Archive for the ‘Travel’ Category

Selesih ah ka kal ve

Saturday, August 11th, 2012

Kan hotute duhsakna avangin Colege of Veterinary Science & A.H. Selesih ah Short term training on Prevention of Iatrogenic Diseases in Veterinary Practice neiin kar  khat zet Dt. 23 – 27 July chhung khan  hun ka han hmang ve a, ka lawm hle mai.

Central Agricultural University hnuai a ni bawk a, a lo ropui ngei mai. A campus a nuam in buiding vel pawh ropui tak tak anni hlawm a, an changtlung in zirna pawh a tha hle ang tih a hriat theih a ni. A hmunhma a nuam in an lo ropui hle ma. hetiang hun ka hmang thei hi ka lawm tak zet a ni.

Thlalak thenkhat te:

(more…)

Vawm khawm hmawk hmawk mai teh ang hmiang…

Thursday, August 2nd, 2012

Thla tin hian vawi 1 tal chu Post submit ka tum ve hram hram a, mahse thla 2 chhung chu ka ba ta. Tun tum chu Topic ropui tak pawh awm chuang lo in, a hnaivai pictures, ka han hai chhuah theih mai kan vawmkhawm hmawk hmawk mai ang e. Hotunu pic shot, 2 kan ruk sak tel bawk ang e. hahaha…

Fur a ni chho bawk a, fur lai chuan hetiang hi hmuh tur a tam khawp mai.

Buh hmun pawh a mawi tan ta khawp mai. Kawngpui kam a lo nei chu an hahdam bik ngei ang.

(more…)

Tum hnihna

Wednesday, July 25th, 2012

lnp1

Hmanah Lung nupa,Bualpui khawdai(Silchar Road) a mi hi ka post tawh a,a tum hnih nan thlalak pahnih kan post leh e.

lnp2

A hmun hi han chawlh mai a remin a thawveng a,khawhawi a nuam vei fu a sin.
(Click pic for larger resolution)

Tuingo khua ah lung satel mak

Sunday, July 22nd, 2012

(A mak dangdai em mai, a nih ang angin ka rawn vawm lut tawp!)

By B. Zosangliana, Tahan

Tahan khawpui atanga KM 20 vel hlaa khaw nuam tak, Tuingo, ‘B’ Group-a awm Pu Zunglianvela chuan Satel mak tak mai a kawl a, ni tin mi thahnem takin an en thin. Lei tuma ente, thil mak a nih avanga ente, chanchinbua chhuah atana ente an ni nuk a, Pastor leh evangelist-te pawh an tel nual.

He Satel hi nunna nei Satel chu a ni lo na a, a kal sawn thei a, thlai, buh leh rannung a ei thei a ni. Satel pangngai ang chiahin a tial a, a dulah pawh a mawng leh a ke ni awma lang zia a nei.

Kum sarih kal ta khan; Kan Gyi khuaa U Htun Aung-a’n he lung Satel hi Bungchaung (Sakhangyi) luiah a chhar a, a danglam em avangin mak a ti a, a hawn ta a. Pu Zunglianvela hi Kan Gyi-ah in sain a inhlawh thin a, thil man to tak nia a hriat avangin Pu Vela chuan a hmuh veleh Ks. 5000/-a lei a dil a; mahse, an phal lo va. A ai sang deuhva lei te pawh a dil zel a, an phal chuang lo va. A dawnna man a tihsan deuh takah chuan 2012 February ni 23 khan Ks.100,000/-in a leisak ta a, a lei lai hian a chhartu hi a boral tawh nghe nghe.
(more…)

Si-âr thlir nân!!

Thursday, June 28th, 2012

Hetiang hmun hi ka kal châk em emna ani fo á¹­hin. Ka phâktâwk chuan a ang hnaih theiber awm tur, Mizoram thingtlang leh ramhnuai nuam ka ti viau á¹­hin bawk!

International Dark-Sky Association chuan English Channel a thliarkar pakhat, “Sark” chu “Dark Sky Island” hmasaber a ni tih an puang. An puanna chhan hian awmzia a nei viau mai lehnghal.

Vanah khian arsi billion tam lutuk an awm tih kan hre á¹­heuh ang a, amaherawh chu, in leh khawtual eng a nasat (light pollution) vangin tlemte chauh kan hmu thei á¹­hin a ni.

Mihring te’n zanah/thimah engmah kan hmuh theihloh avangin êng (light) kan mamawh a, mahse, International Dark-Sky Association chuan chho zawng a êng pelo deuh chi chhi hram hram turin fuihna a tichhuak á¹­hin. Hetiang chho zawng a êng pechhuak chi hi UK ah leh US ah hian a nasa zual em em mai a, chutiang vang chuan 2/3 US mite hian Thlasik kawng (milky way) pawh an hmuve thei ngailo rêng a ni. Chutiang chuan US mipui 99% te chu mithiam ten “Light polluted” an tih hmunah an khawsa an ti.

(more…)

Aizawl ah ka zin, a nuam kher mai

Thursday, June 28th, 2012

North India frying pan atangin Aizawl ah ka han zin a, air conditioned room hlir ani mai. Temperature degree 20 atanga 23 (Celsius)   karah chuan Laodikei kohhran ang maiin lum so lo vawt si lo. A nuam tawp.

Chu mai pawh ani lo. Mizoram politics leh social lam boruak a nuam. Tun hma aiin tleirawl ten drug an vei  vak vak tawh lo (la ti chu awm mahse) ; zu in duh ten in tur hmu reng mahse rui buai hnuh tur an vang. Hleprukna scandal thar a awm lem si lo. Politics lama innghirnghona boruak a lang lo.  Euro 2012 lai ani bawk a, thalai an hlim hlawm viau.  Sorkar hna lak pawh faih lo hlir ani tawh lo. Fair taka lak an awm ve nual tawh. Eiruk a nalh tawh lo. Tlemin an zak deuh tawh.

Nu leh pate’n an fate rei tak tak an chhuahsan tawh lo va. Khawhar ina hun hman pawh tawk chin an hre tan.  Fur lai ani a, tui tla hlum leh Rangvamual lama motor tlan liam erawh chu an tam viau.  Vaivakawn junction a mimal ram pe anga an sawi kha a zim viau. Square metre 5 vel chauh ani. Cheng nuaih 70 laiin an hrelh ani awm e. A thlawna pe anni awzawng lo.Mahse kawng kawina lai tak ani a, a tangkai viau ang, an hman thiam chuan.

In sak thar hmuh tur a a tam lo. Fur lai anih vang pawh ani ang.  University kawng pawh a ziaawm. An phun tlem deuh. Cheng viabelchhe 10 man laia siam that tur an ti.  A nghahhlelhawm.

Hei hi ka hnuh dan chu ani mai. Picture dah dan ka thiam ve si lo. Ka lawm e.

TMB Handyman thukhawchang (‘A va sei ve’ tih awih loh)

Saturday, June 23rd, 2012

Lan khatna:

 (Aizawl Police Station a room pakhat a lo lang a, chutah chuan Police Officer Uniform famkim a inthuam leh Chhuaklinga chu in hma tawnin an thu a. Police chuan penin paper-ah thil a ziak mawlh mawlh a. Chhuaklinga chu zan lamah a mu tlem tih hriat takin a meng sen ram a)

Officer:                 I Hming

Chhuaklinga:      Chhuaklinga

Officer:                 Pa hming

Chhuaklinga:      Chh………

Officer:                 Pawl engzat ngei nih?

Chhuaklinga:      …………….

Officer:                Handyman maw i nih a?

Chhuaklinga:      Aw, ni e.

Officer:                Vairengte kudam atang chuan in motor MZ-… chuan buhfai chu in phur chhuak ngei a maw?

Chhuaklinga:      Aw.

Officer:                Quintal engzat nge?

Chhuaklinga:      Ka……

Officer:                Khawi hmunah nge in un-load?

Chhuaklinga:      Zemabawk Puspak-ah.

(more…)

Isua thlanah lungthu ka kim

Friday, June 15th, 2012

Nimin khan kan Lalpa Isua Kriste thlanah ka va kal leh thei a; ka lawm ngei mai. Ṭum thum lai ka kalna a lo ni ve ta hi ka lawmna ti zual tu a ni.

https://i45.tinypic.com/2ps0cvt.jpg

A awmna hmun hi Jerusalem khawpui mawitu, Dome of the Rock bul mai a nih zia hriat nan

https://i45.tinypic.com/nytk06.jpg
(more…)

KULKUT ZIN

Tuesday, June 5th, 2012

(Kan thianpa Rela haw tum, Tatkal ticket chang hlawhchham, phar buai leh khawngaihthlak tak pual in he thu hi kan vawm bei ve leh ang e)


Kolkata khawpui hi Kumpinu (Bristish ho) hovin India ram khawpui ber an hman lai khan Mizo lal tlemte in an lo tlawh pawh tawh a. Chung lai chuan Calcutta a nih laia ni a, kan Mizo Lalte khan Calcutta chu awlsam tak a lam in ‘Kulkut’ an ti thin a. Fiamthu ah an sawi dan chuan Mizo Lalte khan Tuibur an keng a, Mizo te chuan tuibur in pek chu in duhsakna leh inthianna ah an ngaiin, Sap pakhat (An sawi dan in Bawrhsap an ti) an pe a, ani lah khan lo hre ve ngai hek lo, Zu emaw a ti a lo lem mai pek a. A rui ta a, a ek chhuak a, mahse, e thei lo nen an buai pha nasa khawp a ni awm a. Mizo Lal ten Sap turin an hrai an ti e tih te pawh a awm kha. Kum 1912 khan Delhi lakah India ram khawpui ber nihna a lo hloh tawh a, mahse khawpui ber nihna a lo chan tawh avangin Kumpinu ho hmun hlui leh hmun pawimawh tak tak cham bang tawk a la tam hle a ni. India ram mahnia inawp ram (Independent country) a nih khan West Bengal state khawpui ber (state capital) nihna a chang zui a. India ram khawpui lian lawr lak (Metropolitan Cities) zingah tel in khawpui pawimawh an sawi reng reng in Kulkut hi hmaih a ni ngai ta bik lo a ni.
(more…)

A Funeral and a Journey by Anup Kutty

Thursday, May 24th, 2012

Tlemin a tlai deuh tawh maitheia, a ziaktupa hian chhuahchhawng phalna min rawn pe tlai lutuk a…

Engpawh nise, han chhiar ve teh u, a ziak ngaihnawm ve reuh lutuk a… outsider’s perspective a nia, enge in ngaihdan?

Original source: Indian Express
Ziaktu: Anup Kutty

A Funeral and a Journey – Anup Kutty

On my 33rd birthday, I went to a funeral. Clarence Gonsalves was 27 when he lost a long battle with cancer. He was one of the finest bassists that Delhi ever produced. Following a buzz in Delhi’s music circle about this bassist with a unique left-hand technique, I first saw him on stage about seven years ago with a jazz-pop outfit called Level 9. Clarence went on to play for a number of popular bands, including Joint Family and Them Clones, earning a reputation for being the most dependable bassist in town. For any band missing a bassist, there was always Clarence to step in last minute and do a stellar job. For someone with a deadly disease gnawing from the inside, it was ironic for him to attain that sort of a reputation. His funeral, much like Amit Saigal’s (Editor, Rock Street Journal), was well-attended by everyone from Delhi’s music scene — musicians, fans, engineers, roadies. However, unlike Amit who lived long enough to enjoy the fruits of his labour, Clarence still had a lot of music in him. A live video (on vimeo.com) of his recent solo venture — The Yellow Brick Project — is indication enough that he had a grand soundscape in the pipeline. His exit is a huge loss to the indie music scene in India.

(more…)