(Click Image For Larger Size)
1974 kum hi Aizawl ka kal hmasak ber kum a ni. Lieutenant Governor Trophy (Recitation, Painting, etc) neih hmasak ber kum kha a ni a, Lunglei District aiawhin Aizawlah ka kal ve ngei alawm. Pi Varparhi pa, Pu Lalmawia te in, Zarkawt Police point bul lawkah khan kan thlen tukah kan chawl a. Helai Zarkawt square vel hi chiang taka Aizawl ka hmuh hmasak ber a ni. A hunlaiah chuan pui ve tak a ni. A lunglenthlak ta mang e!
Similar Posts:
- Christmas at Aizawl
- Chiahpuam agent nuai 173 nen man a ni
- Chiahpuam Pawisa chheprelh man
- Ka chetchhiat nate
- Mizo Idol top 5 puan a ni
May 4th, 2009 at 4:30 pm
Hei pawh https://misual.life/2007/08/22/hman-lai-zarkawt/
May 4th, 2009 at 4:32 pm
Hei pawh https://misual.life/2007/08/24/zarkawt-1974/
May 4th, 2009 at 4:41 pm
^^ 2007 mi lawm. hmu lo an la awm mai thei sin
May 4th, 2009 at 4:42 pm
chuan khi khi chu Hi-Res ve deuh hlek a
May 4th, 2009 at 4:48 pm
He mi ang hi Inrormation dept. office a an tar ka re snap ve a,in rawn tar lan hi a thra lutuk e.Lung ati leng khawp mai!Nakinah 25years after post ka rawn tum ang e!!
May 4th, 2009 at 5:09 pm
Traffic point te chu a awm ve tawh a nih khi!! Motor a la tlem awm si a, Traffic police ten thawh tur an nei tlem ngawtin ka ring he tih hunlai vel hi chuan.
May 4th, 2009 at 6:47 pm
changkang chak tak kan ni
May 4th, 2009 at 8:00 pm
Dah that hmak chi a ni, Chandmary Presbytarian Biak in hawn Souvenir ah pawh khan an biak in hmasa ber atang a tun a an inbiakin khi thlalak an dah vek a, mi hlut a hlawh khawp mai.
gud work. Pic nazawng hian ka lung min len lo a, ka comment ngat chin hi chu a tha viau zel , nauban , april par etc tih vel mai mai mah an comment chuan hetiang ang pic hi chu ram ro a ni, Archive a dah hmak chi
May 4th, 2009 at 8:02 pm
Kan pian ve hma zarkawt chu leh
May 4th, 2009 at 8:06 pm
eeh amanda in lak young vel dan chuh
hidden agenda om tlat in ka hria
May 4th, 2009 at 8:57 pm
Ditto.. i fiamthu tiraw.. nauban , april par etc tih vel mai mai mah an comment chuan ….
‘mai mai’ tih takah khian i tawng na ve deuh mange aw..
May 4th, 2009 at 9:13 pm
Kawnga@ Fiamthu lo ,modern art an tih te pawh hi a ngaihna hi ka hre hlawl lo. Mahse vawikhat chu painter thiam deuhin Ray charles a thla a paint hi you tube ah ka en a, kha zet kha chu . En ve tum rawh a thiam khawp.
lolz ka fiamthu e . ka ti mai mai
May 4th, 2009 at 9:18 pm
Kawnga@ i la en loh chuan hei -
https://www.youtube.com/watch?v=QcGLEaW9Uo8
May 4th, 2009 at 10:04 pm
A chung sethlam, a bang dap chhaka Assam type khi LPS thupuang thiam Mali nu —Pi V L Nawli’n Petromax leh Bicycles zawrhna Dawr a ni thinin ka hria. Petromax washer pawh an zuar tel a, ka va lei ve fo mai. Cycle-tire pawh ka va repair-tir fo tawh. Khitih hun laia Aizawl artist thiam deuh deuhte chu Chhingdailova, K. Zamliana leh Vala (Mali u) te an ni a; khawchhak lam atangin Biaklara a rawn tei thla tan ve bawk. Aizawl khawpui cheimawina ve ber, HOARDING lamah kan artist hmasate kutchhuak a chhuanawm ve khawp. Silchar-ah chuan RONGTULI-te kutchhuakin Silchar Dawrkai Signboard an chhuah nalhsak hle bawk.
Bus tawi hit het khi a rawng paw-dang diai a ni a; Thakthing Dam Venga Peka Bus a nih khi! A neitupa pawh a thi ve tawh bawk.
Zarkawt Kawn chhak lawk khian Information & Publicity Office a awm thin.
May 4th, 2009 at 10:11 pm
Sethlam in chhakah khian R B School a awm thin; khatih hun laia English Medium School tha ber pawl a tling ve; tin, English Medium tho, Blue Mount School pawh Zarkawt-kawn hmar lam hretah a awm thin bawk.
May 4th, 2009 at 10:14 pm
Ram ro hi Archive-a vawnthat thil chite MAI MAI chauh a ni hran lo … AN TI. LOL
May 4th, 2009 at 10:19 pm
han soi zel teh u a ngaihnawm..keini hre pha ve lo tan hian
May 4th, 2009 at 10:27 pm
He picture hi frame a tar hnu a a thlalak ani a, a thla hrim hrim mam fel danah hian doctor hnu a ang. Tin mihring ho hi dah chawp an ang ka ti. Shawl hi hmeichhia ho hian an bat deuh veka, thlasik lai a ni nge an shawl dah ang hi Khasi ho uar chi a ni a Mizo lo. Mipa awm ho poh hi vai an ang hlom deuh vek. Pu Lloyd a thlalak tun emaw photoshop thiam deuhin a siam rem anih hmel tlat
May 4th, 2009 at 10:31 pm
Ditto.. a hmuhnawm dangdai hle mai. Thanks alot
May 4th, 2009 at 11:40 pm
Zarkawt thlalak khi doctored a ni lo; khatih hun laia thlalak tilian thei deuh ber kha chu Chanmari East lama mi Pu Muankima (Salvation pa) kha a ni; ani pawh kha a boralna a lo rei ve leh tawh khawp mai! Black & White-ah kha chuan a siam thiam hmasa kha a ni a; Information lamte pawh khan an dawr uar viau thin.
Khi thlalak ngei mai khi Information Office bathlara an tar telte zinga mi a ni, ngun takin ka thlir hrep tawh a, a ni chiah chiah zawng a la ni … mahse, mipa sam sei, Ao leh Angami-ho shawl han bah duai duaite kha chin lai a ni a; lubuk bawk, kekawr hmawr zawm arh hram bawk, kawnghren hlai tawk bawk, pheikhawk block-heel chhah tel tul chi uar bawk hun lai kha maw le! Kekawr mawngpawp pawnthem, savun piece danga thawm/bel kan zak loh hun lai —rethei faten mihausa fate thuam inbel ang kan bel ve theih lai a nih khi … ka lung a va han leng tak em!
RB Sikul zirtirtu tu ber emaw pawh kha —L…i ang deuh maia kan chhai ve lai a ni ve mai thei asin! Mahse, TOP UP a la awm ve hauh lo!
May 5th, 2009 at 12:36 am
He pic hi chu a lar ve a lawm
https://img503.imageshack.us/im.....arkawt.jpg
May 5th, 2009 at 12:42 am
lung han tileng vaktur pohin ka chiang lo mang e aw…a traffic point a ding ber lah hi eng kohhran puithiam amawni te pawh a ang deuh e..ehhh…khatih lai a traffic pulit uniform a mawni le aw…ban han phar vel a har hmel …ehhh
May 5th, 2009 at 1:20 am
Traffic Police emaw in tih hi —ka’n en vang vangin ZAUDAWHTHANGI a ang ka ti tlat mai; ani kha Mizo hmeichhiaa lehkhathiam hmasa; Aijal leh Lungleh inkar motor kawng laih tran ni chiah (Nehru leh Indira an rawn kal hun lai) khan nisat luat avangin khawsikpui a vei phah ta nghal kha a ni a … Zarkawt Lalfinga nupui Rualchhingi u a ni.
Tin, Aizawl Bungkawn —Saron pan thlakna kianga Bung khi chumi ni taka phun chu a ni pah bawk.
May 5th, 2009 at 1:23 am
Zaudawhthangi kha Pu Lianthuama (of Phengphehlep tial mawi te) nupui em ni kha?
May 5th, 2009 at 1:56 am
Lianthuama nupui kha chu LALTHANGI.
May 5th, 2009 at 1:58 am
Peka Bus tawi tim tem hun lai khian Pu Lianthuama of Chhangurkawn Puk-a cheng thin khan
Phengphehlep trial mawi te … etc.,
Bus-ah lo chuang ve rawh …
a ti ngak ngak thin a nih kha, a fiddle nen an nupa khan an inzui ve hnang hnang thin!
May 5th, 2009 at 2:01 am
PLEASE HELP US TO HELP YOU tih kha Aizawl Police-te khan Traffic Post Canopy-ah an han chhu kai ngei bawk a … khatih lai khan Traffic Wing an la awm hran chuang lo bawk; Upper Bazaar-ah pawh duh zawng zawngin motor, bike an la khalh kual thin a nih kha maw le!
May 5th, 2009 at 8:10 am
Pu LIanzama in a lang lo chiah a, a ni khan tuikhuah a nei a, khawlin a pump thin a, a khawl ri a ring bawk a,Pu Lianthuama tho khan,”Zarkawt pheiah sawn..Thlik thlawk thlik thlawk Lianzampa khawlin a ti e.”a lo ti bawk a ni!!A ni kha pa pui ve tak a nia,Lushai Trading Company dawr kawt lunlai pawh ti hian a han phuah mai a..”Company sumtual, A chep lai ah tleitiri kan nek..sawrpawr e,”Hla phuah a awl sam a ,a thluk pawh a inang deuh vek a ni!!
May 5th, 2009 at 8:42 am
He thlalak original hi Pu JM Lloyd (1913-1998) lak ani; a fapa in a pa thlalak ho kha a process tha leh a chumi hnuah Synod ah a pe. Pu Lloyd a fapa hi Video/Film leh Photo Editing lam thiam a ni. Heihi Lloyd a fapa sawi ka hriat a ni e. Synod hnuaia Synfo ho ka va dila an thlalak hlui ho poh ka kawl ve ran asin
May 5th, 2009 at 9:04 am
a hun lai hian ka awm ve chak reuh mange………….. tunlai nen a khaikhin chuan a changkan hleih tawh khawp mai………….
May 5th, 2009 at 9:08 am
1974 te chuan Irre te, amanda te, dumput te, bmw te hi an la piang miah lo, manga
May 5th, 2009 at 9:10 am
Bus in a hliah thuak, sethlam-a sak dawr khi Pi Hnawl-i Thirsakawr dawr a ni thin in ka hria, dik maw.
May 5th, 2009 at 9:11 am
father_sphinx a kut hnu a ni em kha? A color zawk hi
May 5th, 2009 at 10:03 am
A va ropui ve aw! Thlalak hlu tak a nih hi.
Traffic point-a duty khi Father a ni lo maw? A va mak zên zûn ve.
May 5th, 2009 at 10:11 am
@Ditto keini te chu eight’s vel kan nia mak em mai, kan in lak young ve nak lai a
Boss i sawi kan la piangmiahlo manga
May 5th, 2009 at 10:18 am
sorry kan la piang miahlo manga tih tur zawk
May 5th, 2009 at 11:56 am
@chawnghilh, chung hun lai chuan kuhva hring a awm ve tawh em?? Tun ang hi chuan an ei em em chuan a rinawm lo..tiraw..?
May 5th, 2009 at 12:05 pm
@Aputea Recitationah khan Lunglei lam lokal kha a hming tawpah Murray a awmin ka hria. Kha competition kha ka en ve ngei alom. Painting poh kha ka en ve ngei mai mahse water colour nge oil nge sketch nge ka hre ta miah lo mai
May 5th, 2009 at 12:39 pm
@aputea i thil post hi lung ava ti leng mai mai ve. 1974 kha kei pawh ka Aizawl vawi khat kalna a ni ve a. Shillong a tang in Silchar zan riakin MST a chuang ka ni a, he Zarkawt Point ah thianten min lo nghak tur kha a ni a, kan inhmu thelh trep a ale.. ka buai man teh a sin .. a chhak deuh ah khan (Dawrpui lam kawng chhak) thingpui dawr ah min lo nghak kha an ni a.. kan in hmu a, Luangmual an in kam liamthla a. Khatih lai khan Luangmual ah motor a thleng lo ani a aw…hawn lamah pawh ke ngat in maw le…A va lunglen thlak mai mai tak em..
May 5th, 2009 at 7:59 pm
@islander:
Nia, High school aiawha rawn kal zinah khan Lallianzuali Murray d/o F.B.Murray, Rev.Challiana (Charles Steward Murray) tunu kha a tel ve alawm. Lawmman pakhatna a la ta nghe nghein ka hria. High School Englis Recitation-ah khan, John Keats hla ‘La Belle Dame Sans Merci’ (The beautiful lady without mercy) tih kha an sawi a, tuna Pu Thanchhuma IAS nupui Pi Zomawii pawh hi a tel ve a, u Zualbawih Murray nen hian kan chhuang ru teh asin, Lungleiho khan.
Tin, Middle School English Recitation-ah khan ‘Yussuf’ tih kha an sawi a, hla nge prose tih pawh ka hre tawh lo, a tlar khatna ‘A stranger came one night to Yussuf’s tent, saying, ‘Behold, one outcast stands in dread..’ tih vel kha chu ka la hria.
Kei kha chu Primary school aiawhin ka rawn kal ve a, Charles Mackay poem, ‘The Miller of the Dee’ tih kha kan sawi a, a zamawm ve khawp mai. RB School naupang Lalnunfimi kha pakhatna a ni ta nghe nghe. Naupanlai thil vawn hi a lo chiang duh khawp mai, Miller of the Dee tih pawh hi tun thlengin ka la sawi chhuak parh thei. LG chenna (Raj Niwas) te kha min fanpui a, nuam ve ham ham deuh a ni.
May 5th, 2009 at 8:42 pm
@Aputea : Zualbawihi pate kha Serkawn atanga Lunglei-a an rawn chhuk thlaktirh khan Zualbawihi leh Malsawma kha Primary School I Pu Vanchhuma Sikul-ah an luhtir ve a. Ni khat chu Zualbawihi kha Mualthuhruk tlang leh Target Bazaar (chutih laia Thatchhe veng, sikul naupang tlanbo tawmrukna) inkar kham sang tak maia lengkir bung vut zu thleng thuakin a lum a, a chhartu pawh ka la hre reng —rawlthar san trha len lawn LIANA an tih khan a zu hnukchhuak a ni.
Chumi hmun chu a birin, a sang khawp mai a, 1965 April 1 (April Fool) khan Ngurluchhia an tih pawh Jeep-in chulai hmunah chiah chuan a back liam a; Ngurluchhia chu a thi nghal. Chu chu ka mitthlaah a la cham ve ta fan a ni. Tunah chuan Pakunga Punte Building velin a khat mup tawh mai thei!
U Zualbawihi i rawn tih avangin —kum lam ringawta naupang, thu leh hla leh knowledge-a ka pu turte hi in lo tam tawh awm ngawt mai!
May 5th, 2009 at 9:06 pm
Khami tuma Aizawl kan rawn kal kha, zan thim tawh, ni tlak hnu daihah kan rawn lut a, hmar lam atangin kan lut tih kan hre miah lova, hmar hawi zawng ngar ngarin lunglei atangin kan rawn chhuak sia, chhim lam atanga lut turah kan inngai a. Zing khua an var a, khawthlang lam tura kan ngaih atangin Ni a rawn chhuak ta mai chu’h, kan raak nasa teh asin aw, “Aaaih, khawthlangah ni a chhuak!!!!” tiin kan au vak vak mai mawle!!
Khatih laia Mizoram Lt.Governor kha SK Chhiber ni ta-in ka hria, Recitation, Painting competition, etc. buatsaih nachang te kha a lo hria a, a ngaihsanawm khawp mai. Keini takngial pawhin Aizawl kan hmuh phah a, a hnu zelah pawh kan rilru kha a ’state level’ phah ve tlat mai a, hlawk tak a ni. Sikulah report kan pe ngei a, nuam ve deuh a ni.
May 6th, 2009 at 4:34 am
Aputea chu ka rin aiin i lo junior a chawnghila sawi ang deuh hian thu leh hla leh history ah chuan kan rual u tur i ni si, hmaichhana han fak mawlh mawlh che ka va chak em. Lallianzuali Murray te Lydia Liansangi te Zomawii te leh Zohmingi Rahsi veng te kha tleirawl inrual an ni em kha aw? Chanmari nula Chuachhuani te kha an u deuh em khang ho tleirawl lai khan Lunglei ah ka lo zin ve a i expi ang chiah tho hian Lunglei kan chhim luh ta sia ka in orient hlei thei lo mawle
Zarkawt pi Nawli or Pu Seia dawrkawt ah hian Pu Zualthaua(RIP) khan hotel a siam a, kan ti ve karh karh hman. Heng hma deuh hian Vai thingpui dawr Pu Lianzama dawr bulah hian a awma Nacha kan ei thin
May 6th, 2009 at 4:36 am
Painting ah khan ka chang hnihna in Middle level ah lawmman a lak ve vang khan ka la hre ruai ruai. Lallianzuali Murray tleirawl chho te kha chu chhuanawm ve tak chu an ni reng a ni
May 6th, 2009 at 6:18 am
@islander : Zarkawt-a Dosha siamtu-nu, HMUAKI —tarmit hlai tawk vuah thin kha la dam ve zel tak ang maw? Zualthauva pawh a ngaihawm khawp mai — a titi kha a rich thei asin! Amah tluka Satirist kha kan nei pha tawh lo mai thei —Satire bernesque tih dungthulin ’satire zualthau’ tih tein huang zauh ve hial ka nap thin.
May 6th, 2009 at 6:31 am
XaiA ka lung i va tileng e aw i comment hi tihhian kan rem tha teh ang -
“Pu LIanzama in a lang lo chiah a, a ni khan tuikhuah a nei a, khawlin a pump thin a, a khawl ri a ring bawk a,Pu Lianthuama tho khan,”
”Zarkawt pheiah sawn..
Thlik thlawk thlik thlawk
Lianzampa khawlin a ti e.”
a lo ti bawk a ni!!”
May 6th, 2009 at 6:35 am
@chawnghilh - thianpa thianpa ka tihna che i thianpa Pu Zualthauva te veng ami kha i lunglen hunah lo phone ta che +91-9436153007
May 6th, 2009 at 6:55 am
”Zarkawt pheiah sawn..
Tleitiri kan nek sawr pawr e”
tih kha kan sa kawi kuala Tleitiri kan nek sawl pawl e ti rawh le — kal ang le / rim ang le / zuai ang le / tikual kawi velin Chanmari nula rim tura kan kal tham tham te khan lung a va tileng e. kan thianpa EnC hi a awma a ni phei chuan sawitur a ngah ngawt ang - Black roof / Birvunginu / ku Nuteii / Hmingteii Nu etc etc
May 6th, 2009 at 6:58 am
@mzvision : Thnx a lot!
Thlik thlawk thlik thlawk
Lianzam-pa khawlin a ti e … TI RAWH MAW …
tih kha Handloom khawl, a shuttle weft & warp insulpel ri an ti emaw ka lo pek asin!
May 6th, 2009 at 8:32 am
Nia,Zarkawtah khan restaurant hmasa,JD,Paradise leh Madras Coffee house Dosa kan hmelhriat tantirh na te kha an awm a,a changchuan kan RISK thin kha!!!Paradise kha risk a awl deuh!!!
May 6th, 2009 at 8:36 am
@islander:
Nia, pu leh u hi ka hlawh liam liam a, upa deuh tura min ngai hi an tam asin. Ka rilru hi chuan kum 25 hi a pel thei lovin ka hria. Ka la tar lo tih ka inhriatna chu hun liam tawh ngaiin ka kur ka kur ngai lova, hma lam hun hi beiseina nen ka thlir a, kum 20 ka nih lai ang tho khan hma lama ka dreams-ah hian ka la cheng a, hei hian khawvel hi nuam min tihtir ni berin ka hria. Mahse, rin aiin kum hi a lo ral chak a, ‘active years’ hi hriat loh laiin a liam duak duak mai a nih hi maw.
May 6th, 2009 at 11:36 am
A hmanlai lai …lunglenthlakin, misual ho hi in fakawm thin ka ti khawp mai, comment puitling tak tak mai han hmuh hian a bengvarthlak ka ti thin em mai a, damchhung misual ni turin ka rawnin lan ve tawh ang.
May 6th, 2009 at 12:38 pm
chanmari kon a bus in her (turn) hun lai vel a niang mooo ?
May 6th, 2009 at 12:51 pm
Kan naupan lai chuan zarkawt kawnah hian SAKEI kan hmu thin!
No offence!
Ka lawm e