Chhungkim taka chawhlui han kil ho a, ka nuin a duhthusam chawhmeh chi hrang hrang a siam, tam tawk a han ei kha chu a tui mei bakah a nuam tlem pawh a tel. Duh sak taka a tui tui, “Kha mate” ti a min han suah sak phei chuan e a tui, a nuam mei bakah hlimna leh lawmna rilru reng reng a sawi chuah thiam loh kha a tel bawk a.
Tuantul vanga ram dang khaw dang a awm te hian e, ka nu i hmeh siamte kha ka va ngaiin, ei leh ka va chak thei em. Nang aia hmeh siam thiam leh restaurant hming thang tak tak Chinese, Korean, Malaysian, Indian, Kiwi, etc. ah chaw han ei mah i la, vawikhat eiah chuan tui ti viau thin mahila, ka nu i hmeh siam anga ei leh chak ngawih ngawih na leh ngaih em em na ka nei thin lo hi a va mak tak em!!
Engvang nge? Ti a kan dawn hian ka hre ta! Ka hre ta! I pasal fanaute tui taka chaw an ei theihna turin i rilru zawng zawng nen, hmangaihna, duhsakna nen a i lo siamthin vang a ni midang siam reng reng ka tan zun[ngainat ngawih ngawih na] a awm lo ni.
I zinvahnaa thil tui i eite i rawn hawin, kan chhungkua tan i lo chik lawk sa leh chhungte ei ve a tan i duhsakna khan inah i siam te kha ava tui thei tak em! Ka nu ka lawm e! Kan tan i thiam tawk in sum i zawng a, min tawngtai sak, min zirtira, min enkawl mai bakah kan tan chaw leh ei tur tui tui min lo siam sak thin a vangin.
Awle thiante u, nangni pawh hmun dang ram dang a in awm hian kan nu-te chawhmeh siam hi kan ngai thei em em a ni lawm ni? Mahni nute hmeh siam hi tui kan tih em em na chhan chu hmangaihna leh duhsakna nen a min lo siam sak thin vang kha a nia. Hetia ka ngaihtuah hian keimahah pawh ei/in ka siam hian hmangaihna leh duhsakna a ka siam thin hi chuan ka siam tui em em thin a.
Peih vak lo leh tih ve mai mai a ka siam hi chuan a tui vak lem lo thin a ni. Kan chhungkua, thiante, midangte tan “Engtin nge awwww tui tak a hmeh/ei tur ka siam ang?” tih a zanah te ngaihtuah neuh neuh a, a siam dan tur leh pawlh tur te kan han ngaihtuah tak tak chuan a tuk a ka hmeh/ei tur siam hi a tui hi an ti ngei ngei zel.
Tumah hi ei siam thiam sa a piang kan awm chuang lo va, ka tum, kan zir, kan chik, kan chhin peih a zirin kan thiam mei zawk a nia. A bik takin keini Mizote hi ei in siam lamah hian kan tlawin ka hre tlem em em a. Chawhmeh tui/ei in tui deuh chu Chinese leh hnam dang deuh tih bik turah kan ngai deuh a, kan zin vahna vel a thil kan ei te pawh tui ti hle mahila, a siam dan hi thiam leh chik hi kan tum lem hlei lo a.
Naktuk atang i chhungte, i thiante leh midangte tan ei rawng i bawl chuan, phur tak leh ngaihtuah sain, hmangaihna leh duhsakna nen eirawng han bawl chhin teh! Ni dang aiin i siam tui ngei ngei ang, chutia nitin i tih zel chuan ei in siam dan thar i thiam belh zel a nga a, lo rei chuan ei in siam thiam tak i lo ni ngei ang!!
Similar Posts:
- Chaw hmeh
- Christmas ah present tur I lei don em?
- Damdawi In a damlote an khawngaihthlak
- Thianpa Chabetkai, Love You
- Sunhlu zu siam dan?
May 3rd, 2008 at 8:52 pm
Keipawh ka nu dawltrawm bai, sangha rep leh dawlrep bai pawlh….ishlips ka ei chak thin.
Ti daih ila, topic nen a inhlat lutuk lo bawk a, Ruai buatsaih pawh hi an tia lawm, Ruai tui deuh leh thianghlim tak a buatsaih leh tuitang vak lova buatsaih hi a hautak dan a in ang reng. Fatu te inpekna leh tumna a zir mai mai a ni.
[Report abuse]
May 3rd, 2008 at 9:01 pm
ka bawl mek e. tui viau ang
hehe
tak taka, nu te eirawngbawl chu ngaihawm veng veng thin tak ni!! sawi thui vak pawh ka peih lo
[Report abuse]
May 3rd, 2008 at 9:17 pm
father chu rawngbawl pahin type char char thiam tawh a ni maw!! nge oven atangin lo surf thei reng tawh zawk!!!
[Report abuse]
May 3rd, 2008 at 9:50 pm
The older we are, the more we missed our parents. I wish to call back those times of my childhood days i spent tension-less time with my parents…
[Report abuse]
May 3rd, 2008 at 10:30 pm
i sawi dik khawpmai, nu te hi chu kan engkim a kan engkim.
[Report abuse]
May 4th, 2008 at 12:43 am
‘may be related’ tih ah khan “traffic police an thu ber’ tih leh tuna kan topic in relate na hi ka van hre lo ve oooo hehehehehe
[Report abuse]
May 4th, 2008 at 2:25 am
ramstein:
Hence “may be related”! Read –
https://rmarsh.com/plugins/similar-posts/
It is not 100% efficient. Keywords can also be manually adjusted. But it takes time and effort.
[Report abuse]
May 4th, 2008 at 5:03 am
chepahakhat: hnuk i ti ulh teuh thei alawm mawle….nia, chhungkim a kan awmlai…nu leh pa awp na hnuai awmlai tluk a ngaih leh kohkir leh theih atan a ka awh hi a awm leh tawh ngai lovang. Tu chawhmeh siam mah hi ka sawisel ngai pawn ka hre lo ( dik tak maw!) mahse, theih chu nise, ka nu leh ka pi chawhmeh siam tluk a ei chak hi khawvel ah hian ka nei lo.
Mizo hian chawhmeh ( mizo dish/cuisine) han tih tur hi kan nei lemlo hle mai….bai, tlak hi a ni deuh tawp mai…Mahse, Chinese, Italian, mexican, Vaingalsin spicy curry etc ai chuan ka nu chawhmeh mi tan a tlawmte tur kha ka tan chuan Eng ram cuisine aiin ka chhuang zawk e.
American ho hian sawhthing hi a hel ei theih tih an hre der lo ni tur a ni…han sawi hian an ka hau zel
[Report abuse]
May 4th, 2008 at 5:39 am
H.Vangchhia kei pawh ka rawn zawm thlap e…hehehe Retheihlai a kan nu leh pa ten Bal leh kawlbahra min chhum saka Hmarcha rawh hmui tui tawk nen chi nen kan han nawr tawka tui ti em em a chhungkim te a,Tumah elrel nei reng reng loa hlim taka kan chen za lai te min ti hre chhuak alom le…Engkim mai hi hmangaihna dik tak nen chuan hreawm reng alo awm lo a ngaihawm thei khawp mai,Chhungkim dar ang kan len lai ni te,,Auhkir theih chang ta silo…Mual an liam a khuarei anchang zo ta,He tah tak mai hian mizote kan van neihna Pathian nung bia kan nia kan in hnem thei thin hi kan van nei hle in ka hria…A hmangaihna fakin i zai ang tih kha………
[Report abuse]
May 4th, 2008 at 12:45 pm
@father, eirawng bawl chung a internet luh chu tih ut a awl a nia.
@H.Vangchhia, nia tawraw chhung kim la hun kha ngaih a na duh khawp mai.
[Report abuse]
May 4th, 2008 at 12:58 pm
Lung a va leng duh ve…Sunday zingah ngat phei chuan
mother-i eirawngbawl ei chakawm khawp mai
[Report abuse]
May 4th, 2008 at 3:34 pm
kei poh ka nu chohmeh siam thin te kha ka ngai thei lutuk tunah te hian ka ei chak,mahse he khovel om chhung hian ka ei leh toh don si lova,hmanni ti mai ila a damloh lai a ka han ph a,a chohmehsiam ka ei chak thu ka han hrilh lai te kha oooo……nikum tunang hunah te kha chuan chohmeh te kha minlo la thon thin asin moleeee.Ka nu ka hmangaih che asin,nang pohin min hmangaih ang bokin.
[Report abuse]
November 29th, 2008 at 12:53 am
Hnuk in va tiulh hlawm ve mawle, mi rama awm tan chuan chhiar pawh a ngamawm loh rum rum alawm. Ka nu chawhmeh siam ka ngaih theih zia chu pui tak a ni, keipawh hian, awmho zinga upa ber ka nih vang hian eirawngbawl hi ka kutah a tla zing a, thiam pawh ka inti thawkhat viau a, mahse ka nu rawngbawl ngei mai chu ka ei chak ngawih ngawih zel tho mawle. Chepa hian MAI tih turah MEI a hmang anih hi !
[Report abuse]
November 29th, 2008 at 1:06 am
A pum chhungah ka awm a ni tih a hriat phat atangin ka hrisel loh hlauvin a theih ang anga insumin ka lo hrisel nan Vaitamin hrang hrang a ei lui hram hram a. Thla riat zet min pai hnu phei chuan naute fuke kim lo leh rualban lo ka nih hlauvin a rilru a insual a, ngaihtuahna chikim hmangin ka piang tur chu mutmawh hnarmawhah a neih thin.
Ka lo piang hnai a, a pum chhunga ka tal kual vel chuan a pum ka ti na em em a, thlasa phul kaiin chu na chu a tuar hram hram a, ka lo piang a, na taka inhliamin thih ngam khawpin a nunna derthawng tak chu ka tan a hlan a. Vanneiha siamin he khawvel eng chu felfai takin ka lo hmu ve ta a.
A mi hmangaihna avang liau liauvin tlawm leh zah pawh dawn lovin a hnute tui neih chhun nen chuan min chawm lian a, ka tana tha tur a nih phawt chuan engkim a huam thin. Naupang ka lo ni a, rual pawl lo leh mawl bik ka nih hlauvin a thiam ang tawkin nundan mawi leh ze tha min zirtir a, ka sual hlauvin a thiamna hrang hrang sawm khawmin min enkawl hram hram thin. Tleirawl ngawhngawl hun a lo thleng a, suahsual rawng bawla ka vahbo san chang phei chuan zan a mu ngai lo va, darkar tin hian ka tan min tawngtai sak thin a. Tawhsual ka tawh hlauvin thin damin a mu ngai lo.
Chutiang khawpa ka tana a nun pumhlum pe tu ka nu chu a la dam a, ka vanei ka va ti em. Amaherawhchu, kan thian tam takten an hmangaihna an chhan let hmaa he khawvel an lo hnuchhawn san erawh he ka suangtuahna mawlmang tak pawh hian a va hriatthiam pui chiang em. A ni, hmangaih taka fanaute tana chawhmeh siamtu chhungpuinu rawngbawl hi a tui bik a ni.
[Report abuse]