July thla kan chuangkai leh ta der mai, kumdang angin Mizoram chu ruahtui tla ta tam lo mahse, khawlai a chiau thin khawp mai.
Thudang deuh. Tunhma deuh khan kan I&PR Dept. khan an Calendar tih chhuah thinah khan Vawkhniahzawnthla an ti thin a, tun kum Calendar ah chuan an ziak dik ta, a lawm awm e, phailama thawn lova Mizoram chhung ngei a siam chu Typing mistake a awm lo deuh, kan tawng hman leh ziah dan hi i uluk lehzual ang u, ka lo ngaimawh thin tunlai tawng pakhat chu, a eng a mah hma a, ” I hria em ?” “I hrethiam mai em ?” kan hmeichhia te hi an ni zual bik.
A enga mah hma in an sawi hriatphawt hma a an sawiduh hre tur a min ngai ringawt hi chu a dik lo deuh ka ti. Enge misualho in ngaih ve dan le ?.
Similar Posts:
- Mizo class
- New year in Iran and Afghanistan
- Leaked!!
- Mizo hmeichhiate’n puan an veng tawh.
- Traffic police an thu ber?
July 2nd, 2009 at 9:16 pm
ka thlop ce…Zaizir a..”a..aaa.aaa…” kan ti tam ta ltk te hi mizo ti ti leh inkawmhona a kan hnam kalphung..expression of dialoque/speech chu a ni lo deuh xong a ni..intih changkanna tho a niang..ka ti ve ngailo…kei msual poh hian…
July 2nd, 2009 at 10:03 pm
Vawkhniakzawn thla tih hi ka hriat thin dan a nia, mahse pa thil chinchang hre deuhte zingah pawh, ‘vawkhniahzawn thla’ ti tlat hi an awm ve a, a dik ve ve ni hmiang, ka lo ti mai a!
I hrethiam mai em?
July 2nd, 2009 at 10:08 pm
Kei chu Vawkhniah hi a awm pawh ka hre ngai lova, Vawk hniak tih hian a dik ani tawp mai, ‘hniah’ tih hi chu inti no deuh lam dan aniang
July 2nd, 2009 at 10:18 pm
A hming reng reng hi an khua hi a trop hmel e
Furpui thla ti ila 
July 2nd, 2009 at 10:32 pm
thla, n. the moon, a moon, a lunar month, a month. (The following are the names of the Lushai moons or lunar months more or less corresponding to the English months indicated: January = Pâwl-tlâk thla. February = Lo-vah thla. March = Vau thla. April = Ṭau thla; Lalmânga nu hlawh rawih thla (ancient reckoning). May = Buhtuh thla. June = Fûrchawn thla; Chawnfâng thla; Hnuhlâk thla; Ni-kîr thla; Lalmânga nu hlawh rawih thla (ancient reckoning). July = Vawk-hniah zawn thla. August = Mîmkût thla naupang; Thi-ṭîn thla (Fanai reckoning). September = Mîmkût thla; Thi-ṭîn thla (Lushai reckoning). October = Sahmul phah thla; Khuangchawi thla. November = Buhseng thla. December = Buhseng thla.Click here if you want proof in Pu Buanga diksawnari
July 2nd, 2009 at 10:33 pm
Spoken leh Written language vang mai niin ka lo hre ve a. Entirnan, LO KAL RAWH U tih hi chu ziak dan tur dik tak anih laiin kan tawng chuan LO KAL RU te kan ti liam mai thin a. Hetiang deuh bawk hian VAWKHNIAKZAWN THLA pawh hi a sawia sawi chuan VAWKHNIAHZAWN THLA te an ti ta mai niin a lang. CALENDAR ah meuh kan chuan tir dawn chuan a dik taka ziah erawh a thra khawp mai
July 2nd, 2009 at 11:02 pm
Pu Buanga chuan “Vawk hniah zawn thla, n. the moon or lunar month corresponding nearly to July.” tiin a dictionary kum 1912 vela a buaipui tawhah khan a tarlang a. Thenkhatin lehkha ziak kan hmanna ang deuha Ziak leh Ziah ang tho hi niin ka hria. Ka lehkhathawn ziah sa ka ti bo ti ve mai lo va, ka lehkhathawn ziak sa ka ti bo ti tlat an awm ang deuh mai hi niin ka ring. A dik ve ve thei ang chu.
July 2nd, 2009 at 11:05 pm
Thaiboy “hniah” tih chu pherh ho tih dan a niang.
July 2nd, 2009 at 11:06 pm
A sir veilam kila, Awww ka post !! Khaw nge i awm? tih model a in hman khi avan chhelo ve !
Click for more – tih a rawn ken dan vel te khi ka tran lutuk 
July 2nd, 2009 at 11:08 pm
Pic ami khi khawi khua nge han sawi teh u kan khua chu a ni lo tawp mai a
July 2nd, 2009 at 11:11 pm
Mvsion; “lalmanga nu hlawh rawih thla” nge “lalmanga nu lawm rawih thla”. Hman ni deuh lawk khan “lalmanga nu lawm rawih thla” tiin ka chhiar a.ka chhiarna kan keu leh dawn a ka keu chhuak thei tawh lo.
July 2nd, 2009 at 11:13 pm
Mvsion = mzvision
July 2nd, 2009 at 11:17 pm
a dik ve ve ang mahse a tunlai trawng zawk hi chu lawm rawih thla tih hi ni mai turah ka ngai
July 2nd, 2009 at 11:19 pm
Kei chu in pic a khua khi a mawi ka ti zawk Vawkhniakzawn thla chu khua a hreawm duh em mai
July 2nd, 2009 at 11:28 pm
Hniah tih hi verb a hman a ni a, vawkhniahzawn tih hian thluk inang vek a lam tur a ni. Mahse, Vawkhniakzawn thla tih dik ka ti zawk a,ka la duh zawk ta fan.
July 2nd, 2009 at 11:40 pm
Pstor Liangkhaia chuan heti hian a ti a “Pi Hmuaki hla phuahthiam kha Ngente mi a ni a, “Lalmanga u hlawh rawih thla” an ti a, Lalmanga pawh hi Ngente lal a ni, an ti. An khaw hmun hmasa berte chu Chawnghawih leh Ngente hmun (Chin hills ah a la awm) te khi an ni, a ti. Thlang tlak tirh laiin Lungdupah khian Lalmangate unau hi an la lokal a ni, an tih chu. Chung lai chu kum 1780 vel niin an hria.
Lawmrawih hi hlawh nen a ni ngai meuh lo va, hlawh rawih tih hi a dik zawk mai thei.
July 3rd, 2009 at 12:33 am
Ka lo buai rukna ka fiah phah kuar mai. Calendar ah hian ‘hniah’ a inti leh thin a, ‘hniak’ tiin ka lo hre tawh laklawn sia. Chuan, buaina ka la neih ruk fo chu, ‘zawn’ hi a ni. A thluk dik hi enge? A meaning ber hi enge?
Khua a diak kawi lutuk a, vawk hniak pawh a lang fum fe thei lova, zawn hial a ngai a, tihna nge? Chirh diakah vawk hniak a khat veka, a zawn zawnin a awm tihna lam zawk? Nge a dang a la ni fo?
July 3rd, 2009 at 12:34 am
Heihi lo chhiar ve chhin teh u.!
- Zalianthanga,Tahan
Kum khat chhunga ni rei ber ni hi June 21 emaw 22 emaw a ni tih chu hriat dan tlanglawn ber a ni ti ila, a sual tam awm lo ve. Chingal leh sa um rim nam deuha kan sawi dawn chuan Nikir thla hi a ni a. He ni kher kher hi a ni Lalmanga nu lawm rawih ni kan tih chu a ni. A thla hminga sawite paw’n Lalmanga nu lawm rawih thla an ti mai a ni awm e.
Ni e, he lai thuah hian hriat dan inpersan tak awm pakhat chu ‘Lawm rawih ni’ nge a nih a ‘Hlawh rawih ni’ tih hi a ni. He mi chungchangah hian kan mithiamte len tlak pawh a inchen thei meuh lo. He mi baka a penhleh pakhat awm leh chu Lalmanga nu hi a awm tak tak em tih hi a ni tel bawk. Lo awm teh reng pawh ni se, a chanchin leh hnu hmate hi a va bul si ve ti an awm bawk. Chung vang chuan ngaih dan chi hrang hrang hmangin in han bawl phuan dawn teh ang hmiang.
Lalmanga nu hi tu a ni tih hriat mai theih a ni lo va, sawi dan chi thum a awm thu James Dokhuma chuan a sawi. Pakhatah chuan Lal hmeithai a ni a, hmanlai lal pawhin lo an nei thei tho va, an khuate chuan tha eng emaw zatin an pui thin. Lalmanga nu chu June 21, khawvela ni sei ber kher a thlang a, an khuate chu a ruai thin a, chu mi hming chawiin he thu hi a lo piang niin an sawi a.
A pahnihnaah chuan hmeithai a ni a, mipa chak tha a pei thin a. A hna khawl chu June 21 hian a ruai thin tia sawi an awm bawk. A pathumnaah chuan Lalmanga nu hi mihur a ni a, a hlo thlawh tlangvalin an mutpui thin a, chung a mutpuitute chu he mi ni hian a ruai khawm thin. Chuvangin, ‘Lalmanga nu hlawh rawih ni tia sawi an awm bawk’ tiin a ziak a 1.
Pu Buanga chuan Lalmanga nu hlawh rawih ni/thla tiin a thufiah buah a ziak a.2 Pu Dokhuma ngaih dan nen pawh a inhrul viau mai. Pu Remkunga thufiah bu (Dictionary)ah erawh chuan ‘Lalmanga nu lawm rawih ni’ a ti thung a 3. A eng thu zawk hi nge ni, ui benga thlun tur tih hriat a awlai ta lo hle. Rev.Z.T Sangkhumate unau thum buatsaih thufiah buah chuan awn lam nei lovin a thu laiah an ding tlat mai a, ‘Lalmanga nu lawm/hlawh rawih ni’ an ti thung a ni. 4
He lai thua ‘hlawh rawih ni’ tia ziak thinte zinga mihrang T.C Jonunsanga te, T.Ngakliana te, R.Vanlawma te, C.Laitanga leh Thuamtea khawlhringte chuan an sahuai thing vawn tlut mai a. Chu thu chuan R.Lalthazuala ngen a chhun zeuh nifahming, he tihian a chhak chhuak ve ta a ni. Lalmanga nu hi Chin Hills (1700 CE ?) vela, a awm lai a nih chuan finna lamah leh sana te an la nei si lova, hlawh rawih tura ni rei ber June 21 a hriat hi a rinawm loh hle. Nu fing leh lar chu ni se, a chanchin hriat zui tur hi a awm, hmel si a, hriat zui a ni bawk si lo. Tin, heng hun lai hian hmeichhe ngainep hun vel a ni awm si a, chung zingah pawh chuan Lalnu Ropuiliani bak sawi tur a awm a nih pawhin a tam lo hle ang. Chuvang chuan nu ropui leh fing a nih pawhin Missionary te lo kal hnu lamah a nih a ngai ang. Chuvang chuan Lalmanga nu hlawh rawih ni tih chu awmze nei lo leh thu satel lu mai a ni’ tiin a ngaih dan a vawrh chhuak ve ta a ni.5.
Sawi kai leh zel ila. Hualngo ram Chawnghawih khuaa seilian LK Liana (Vulmawi Buta pa) chuan ‘Lalmanga nu hlawh rawihna hmun hi Chawnghawih khua atanga mel khat vela hla, ram zawl rai tha takah a awm a, tun thlengin ‘Lalmanga Zawl’ an ti. Lalmanga nu hian a hlawh rawih ni hian arsain a in hrai puar thin a, chhunah tui a in a in mai a. Michhia hian tuisik hi chawah in va ring mai lo ve, a ti a. Ngenteho Chawnghawiha an awm laia an lal chu Chhunruma a ni a, Lalmanga leh Ngaiha hi a fa nge a nau zawk tih a hriat chian loh a ni. Ngaiha hian a inchhung kaltlang ngai turin tuikhur a hung a, tui chawi nu emaw nula emaw a it zawng chu a lo mutpui thin a. Lalmanga nu pawh chu a lo
mutpui a. Lalmanga thinrim chuan Ngaiha chu a that a. Chu tuikhur chu tun thlengin ‘Ngaiha tuikhur’ an la ti a ni.
May chawhnu leh June chawhma lam hi Belhtuk an tih, tul buai lai tak a ni a, an tul lutuk chhawk zangkhai nana hlawh ruai an ni. Ni rei lai tak denchhan ni zawk lovin tul buai zual lai tak kha ni rei hun a lo ni hlauh mai a ni. A ti ve thung 6.
Zofate chanchin bua kan hmuh leh dan chuan ‘Lalin an lal manah an khuate hnen atangin ni tha an dawng thin a, lo hna an thawhtir thin a ni. An feh ni chu ‘Hlawh rawih ni’ an ti a; lawm ruai nen a kalhmang a inang lo’ tiin tar lan a ni bawk a ni7. Mizo chanchinbua rawn hlawh tak ziaktu K.Zawla chuan ‘Lalmanga nu (Ngente lal) hi mi thil chik tak, khawlaia dawhkilh vihbur atangin ni rei ber ni a hre thei a, lal hlawh hi tha-in an la thin a ni’ a ti ve thung a8.
Eng le khaw le, ‘lawm rawih ni leh hlawh rawih ni’ tih thuah hian thutlukna siam a har hle a ni ang. Chhiartute hriat danah a innghat thui viau thei ang. A ziaktu ngai dan leh upa minte kam dawn atang chuan ‘lawm rawih ni’ tih hian a buk a rih mah mah zawk a, vawiin thlenga hmang leh sawi hi an tam zawk an ni mai awm mang e. Farkawn khaw bul Muallung (tuna Khankawn) Lal Dosanga fapa hi Rev. Lalziaka (Kum 92 mi niin 1998 kuma boral ta) a ni a, Rev.Lalzika fapa Pu Lallura Sailo (Hmunlai) sawi dan chuan Chawnghawih khuaah hian kum 1953 velah khan pawl 7, thleng Sikul ka kai lai pawhin ka pate hian ‘Lalmanga nu lawm rawih ni’ tih bak hian an sawi ka hre ngai lo’ a ti ve mauh mai.8
Eng pawh ni se, he kan thu buanah hian thu lai rem a har viau mai thei a, ngaih dan a tam pawm dan a tam tih ang mai a ni e. Thu dang a laiah thil pakhat han tlazep lawk ila, he ni June ni 21 kher kherah hian Ni heltu planet zinga Sikeisen (Mars) leh Chawngmawii (Venus) te chu, awn deuh hlekin (Declination) an indi chiah dawn bawk a, enhlatna hmanga en theih a ni ang. Heng hi kum khatah tum 2 emaw tum 4 emaw an indi thin a, indi loh chan pawh a awm thin10. A eng pawh chu lo ni se la, kan sawi tum tak erawh chu kum khat chhunga ni rei ber June ni 21 hi hriat nawn leh atana kan thu fun bera chu a ni e.
End Notes;
1. James Dokhuma (Dr.), Tawng Un Hrilhfiahna, Franco Offset, Aizawl,
2004. pp292,293.
2. Buanga (Pu), (James Hebert Lorrain), Dictionary of the Lushai
Laugnage, New Asian
Printer, Kolkata, 2008. p.283.
3. Remkunga, Mizo Tawng Dictionary, Synod Press, Aizawl, 1992. p.408.
4. Ngurchhawna (R.K), Sangkhuma Z.T(Rev.), Lalzuia Colney (Upa),
Zotawng Dictionary, Omniprint Offset, Aizawl. 1997.p.290.
5. Lalthazuala (R), Thu leh Hla (Mizo Academy of Letters), a ni zawk
lo vang maw, Oct. 1999. pp. 11-16.
6. Liana L.K., Zofate Thuhla, Zodin Printing Press, Below Vana pa
Hall, 1994.p.31.
7. Zofate Chanchin, H.L.C.A., EFCM Press, Tahan-Kalaymyo, 1995.p.32.
8. Zawla,K, Mizo Pi Pute Leh An Thlahte Chanchin, Gosen Press,
Aizawl, 1989.p.122
9. June 8, 2009, Tahan Methodist Office hmuna kawmna.
10. Weekly Eleven, News Journal, June 10, 2009.pp.1,5.
July 3rd, 2009 at 12:38 am
Ka lo ngaithla e, kan fin phah leh sawt dawn chiang mai
July 3rd, 2009 at 10:23 am
Hei pawh-
-Zungmawka
Hailakandi
“July thla tih ka rawt e”.
ka lawm e.
July 3rd, 2009 at 11:06 am
Vawkhniakzawn thla tia koh aiin Bawnghniakzawn thla tia kozawk a thei chaun ko i la ka duh kei chuan. Khawvela mitam zawk chuan vawk aiin bawng an ngaisangin an duh zawk. Thlaktheise ka duh..:D:D
July 3rd, 2009 at 11:19 am
Chu tia an ngai sang zawk/ an duh zawk kan tih zel dawn chuan sakeihniakzawn thla or saihniakzawn thla te ti ta zawk i la.
Bawng ai chuan sakei leh sai chu an duh zawkin an ngaih san zawk ka ring.
July 3rd, 2009 at 4:02 pm
mzvision, burgerstud, Zoram Research Foundation blog-ah hian in lut tawh em? Ka link thiam tlat lo. Google-ah lut ula, Zoram Research Foundation tih chhu lut ula, a lo lang ang a. chuta tang chuan in lut kawi mai dawn nia (Kual teh duah!). An blog hming pawh Zoram Research Foundation tih a ni e.
July 3rd, 2009 at 4:22 pm
tetea7:Eng maw…
July 3rd, 2009 at 4:54 pm
a khua lo lang hi eng khua nge le?
July 5th, 2009 at 12:05 am
Hre’em? Hrethiam em? tih vel hi chu ‘ngaithla em’ or ‘ngaithla teh’ tih vel tlukpuiah ngai mai ang u.
July 5th, 2009 at 12:14 am
MzVision Pu Buanga Dictionary khi a download theih em? A theih chuan plizin a link mi rawn sih hmuh teh.
July 5th, 2009 at 1:06 am
@Ruga download theih loh online in a en reng theih alom a link chu ka dah khi comment # 5 a Click khi click keuh rawh
July 5th, 2009 at 1:20 am
@BAWMRANG
i thuthawh avangin lawmthu ka hrilh che. ka lawme
July 5th, 2009 at 9:56 am
mzvision thanks…Misual bawnra zual deuh hian Mizo-English-Mizo dictionary enge maw ber hi chu siamchhuak se ka va han ti tak em. Tunlaia vawk hniak hmuh tur a vang ang mai hian a vang nasa mai si a nih hi!
July 5th, 2009 at 10:45 am
FreeLang dictionary kimchang lutuk lo chu ka hmu exe file (https://www.freelang.net/dictio.....#download). Ka duh tak zawk chu mobile a dah theih jar/jad emaw .sis file emaw, a nih loh leh exe to jar converter tal pawh a hmu chuan misualah rawn post teh u. A tangkai dawn si a.