat ah ka hria Synod hian Abrahama hunlai ang khan Hmei tal hi neih phal se, kan pung chak deuh mahna.
Tuna kan nu pawh hi Tactic chi hrang hrang vawi 10 vel hmangin ka chhai thlu hram a nia,nau neih tam lam ni lovin, Nupui tur lam hi Sorkar hian problem-ah nei se, hnamdang neih lam ni lovin, a hmu zo ve lo te tan pawh hian…hi..hii
May 13th, 2009 at 6:09 pm
Faneih tam hi kan mamawh Mizo te future atan a pawimawhna ka hmu pha tlat. Vote te kan lak dawn chuan fa neih tam a Mizo te kan lo pun belh zel duh lam ka ni e. Pathian thu a ni bawk alawm le
May 13th, 2009 at 6:50 pm
A hma chuan, hetiang discussion ah, fa neih chiam support deuh hlir comment a awm thin a… Kan zia tawh hle mai.
Thil pawimawh hriat reng tur chu population pung vak vang in kan ram ruak a veng dawn lo. Pun chiam hi immigration control chi khat a ngaih chuan kan ti sual zawk ang. Kan ram ruak ven a ngai tih chu a dik em em a mahse fa neih pawp pawp hi a solution a ni lo.
May 13th, 2009 at 7:59 pm
Critics thenkhat chuan economic theory pakhat- population tam hi ram thanmawhbawk a ni an tih hi pawm lovin, ‘chaw hrai ngai apiang chu kut pahnih in a hrai thin a ni lawm ni’ an tia.Chumi entirna chu ka pakhat ai chuan kut pahnih a tam zawk a, ka chuan ei ringawt thawk mahse, kut in a puarna tur a thawk chhuak dawn a lawm ani tihna ang deuh a ni.
Developed countries te buaina ber pakhat chu ‘tar population’ an ngah ta lutuk khi a ni. Life expectancy a sang tawh si a, productive population zat thuak retirement benefits la si tar population an tam ta a , chu chuan an productive capacity a ti hniam nasa.
European Union chhut dan chuan kum 55-64 population zing a 39 percent chauh hnathawk an awm tawh a,2011 kumah hian chuan ram tam takin harsatna an tawk an ring.Tar population tam hian health leh pension benefits a sorkar hman chu tun a 15 % of total GDP atang 22 % in chho dawr tur ah an ngai a, chutih rual in production efficiency tla hniam tur ah an ngai bawk.
Chuvangin heng developed countries hmalakna ber chu population tih tlemna lam ai mah chuan ‘coverage ratios’ an tih- hnathawk population leh tar population ,sorkar rinchhana nung te in kar zau tih zim dan kawng an dap nasa a, USA phei chuan 1983 khan compulsory retirement age an hman thin chu a ti tawp hmak mai.Tar te pawh work force ah dah let an tum zawk a ni.
Japan ram khi khawvel a life expectancy san na ber -82 years a ni a, tar population khi 19 % an ni tawh a,pension benefit schemes hi an buaipui tan nasa tawh a,an chhut dan chuan 2030 ah chuan tar pakhat chawm tur in mihring pahnih chauh thawk ang an nih tawh an ring.
India ve hi le ? Khawvel a kum naupang population ngah ber kan ni.kum 15 hnuai lam hi hmun thum a then a hmun khat an awm . Mithiam te chhut dan in kum 2020 ah chuan India mipui average kum chu 29 , China leh US kum 34 , 45 hi western europe leh 48 hi Japan. Chu chuan eng nge a entir kan tih chuan kum 2020 ah chuan productive labour force kan ngah ber ang . He productive labour force hian investment kan neihna atan consumption kan neih hnu in surplus a siam .
A nih leh hnathawk thei , hnathawhna hmu lo te hi? Hei hi hnathawk thei hna hmu lo in hnathawk ho tharchhuah an rin ve hi dependency ratio an tia. Kan surplus tam leh tam loh chu dependency ratio hian a hril dawn. Mahse , Developed countries a tar population te ngaihtuah in , he surplus neithei tur a hnathawk thei labour force leh hnathawk lo in kar hi India ah hian a zim ber dawn a ni.
A sei dawn. Human Resources tih hian employed labour chauh a kawk lem lo , Total workforce , employed leh unemployed a kawk zawk. Human resources chhawr that hi Sorkar tum a ni a , chu chuan unemployment rate a ti hniam.
Mizo te kan tlem , chhut cheuh cheuh ila, tar population kan lo tam viau mai thei, Census data pawh zirchian a chak awm. Fa neih tam hi kan economy ngaihtuah hian kan tlinlohna em em ka hre law, Tar chawm tur hian fa neih teuh a ngai zawk.
May 13th, 2009 at 8:13 pm
Fa neih tam leh tlemah kan thu lem mai! Rawtna chu kan siam thei —a puitlinna erawh Chunglam remruatna a ni zawk. Pathian mite chawkhawn an awm dawn chuang lo.
May 13th, 2009 at 8:14 pm
kan thu lo em mai
May 13th, 2009 at 9:21 pm
Fa neih tam hi changkanna a ni lo a, mahse population punna chu a ni chiang alawm haha… Thil mak deuh mai chu a chawm thei ho hian an nei tam duh lo a, chawm hlei thei lo ho hian kan nei tam leh lawi si.
May 13th, 2009 at 9:32 pm
Nia kan thu lo khawp mai a nihna tak ah chuan.
May 13th, 2009 at 10:11 pm
chawm thei lo khan tam deuh neise tha awm lo ka ti
thanking you
yours honestly
the fonzc
May 13th, 2009 at 10:41 pm
Mi educated tak tak, fing tak tak, hna nei lo kan tam teh reng nen… or labour a tan.. mi chak zei tak tak hna hmu chuang lo kan tam teh reng nen… labour force ti tam tur in kan pun a ngai ti te in lo awm palh ange.
May 13th, 2009 at 10:47 pm
awme mahse labour tih aiah workers tur khawvel in a mamawh hnem ber chu skilled work force hi an ni tlats. Pathian pawhin hna tur a siam hnem ber
May 13th, 2009 at 11:09 pm
‘India ram pum huap chuan Birth Control Policy hi thil tul tak pawh niin a lang thei a. Amaherawhchu, mihring tlemna Mizoram state-ah hi chuan he policy hi hman ngei tulin kan hre lo. Kan kohhran hian ngun taka kan zir hnuah kan ram enkawl tur leh Pathian rawngbawl turin pian pun zel hi a tul kan ti a ni. Chuvangin, sorkarin naupiang zel tur hrek zawnga hma a lakna hi thlahdul theih ni se kan duh hle a ni’. He thu hi Synod thuchhuak a ni.
A zahawm khawp mai. ‘Ngun taka kan zir hnuah’ an tih kher khian rilru a tihahdam bawk. ‘Kan ram enkawl tur leh Pathian rawngbawl turin pian pun zel hi a tul kan ti’ tih khian ngaihtuah erawh a tithui khawp mai.
Kan ram enkawl tur - hian mi tam tak kan mamawh ber kher lo. Quantity lam ai chuan Quality lam hi ngaih pawimawh hmasak a tha ka ti. Pung theia kan inhriat hunah pun lam chu a la har lo zawk turah a ngaih theih. India ram ngei pawh hi ngaihtuah ta ila, Population lamah chuan duhthusama tam kan ni. Mahse, kan tamna chu kan dis-advantage a ni daih. Japan ramte chu Developed Country an ni a, an nau lo piang tur tan Future thui tak a inhawng sa a, retheiin an awm dawn lo tih a chian mai bakah, an ram tan engemaw tal an ni dawn a ni tih beiseina a neih san theih tawh a ni. Tuna kan dinhmunah hi chuan ram enkawl tura kan beisei naupiang tam zawkte hi ram enkawl chu sawi loh un-employee percent ti sangtu mai an nih a la rinawm zawk tlat. Tin, ngun deuh zawka ngaihtuah duh chuan Educated nupa karah hian nau piang an tam lo tlangpui a, an chawm zova, enkawlna tha tak hnuaiah sei lianin ram hnuk tur an chhuak tam zawk. Un-educated lam product a tam tlangpui a, common men an tam a, ram tana chhenfakawm an chhuak tlem. Hei hian a entir chu, enkawl that leh theih si lohva fa neih duah hi ram thanmawhbawk a ni. (Ka thil sawi hi 100% chuan a dik kher lo tih kan hrethiam tlang anga)
Pathian rawngbawl turin – Pathian Rawngbawl tih tak hi ngaihdan a tam thei mai thei. Inkhawm ve thin satliah zawng zawngte Pathian rawngbawla kan ngai dawn nih chuan, lo piang leh turte pawh hi a tam zawk chu an lo inkhawm ve leh tho ang. Mahse, ti zawng hian han ngaihtuah chhin ta ila, Mizoramah hian Pure Christian (Krista zuitu) hi Nuai 10-ah hian Nuai 1 kan tling hian ka ring lo a ni. Pathian ram ti zau tura bei tak tak phei chu kan la tlem leh zual ngei ang. ‘Rawngbawl tura chhandam’ inti chung reng hian a bawl loh theih khawp mai. Chuvangin Birth Control Policy kal lai han dan chah nan em chuan a point hi a neu deuh em aw… ka ti a ni.
Chi tam tak thlah punga Khawvel luah khat tura thu min petu Pathian hian Central chawmhlawm ni reng chunga Mizoram luahkhat tur hian min duh tho angem aw…? Pun a tha, pun hma-a tih tur a la awm a ni. Ngun taka zir hnuah hian ngun leh zuala ngaihtuah leh a tha ka ti a ni ber e.
May 13th, 2009 at 11:50 pm
Zanin khan Zonet ah hemi chungchangah talk show an nei a, ka lo en ve a. Pu Vanneihtluanga sawi thenkhat kha a ngaihtuahzui tlak hlawm khawpin ka hria, en in lo awm ve hlawm emaw chu.
May 13th, 2009 at 11:56 pm
Ka en. Govt of Synod zing ah ei lo fe2 an tam ngawt ang!!
May 14th, 2009 at 12:15 am
Tu soi ta kha nge ni.. wonderboy nangmah hi niin ka hria.. A awm zong2 hawlchhuah pawh hi a ni berlo
May 14th, 2009 at 12:51 am
mzmivion@ labour force tih hi demographic notion ah chuan kum 15-64 a kawk. Chuvangin Labour force ah hian employed leh unemployed an awm mai zawk a, Labour work force hi employed tak tak a kawk thin.
Mipui tam in ram changkanna tur a thanmawh bawk a nih dan hi a awlsam ber in hetiang hian sawi ila-mipui tam chuan eiral puk puk na level a tisang a, mimal thawhchhuah (per capita income) a tlem bawk si chuan , khawlkhawm (saving) a sum deh chhuah a hman lehna (investment) awm tir tu tur ‘tlingkhawm’ (surplus) a ti tlem a , he tlingkhawm hi Sorkar chuan mipui hmakhua ngai a a rualkhai thei ang ber a hman a nih in, a nghawng chu sum deh chhuah leh hnathawhna a siamna a sang thei lo reng reng a, chuvangin mipui tam hi a tha lo an ti.
Mahse i han ti teh ang.Ngaihdan thar lam ber ah chuan mipui tam leh tlem (size) ringawt hi an ngaipawimawh tawh lo a, mipui zingah khan eng kum ho nge tam tih hi an en tawh zawk tlangpuia . Thu an uar deuh e , Hnathawk thei kum ho (working age group) in mipui zing ah khan a tam ber nihna an chelh phawt chuan chu chu ram tan pumpelh rual loh a kan advantage tur a ni an ti mauh mai.
He mipui zing a hnathawk thei kum ho an tam lai ( working age population bulge ) hi mipui tam chho dan hunbi hrang hrang ten an thlen a ni an ti. He hunbi-Demographic transition in working age group bulge a siam dan hi ti hian an chhut a-
Death rate hi birth rate ai in a tlahniam hmasa zawk. A chhan chu eng sorkar ah pawh , an hausa emaw rethei emaw - an hna hmasa chu basic social services an tih vantlang hamthatna tur vaccination coverage te, tui in tur thianghlim leh thianghlimna lam a khawtlang invawnna (Sanitation) leh zirna te hi political pressure vangin emaw political will vang emaw in mipuiah pek a ni thin.
Ram a lo than chho zel in , mitin in mahni thawhchhuah bak ah mi thawhchhuah ring a khawsa chho in death rate tlakhniam tir zel in life expectancy a sang chho thin.Pathian thu thu a nih rual rual in Death rate hniam hi Sorkar a innghat a ni a, a result a langchhuak rang.
Birth rate hi erawhchu ram a thanchho hun chhung rei deuhah a tla hniam ve. Mihringah a innghat a. A decision siamtute kha zirna pek te te an ngai a, hnathawhna Chuvangin ,Pathian thu thu a nih rual in mihring a innghat a nih avangin a tla muang. India sorkar family planning ah pawh hian sorkar dan siam hi -incentive zawng vek a ni a, tih luihna a tel lo.
He birth rate leh death rate tlakhniam dan in muan hleih hian mipui thanchho na hunbi ah hian hnathawkthei awmlai hun vanglai working age bulge a siam a, hemi hnu ah hian zawi zawi in tun a Japan , Western Europe leh USA ang stage -tar population tam (old age bracket) an tih hun bi hi a thleng thin.
Economist te chuan he working age bulge siamtu hi ram thanchhona (development processes) a nih avangin , he ram thanchhona hian he hnathawkthei tam vanglai hi a hmantangkai theih phawt chuan thanna (growth) nasa tak a siam an ring tlat.
Mahse he thanna siam tur hian hnathawkthei hnathawhna hmulo leh tar leh naupang chawmhlawm leh hnathawk inkar -dependency ratio a zim leh zau ah a in nghat thui hle dawn a ni.
Chuan Mithiam te chhut dan chuan he dependency ratio hi a tla hniam ve tial tial an ti. A chhan chu Birth rate leh death rate insan hleih lai kha naupang piang an tam a, naupang piang tam chuan dependency ratio a ti sang . Chuan birth rate a hniam ve khan naupang piang zawi zawi in an tlem a, Baby boom an tih lai a piang te kha working age group ah an chho deuh vek tawh a, dependency a tla hniam. India ah hian dependency ratio tlak hniam dan chu 1970 ah 79 atang in 2005 ah 64 tin an project dan chuan 2025 ah 48.
European countries leh Japan in dependency ratio sang an neih na chhan chu birth rate hniam si a, death rate hniam bawk si-tar population an awm nasa. Heng ram hian inthlahchhawn lehna hi an thar thawh leh ngei in a rinawm . Tar ram nih tuman an duh lo.
Mizoram bikah mipui pun chho dan hi
Year Male Female Total
Decadal variation
1 1901 39,004 43,430 82,434 x
2 1911 43,028 48,176 91,204 10.64
3 1921 46,652 51,754 98,406 7.90
4 1931 59,186 65,218 124,404 26.42
5 1941 73,855 78,931 152,786 22.81
6 1951 96,136 100,066 196,202 28.42
7 1961 132,465 133,598 266,063 35.61
8 1971 170,824 161,566 332,390 24.93
9 1981 257,239 236,518 493,757 48.55
0 1991 358,978 330,778 689,756 39.70
1 2001 459,109 429,464 888,573 28.82
Kan tlahniam hma lutuk deuh chu ka ti. Developed countries mah in inthlahchhawn an tintuah leh thut thut lai hian Bible thu ang hian kal mai ila a tha awm a sin. India mipui ah hian mizoram mipui hi za ah 0.8 % vel chauh kan ni a, India states dang zawng tar population period a an luh lai hian keini hian working age population bulge kan thleng ve chauh mai thei ,kan trend en vang vang hian .Chuvangin Synod hi ka thlawp mai.
Ka zin dawn sia ,ka ziak nghek mai.
May 14th, 2009 at 1:50 am
Comment ho ava ngaihnawm tak em? In rawn phawrhchhuak tha lutuk.
May 14th, 2009 at 1:55 am
@Epis, a va khawharthlak deuh ve? Kan reh vawng vawng mai maw… zanin zet chu..
May 14th, 2009 at 1:56 am
kawnga: lungai re re suh..hei an rawn comment ve pheuh pheuh alawm…:)
May 14th, 2009 at 2:01 am
@Epis, zing lama chhunzawm tawh mai ka lo rilruk deuh. Tha deuh deuh lo comment teuh ru auh….
May 14th, 2009 at 2:32 am
Fa neih tam leh tlem chungchang hi ram intodelh lo leh hna tam lohna ah chuan a kohhran emaw,sawrkar emaw NGO ang chi a in tih luih tir chi niin ka ngai tlat lo.A nei tam tura infuih ngat phei chu kan chawmsak thei anih loh phei chuan infuihna chi a ni lo.A sawimawi thiam ho hian fa an neih tam kher loh danah hian he thil hi kan ram dinhmunah chuan mimal duhthlannaah dah chi niin ka hria.Nupain khum lai zawla uluk taka ngaihtuah hnuah thuthlukna siam chauh chi a ni.Kan thuthlukna erawh a hlawhtlinna chu Pathian thu ani thung.Kohhran ang a nei tam tura infuih ngawt chi a ni leu.Ram Economic dinhmun in a zawh tawk hi a awm ve a nia.Kutdawh kan pung vak mai tur asin.
May 14th, 2009 at 2:50 am
Tuna kan economy a hniam uchuak na chhan chu sawrkar ber hi a nia, hetiang reng hi nilo tur ah indah ila. Kan hniam zia a lanna chu engpoh ti don ila sawrkar, sawrkar…. Hmuh leh hriat a hahthlk lam hret chu a ni. ti lo theilo dinhmun ah kan la ding bawk si.
Fa chu neih tam tur, neih treuh hma in engtin nge kan fate hi kawng dik leh tha, anmahnia an din khawchhuah ve theih ang tih in zirtirna hi a Synod tak pawha tih hmasak chi niin ka hria.
Khawtlang leh ram vei em em, an chhungkua leh an thlah te en a engmah ni leh silo te, kan hruaitu tam ber anla ni bawk si. Pathian thusawi tu tur pawh hi, keimah min en chuan chuti khati ti ho thusawi hi engteh vakah poh ka ngai theilo. Mi tih atan kan soi/hrilh don anih chuan mahni kan in siam rem phot tur ah ka ngai ve tlat.
May 14th, 2009 at 4:02 am
#31 hi Award pek tlak comment a ni hei chu. Kan pung nasa emaw pung nep deuh emaw tuna kan dinhmun work culture chhe lutuk leh work ethic mumal awm lo hian kan ram min tluk chiat pui mek ani tih hi i pawm ngam ang u. Chumi siam tha tur chuan sawrkar leh sawrkar hnathawktu te, kohhran zawng zawng, NGos/NPOs,Industrial workers awm chhun te leh mipui nawlpui leh thangthar ten beng sika ngaihtuah tlang (common agenda) neia kan kal dan mek kan thlak thak ngam a ngai a ni.
May 14th, 2009 at 8:45 am
“A Pathian thu” tih lam hi chu tan chhan a tling lo engti kawng mahin, khawi lai ah mah kan Pathian thu hian Mizo te hi pung tual2 turin min ti lo. Inthlah pung a khawvel luah khat turin mihring thu a pe a, chu thu chu zawmin a awm tawh.
Pathianin Mizo hnamte chauh hi min enkawl lo tih hre phawt ang u…we are INDIANS FIRST, then MIZO tih hi huai takin ka han sawi leh ang e..
Sap ramah chuan fa neih an sawina chhan chu Family structure mumal lo ltk a tam tak live-in relations nei an tam ltk a lawm, chu bakah an economy in a tlin….keini kan eikhawp BUHFAI pawh kan thar si lo
Family planning hian fa neih tlem ni lovin, mahni phak tawk leh chhungkaw that tlan na tur a fa neih a zirtir….lo pawngpaw do ngawt chi a ni lo…a at thlak
Pawngpaw fa neih tam advocate ho hi chu mipa an ni duh chawk, hmeichhiate hriselna leh naute hriselna ngaih pawimawhna chang hrelo/chhut phak lo an ni duh chawk.
Fa neih tam ka sawichhe lo, a enkawl peih leh chawm zo chuan nei rawh se….mahse pawisa aiin hun leh tha a heh…a mipate lam hian chu chu kan zuam em?? Zing dar3 vela naute tap thawm hai der tur tlat chuan fa neih tam a pawng a takin lo tlangaupui chiam lo ang u!
May 14th, 2009 at 12:40 pm
Kan unaupa Ramtea Missionary Karbi Field a awm pawhin a sawi ka hre reng thin. “A hun hma a in reh hi a tha lo, Pastor turte Doctor tur te kha kan lo dang palh ang a, Pathian pawi te hi kan sawi zawk mai ang,neih tawkin Ringtute hi chu Pathian in mal minsawm zel,a mah ringtute Chawkhawn an awm lo” a tih thin kha ka ngaihtuah let hian a dik ka ti tlat, amah erawh chu chumi avanga mahni dinhmun leh eizawnna in relbawldan ngaihtuah miah lova Fa neih duah erawh ka support vek kher lo.Hrisel lohna avang a hmeichhia te an in siam hi chu ka pawm sak a, Pathian duhdan ngaihtuah miah lova Fa pakhat lek neih a Insiam ta ringawt mai te hi chu Pathian duhdan a ni ber ang em ?
Enge in ngaih ve dan ?.
May 14th, 2009 at 2:45 pm
#5 ami “Ram nitla seng lova, roreltu Kumpinu sorkar kan tih thin khan, khawvel ram tin a awp bet thei tlat” tih lai tak kha….Technological/tactical advancement avangin khawvel an awpbet a,an population tlem vangin world war II khan an ram awpte puihna an dil a..independence intiamkamna nen an ram awpte ho khan an tanpui chauh zawk a, indopui zawh khan independence an pe chur chur reng a ni lawm ni…? Tin, family planning hi engpawh lo ni se kan kalpui dan hi chu tawngpawng fa neih tlem inzirtirna hi a ni ber zawk lo maw….kan kalpui dan hi nihleh do tlang ila..hehehe…no offence…
May 14th, 2009 at 10:04 pm
“we are INDIANS FIRST, then MIZO” tih hi a dik lo lutuk. Decades of neglect hnu ah tiang hian ti reng reng lovang u. Republic of India hi collapse ta se, keini hi an ngaihtuah loh ber tur te kan ni. India a pian hma in Mizo kan ni daih tawh. Mizo, Indian citizenship phat san te pawh an ethnicity Mizo a ni tho. We are MIZOs first, then Indian… furthermore we BECAME Indian as a result of a consequence of events. Had those events taken a different turn, we may not have been Indian, but still Mizo.
May 14th, 2009 at 10:06 pm
Bawhzui hnem chuan …fa ngah reng ang chu!