Nimin khan Mizoram Baptist Kohhran thalai pawl (MTKP) chuan Vanapa Hallah kan rama Pathian ram a lo thlen theihna turin a hmingah “Zonunmawi Beihpui” tiin bul tanna programme lian ang reng tak an hmang a. An khuallian ah pawh kan rama hotu lu ber Pu Lalthanhawla an sawm. Baptist ka ni a, naturally in, hmalakna hi ka thlawp chin a awm. Enge kan unau dang ten he hmalakna hi in lo hmuh ve dan?
Similar Posts:
- Canada Chin Christian Conference Vawi 2-na
- MPF hmalakna
- MTP Leh CBI Kohluh Chungchang
- Aizawlah Punjab National Bank hawng
- A tuar ngam reng kan awm lo
June 1st, 2009 at 11:44 am
A thra alomz….. mahse kan ti ve teh ang… A bul tanna tur chu Chhungkuaah a niin ka hria, Kristian Chhungkua hmanga bul tan loh chuan thil harsa tak tur a ni. Engngemaw chenah chuan kan that phah ang. Kan PU berin a zung nena phawi a tih kha hre reng ta ila..
June 1st, 2009 at 11:53 am
“Zonunmawi Beihpui” tih leh “Pathian ram a lo thlen theihna turin”…what’s the connection? A thra tho e. “Zonunmawi Beihpui” han tih chuan a YMA ruih zawkin ka hria TKP/KTP ai chuan..
June 1st, 2009 at 12:39 pm
Baptist unuate, in ti lawmawm khawp mai. Hetiang hi a hlawhtlinna hi vawi lehkhata thleng thut thei a nih a rinawm loh a, thahnemngai taka beih tang tang chi a ni.
Kei pawh ‘Zonunmawi Beihpui’ han tih chuan ka rilruah kan mizo tlawmngaihna leh khawhar In etc. vel alo lang kuar a; Pathian ram nen pawh thil inhmeh tak a ni tho mai.
June 1st, 2009 at 12:39 pm
A thrat rualin a inchawihlo ka ti kei pawh,zonunmawi beihpui tihte chu YMA,MZP huaihawt niawm tak..zonunmawi beihpui tih ai hian Pathian ram a lo thlen theihnana beihpui ti mai se..englekhawle,a thlawp zawngah chuan ka thlawp viau mai..
June 1st, 2009 at 1:17 pm
Kei chu tha ka ti e..Kan Zonunmawi kha a va han kristian em ka ti ve tlat a ni!Kristian nun a kan nun loh a vangin heng beihpui thlak lo ngai ta hi erawh a lungchhiat thlak deuh!!
June 1st, 2009 at 2:43 pm
A thra ka ti… full support ka pe e… mahse helaia topic i rawn thlana a thupui (heading)i rawn thlan erawh “Mizoram kohhran lian ber dawttu thalai pawlin hma an la” ti lovin.. “Mizoram a kohhran lian ber dawttu thalai pawlin hma an la” tih ni ta zawk se.. a fuh lo maw? ‘Mizoram Kohhran’ a awm ka hre lova, a lo awm nih chuan thudang nise, Mizoram a Kohhran awm, Baptist Kohhran i sawina nih hmel sia ka ti mai mai
June 1st, 2009 at 2:54 pm
Enge ‘Zonunmawi’ chu nile? Tlawmngaihna, sem sem dam dam, thian chhan thih ngam etc. sawi tur a tam ang. Keichuan he beihpui hi trul ka ti khop mai. Veng chhunga engemaw thil a lo thlenin, thalaite kan hma zawna kan chetna turah, kohhrana mi inhmang peih em em te aiin, engvakmaha kan ngaih lem lohte hi phur tak taka che peihte an ni zawk fo mai. Kohhrana inhmang taima em em ho hi emgmah ti si lova, tihtur lo tuk zung zung ringawt an niin in hre ve lo maw?
June 1st, 2009 at 3:00 pm
Kristian kan nih hmaa kan hnama bet tlat thin tlawmngaihna te, hawihhawmna te, midang tana inpukpekna te, etc hi ‘Zonunmawi’ chuan a kawk zawk mah lo maw?
June 1st, 2009 at 3:01 pm
Matt_Dad, ka chhut kim loh a nih khi.
June 1st, 2009 at 3:03 pm
…typing mistake
June 1st, 2009 at 3:18 pm
@mat402 i dam maw?
June 1st, 2009 at 3:26 pm
some pics here….
https://mtkp.org/index.php/comp.....l-movement
June 1st, 2009 at 3:28 pm
sonju i sawi hi a dikna chen chu a awm ang mahse mi zawng zawng hi hetiang an ni lem lo. Mi awm mai mai te hi enagahmah hmantlak loh an ni duh fu asin zawk a, an hmantlak loh avanga awm mai mai te pawh an ti ta ve ang.
Zonunmawi Beihpui chu a tul ta chu a ni ang a, Kohhran hrang hrang leh pawl hrang hrang ten hmalakna kan nei thleh thluah a, thil tha tih tumin kan inkau hlawm viau chuan a lang. Nimin he hunah hian ka va kal ve a, a ‘brochure’ te pawh ka la ve, an thil tum a ropui viau, Kristianna leh Zonunmawi chu a inmil viau chuan a hriat a, amaherawhchu kan Zonun hlui ah khan chhawm zel itawm lo tak tak pawh a tamin a hriat.Engpawhnise thil siam that kan duh a, danglamna thleng se kan tih chuan keimahni hi kan that a, kan danglam hmasak phawt hi a tul a ni.
Nimina thusawitu pakhatin a sawi lan a rilru a cham ta vung vung mai chu -….kohhran te hi kan in ropui siak nasa ta.. a ti a, a ni awm teh tak e ka ti ve deuh!
June 1st, 2009 at 3:44 pm
CM sawm buai vel khi a tullo khawp mai. Enge maw ti hlek a khual lian, khual zah awm, khual tha, khual chhia ti ti ta hlawm mai, eng in ti zo ta nge maw ni hlawm ni
June 1st, 2009 at 4:07 pm
‘Kohhrante hi kan inropui siak nasa ta’….a dik duh hmel, he post heading-ah pawh hian ‘Mizoram kohhran lian ber dawttu thalai pawlin hma an la’ tih a nih deuh kher hi. Lian ber ni lo mahse a dawttu nih chu a la nuam pha viau tho a ni mahna le
Engpawhnise zonunmawi siamthat kawnga hma lakna hi chu kei pawhin full suport ka pe e.
June 1st, 2009 at 4:33 pm
Keipawh a thupui atang hi chuan a YMA chanvo hlein ka hria a. Mahse an thil tum erawh tha ka ti hle mai. Ni e, kan moral hi reform a tul tak zet zet a. Mimal atangin chhungkuaah, chhungkua atangin Kohhran or Khawtlang, Khawtlang atangin Society ah a ni tur a ni a. A ler atanga tih chi a ni lo va. Mimal tinte atanga siam that chi a ni.
June 1st, 2009 at 5:15 pm
A tha khawp mai. Keipawh mahni chhungkua theuha tan phawt tulin ka hria. Engpawhnise, Corruption a zung nena pawt phawia phoro tum sorkar kanneih tawh avangin kan thlen chin atang kha chuan hma kan sawn tawh hrim hrim. Tunhma khan a der pawha corruption do ngam kha kanla nei ngailovin ka hria a, tunah erawh zawng sorkar Officer rual kalkhawm pawh corruption thatlohzia kan zirtir ngam tan ta a, a lawmawm hrim hrim mai. Baptist kohhran chu ka nive chiahlo na a, an hmalakna hi atha ka ti a, Full support pek theuh itum ang u….kan ram tan, kan hnam tan, kan khawtlang tan, kan chhungkaw tan…..
June 1st, 2009 at 5:40 pm
Zonunmawi beihpui han tih hi chuan a YMA deuh ruih hmel a, mahse Kohhran hmalakna anih pawhin a tha ka ti tho mai. Ani taka, kan Mizo tlawmngaihna te leh kan dan neih te hi Kristianna nena inhmeh tam tak a awm a, hei hi chawi vul zel ila a tha khawp mai.
Kum 1894 a kan Zosap Missionary ten Chanchintha an rawn thlen atang khan, kan Mizo society ah Kristianna hi nghet takin a bet tlat tawh a, Mizo chu Kristian ni turah kan ngai deuh xel anih hi. Tunah erawh chuan Kristian nilo pawh kan awm ta nual a.
Chuvang chuan kan Zonunmawi hi chawi vul zelin, kan culture milin Pathian kan biakna kawngah pawh hian kal thiam ila a duhawm khawp mai.Khawhar in kan inlenpui a lungngaite kan hnem te, tanpui ngaite kan tanpui te leh kan Mizo pi leh pu te atanga kan chhuan em2 Tlawmngaina te hi Pathian thu nen a inmil em2 a ni.
June 1st, 2009 at 5:51 pm
Alejendro, dam e. Dam zawk maw? Thupui peng sawitu pakhat pu Vanneihtluanga chuan Mizoram Presbyterian kohhran chu member tihpun tuma hmala leh Mizoram Baptist kohhran chu Baptist ram zauh tuma hma laah. Ani hi kohhran thahnemngaihna lam ngaihsak vak lovin a sawi mai mai emni aw? Nge heng kohhran hruaitu te a belhchian hnuah heti hian a sawi?
June 1st, 2009 at 6:14 pm
Zonunmawi hi a awm tak tak hran lo tunlai khawvel thang zel mila, pathian lawm tlaka nun hi a ni mei lawm ni. YMA leh Moral Reforms buaipui ho khan DOs and DONTs siam sela anih loh chuan hmanlai zonunmawi kawngkapui thingfaka dokalh ang chi ah khan min hruai let riau riau anga a practical awm si lo.
hmanlai te chuan an tlawmngai reng ang chu tu hnuaiah mah an thawk hleinem. an duh leh an feh duh loh leh an feh lo mei a. tunah te chuan peon kha tlawmngai viau se an boss in a ban thim thrim.
Ho emai kick off tur an thre lo ltk sia
June 1st, 2009 at 7:05 pm
Kan Baptist unaute’n hetiang lama hmalakna chang an hria a, an thang harh hmasa hi a lawmawm hle mai. Kohhran dang pawn hetiang lam hawia inzirtirna hi uar zel tlak ani. YMA hetiang lam zirtirna ngaihsak tawh mang lo kuta dah mai chi pawh ani tawh lo.
ZONUNMAWI tih a, a YMA ta ruiha ka hriatna hi a dik tawk lova, Kohhran nen leh Pathian thu nen pawh a in hmeh hliah hliah zawkin a hriat. Kristian kan nih hmaa, kan hnam nun ze mawi tak tak, thian chhan thih ngam kan tih angte kha, a Biblical em em ani.
Kohhran / Kristianna huang chhungah hian kan Mizo nunze mawi hi chhawm nun zel theih ani a. Mizo takin a Kristian theih a, a rau theih bawkin a hriat. Lal Isua zirtirna tam tak hi kan Mizo nun-ah hian alo tam khawp mai.
June 1st, 2009 at 7:35 pm
Sekite-a ngaihdan hi ka tawmpui e, kohhran hrang hrang hian in lungrual in hma la ta zawk nghe nghe se, Mizoram Synod te hlei hlei hian hma han la se chu a sawt leh zual tur a nia.
June 1st, 2009 at 7:47 pm
Rev,Dr, K Lalrinthanga hi Rev K Thanchungnunga fapa kha ani em? Mizo ram ah a lo awm leh der tawh ani maw. Kan in class mate thin
June 1st, 2009 at 9:28 pm
Aryan i tidik khop mai. Lunglei Saikuti Hall-a, he hun an hman tum pawh khan kan CM vek hi khuallianah hman a ni a, thu a sawi rei khawp mai. A nupui pawhin a sawi rei tho, midang tan inthlahrunawm tak a ni.
June 1st, 2009 at 9:43 pm
Nia,Vaihawla kher kher han sawm,programme tihlarna chi khat atan an ti te pawh a ang dawn dawn alawm le,noi..
June 1st, 2009 at 10:16 pm
‘Zonunmawilo’ tih chin hi rin fel a ni tawh em? Zonunmawi hi kan hriat chian theih lehzual nan Zonunmawilo hi kan inhrilhfiah chiang tawh em? Zonunmawi kan tihah hian tunlai khawvel kalphung mil turin Europe leh Khawthlang manners leh etiquette mawi tak tak te hi kan chhawm luh a thiang ve dawn em?
MTKP hmalak hi a trha hle a; mahse, chi trha tuh hi a harsa a, tamhneh leh haw haw thama YMA, YLA inchhimtawn ta zawk ila, hmalak a zau daih zawkin ka ring. YMA hian a zirtir hlawhchham tih vang em ni? Zonunmawi pitar putarah, zonunmawi nu leh paah, zonunmawi khawtlangah, zonunmawi hnathawhnaah, zonunmawi infiamnaah, zonunmawi chhiatni trhatni-ah, zonunmawi camping-naah, zonunmawi inhlawhfaknaah, zonunmawi zu hmun sa hmunah, zonunmawi nulat-tlangvalna kawngah, zonunmawi naupang zingah …zonumawi legally, zonunmawi morally, zonunmawi socially, zonunmawi integral/total lam hawi hian em ni Vanneihtlaunga te, Lalbiakzuala te, Chief Minister nupaten thu an sawi le aw?
Zonun hi June 2009 hma lam zawngah te khan a lo mawi vak lo em ni? Engati nge former Chief Minister Zoramthanga pawh DICE-a kan hmuh tak loh mai! Milian pak huam kher hian Zonunmawi lesson-a bultran kher tur em ni?
Brochure emaw, hand-out emaw Zonunmawi Beihpui thlak nan hian sem chhuah a awm em? PDF talin kan lo chhiar ve thei em? He Beihpui atan hian Budget pawh chheh hranpa hial a ni ve em? Kohhran Thalai meuhvin Zonunmawi Beihpuia Khuallian, min Kaihruaitu ber atan chuan Chhandamtu leh Lalpa Isua Krista ka thlang ber zawk e. Serkawn Biak In pulpit chunga “Zoram tluanah Krista lal ber rawh se,” tih ka chhiar khan ka lung a la kuai zawk cheu … Sorkar thachakna hi ka chhuang ve lo khawp mai!
Inkhawmpui neih dek deka TKP, KTP-in Sorkar atanga Pandal sakna tur engemaw hih tum tlatte hi —mak ka tihna a rei tawh. Thalai pangchang nihte hi dahtha tawh ila … 2010-a Vaivakawn Pandal tur blueprint pawh a pui hle mai, zonunmawia beihpui thlak ta vek vek, mahni kutkawih ngeia khawrpum tum ila … zuitlak, entawntlak kan ni mai ang.
June 1st, 2009 at 10:52 pm
@sonju, Lunglei ah chuan Pi Riliani a lawm CG chu.Zonunmawi, temparance movement hian politics lam atangte,kohhran lam atangte,YMA lam atangte a zonunmawi hi nei leh thei turin kiltin atanga siamthatna a kalpui a ni ang e.Chuvang chuan kohhran,Politician,NGO leh media mi lam thlengin a huap a tul a niang.Mahse Vana Pa Hall ah hian Besy choir,TLM,salvation lam an zai laiin synod choir zai tura sawm zai ta si lo khan awm a ti nuam mang tlat lo.
June 1st, 2009 at 10:52 pm
nghasih, Rev Dr.K.Lalrinthanga hi Rev Dr.K.T.Chungnunga fapa a ni e. Mizoram ah an chhungkua in an awm tawh a, tunah hian BCM Hqrs. Serkawn ah Director, Ramchhung Mission leh MTKP President hna a chelh mek. Tin,a nupui Dr Chawngthanpari pawh BCM College din Higher & Technical Institute of Mizoram (HATIM) ah Principal in a awm mek bawk.
sonju_a, MTKP In Saikuti Hall a ZONUNMAWI beihpui hawnna hun an hman ah khan CM khuallian a hman a ni lo a, a nupui Pi Ri-i khuallian ah hman a ni zawk.
Kan ram hruaitute khuallian a hman an nih chhan hi an lak atanga sum leh pai beisei vang a nilo a, TKP in ZONUNMAWI beihpui an thlak mek hi a lo hlawhtlin theihnan leh kan Zonunmawi chhe mek tawh tundin a nih theih nan Sawkar, Kohhran pawl hrang hrang leh tlawmngai pawl hrang hrangte nen thawkho a hmalak pui an tum vang zawkin kan Sawrkar hotute khuallian ah hman an ni zawk. Lunglei a Programme hman a nih khan Sub.Hqrs.YMA President in thu a sawi a, Lawngtlai a hun hman a nih pawhin Central YLA President in thusawina hun a hmang bawk.
June 1st, 2009 at 11:03 pm
Dr Chawngthanpari hi Pu Chawngpianga fanu a ni em? A nu pawh Pi Lalziki —Ramhlun North thlanmual ka kal trumin Pi lalziki thlan ka hmu thut mai a; kum tam liam tawhah khan … ka lung a kuai hle. Mifel chhungkua, mi hlawhtling tak vek an ni. An unau hming bul hi Chawng vek a ni hlaw, Chawnghilh tih em chu an awm lo …
June 1st, 2009 at 11:23 pm
Dr Chawngthanpari hi a nulat lai chuan mizo trawnga trawngtrai aiin sap trawng hian a thiam zawk asin, keini ang duang chuan kumkhat poh buaipui ila a trawngtrai ang hian kan tithei lo hrim hrim
zonunmawi in tih hi phawk pha ve lo mah ila ka blog ah hian mizo-zia ka duhaisam chu ka thailang ve keuh
June 1st, 2009 at 11:50 pm
Zonunmawi vul zel rawh kan ti emaw tih lai a tluchhe mek lo ni reng in. A bawhzui dan tur hi a har viau lo ang maw?
A hawnna ropui tak a neih piah lam ah hian big screen ,projector , Vanapa Hall etc piah lam ah hian eng tin nge hma an lak chhunzawm dawn tih hriat a chak awm.
Englekhawle, duhsakna zawngzawng ka hlan e
June 2nd, 2009 at 12:15 am
Zonunmawi Beihpui hawnna inkhawm Vanapa Hall ah khan ka kal ve a, he Beihpui hian a tum ni a lang chu, Mizo Nun Mawi tak, midangte tana in pekna, nun, Tlawmngaihnate, Sem sem dam dam kan tihte lo tlahniam ta lutuk te leh, sum leh pai ringawt buaipui avanga kan ram leh hnam lo tluchhe mek siam that a, tundin leh hi a ni mai a, chu chu Kohhran bil kut emaw, YMA bil kut emaw a nilo, nang leh kei Mizo te kuta awm a ni a, chutiang chawisang tur chuan Movement a lo awm ta a, chu movement rawn huaihawt tute chu Baptist Kohhran an ni leh mai.
Presbyterian emaw, Baptist emaw, Salvation Army emaw, UPC emaw, a engpawh chu lo nise, tumah ralbang thei an awmlo. Kan ram leh hnam hi duhdamna in min ei chhe mek a, thenawmte ram kan hung a, AIDS natna in min run mek a, tih dan thalo hrang hrang in min run mek zel a ni. Kohhran hi Mizo te min thendarhtu a nih chuan chu Kohhran chu Kristianna diklo kalpui tu a ni anga, YMA hi Mizo min thendarhtu a nih chuan chu YMA chu kan hmelma a ni bawk anga, YLA hian Mizo nih a duh loh chuan a nilo mai ang.
Mizo takin kan Kristian anga, Zonun-mawi tak kha Kristian na nen a in mil a ni. Hnam anga kan dinchhuah angaia, hnam anga kan dinchhuah theih nan Political Party pawh sawi a hunlo, nang leh kei sawi a hunlo, pawl leh pawl lo sawi a hunlo, Kan HNAM tluchhe mek, eiruknate, sual na chi hrang hrang, duhamna chi hrang hrang, mipat hmeichhiatna ten min eichhiat mek siam tha a, Zonunmawi tak, tlawmngaihna, sem sem dam dam, rinawmna, taihmakna te kan vawn nun thar leh kha Zonunmawi Beihpui hian a tum a ni.
He Zonunmawi Beihpui thlak nei tur hian a bul tantu an awm angai a, a fawng chelhtu an awm angai bawk. Chungt ti tur chuan Kan ram hruaitu lu berte, kan NGO hrang hrang hruaitute, Kan Kohhran hruaitute baka tha an awm dawn em ni? Chumi chu a khuallian a, chumi chu an zai lo a, chumi chu an tel velo tih mai mai kha he Beihpui thlak hian a tum a nilo, nang leh kei Mizo hnam hian kan nun mawi, Zonunmawi Beihpui kan thlak kha a ni a tum ber chu.
June 2nd, 2009 at 12:39 am
Zirsangzela phuah ‘Zonunmawi’ tih kha theme song atana hman a inhmeh ngawt ang, mahse a TKP hla em em lem lo a…
KTP ten Kum Puan atan “Rorelna Dik” tih an hmang a, TKP ten “Zonunmawi Beihpui” an thlak mek bawk a, Beiseina sang tak nen lo thlir phawt mai teh ang.
June 2nd, 2009 at 12:43 am
Group A officer ten corruption chungchang ah awareness /training an nei a , an muthlu vek e an ti.
Zonunmawi beih pui hian kaitho thei se a tha ang.
A programme zawng in nge an kal dawn ‘padyayatra ‘ an tih ang zawng hian tih hi hriat ka chak khawp mai.
June 2nd, 2009 at 3:55 am
Ka lo dilchhut tak ber chu; enge ni “zonunmawi” tih lai hi a ni. Indegenous deuh hleka ethics kan neih ang chawinun hi tul ka ti khawp mai. Hemi process atan tlema kan ngaihdan hi decolonized pawh tulin ka hria. A chhanchu, kan nunphung hrim hrim kan conceptalize dan hi foreign lutuk or pukchawp lutuk hi buaithlak ka ti. Changkanna um chunga kan root/chhuahna kan theihnghilh lutuk hi a pawi a ni. Entirnan, hman deuh khan P.L Liandinga hian etiquette chungchang a ziak a, sap ho hman dan ngawt a sawimawi a. Sap chin dan apiang hi enge a etiquette bik viau na le? Mizo tak pawhin etiquette kan nei tho lovem ni?
Thuziaktu leh thusawitu tamber pawhin, tu emaw sap ziaktu thusawi hi entirnan kan tarlang deuh ber a(a tha e), mahse heihian kan rilru lamah kan hnam nun confi lohna a thlen tamin ka hria.
Entirnan, Mizorama private school dingthar sup sup ho inzawrh dan ka chik thin hian knowledge tak aia, Sap tawng hrim hrim thiam tir te, sap ho sukthlek anga pu hrim hrim zawng hi changkanna ber tih an tilang deuh em?
Comment 1na khi ka han thual nawn leh teh ang. Ram siamthat hi chhungkuaah tan tur tiin kan sawi fo thin. Tunhnaiah ka hmuhchhuah tak ve erawh chu; chhungkaw tamtak kalphung hian bul an tan ka ring lo.Pa ber corruption inhmang uar, nu ber nawhchizuar ang chauh chhungkuah hian enge tan se kan beisei ang. Hetiang chhungkua hi kan tam tawh…Engtin nge bul an tan tehluh ang…..Nu leh pa ber rui chunga in hau bual bual chhungkuah hian enge bul tan kan beisei…etc…
Kan root-ah hian kan letleh a hun tawh lo maw. Kan missionary ho hnathawh kha a lawmawm e. Mahse, Sap thlarau kan be tel hi a buaithlak viau lo maw?
June 2nd, 2009 at 2:09 pm
A that hmel viau chuanka hria. Mahse, kohhranin bul tran nan a hma an lakna-ah CM an han sawm ta vel dum khian ka kawng ati kham deuh! Kohhran hian engngemaw hlekah hian sorkar lam hi i pun lo teh ang u. Kohhran hi tih zahawm ang u. Corrupted ho parvul nan mei mei chuan ka phal lo kohhran hi.
No offence!
Ka lawm e!
-VK
June 2nd, 2009 at 11:02 pm
@Epis, tichuan kan tawngah te pawh hian saptawng pawlh tlem ve ta tial tial ila.. tiraw?