June 29 atanga July 01, 2007 thleng awhtur inkhawmpui lian, Canada Chin Christian Conference tum 2-na, Vancouver, Canada-a neih tur chu, programme felfai taka duan fel a ni ta. He inkhawmpui lian buatsaihtu hi Chin Christian Fellowship of Canada a ni. Tin, CCFC hi Canada rama khawpui hmun hrang hranga khawsa,Zo (Chin) hnahthlak Fellowship leh Church pakua (9) te atanga palai 30 rual vel leh member dang 100 rual vel kalkhawmten Sept. 03, 2006 kuma buatsiah Canada Chin Christian Conference Vawi 1-na, Ottawa, Canada-a neih tuma an din a ni.
Tichuan, Conference-in a rel angin Fellowship/Church pakhat atangin palai pahnih zel in tirh a ni a. Palai thlankhawmte chu, CCFC Coordinator Pu Salai Cung Cin leh Asst. Coordinator Pu Vanlal Dika-te huaihawtnain rorelna hmunpui dawhkan, internet leh phone kal tlanga kil ho thin a ni.
Kumina Canada Zo fate inkhawmpui lian neih turah hian groupmail kaltlanga sawmna zau taka semchhuah a ni a. Canada khawpui hmun hrang hrang bakah Germany, USA leh khawvel hmun hrang hranga khawsa, Zo fate pawh he inkhawmpui rawn chhim tur hian mi thahnem tawk tak beisei an ni bawk. Tin, Canada ram hi khawvel ram zau ber pahnihna hauh mektu a nih angin, a ram hi zau tak mai a ni a. He rama khawpui hmun hrang hrangah hian Chin fate hi inkualin mahni intodelh takin an khawsa hlawm theuh a. Tunah tak hian mi 700 chuang fe, he ramah hian Zo fate awma hriat a ni. Tuna Zo fate inkhawmpui lian thlengtu tur, Vancouver khawpuiah pawh hian Zo fate mi 200 thuak awma hriat an ni a. Inkhawmpui min dawngtu tur te hi Vancouver Chin Baptist Church an ni. Tin, he khawpui Vancouver atanga tehin khawpui dang atanga khawmpui chhim tur te tan hian darkar thum/li (3/4) vel zet thlawhnaa thlawh vawng vawng ngai te a ni a. He inkhawmpui lian turah hian khawpui hmun hrang hranga khawsa Zo fate mi 500 vel kalkhawm thei tura beisei a ni.
Tichuan, he inkhawmpui lian turah hian Zo fate tun aia inhmelhhriattawnna thazawk leh insuihkhawmna thazawk kan neih theihna kawng lian tak a puakchhuah theih beiseinain infiamna chi hrang hrang pawh buatsiah tum a ni a. Tin, tunah hian he inkhawmpui tiphuisuitu atan leh kan biak Pathian fakna a tan khawpui tina Fellowship/Church Zaipawl, Solo, Deut intihsiakna chi hrang hrang nei turte pawhin inbuatsaihna hun hlu tak an hmang mek bawka hriat a ni. He inkhawmpui turah hian Zo hnathlak zawng zawng sawm kan ni a. Hlawk taka hman a nih theih ngeina atan mimal tinte tawngtaia tanpuina an ngen tak meuh meuhva, sum-leh-pai lama tanpuina pawh engtiklai pawha thawh theih reng a ni. Inkhawmpui tiak lamah hun hmandan tlangpui tarlan leh a ni ang. ED.
Thlalak tarlan hrihfiahna: L- R: Pu Cung Bik, Pi Lalcherliani, Pu Vanlaldika, Rev. R. Zohmingthanga.
https://www.zoin.info/canada-chin-christian-conference-vawi-2-na/
www.zoin.info
bye muantea Calgary
Similar Posts:
- CCFC Inkhawmpui report
- Presbyterian Kohhran Hmeichhe Inkhawmpui Lian hman tan a ni
- Winter Olympics Vancouver 2010
- Vancouver, CHIN/MIZO Film
- A New Zomi Church in USA
June 18th, 2007 at 1:43 am
what is the difference between zoin.net and zoin.info. Aren’t you guys the same group?
Report this comment
June 18th, 2007 at 2:28 am
well, I don’t really know what to say!!!.. just ask them in their site!, or their admin or leaders can give you more detail.
Report this comment
June 18th, 2007 at 6:15 am
Ohh… i thought that zoin.info was changed to zoin.net. Is zoin.info still running?
Report this comment
June 18th, 2007 at 7:23 am
Well, info is the old one. One man is behind the two sites. You can also inquire at zawlbuk website
Report this comment
June 18th, 2007 at 8:47 am
ZerO Biala
I connection a tha ve leh tawh elaw
Report this comment
June 18th, 2007 at 1:20 pm
how nice it will be for them to renew their spiritual lives !!!!!!!!!!
Report this comment