– James Ramdinmawia
NSEM kaltlanga kan tum ber chu, keimahni tana hlawkna chu kan um ngei, zep thu a cheng lo, mahse keimahni hlawkna ngawr ngawr tum ni ila Aizawl mipui chauh pawh hian kan hnuaiah join sela hausak lawih na tham kan nei thei, amaherawhchu he hlawkna leh chanchin lawmawm hi Mizoram mipui tam zawk hian an dawng ve lovang tih hlauvin District Headquarters leh a remchang apiangah Seminar neiin kan la hmanhlel em em a ni.
Thingtlang mi harsa tak tak te’n Rs. 5,850/- an invest theih tawk tawk chuan kum khat chhunga Rs. 8,19,000 lak ve theihna chance an neih avangin in leh lo pangngai tak an din ang a, ei leh bar tuihnai leh silhfen tha zawk an lo intuituahin an lo in bel ve thei tawh ang. Chutianga kan hlawhtling a nih ngat chuan Mizoram Sorkar rethei chhanchhuahna NLUP Policy te ai chuan Mizoram mipuite tan hian kan thawhhlawk mai lo’ng maw te kan ti hial a ni. Hei vang tak hi a ni kan thianpa Khaikhohauh Gangte, Master of Social Work pawhin FXB-a a hna bansan meuha he thil hi a buaipui tak ni. Gangte-a chuan “Social Work-ah hian pawisa nei lovin contribution sang tak a neih theih loh!” a ti mauh mai.
Kei pawhin heti hian ka ngaihtuah, ram leh hnam hmangaihna avangin sorkar te pawh TV leh Chanchinbu kaltlangin nasa takin kan khak fo va, miretheite leh mipui nawlpui thlavang kan hauh a, mahse ka ngaihtuah ka ngaihtuah hian Bible-in “Lum leh puar takin kal rawh u” tia taksa mamawh chakkhai pe si lo a sawi ang deuh kha ka inchan deuh tlat a, chuvangin investment leh insurance hmang hian mipui dinhmun chawisan hi ka tihmakmawh a ni tiin, a risk sang hle mah se mipui tan a nih tlat avangin ka career chu ka lo risk ve mai ang e ka ti ta a ni.
Tunah hian kan website nsem.in lo visit ula, he company-a share nei apiang hian he website-ah hian account kan nei vek a, ka account in en duh chuan member login ah khan lut ula, ka ID:82555324 leh password:ihoroh tihah hian login ula. Ka downline-a awm zawng zawng leh ka downline benefit (Binary Income & Single Leg Double Leg Income) te, ka monthly regular income (Non-Sponsoring Income & Direct Bonus Income) te, Tax-a an deduct zat te, handling charge-a an cut zat te, NSEM Relief Fund-a an cut zat te, ka hnen thleng tura ka hlawhchhuah pumpui atanga a cut tur ang ang an cut tawh hnu-a an rawn dispatch zat te chiang takin i hmu ang.
Hetiang khawpa Company tranparent leh fair hi ka la hre lo, hei aia transparent an lo la awm teuh a nih chuan ka hawi zau loh vang pawh a ni ang e. I up-line emaw, helai Branch Office-a Office Staff te hian emaw dawtin an bum thei miah lo che, a chhan chu nangma account duh tawkin I en thei tlat. Tin, dan ang thlap-a sorkara chhiah I chawi ve dan a lang vek ang, chuvangin Black Money kan tih mai “Sum Thianghlim Lo” kan tih ang kha a awm miah lo a ni.
NSEM hi Meghalaya leh Manipur leh NE state dangah te chuan keini aia an lo hriat hmasak avangin nasa takin a hlawkna an tel tawh a, mi tam tak “Life” a “Change” tak meuh meuh a ni. NSEM hi bankrupt mai lo turin a inveng nasa hle a. Kawng hrang hranga chhutin a tlachhe mai lo turah kan ngai a ni.
Amaherawhchu keini ho pawh hian a tlakchhiat theih dan tur kawng leh he Company-a share nei zawng zawng te’n an risk dan te, kum khat share kan neih chhung hian 0% growth rate ni tluan ta se an loss theih thu pawh chiang takin kan inhrilh a ni. Tin company dintu te hian vawi leh khatah a sum neih zawng zawng hi insem thutin lo titawp ta se, 0% growth a nih tawh dawn avangin kan loss vek thei tih pawh kan inhrilh hre nghal vek a ni.
Amaherawhchu company sum lakluh dan leh a pekchhuah dan zawng zawng kan chhui hian keini aiin a company hi a hlawk fe si a, a dintute hian kum 4/5 lekah chuan an titawp phal mai mai loving tih hi kan hmuh dan a ni a. Tin, sum ringawt maia sumdawng ang a ni ve lova, tunah hian product hralh tur pawh a nei tan tawh a, tin Industry lian zawk te dina la inbunngheh a la tum hle a ni. Chuvangin company thenkhat pawisa khawnkhawm a, pe chhuak leh thin, business dang engmah nei lo, product pawh nei chuang lo ho hi chuan pawisa ngawr ngawr kha an target a nih miau avangin an in khawn ngah deuh huna tih tawp thut emaw, tlanbo pui daih emaw an ching reng a, chungte nen chuan NSEM hi chu khaikhin rual a ni lo.
Vawi khat pawh Charter Accountant hian kan sum a audit a, North East-a kan hotupa ber Pio Dkhar hnenah, “Hetiang ang system tha te chu engah nge Shillong-ah headquarters neia a thar I din ve mai loh?” tiin a zawt a, mahse Pio chuan “All Over India Growth Rate hi kan inhumhimna tur a ni a, NE-ah hian ti chiah ila chuan ka hausa viau ang a, mi dang tam tak pawh an hausa hman viau ang, mahse NE mipui te ringawtah hi chuan a Market Saturate hun a thleng vat thei a, chuvangin a join hnuhnung lam chuan an loss vek thei a, chu chu ka duh lo a ni!” tiin a chhang a ni.
Tunah hian NSEM system a that em avangin, NSEM system copy nasa tak, Guwahati-a Headquarters nei Company thar hlak Pre-Launching Session hmang mek Kamal Joyti tih vel te pawh a rawn chhuak leh tawh a, an Bank A/c leh website hmuh tur a awm lova. Tin NSEM system that avanga hemi hrula lal hran bawl company tam tak tunah hian a awm mek a ni. Heng company dangte hi an transparent ve em tih te, an market destination-in khawi area nge a huam, saturate mai thei a ni em tih te, product neia inbun ngheh an tum nge sum ngawr ngawr an buaipui ve leh dawn tih ten ngun taka kan lo zirchian zel phawt a tha.
NSEM hrechiang lovin miin an join tur lo sawithaih ve vak suh, tin, hrechiang lo bawkin lo fak chiam bawk lovang che. Mizote hi kan mawl khawp nia, engmah mahnia zirchianna nei miah si lo hian tlangkam titi atanga kan hriat chhawn ve hmanga midang advice pek ve chiam kan ching a, Chiahpuam-a pawisa dah a that thu sawi sawi leh dah ve tura midang advice pe thintute khan Chiahpuam kha eng nge a nih an hrechiang chuang miah lo.
Chutih laiin System felfai tak leh bankrupt mai mai lo tur leh grow tawp mai mai lo tura inveng lawk nasa berte zinga mi leh transparent berte zinga mi NSEM a lo chhuak a, engmah hrechiang mang si lovin midangin an join tur kan lo sawi thaih ve leh chiam chiam a, hetianga NSEM join a hlauhawmna i hriaa join lo tura midang i advice dawn a nih chuan advice i pek hma-in NSEM bel chiang turin min rawn pan hmasa phawt ang che.
Information Office of NSEM
City Bus Stand, Chanmari Kawn
Aizawl – 796007
Ph. 9862340622/9612160054/9862965324
.
