Zingah emaw chhun pawh nise tlailam ah pawh Zan reh ah khumlaizawl thleng pawhin NITIN LALPA i hnen-a awm ka duh tih tawngtaina hla hi Jospeha hian a va sa nalh em!! Ka lo ngaithla liam mai mai thin. Ka nun a khawih hle mai.
Zing nichhuak engmawi leh boruak thiang karah
Chibai bukin Lalpa i hmaah ka lo kal e
Ni thar duhawm leh mawi min pek vangin
Kunin i hnenah lawmthu ka rawn sawi e
Chhun a lo thlenin i hmel min hmuhtir la
Englai pawhin ka ke pen min tih ngil sak la
Nun raltitnaah awm ka nihin
Min vengin Lalpa min hualhim zel ang che
Nitin Lalpa i hnena awm ka duh**
Ka tih,ka sawi, ngaihtuahna leh
Ka duhthlanna zawngte
I ram leh i felna nen inremin aw
Khua a lo tlaia ni a lo tlak dawnin
Ka tih diklo awm apiang min hriatchhuah tir la
Thupha ka chawi thinlung inchhirin
Malsawm tlaka nunmawi neih ka duh e
Zan a lo thlenin hahchawlhna min pe la
Thinlung lawma khatin laikhumah min zal tir la
Zanmu chhingin mang lamah min hip rawh
Ramhlun tur Van Jerusalem chanchinmawi
Ka nunah I duhdan lalber se**
Mite tana malsawmna ka nih theih nan
Ka chakna leh theihna zawngte hi
Min vensak ang che aw
I tan chauh Lalpa
**Repeat
Similar Posts:
- A hnai ta hle mai!
- Ni 40, Zan 40 chawngeia tawngtai
- Ka Lalpa Kraws
- Nunna hi ava han hlu tak em
- Doctor te hi an duham ta lutuk a ni em?
May 5th, 2009 at 1:24 am
Naktuk zing ni chhuak eng mawi leh boruak thiang kara enah khek rih teh ang…
May 5th, 2009 at 2:50 am
Zaia hi chu a zaithiam ve alawm!!!! Bakah he hla kher hi chu a thra ani e!!! God Bless!!
May 5th, 2009 at 7:27 am
He Hla hi Pu.Sangliana phuah tih chu kan hriat theuh chu ka ring, a hlathu hi a thra em em a, a sa tupa hian a thiam bawk a, a ngaihnawm ngawt mai.
May 5th, 2009 at 9:01 am
keipawh he hle hian ka nun a hruai thin khawp a sin, Nitin a Pathian hnena kan inhlan fo hi atul khawp mai, a sa tu hi thiam kati a, tin, aphuahtu hi ka mi ngaihsan ber te zinga mi a ni bawk.
May 5th, 2009 at 9:06 am
Duh khawp mai.
May 5th, 2009 at 9:08 am
kristian chhungkaw din tak tak tur chuan Nitin … englai pohin Lalpa hnen awm kan tum loh chuan thildangin a LUAHLAN zel reng a ni. Mumang thlanga Lalpa nen han tih hi a va ropui ve le
May 5th, 2009 at 9:36 am
“Ka nunah I duhdan lalber se
Mite tana malsawmna ka nih theih nan
Ka chakna leh theihna zawngte hi
Min vensak ang che aw, I tan chauh Lalpa”
He ti lai chang hi a va han tha tak em. “Ka nunah I duhdan lalber se” tih hi kan nun hi han chhut chiang i la, Pathian duhdan aiin kan duhdan hi a hmasa fo zel hi kan in en chian chu angai khop mai. “Ka chakna leh theihna zawngte hi min vensak ang che aw, I tan chauh, Lalpa” tihte hi, kan chakna leh theihna a kan kal chang hi a tam khop mai, Pathian zai nghak lova kan tih khalh fo avangin kan ti sual chawk thin ani.
Nitin hian Lalpa hnaih hi ava han pawimawh tak em. Pathian kan hlat pauh leh kan kal suala, kan tih loh tur kan ti a, tul lovah kan buaia. Pathian nena in pawlna neih ngunte hi ava han pawimawh tak em. Tawngtai leh a thu thianghlim chhiar ngunte hi a tul ani kristian nun kawng kan zawh naah hian. Misualte u, Lalpa hnaih hi I zir tlang dial dial ang u.. God Bless
May 5th, 2009 at 12:59 pm
Tun laia ka hla duh thar berte zinga mi a ni a, i rawn post hi ka lawm. Min nemngheh sakna-ah ka ngai hmiah mai
May 5th, 2009 at 1:19 pm
Nia….. teh rêng mai tiru…. Chawlhni (Sunday) chauhva Kristian tha nen chuan a va inkalh êm? Bible/Hla Bu zahzeha chawlhni hman liam mai hi chu a awl, inchei nalh phei chuan a nuam. He thu hi kei ngêi paw’n ka tunlai zirlaiah ka hmang. Thawhtan a lo thlen hian kan Sunday nun hi bo suh se. Kan awmdan, kan chenpuite bulah te, kan hnathawhpuite leh midang bulah hian kan Chawlhni nun hi lang tel ve thin rawh se. A har châng a awm mai thei, kan zir zel a tul. Mahni chauh pawha rinawm leh taihmakna hian malsawmna a thlen. A langa MALSAWMNA ni-âwm zawng zawng hi malsawmna a ni lem lo tih kan hriat fo hi a tul…. kan ti deuh duah a nih chu….
May 5th, 2009 at 1:54 pm
He hla thu hi chu a tha in asa tu in athiam em bok si!!!ka colleague 1 in min hrilha.zing thohveah love song ngaih thlak ai chuan gospel songs hi ngaithla ila ka nileng hun hman poh atluang thei jok …….. atia mse zing thoh vela ngaih thlak mai tur ka leh zing boruak nen a in hmeh tur om ka lo jongvel thina…ka nuin a hla duh jong mp3 in a write tir a minlo thon a tah chaun he hla hi alo om hlauh mai chu…. ka om teh asin!!! ka ngaih thla jiah thin!!!
May 5th, 2009 at 6:11 pm
“Ka nunah I duhdan lalber se
Mite tana malsawmna ka nih theih nan
Ka chakna leh theihna zawngte hi
Min vensak ang che aw
I tan chauh Lalpa”
A va thra bawn turu tara em!! Mahse Lalpa duhdan lal tir aia mahni duhdan mai bakah thiante duhdan a kawi mai hi a va awl em. Materialism in min chimpil mek lai hian Kohran mimal leh veng ho ang hian lalpa duhdan aiin kan duhdan kan ti Lal fo mai em tih hi inbih chian a va trul teh lul em.
Lalpa duhdan a innghah aia politiks vanga thlan lal kum 5 chhung lal tur te duhdana inhnangfak tum mipui hi kan va tam em em ve le. Hei hi Lalpa duhdan a ni lo. Mihringa innghah hi beidawnna a ni zawk si a.
May 5th, 2009 at 6:12 pm
Islander, Hallelujah Amen
May 5th, 2009 at 8:51 pm
I need Thee every hour
Most gracious Lord
No tender voice like Thine
Can peace afford ….
Annie S. Hawks thiamzia thiamzia bawk hi … tet laia zan tin chhungkuaa kan sakho dial dial thin kha … ka lo sa ri khat ta hle mai!
May 5th, 2009 at 8:53 pm
Kan Zotawng khan — a ngaih hun a chhangkhat mah mah
Ni tinin ka ngai che
Ka Lal duh ber
I aw zaidam chauhvin
Min thlamuan thei …
kan ti daih thung em ni? Mahse, ENGLAI PAWHIN tih a awm ve tho kha maw le!
May 5th, 2009 at 9:23 pm
He hla hi kan hriat angin H.T.Sangliana phuah a nia, a thu hi a ropui khawp mai. Amaherawhchu, a video lay-out hrim hrim hi ka duhthu a sam lo. A phuahtu testimony pawh kan hre fova, a profession Pathian kohnaa ngai ngat a ni. Chuvangin, officer tuemaw office dawhkan chunga kut nghata Pathian hnena inkawltira tawngtai lai te han lang se, mipui nena indawr lai a nih pawhin ringtu hmel pu chunga indawr lai te, sumdawng thla te pawh tihlan ni se, ringtu hmel pu chunga customer te nena indawr lai te awm se …. ka lo ti ve mai mai thin.
Playground sira musical instrument nena an inhung rup leh an hnung lama football khel ho an lang tluan satliah ringawt hi chu a hla thu nen a inhmeh lo ka ti. Tlema khun-khan (solemn) deuh atan ka it.
Ka hriat sual loh chuan, hemi hma lawk hian Pensy hla ‘Fak zel che ka nuam’ tih, Leitlang pictures (Mapuia) kutchhuak nalh tak, Serkawn mual vela kal paha a zai, football khel lai pawh an lan deuh nak nakna kha release a ni a, kha khan hemi Video format buatsaihtu rilru hi a hruai deuh em ni ang aw te ka ti ve mai mai. A hla thu nena inmil deuha a background pictures a awm hian ngaihtuahna a fan ril zualin ka hria.
May 5th, 2009 at 9:42 pm
A hmunhma hi Aizawl New Capital Complex … driving leh play-thing tih vel nana remchang tak a ni pahfawm bawk a —road-roller chhia lang lo deuh chiahin shooting an nei a nih zawk hi! Kopang khawha zung ta mai mai an lang palh ang a tih hlau reng rengin ka thlir uluk teh bawk asin!
May 5th, 2009 at 11:00 pm
He hla hi ka duh ngawt mai,hmaan atrang deuh khan guitar ka kuah tawh hi chuan khel lovin ka sa ve ziah thrin zu nia..
May 6th, 2009 at 4:45 am
@Aputea i video thlir dan ang hian ka lo thlir miah lo mai, tunah phei chuan Joseph Zaia hian Rev H Zova azui thin, Gospel lam a sak hnu hian a sum lakluh pawh a kiam hle a, video thar shooting han titur pohin produce tu a mamawh ka ring hial. Mahse he hla hi chu a hit pui ve a ni
May 6th, 2009 at 7:18 pm
@islander:
Ka thlirna ang hi a pawimawh ve riau asin. Education-ah pawh ‘visual aids’ kan ti ang deuh hian, hetiang video album-ah hi chuan a hnung leh sira lo lang ve hi ‘visual aids’ a ni ve tlat. Josepha hla pawh hi maimitchhing lovin en ta la, a hnunga inkhelho hian a khat tawkin i rilru a la peng fo mai thei. Chuvangin, duhthusamah chuan, a hla thu support thei tur ‘visual aids’ awm thei se, a fuh lehzualin ka ring.