Engtin nge Ni te kan hman a, tuan kan rel thin le ? Vawi khat tal Zoram tan i suangtuahna kha i vawrh vir tawh em ? Nge kan tawn ang ang hian a nawr kal tawp che. Ram thatna tura ngaihtuahna hmang ngai lo mi chuan engtikahmah a tih pawh a ti lo vang. Kan Culture leh Social Life hmasawnnate, ram economic din hmun chawi sang tura hma lakna kawngahte hian, sorkar mawhphurhna a san viau rualin, mipuite kan pawimawh hle. Moral development kan neih hi thil tul hma sa leh pawimawh ber a ni.
He mi nei tel lova ram hruaitu pawh a lo awm a nih chuan, ram mipuite’n kan arkhawthimdai mai thin. Chhuan lo la awm tur te tana ram din hmun sawh ngheh hi ram hruaitute ko ki a inbatsa reng a ni a; phatsan lova zui leh, an tha ti chak tura zui hi mipuite mawhphurhna a ni. Amaherawhchu, a awm sa ti che reu zawng leh, a sat thla then zawng a kan chet hlauh chuan kan ding chhuak ngai lovang le. Ram ri pawh vawng him zo lo leh, ching fel ngam lo kan nih pawhin, nek sawr zel hi kan hma bak, sawi tel ngai lova chiang sa a ni. Kei zawng he ram mawi tak leh, thing hmun hring dup te hian engtik niah emaw chuan min la kian san mai ang tih ka va hlau thin em !! A nawl puia harh theih ni se ka va ti tak em !! Pu. V Thangzama chuan hla in ti hian a lo au lawm lawm a :
“ Tho la ding ta che…..
I hliam a dam e,
I tha thum te pawh a kiang e…
Hnutiang hawi lovin, ……
…. ….. …. …..
Khua a sang ta hle,
Khaw fing lo chat e;
Hawh u le i kal ang u.”.
… tiin Zoram mipui te min au a nih kha. Harh tih hian hriat harh ringawt ni lovin, Thawh harh a harh a ngai a ni.
Mizo mipui te hi kan that chhia em ? tih zawhna hi ti hian ka lo chhang ve thin a.. “Thatchhe lo, sum phu tawk hlawh chhuak tur chuan tumah an that chhe lo” tiin. Mahse hei hi a nih si chuan, engatinge kan phu tawk a awm lo em ni ? Hna nei lo leh chuang tlai… vak mai mai kan va tam si ve ? A bul nia lang ka hriat dan leh chhut chhuah dan chu hei hi a ni. Mizote zingah hian, ram hruaitu, ‘Idealist’ kan nei lo lutuk ni ber in alang tlat a ni. A chhan chu, mipui atangin emaw, sorkar hna thawk atangin emaw pawh ni se, exploration nei thei tur a hma lakna emaw, an mahni ngei pawhin a explore tumna tak tak ka la hmu meuh lo. Ram dang, State dang te thil tihtheih, kan ramah seng luh tur a awm em ? Engte nge kan tih theih a, mimal/ mipui tan hlawk thei enge ? tih hi kan thupui a nih phawt chuan, kan hmsawnna chu a hmuh a nuam sawt ngei ang le.
( A sei ta lua e… han chhun zawm ve tawh ru..)
.
Similar Posts:
- Roreltute Thu Awih
- Motor Registration tih that ngai
- MIPUI TANGRUAL PAWL Press Release
- Tlang hrileng ven nan
- Chief Minister-in website thar ‘Mipui Aw’ a tlangzarh
June 19th, 2009 at 10:04 am
Thupui in rawn thet fuh phian mai,ka tuina lam ve tak a nih vangin sawi awm chin leh chin loh pawh ka hre hrang thiam vak dawn lova,tute tihdan takah emaw ngaihdamna rilru puin min lo ngaichang hmasa teh u. A hmasa berah chuan hnam naupang tak kan nih vang hian in duhthawhna na viau thin mahse,kan aia kawng tam taka kan kawng zawh mek changkanna kawng lo zawh tawh tute nen hian kan in tehkhin fo thin a,rual elna tanfung atan chuan a that tehmeuh rualin,kan hnam naupan zia hi hriain,ulh lutuk chuan thil i ngai lo phawt ang.
Hruaitu tha kan neih chuan Mizote hi hruai nuam tak hnam kan niin ka ring.Mahse tun dinhmuna hruaitu kan neih te erawh hi chuan duhthu an sam rih mawlh lo a ni ber.Hnam ang pawhin han thlir thuak ila,kan History neih ve te pawh hmanni mai tih tur khawpa naupang a ni a,tumah khawsak nuamsa a piang leh seilian kan la awm rih lo bawk nen,heng vangte pawh hian mahni inhai vur duhna thinlung hian ram hmangaihna thinlung chu a luahlan leh thin a nih hi.Mi tha tak ni awma lang te pawhin sum bupui an han keu theh meuh chuan mahni tana In lianpui sak bawk an tuipui hmasa phawt zel a,ram hmangaihna thinlung chuan a mawng dap bawk a hauh leh thin.Chuvangin tuna kan politiciante hi thlak an ngai a,chutiang tur chuan thangtharte hian rilru diktak pu a hma kan la a nih loh hnam naupang te ni chung hian engamah hmain kan hnam hi a hlamzuih ngei ang.
Chuvangin tun atang hian in ngaihtuah leh in bih khawtlai buai lovin kan hma lawka hamthatna kan rama rawn luang lut turah te hian ngaihtuahna seng tlang ila,Sairang thlenga Rel kawng sial tur a nih vanga chimral hlauhna thlarau chang zawng zawngte pawh dam khawchhuah tumin lo in hum sek tawh teh u.Kan duh emaw,duhlo emaw kan ram hi khawvel ram thang tawhte ruala ke pen lo theilo tura kaih thawhin a awm dawn tho tho a,chu chu changkanna in a kentel hian kan inring emaw,ringlo emaw min hrut tel ngei ngei dawn tihna a nih chu.Hetih laia tuai pheng ang maia a kila lo din zum zawt ringawt chuan Mizo hnam hian engtik khawtik ah mah rual a el pha ve ngai lovang.Chuvangin Zofate thangharh ila,raltiang kai ve ngei turin tan chikimin tan i khawh tlang ang u hmiang….
Report this comment
June 19th, 2009 at 12:53 pm
Kan ( ZOFATE) hi kan Harh tawh khawp a lawm le! Zawi zaiwin hma kan sawn ve zel a, thawk leh khata hmasawn thut ai chuan, hetia muang chang a, hmasawn pawh hi atha ve alawm.
Baibul ah pawh, ” Muang te in ka kal dem dem tawh ang ” an tih kha!
NO offence
Ka lawm e!
-VK
Report this comment
June 19th, 2009 at 8:18 pm
Zofate harh a ngai ni lovin harh kan ngai ti la a mawi zawk ang..
Report this comment
June 19th, 2009 at 10:00 pm
Zofate hi kan harh sa a, mahse harhfim thei lo khawp in kan rethei a, thil tha pawh kan hria a, hrengam lo khawp in kan rethei a. Kan hmelma lian ber chu retheihna hi ani. Rilru ah kan rethei a, taksa ah pawh kan rethei bawk. Kan vanduai em em, khawvel a ram chhe berah kan awm, a aia ram chhia a vang khawp ang. hei vang hian mi let tam tak in kan thawh angai a chuti chung pawh in mi kan phak ngai chuang lo ang. Engpawh nise Mizoram hian hmalam pan tur chuan
1. Mizoram hi ka ta ani tih mizoten kan hriat chian thar angai
2.Hei hian ram hmangaihna (nationalism ni lo) ah min hruailut ang. Hei hi kan dinchhuah pui tur chu ani.
He thil pahnih hi kan tlakchham chhung chu eng ang pawhin inti tlawmngai ila, engang pawhin in ti kristian mah ila kan ram hian that lam aiin chhiatlam a pan char char ang.
In pawm zawng ni ve maw!
Report this comment
July 21st, 2009 at 9:39 am
[...] misualdotcom swfobject.embedSWF("https://www.youtube.com/v/qYsGO.....", "vvq-14178-youtube-1", "425", "335", "9", vvqexpressinstall, vvqflashvars, vvqparams, vvqattributes); [...]
Report this comment