| He Pastor Chhawna tawngtaina tawngkam hi vawi tam ka chhiar chhuak tawh a, mahse a awmzia ka man fuh hlei thei der lo mai. Kan mi hmasa te kha thu leh hla lamah an lo ril hle mai. Thangthar te hian kan tluk lo hle a ni tih kan hriat chhuah theih nan ka rawn post a ni e. elldy|
Pastor Chhawna rawngbawl hunlai khan tumkhat chu Upa Chawithianga, Sialhau khuaa mi hian harhna a chang a, loah a feh hlei thei tawh lo va, chaw lah a ei hlei thei tawh lo nen. Zanah a muhil thei bawk si lo va, a mangang ta hle mai a. Pastor Chhawna a pan ta chawt mai a, a ni chuan heti hian a lo tawngtai ta a-
“Bosara kawngkhar bula ding chu a eng a thawl e, Hermon tlang ruah phingphisiau chuan a rawn nan harh ta che a nih hi. I hmaah hian thuthlung hriat dik theihna a lo thleng dawn e, a dum leh a var anga hriat dik theihna. Rin lohna mi an lo kal zung zung ang a; far bawk atangin i thlir thin dawn a nih hi. Saw saw a ni, rin lohna mi a chu Zawlneiten chaw an fak duh lohva, puan lukhupa an tlan pelh thin chu. Nang pawhin tlan pel ve thin ang che. En teh! sawta Judai rama thing sasaw hnuaia diar buk khima thu saw tu nge ni? Thingsasaw hnuai ruah phingphisiau chuan a rawn nan harh ta anih saw. Zion tlangval, inring rengin awm rawh. A hnung lamah man theih hauh loh, a chalsamah ngei man chat ang che. Hei hi a ni, Tedikel chhumpui hnuaia Krista aia hmangaihna palai lokal chu. Zion tlangval, i puanin kaihna a nghet hle, a pal dai a rawp deuh. Ngun takin en la, vel chhuak rawh. Chuta chinghne koham zuan luhtir a a tlan chhuak lam mawngtam hmu chu an vanduai thlawt e”.
Similar Posts:
- Mahni hming bula ‘Reverend’ dah hi
- Pan Lai Nun
- In kiss kan ni em?
- Krismas thilpek
- Auto Seat Hnung Atangin
July 24th, 2009 at 7:09 am
Thlarau mit meng lo chung chuan hriatthiam ava har nak nak tak ve.
Sawi tum chu a nei ve a nih hi!
July 24th, 2009 at 10:34 am
Ka ce thiam lo mahse hope a pe aniang a follow chuan, a dik leh dik loh chu tunge proof ta ziak miau bawk si
July 24th, 2009 at 10:58 am
Pastor Chhawna Inlarna hmuh kha Pastor-te aiin Politician hovin an tuipuiin an hrilhfiah thiam daih zawk a, a tawngtaina pawh hi Politician ho hrilhfiah thiam chi a ni zawk mai thei e.
July 24th, 2009 at 11:05 am
@samuelapa
Politician chuan an duh duh lamah mipui min hruai kawi mai mai ang hian he inlarna pawh hi anmahni(politician) duhdan milin an her rem thek mai ang i tihna angah kan ngai mai anga. Nge kan politician ho hi chu sawi loh ang zela thil ti real politician erawh thutiam a dingheta ti hlawh tling ngei thin hi. Sipai bo ka bang map mai
July 24th, 2009 at 1:18 pm
kan sawi ve dawn chhin: he tawngtaina hi kawng hrang hrang in a thlir theih ngei ang le. Sakhuana khawvel atang han thlir ta i la.
“Thingbul leh lungbul be thin kha chhandamna engah kan inhlangkai a, kan chatuan ram chan tur chu a chiang kuarh mai. Ringtu hmasa te kha chu an nghet em em a, sual setana pawh kha a awm ta hle hle mai a. Hun a lokal zel a thangthar te rinna kawngah kan dinhmun a nghet lo tial tial a, chutah meuh zawng setana pawh ngampa takin a duh duh phil kualin a leng ta ziai ziai mai a ni. A ni, hetih hunah tawh hi chuan tan eng ang pawh in han lathar leh mah ila, sebo hnua sekawng khar ang chauhin a mawngtam phe kan hmu a mawi a ni ngai ang le”. amen
July 24th, 2009 at 1:32 pm
Pastor Chhawna tawngtai thuchham zawng zawng khi tape recorder-ah an record nge le, a ngaithlatu te hian an bye heart vek ?
July 24th, 2009 at 2:02 pm
Pastor Chhawna inlarna Politician ho tan chuan thlasik pawnpui ang deuh a nia, mahni lam lamah an pawt sawi kual vel mai mai a nih hi.
He tawngtaina thu a Word tinte hi thu har em em a awm lem lo. Mahse, Zawlnei thusawi hi chu thu in thup a tam thin avang in a kawh tak erawh hriat thiam har a ni thung thin.
“Bosara kawngkhar bula ding chu a eng a thawl e,” ti a bul tanna ringawt pawh hi hrilhfiah tham fe a tling ang chu! A tawngtaina dawng tu Upa Chawithianga hi a la dam a nih chuan a awmzia zawt ta la, a hrilhfiah thiam che in ka ring mang e, elldy.
July 24th, 2009 at 2:26 pm
July 24th, 2009 at 6:14 pm
ZNP hotupa Pu Lalduhawm a’n a let thiam ngawt ang
July 24th, 2009 at 7:24 pm
@gishmen: He tawngtaina hi ziak ni lova hmanlai upa tawng inhlanchhawm dan hmanga inhlanchhawn a ni ang. Mak ka tih deuh mai chu he thuziak hi chhingchhip pa lehkhabu ziah ami ka lak a ni a, mahse he thu hi he lehkhabu ziaktu hre miah lo serchhip pa in a pastor Chhawna tawngtaina thu a hriat nen a in ang chiah nia!
July 24th, 2009 at 8:51 pm
Rel lo lut tur a sawina a niang,vaipa um a mizo nula mawngtam chauh hi kan hmu nitin mai ang a
July 24th, 2009 at 10:56 pm
Chinghne koham mawngtam hmuh chu ava chakawm chiah loh ve