ZU chungchang a inhnialna ri in ramtin mai a luah a ni ta mai chu a ni a, thenkhat tanlakna tanfung zawng lawr tak tak an awmlaiin Bible thu behchhan a tanfung lek pawl an awm bawk a, TV lamah pawh mit leh beng a tlai phah khawp mai, ram thang mekin a kentel ni awm tak YMA leh Kohhran pawhin Kum kha leh chen a kan lo do rawn chuan sawi a hlawh nasa khawp mai, kha chen kha kan lo do tawh a, a tilui in leh zuarte hrem in MLTP Act. dan hnuaiah thenkhatin hremna leh tawrhna Thihna hial thleng palh khawpin kan buaipui tawh a, a thatna leh thatlohna pawh khaikhin tur tam tak a awm ta, he thil hi ngun taka chhut a, kan ramah Corruption leh hlemhletna hrang hrang tamtak kan buaipui lai hian, I ram, “ZORAMNUAM” siam tur hian a bul berah chuan nang leh kei hi kan pawimawh hmasa ber a ni.
Kan Sap Missionary ten kan Culture-ah ZU in hmunpui a luah nasat lutuk a vang a ZU hi sual a nihna min tuhsak na rilru pawh tunah chuan kan ngaihtuahna chuan a thlifim ve thiam tan dawn ta in a lang, Lal leh Upate kaih hruaina hnuaiah Development leh Prosecution /Magistrate hna thlengin an kawp a, a lehlamah chuan a Dictatorship hle a ni, an thu chhuak reng reng kha tuna Government Circular ai hian kan pi pute khan an ngai pawimawh zawk, kha vang khan khawilai veng keltil a pa zu rui buai deuh leh mahni inchhungkhura lo in lalawk deuh pa chu Lal leh khawnbawl upate thuchhuak tawh angin tlangval zawlbuk a riak ten an piai liam liam a, Phung velh ah an chhuah mai a ni, endawng nih erawh tumahin kan duhloh ang bawk in han in la zui an awm ngai lo.
Amaherawh chu in ti teh ang, khang hunlai a kan Missionary te lo chhuah khan Zu kha kut ni vangthla mai piahlamah Lal leh Upate Assembly Session lai a an Lunch ber leh, Losul haw nen lam a Hah Zu an in zuk te khan kan Activities ah nghawng a neih phah lutukin min hriatpui ni ngei tur a ni, in tin in Rappui chung sangah Zupui bilh a, Bel hnih belthum bilh kha kan Society ah khan a awm tlat a, a thei ve lo tur awm ang a ngaih hmeithai leh pachhe deuhte thleng khan an Kutpui urlawk nan berah an lo hmang bawk nen, khang vang khan kan Missionary te khan ZU HI SUAL A NI min tih sak ta mai a ni., mahse kan sawi tawh angin a hunlai Population an la tlem vang pawh ni chuang lovin, Lal leh upa te Order kha chu an zawm tlat tho a ni. Kan ram economic a zir zel a hmasawnna pawh rahbi sawn a thang zel tur kan nih hi theihnghilh lo ila, ka inchhungkhur dinhmun hian zu hi ka lei a, ka in teuh teuh a tha em..? a in mi kan nih pawhin, ka hnathawhlai, ka dinhmun, ka khawsakphung hian a mil em, ka taksa thatnan nge ka in, ka chhiatpui zawk a, thenawm khawvenna kawngah ka hnawksak in mite tan ka ninawm em ? ka nupui fanaute ka enkawlna kawng nen a inrem em ? nguntaka kan in ngaihtuah erawh a ngai in ka hria, engpawh ni se, khawi sawrkar mahin a an khap rem theih loh Zu hi a rem mai mai dawn tawh lo a, chuvangin kan rilru nundan zia hi Moral Reform kan ngai hmasa zawk a ni.
Mizoram Liquor Total Prohibition Act hi a hlawhtling em ? tunah pawh kan Sorkar hmasa atang tawhin Kohhran leh Khawtlang in kan do rawn a, a tha e, khawlai a rui pai chhu chhu leh naupang tleirawl thlengin, pitar putar tan pawn zantlai kea lenkhawthawn pawh a ngam awm kan ti, a dik, mahse…a awmtamna lamah han kal teh, i duh aia tam i hmu ang, i in atang khan han chhiar la, in sawm i chhiar hma in i thenawm lawk ah pawh khan Zu inthin pa li nga tal i chhiar thei nghal mai lawng maw! Khawthlanglam kawtchhuah Phunchawng, Rangvamual chhukthla ah khuan han kal teh, ke a i kal a nih phei chuan thlithaw in a len, kawngsira Pehteh funna ruak ringawt pawh khu LAD Sanitation Bawlhhlawh bawm a khat tham trip tur i hmu ang a, kan Sorkar Sipai Excise hmel i hmu ang a, an hlawhtling hle zel bawk ang, man an neih loh chuan ramlamah an zu bilhna hmun thiat leh sah sak hlawhtling hawlam tho an ni tal ang, khung kawng sira inruak, awn tlitlei te tak te te khu luahah han dil ngawt teh, a luahman ah Rs, 2000/3000. man vel daih a ni, i luah ngam a nih chuan Side Income nei i nih loh chuan Sorkar hnathawk basic hniam deuh chu i ni lo phawt ang a, mahse Gazette Officer tal nih a ngai, mahse Officer tan a khulai a Zu rim nam reng bula khawsak chu i hreh ve hle ang.
Khawtlangah han in hmang dawn la, kum 5 chuang pawh awm rawh, YMA emaw , a eng pawl berah pawh i tling mawh ngawt ang, i chhungte in sawmhnih tal vote tur che i neih loh chuan a theihloh, chuti chung pawhin Burma, Pawih tawng, thlado, hmar , Gurkhali thlenga i thiam a ngai ang, ruihsual chang a chhantu tur che i neih a ngai bawk, Zu ramlama i siam ve dawn pawn Association ah i in Register a ngai a, an tih deuh theuh a vangin i tel an phal ve mai ang a, mahse an dan i zawm tur Motto an hrilh ang che, ramlama fehchhuak tur awmpui i neih a ngai ang a, nuthlawi emaw nula hmelkeu deuh i hmuh erawh chuan i tluangrei deuh mahna, i zu emaw an mansak che a i aiawh a tang tur i neih theih phei chuan thenawmte chuan an ensang hma deuh ang che, mahse, Police ho hrang zual lai phei chuan i Meihawl bag man leh Buhfai man a inban lek hman loh a, lehlam mual a mi nen lama an man che chuan a thawhhmana (Poison) kha i telh fimkhur viau a ngai ang, Dar kar bi atlak hma a i hralh a, a inpalh thi an awm hlauh phei chuan Aizawl lamah Ukil, Doctor, Excise hmelhriat tha tak Concrete Building chhawngthum tal nei pha hmelhriat tha deuh neih loh chuan Murder Case i awrh hma viau ang a, Convict Spelling leh meaning i hre chiang viau hman ang.
Chhaklam Road ah han kal leh la, Aizawl kawtchhuah a ni bawk a, Bawngkawn Traffic Point saw RV ah hmang mai ang aw…Tyre Retreads na ah te khan “Zu in nei em ?” zu ti reng reng suh, Mi ang lo emaw an lo ti mai ang che, a in mi chuan an hre kiau tho ang , Zemabawk Pioneer Camp ah te khan i va dil ngawt ang e, Vaitawng i thiam hle chung pawn an lo hau nek mai ang che, kal zel phawt mai rawh, Zu in hmel deuh awm i hmuh ve leh han zawt chawt mai la, a nei ngei tih hriat sa pawh hmelhriat vakloh i nih a vangin “An nei ang em aw…?” tih pah in ringhlel ru deuh chung che in a nei thin awmna awm chu an lo kawhhmuh mai ang che, mahse…i lei chuan nokhat khilai beisei tak chung chein an zui nghal mai thei bawk che, i tlan tluang zel a, Tuirial thlenhma in Kawngkawi tin kha ngun deuh in melh la, Zu Zuar lo pui Kohhran Upa in ah te khan i lut chut ang e, i hnar a lian hle ang.. Berawlui atang khan fimkhur deuh la, Tuirial Airfield vela chuktuah huan thlai nei tam tak i tawk ngei ang, an kut kawih ngei a an thar a nih kha an phurh, zah hle ang che. Len deng tur pawh i tawk mahna, Zu nei awm deuh i zawt thut a nih chuan a hrilh miah lovang che, hman hmawh miah lovin Kuhva leh Cigarettes te han lei khawmawi vel phawt la, dawr nghak nu hnenah khan Chiri te awmdan ang em a awm silo vin, zu chak tawh awm tak a khur ru deuh hlek a zawt in Tuikhur hlu lam emaw above lam ah te pawh a ni mahna, an lo kawhhmuh mai thei che a ni.
Chhimlam ah vethung aw, Khatla Sabinga Lung bul atangin Chhimlam hawi in i kal zel ang a, kawngchhaklamh Building lian tak engdal lampang i hmu ang a, Bar emaw i ti ang e, JL Cinema Hall thin a nih kha, Mizoram ah Cinema Hall Mizo in an nei tawh lo, tih i hre dawn nia, fate enpui na tur a awm lo, kalpel mai rawh….. Synod Bookroom i hmu ang a, hmanlai kan pi leh pute Kristian a siamtu te sulhnu rohawm tak tak insak hmu ang, Zu in tur tan chuan luh chi reng reng loh, Pro Pastor leh Pastor Ordain insul zut te pawh i tawk nawk mai thei a nia, Pathian thu lam hawi leh zirna lam hawi Mipuite tan a man man zawk a hralhna hmun a nih kha, Zunam chunga luh phei chu MLTP Act hmanlai phei chuan engtinmah lo ti lo che mahse a mawi miahlo tih hre rawh. Nang leh kei a thawhchhuah leh kan an pui Mirethei te leh Mihausate thawhlawm tlingkhawma sak a nih kha, mak ti in hawi hu hu suh ang che, Mizoram Peace Accord pawh Kohhran te ban phar vang a ni tih hre reng la, mahse, Mltp Act. hmangtura nawr tu chu Kohhran Hruaitute an nih hi i hre ru reng dawn nia, tin, Sorkar dinglai hian a hlip tak tak ngam an gem tih pawh chik na chang hria la, A in mi Vote nge tam a inlo mi Vote tih te pawh lo chik rukna chang hria ang che.
Thakthing Bus Stand atangin Kulikawn lamah chhuk zel la, Sa sat thang hmel deuh i hmuh chuan zawh chawt mai a pawi tawh lo, a awmna chu an hrilh mai ang che, tlema tlangsang lam an kawhhmuh loh che chuan Taxi hmang in Km 2/3vel thleng World Bank kawnglaih lamah kal mai rawh, mahse fimkhur a ngai, tlanchak lutuk chu chetsualna,. Hmulova ni a i lo let leh chuan hmundang ka lo hrilh leh ang che, Mizoram Taxi Driver Zawt mai rawh, an ni hian Research bei sela, Zu hi a chhiat leh chhiat loh leh MLTP Act. hi a hlawhtlin leh tlin loh te, Aizawl Tenis Court leh Zodin Treasury Square, Barabazar Sazawrhna thlengin kan la fang leh dawn nia, Bhaga pawh, Reiek Road lam pawh, Lawipu Road nen, e taka…Sihphir, Sihhmui road, Aizawl Milian Supplier thleng law law in aw, Next to continue… Lunglei District chhung kan ti leh mai dawn, Zu hi MLTP Act. hnuaiah hian a vang a ni. Chuvang in Sorkar hian He Act. hi hlip a inthei chin bithliah mai se, a tul phei chuan ID Card nen lam siam mai se la, a ruih hrim hrim kohhran in a huat leh Kohhran lam in action la in hnawtchhuak mai se la, ruibuai leh suahsawlbawl phah an awm chuan a hremna dan pawh tin a in lek kawh ngei se tu nge ruibuai nuaih nuaih ngam ang, he MLTP Act. ai hi chuan Inner Line Permit Validity tawp tawh te pawh hi Extend sak loh lamah zawk hian hmala zawk se, kan ram tan hian Sponsor tawh lo tur hian ka lo in intiam a.
Ka bula ka thianpa chu ka han zawt a, “Zu hi a vang tak tak a mi” ka tih chuan , ka thianpa chuan, “ Khu ta khu Bar a awm reng a lawm, tumah in an dawr hran lo a nih khu, MLTP Act. an hlihna pawh Kum 5 lai a liam tawh a lawm, Sorkar in MLTP Act. kha a siam danglam a, tumahin zu chhia an zuar tawh lo, License Holder neiin kohhran upa pawh in Sakrament an sem vek tawh a lawm, kum hnih khat kha chu kan hmang thiam lo viau na a, mahse tunah chuan tumah kan buai tawh lo, i in duh leh i Card khan zu lei la, mahse chintawk pel a i in chuan tu pawh in an man tir thei che a nia, Bar ah khuan i zawm tur an lo tar ang, en phawt ang che.” ti hian ka hria a, ka han harhchhuah chuan ka mumang lek lo ni in.
………………………..
Similar Posts:
- Tu zawk nge kohhranin a phuar dawn?
- Hriselna lam hawi post hi awm ve se
- Kan Police ten SRS an man ngam dawn em?
- Fa neih tam hi bawhzui ila
- Tlangval ni leh thei ngat i la chuan tlangtlan nula ngat ka nei ang..
June 19th, 2009 at 12:08 pm
Chhiar a manhla hle mai
June 19th, 2009 at 12:10 pm
Thil post ve ka duh a, ka ti thei der lo mai:( min hrilh ve teh u plizz
June 19th, 2009 at 12:18 pm
Mygurl, Mygurl, don’t lie to me
Tell me where did you sleep last night?
In the pines, in the pines
Where the sun will never shine
I would shiver the whole night through
June 19th, 2009 at 12:21 pm
Site Admin. ah khan click la, vei lam chungah khan post tih kha click leh la, thupui ziah na tur leh a thu ziah naah chhu la,submit tihah khan click leh mai,chuan category ah khan thlan tur a awm bawk..ka in zir chhuah ve dan…han risk ve teh chhin le
June 19th, 2009 at 12:25 pm
Zu vel hi chu kan chai nasa tawh a, kan inhmin vak pawh ka ring ta meuh lo,kei ni misual ho hi chu
Nang mah mahni hmunah, Kei ka hmun ah, tih hla an lehlinthar tak ang deuh khan!
June 19th, 2009 at 12:30 pm
zu hi a tha lo , khap mai tur sawi sawi a ngai lo. An rimchhia a, an bengchheng a, an ninawm.
June 19th, 2009 at 12:33 pm
Nia, zu hi in tur a siam ania, khap tur a siam pawh a ni lo e. Khap dawn chuan meizialte, khainite, sahdahte, eirukna, thatchhiatna te hi khap vek ila, totally in prohibit vek ila a tha ang. Khawvel ram zauah hian zu khapna hmun dang ka hre lo e, a duh in in se, a duh lo in in lo ila, a zuar duh in zuar se, a zuar duh lo in zuar lo se. Hetiang ram hnuk khawihlo lutuk leh dan atthlak ah hi chuan i buai i buai lo teh ang u. A zah pawh a zah thlak e!!
June 19th, 2009 at 12:41 pm
Zu rimtui in la hnim velo a ni maw
June 19th, 2009 at 12:52 pm
Picture te ka post ve duh a ka tisual ang tih ka hlau sia
June 19th, 2009 at 12:54 pm
Alejendro chu jebi ei mi?
June 19th, 2009 at 12:54 pm
Alejendro chu jelebi ei mi?
June 19th, 2009 at 12:56 pm
A seeiiiiiiii em mai ka chhiar chhuak lo. A that hmel khawp mai i thu ziak chu, deng deng a !
MLTP Act hi, hmangthiam ila zu chu avang sawt mai ang! Biakin zu i in duh chuan, Roman Kathawlik ah in let mai tur
No offence
Ka lawm e!
-VK
June 19th, 2009 at 1:05 pm
Zet-U Zu…in a nawm nawm nen khap mahse a tam tho em mai
June 19th, 2009 at 1:26 pm
Aih. mygurl Rasmalai ka ei
June 19th, 2009 at 1:27 pm
A in mi chuan nitin an in thei tho……..
June 19th, 2009 at 1:28 pm
A inlo chu an khaplohna hmunah pawh an in chuanglo….
June 19th, 2009 at 1:31 pm
piper tam dan azirin zu man a to. e.g. one piper (bagpiper) aiin 100 pipers a to zawk…
June 19th, 2009 at 1:32 pm
Nia, an khap laia zawn leh in vel hi a nuam deuh tlats..an ti
June 19th, 2009 at 3:01 pm
zu chu van zawng thui mai mai ve!! hman velah ka chhiar ang, a ngaihnawm hmel tlat.
June 19th, 2009 at 3:17 pm
Zu zawn lak lawh tawh chuan ‘ka zawng peih tawh lo’ tih hi a awm ve mai mai lo.. Zan rei tak pawh ni se, vengthlang lama ka ni dari te kha an la meng ang em le, tiin inhnem chawpin kan la pan trang trang mai mawle
June 19th, 2009 at 3:36 pm
ngaihnawm khawp mai.
zu te chu zawn vak2 a ngai hleinem. Phone kan hmet keuh a kan nei mai alawm.
June 19th, 2009 at 3:49 pm
wonderboy, i lo in thin a ni maw, kei chu ka in ve ngai miah lau
June 19th, 2009 at 4:09 pm
Zu kan khap chhung leh Rail kawng ka duh loh chhung chu Zofate hian hma kan sawn lovang
June 19th, 2009 at 4:31 pm
Pu H.V, i rawn haw lai a ka dawmpui bak che tih loh kha chu ka la dry char2
June 19th, 2009 at 5:14 pm
ka chhiar zo theilo…ka mit a kham latuk
June 19th, 2009 at 5:32 pm
Tunah tak hian ZU ka vin in chak
No offence
Ka lawm e!
- VK
June 19th, 2009 at 5:41 pm
Lal-Viking, lo kal rawh hei white Wine ka dawm mek. :=D
June 19th, 2009 at 5:43 pm
Wonder, dry lutuk chuan kang mei a chhuah a hlauawm a nia.
Lo dry lutuk tawh su. 
June 19th, 2009 at 5:50 pm
chepate: White wine chu engtinnge a awm?
In bulah ka lo thru ve mai mai engmah in loin tee hee
June 19th, 2009 at 5:56 pm
Irre, kha ka lo thawn che.
https://i42.tinypic.com/1430oqr.jpg
June 19th, 2009 at 5:57 pm
@Irre-te, White wine an tih hi R.V vel a an zawrh ang khu em ni???
June 19th, 2009 at 5:59 pm
Irre, lo kal rawh le, a hmeh tur pawh ka nei ta, wine i in ngam loh pawn a hmeh tal.
https://i39.tinypic.com/4fze3a.jpg
June 19th, 2009 at 6:09 pm
wonder, chek ur email.
June 19th, 2009 at 6:29 pm
pi black, kha kha chu ka nei daih tawh. Mahse ka duh ang a ni lo!!!
June 19th, 2009 at 6:29 pm
Chepate, tempting indeed!! Ka lo kal chak ot ot
Wonderte: White chu ani ngei mai a, luliana’n a hre chiang ang. Pi Black-i i mail ang kha min lo mail ve
June 19th, 2009 at 6:50 pm
a va han sei! a topic chiah ka chhiar, ziak tha e. Hnahlan wine an phal chuan Mizoram pawn atang duh2in wine kan hawn thei tihna ani maw?. Ka haw hun chu o wine case 12 ka hawn ang…
June 19th, 2009 at 7:17 pm
A post tu leh a commenttu zawng zawng ka duh sak na sangber ka hlan a ache u,tun atrang hun atang a reilote ah kan ram a tranga thar chhuah ngei Zu thianghlim intur innei thuai dawn a,shaw wallace company vilna hnuai a siam, ahming ‘Zawlaidi’ um khat Rs 150/- a lei theih ani ang.Chuti chuan Total Prohibtion kal zel dan tur chu ngaihruat ve tawh mai ru le.
June 19th, 2009 at 7:57 pm
Zu ruih hi a Pathian thu zawnga ngaihtuah hian ka rilru a tibuai..zu ruih hmang vanram an lut lo vang tihte kha a wm sia..in duh ve tho si chuan kohhranah a inthlahrunawm tlat..
June 19th, 2009 at 8:00 pm
@Khelawks: Hur hmangte pawn an lut dawn chuang hleinem; vanramte chu; hur ve tak tak hi kan tam sia….
June 19th, 2009 at 8:47 pm
@thaiboy,ni viau mai haha..hur hmangho pawh hi inthlahrung ve dek se,eiru trun trun ho te pawh hi,zu in mi hi min tikhawngaihthlak bik tlatin ka hria,hehe..
June 20th, 2009 at 12:56 am
Kan hnam hi aw.. Kan la naupang mang tak e!! Ka intehkhin ber chu, Sai rual kal nguah ngauh zinga Varak rual hmanhmawh taka kal ve hlawk hlawk kan nih duh hmel ka ti. Hnam upa leh kalphung nghet tawhte hnung kan zui a, an thandan anga chak than ve kan duh si. Kan tlin mawlh si lo. Kan kalkawng dal thei tur hrang hrangte kan vei a, kan phak ang tawka dah bo pawh kan tum ve. Kan ngaihdan a la inang lo em em bawk si.
Retheihna um bo kan sawi cham chi a, kan unaute chhuan chhamin an awm lo chauh a. Intodelh tumin kan rak ve hlut a, sekibuhchhuak kan itna a reh theih si loh avangin ka la tlin tak tak si lo. A thuin eirukna kan do vek a, kan thil tihin a tilang bawk si lo. Kristian ram tana tih a mawi lo kan ngah em em a, Krista zuina kawngah kan hniam tial tial bawk si. Ram hmangaihtu kan pung thur thur a, kan ramin hmangaihtu tak a van telh telh bawk si. Kan hmel landan a zahawm telh telh a, a dera nung kan pung tulh tulh a.
Zu bawihah kan ram a tang mek a, a in mi leh in lo mi, a zuar leh zuar lo, kan vai mai hian zu hian min bawi a ni. Kan Politician, ram rorelkhawl fawng vuantute meuh pawh zu (zet u zu te mai hian) hian a ti luhai a, Kohhran pawhin thlaraubo vei ai mahin issue lian leh pawimawhah a ngai ta a nih hi! YMA-in a do vak a, a duhtawk ta rih a. Beidawn vang chu a ni hauh lovanga, hnehna changa hlawhtlin tak vang pawh a ni chuang lo va. Zu-in kan rama heti em ema bu a khuar ngheha ralpui phiara kan phiar ta mai hi inngaihtuah harh vat kan ngai a ni.
Duhthlan tur pahnih chiah kan nei : 1) Do chuan do law law. CM zu in ngai lo, a tour programme velah pawh dinner an buatsaih saka zu an lo chhawp sak chuan lawm taka in mai lova, prohibit a nih ang taka, action la thak thak ngam kan neih hma chuan kan do hlawhtling lovang. High Official level-a zuin hmun a luahchhung chuan rethei zu zuar ho vai kualin khawtlang paw’n ensan engang mah ila, awmzia a nei thei lovang. Kohhranin zu zuar thawhlawm lawm taka a dawn chhung chuan kori a tu hek lovang. Hei hi a ni ‘Do law law’ ka tih awmzia chu. Mipui mimir lamin tihtur vak kan nei lo. Hei hi hruaituten an theih chuan, DO TUR.
2) Awm tir ve mai mai. Heti taka min tibuaitu ZU hi a tul lovin kan ramah hian a pawngtal ta lutuk, kan do nasa lutuk a, kan do nghet tulh tulh a nih hi. Kan dona zawng zawng hi phelh thut i la, a awngrawp mai ang Dik tak chuan, hneh thei hawt si lovin kan pawng basa ngam ve ngawt a, keini ang hnam naupang Pi leh Pu atang pawha zu in hnam leh nghal hial kan do hneh ngawt reng ang? Kan tana tha ber chu kan controll-na hnuaia awmtir tum mai hi a ni. Zu hi ka hmuh dan chuan khawi ngam a, hlauhawm miah loh. Hnehlak tum erawh chuan kawlhrawng tak si a ni.
Chuvangin TOTAL hi hlip ang u. Control Act awm se, kan thawl hawk mai ang.
June 20th, 2009 at 6:28 am
Kei chu ka hre mai….. commentators zingah khian Z-U in thin chuuuuu
June 20th, 2009 at 9:36 am
Nizan chu Total Prohibition chungchang a Talk Show LPS in an lo pek kha ka en ve a, Kohhran hruaitu khan Zukhapna dan kha tha ti mai lova Sokar a VAU kha, ngaihtuahna min pe thui hle mai!!! Thlarau thianghlim atnga vau nge, dan chunga dan an chher chhuan leh chhawn atang a vau te ka tia, kei misual hian!
June 20th, 2009 at 10:50 am
Diktea_Pa, puithiam ho kha Isirael lal ai pawn thu an neih kha maw.. Pilat-a pawn tihngaihna vak ahre lova, akut te a sil ta vel mai mai a nih kha… kohran hruaitu sawrkar a inrawlh tum (inrawlh ho)tenawm ho hi chu an chimawm ngawt asin…
June 20th, 2009 at 7:40 pm
Nimin chanchinbu ah kan CM chuan thuchhuah siamin “kohhran request vangin zu kan khap tawh a, anmahni rawn lo chuan he dan hi kan ti danglam lovang” zuk ti a mawle! Kan ram hruaitu te hian mipui rawng nge an bawl a kohhran rawng???
June 20th, 2009 at 8:02 pm
mizoram soi apiang zu soi telh ziaah ngai hi a, a tha lo ka ti, soi tel ziah tawh lo teh ang ….eh