Aizawl atangin a hun takah Kingfisher in kan thlawk Kolkata airport kan thleng chu kan misual zuaia, magazine te ka chhiar ka lo muthlu nasa mai mawle(misual hrat vang ani maithei). Min han kaitho chu ka flight ka lo miss trep chu niin. Chetchhiat trep khatna.
Departure lounge ka han luh ve chuan Gate # 4 ah an lo intlar puta, vaiho mai mai hi chu aw ti rilru in a hnuhnung berah lut mah ila ka seat chu tuman an luah chuang lovang ka tia ka thru a. Ehe saw nu chu a va nalh e ka tia kan melh deuh a, foreigner anih ngei dawn saw, a hand baggage reng a nalh bakah designer shoe Zara brand ang ka tih deuh a buna, a retheih vak dawn loh saw, pheikhawk keartui sang leh nghal te a buna ka ti rilru mai mai a.
Ka seat 22A a ka thru a khanu kha ka opposite 22D-aisle ah a lo thu ve. Delhi kan trum kha thlawhna din hma hma in vaiho an tho suau ka la thru renga. Ka phone te kan on hnu khan, phone a lo ri kan chhang vel kha thildang ka lo envak loh lai khan chhuk turin ka ding chhuak ve ta. ABC side lam 21 chunga ka laptop bag ka kha a lo awm ta reng reng lo. Air hostess te kan zawt an-nin ground ah police ah report rawh an lo ti sam et a. Hmanhmawh takin overhead cabin ka ennawn leh a ruak vek si ka tlan chhuk ta, ground duty wireless handset keng hnenah ka sawi leh, anin “i va ho ve tunge laptop bag pawh i ken leh ken loh hria ang bus ah khan lut vat mai la tun emaw a keng ang zawng vak mai rawh ” a ti a.
Bus ah beidawng deuhin ka lut a – ka laptop ah hian ka thluak zawng zawng ka dah emaw tihtur ania ka back up miah si lo, ka passport leh Card neih te ka dah veka, meeting-na tur document pawimawh zawng zawng nen, pawisa ka ken zawng zawng ka dah bawk ti a rilru hah deuh chuan bus ah chuan ka luta. Ka laptop bag nei mai chu kha sap nu khan a lo la chu lo niin, heihi tu lak nge ka tia chunu chuan “I am sorry” a ti mawlh mawlh maia. Kei lah chuan “It’s OK am happy i got back my bag” ka ti a kan inthren ta a.
Ka ngaihtuah zuia – nula nalh deuh deuh te pawh hian hetiang tih hi an lo ching, chutah sap nula leh nghal ka ti rilru neuh neuh a. A celebrity Charlies Angels ami te pawh khan an chin tho kha maw 
Pathian siam sual chi hetiang ang hi mihring ah chuan an lo awm zel anih hi ka ti a.
Lesson: Thlawhna ah mahni bag pawmchat hma chuan phone vel biak loh tur tih leh if you live in Rome live like Romans chuvangin vaiho an chuhhelh chuan chuhhelh ve mai tur tihte kei misual hian ka ngaihtuah ta vel mai mai. Mahse ka kal dawna ka nupuiin min trawngtrai sak chhanna kha ka dawng anih hi ka ti bawk.
Similar Posts:
- Ka nu chawhmeh siam kha ka va ngai tak em!
- Thianpa Chabetkai, Love You
- Theih ni se..
- Terrorist Plot Foiled
- Nula Rim Thu
September 14th, 2009 at 9:28 pm
I bag i hmu leh hi ka lawmpui che.. chuan, lesson tha tak i zir chhuak a, midang i la share zui a. I buai viau tho laiin a lawmawm khawp a lawm, ti mai ang aw…
[Report abuse]
September 14th, 2009 at 9:37 pm
A tlema tlemah le!!Fimkhur naah khat la,fimkhurnaah hian hlimna in zung a kaih si a.Misualte hi enmai a sual hmel pu an ni duh lo viau thin a sin.Ka lawm pui a che i bag i hmu leh chu,mahse tu e maw hnenah lawm thu sawi i ba a nih chu,
[Report abuse]
September 14th, 2009 at 9:44 pm
Fimkhur hi lutuk a awm lo vaizingah chang lo pawh, I thil bo lo a ihmu leh chu ka lawmpui che,tun hnu ah chuan innu tawngtai chauh ring lovin nangmah pawh tawngtai ve thin tho la a tha ang chu mawle
[Report abuse]
September 14th, 2009 at 9:55 pm
Laptop bag hi a inang hlawm hrim hrim mai a,zin thang tan chuan a chi dang common lo deuh hman a him bawks.
[Report abuse]
September 14th, 2009 at 10:15 pm
A va zialo thui teuh ve.
Kei ve thung hmanah Kolkata atanga Aizawl ka hawng tur departure launge-ah TV ka lo en tui deuh pek a, ka hming an lam reng reng ka lo hre bawk si lo. Ka hming vai hoin an lo lam lauh lauh a hi a ni awm a. Ka kalna lama kal tur awm kha tumah ka hmu ta si lo va, elevator-ah ka’n chho chu duty pakhat wireless handset keng hi hmanhmawh fe hian a lo tlana, ‘211 a kal tur a mi i nih’ min ti a, kan ‘yes’ puam ve talh a, ‘nangmah chauh kan nghak tawh che, khawiahnge ilo awm’ min ti a kan tlan phei dun hlawk hlawk mai maw le. Thlawhna kan lut chu an lo hawi deuh thup, mahse ka hre lo der vel tlat. Ka seat ka pan ding a, magazine ka chhiar der vel tawp maw le. Zak ru raaaaps. Ka bula meitei pahnih thu pawh Imphala an chhuk dawnah kan inbe chauh. Airhostess sweet sem pawh ka nang lo… ha ha ha ha….
[Report abuse]
September 14th, 2009 at 10:20 pm
MZ, vai ho tih dan lo taka, thlawhna chhunga luh hmasak leh chhuahhmasak inchuhah hun i hmanhlel lo ani tih i rawn tarlang hi i ti thra ka lo ti mai mai hle mai. He manner hi Zofate hi chuan i ngaipawimawh ang u. Vaiho hian entawntlak tur thil tam tak pawh an nei a. Entawntlakloh thil tam tak pawh an thisenah hian a intuh ve tlat bawk. Entawntlak hauh loh, an thisen a intuh nghet tlat tawh si chu, INCHUHNA rilru hi ani.Entirnan, thlawhna seat No nei vek si, thlawhna chhunga luh hmasak hrim hrim inchuhte, thlawhna an ding a, thlawhna atranga chhuah hmasak inchuh leh ang te, Drivingah mi pawisa hauhloa, CUT pawp pawp mai duhna rilru nei rana motor khalhte, Public hmunah, a kal hmasa hmasa a tahtawlte te thil tih turah midang mahni aia hma pawh hmakhalh dan phet zawnte. Ram changkangah hun rei fe an hman hnuah pawh hian, he nunzia mawilo tak hi an ban hlei theilo niin ka hmu thrin. Zofate hi chuan he Vaiho NUNZE BAL tak hi chu i COPY ve lo ang u.
[Report abuse]
September 14th, 2009 at 10:26 pm
Hmuh Leh (RECOVERED) … làwmna a pung zual sauh thìn! Thil chhetè pawh kan hloh hian kan rilru hian a zawng chàmchî reng a, ‘five senses’ kan neih hi a kalh buai hrim hrim tawh a… hmuh kìr leh a nih hian five senses hi a thâwl ta hiai hiai hian a hriat thìn!
Thil hloh, hmuh kìr loh hi ka ngah khawp a. Vaisairawkherh ka hloh, kha ngat kha chu ka rilru hian practical ni bawk siin a zawng rei khawp mai. Ka hloh atanga kum sàwm chhûng vèl kha chu a zawng hrim hrim. Ka hmu leh ta chuang bawk hek lo. Ka la vei ngang a niang —ka rawn ziak ta hial a nih hi!
“Min làwmpui r’u, ka beràm bo kha ka hmu leh ta e,” tih pawh hi THURIN-ah a pawimawh ber rèng a ni. Vàn khian a siam hnem, a hloh hnem, a hmuh kìr leh hi kan tam dâwn bawk hek lo. A hmuh kìr chhunah vàna vàntirhkohte an làwm ngiang rèng a ni.
Laptop —sàp nula zei, mit la takin a lo chhàwk zàngkhai zauh che chu … bus-ah i lùt vat lovang tih a hlauhawm hle mai! Hope you no longer OGLE at her! Uirèna sual te, rùkrùkna sualte hi an inthungrùl ta em ni? (Just kidding)
—a mak duh mai mai asin! Min tawngtaisaktu hriat kim ve vek chi pawh a ni tawh lo zàwk!
Khawi hmunah pawh ka zin chhuahin, ka inkhai bâwr hnem ngai lo viau. Ka taksaa bet kimin thil ka keng ziah thìn. Rucksack pa tàwk nèn, pouch rinawm tàwk … a bo then mawh khawp.
Mizoram-ah pawh, State Transport Bus a tlàn chhuah dâwn trèpa passenger chhuk leh ut utho hi kan melh zui ngai vak lo va; en zui ngei ngei tùr. Passenger dangte’n thuthmun an rem nghet ta maw tih an hriat avàngin, ngampa takin Bus chunga bungrua kha anmahni tà ni awm taka off-load hmang an awm thìn kha … destination thlen chiaha mahni property a lo awm loh hian hrilh a hai duh teh mai asin! Chuvàngin, Station rèng rèngah bungrua off-load laia mahni thil an làk lohna tùra mitmei lèn fo hi a tha khawp.
@mzvision —i hloh a ni lo va, a rùksak reuh che i hmu kìr hma leh chu i làwmpuiawm hle mai! Lehpekah chuan, fîmkhur lehzual tawh viau ang! Hloh ngat la chu … hun engemaw chen i reh dâwn a nia, misual-ho pawh min tikhawhar hle dâwn a lo nih reng chu! Chu sap nula pawh chuan a hre zui ve rauh rauh ngei ang che … That’s another petty hijack —remembering each other in another bombastic romance
[Report abuse]
September 14th, 2009 at 10:31 pm
I hmu leh chu ka lawmpui (’Hmanpui’ tih thluk ni lovin, ‘Kalpui’ tih thluk zawkin)hle mai che. Bo atan chuan Rs 5/- pawh hi a uiawm (uihawm ni lovin) khawp asin.
[Report abuse]
September 14th, 2009 at 11:01 pm
Chhungpui Nu hriat ve chi loh tak a ni ang em aw
Sap nu chu Russian lam a ni mai thei,chu tiang a a lo lak ngawt dan ah,han ti ila lo tran em em an awm awm si a,a chhas viau a ni ang a, pa ti kher kher chu tia laptop theih nghilh phah na chhan chu 
Engpawh nise i hmu leh a,a tih zia e.’Never carry all your eggs in one basket’ Eh
[Report abuse]
September 14th, 2009 at 11:03 pm
mz, i hmuleh chu ka lawmpui tak meuh meuh che a ni. Fimkhur viau emaw intih pawh hian, ruk an tum talh chuan ven sen hi a har ania. Kalo len laia mi kha a ni ang maw
[Report abuse]
September 14th, 2009 at 11:07 pm
I hah lutuk hlauva i laptop lo khai chhawktu pic chu i rawn post tel don emaw tia… Aizawl khawi vengah emaw he nula hi lo awm ve ta mai mai se, a thil chin hi ching zui ta zel bawk se, eng tin tak awm zel ang maw? tih ka ngaihtuah.
Kol Airport-a i mutthluk vang a lo nih chu kan ym laia i tawp tak daih ni
[Report abuse]
September 14th, 2009 at 11:08 pm
Sap nula chu i laptop bag i lo khai luih tir a ni ang a..
[Report abuse]
September 14th, 2009 at 11:12 pm
Sap thil ruk hmang an tam em.
[Report abuse]
September 14th, 2009 at 11:24 pm
chu..thil tha tak i ron zir chhuak a..a lawmawm e
[Report abuse]
September 14th, 2009 at 11:30 pm
Kher ang em?
nula kha puak ti lo se a thutna number 22D tih kan hre kher ang em?
nula kha puak ti lo se vai tangrang nise ‘“It’s OK am happy i got back my bag” ka ti a kan inthren ta a’tih lai khi edit deuh hret kher a ngai ang em?
nula kha puak ti lo se ngaihdam mai a harsa lo tho kher ang em?
nula kha sap leh puak kawp ni ta lo se hindustan vai hrim hrim ho mark kan pe tlem sawt kher ang em?
[Report abuse]
September 15th, 2009 at 12:01 am
Chhuk dâwn trepa phone-a i biak mêk lai chuan 22A-ah ding chungin i be thei lo … B i rawn pelha, aisle-a i din a ngai. Bawihnovi pawhin 22D rawn pèlin … C a pelh zet loh chuan i thil te techu a la ngawt thei lo —khawilam hawiin nge i awm vèl? Hmuh loh der chhûngin a lo truan hman a ni maw? Ngaihdamna pawh hi mihring athuin a inchen mawh khawp ang … ani ber kherin a lo khaithlàksak che hi a tihzia ka ti thung! Vaichhe naràn khaithlàk ni ta se, i rawn ziak thatho vak pawhin ka ring hran chuang lo! Engemaw hi chu RIAU a awm châwk thìn! Novel han ziah law law ka va chàk! He thawnthu ang tùr hi chu a James Bond ve riau tawh alàwm!
[Report abuse]
September 15th, 2009 at 12:04 am
e khai a!! backup nei tawh ngei la chu a tha khawp mai. Tin, a ngaihnawm hle mai. Happy Ending a nia, a lawmawm e.
[Report abuse]
September 15th, 2009 at 12:12 am
Tin laptop bag a ni tih hriat theih nghal shoulder strap ai chuan backpack ang hi a tha zawk asin. lang executive lo zawk mah se
Zana haw tlai deuh thim deuh lai kal te pawh hian a ngaih a tha zawk.
misual naran chuan laptop bag a ni tih an hre lova. Tin a hahdam daih zawk bawk a.
[Report abuse]
September 15th, 2009 at 12:23 am
i hmu zo toh don lo emo katia,kalo ralkhat hlauhthon ve ngot a..i hmu leh yeaaaa..a story kha ril tlat, sap nu kha sual hle mahse hmeltha chu hmuhnuam tho kati..
[Report abuse]
September 15th, 2009 at 1:01 am
khai hmun ah pawh ruk ruk ching hi chu an awm ve ziah a lom fimkhur hi a ngai teh ani a airport buses station ah te hian zun ran thiar te hian toilet ah ah luh zel a ngai bo thei lo a awm lo
[Report abuse]
September 15th, 2009 at 2:06 am
@Ben :Happy Ending a la ni mai lo, Pu mz nen kan chat hrep a, kha nula nalhzia kha chapter 2 chauh kan sawi chhunzawm leh, chapter 3 kan la kai thar leh ang.
[Report abuse]
September 15th, 2009 at 5:38 am
Nula hmeltha tha hi nia hlauh awm chu….an hmel phuloh hian anlo rukru reuh zek thin.
[Report abuse]
September 15th, 2009 at 5:57 am
A UNIVERSITY graduate who acted as a lookout for a crime ring that stole $1.1 million from Brisbane parking meters had been roped into the scam by her domineering boyfriend.
The 21 years old is pleaded guilty to 13 counts of stealing from a locked receptacle and one count of receiving tainted property.
Amah la chu hmeltha ropui mawle…a bialpa vang pawh ni mai thei.
[Report abuse]
September 15th, 2009 at 7:21 am
Lesson a la kim lo tlat! Hei hi belh ila.. Khualzinnaah nula melh vak vak loh tur
[Report abuse]
September 15th, 2009 at 8:07 am
Vawi khat chu ka thiante nen traffic jam vangin kan tlai khawp mai a. Airport check in counter kan thlen meuh chuan “in turn up dawn lo emaw kan tia in seat midang kan pe tawh” hi an lo ti a. Tih ngaihna kan hre lo chu Airport Manager kan hmu ta ringawt a. Ani chu a lo fel hlauh mai a, Jet Airways ho chu min biak sak a, executive class ah engmah chawi belh lovin kan pathum chuan kan thlawh phah ta a.
Chuvangin vanduaina tam tak pawh hi vanneihna min thlen tir tu a lo ni thei a nih hi ka ti ta…
[Report abuse]
September 15th, 2009 at 8:45 am
Thubelh
Bus atranga ka chhuk kha ka lawm em em maia, ka va zung zo kha vaidang pakhat hian min han bia a “ngatinge khanu kha i hauh hrep loh, rukruk a ching anih kha” min ti a, kei lah chuan ka bag ka hmu leh hi ka lawm em a, hauh lam mood ah ka awm lo ani tiin ka chhanga. Tichuan baggage claim area ka va thlen chuan an lo khat hnawk leh nuaih maia, ka opposite ah kha nu kha ka hmu a ka va belchiang teh ang tiin a awmna lam ka va pan phei. Ka panna lamah “Pu Duh motor hmuaktu i nei em? ka lo chuan ve a rem em?” min lo ti kei chuan rem e tih pahin enge i tih dawn, tunlai tlangval ho hi mi in lo hre leh khauh thrina in fel hle mai tiin kan chhang, ani “chuan i bungrua ka lo pick sak ang che” a tih rual chuan kha parcel kha mi min thawn anih kha, awle khawi a khata kha Giordano suitcase kha kata anih kha ka tia kan rem fel vel lai khan khanu kha ka bo ta daih mai.
“Am sorry” ti mawlh mawlh-a min chhan laia a hmel ka en kar maia ka hmuh dan – Sam dum lek lek buang lam rawng kai, kawrlum dum phiarchawp nalh tak a ha, a hnute bawr pawh a vawng tha, thri a awrh lo, Blackberry Pearl a hmang email a check tih ka zu hmu thei, a ngo hle sap ah pawh ngo var lam ani, a cher aiin a awmbawr a vawng thra, a hmui hi itawm ang reng deuhin a pawrh deuh, a sam hi a ngil chiah lo a kir lam ka ti dawn nge a kawi lam deuh ani, a dar thleng vel,a chal lang thui thei angin a huih pial.
Mak ka tih tawp theih loh chu Sap ho zin hi ka hmu ve nual tawha, desinger shoe chu pawh keartui sang buna thlawhna a chuang hi ka la hmu ngai meuh lo, ‘chuan Kolkata Anglo ani ang em aw te ka tih phah. Mahse a accent atrang kha chuan Hinglish a tel miah si lo
Ka laptop bag hi ka roh ve khawp mai, kan nun Samsonite bag nalh tak, a chhunga spouch hran awm, min hawn ani leather ani lo cotton a ni.”A va nalh ve” tih ka tawng ve nual. A chhungah hian Voters ID te PAN Card te, ka visiting card te ka dah. Spouch chhungah hian Card reader leh a hrui, ka Nokia 97 USB Cable laptop link na tur leh Internet ka tihna thrin Tata Indicom Photon+ te, ka mobile ph charger te,passport bakah, ka frequent flyer carh te leh SBI Card leh AXIS Bank Debit Card leh ka sawi duh chiah lo thil pawimawh tak dang 2/3 an la awm cheu
Min lawmpui ru ka beram bo kha ka hmu leh ta tih iangin min lawmpui ru ka ti lo chungin min lawmpui hlawm ka misual thriante’n ka lawm lutuk.
Lesson han thawh belh teh u a
Nula nalh deuh hi chu an ke ler atranga chhip thlengin melhchhuah vek tur a pawi lem lo
[Report abuse]
September 15th, 2009 at 9:08 am
Experience tha tak i chhar chhuak a,ngaidamtu dinhmun ropui i chang a, tibotu in a tih bo a hmuh a vang a a lawmawm zia,bochhan leh thildang a pawimawh lohzia,thil/fa duhtak hmuhkir leh hlimawm zia te hriat tir in i awm a nih chu
Pa pakhat sakhi thang kam awk teuh deuh,sakhi tal chhuak leh pawh a lam vak mai a,miin ’sakhi thang chhuak si eng tizia a lam vak nge i nih?man tum a i beih nasat nen?’an ti a,a ni chuan,’Tun ah chuan sakhi lam ah ka tang tawh a,thang a a awk a tal chhuak thei kha a lawm dawn em a,ka lawm pui a ni!’a ti e an ti.
mzvision pawh hian sap nula kha engtin mah ti lo a a chhuak kha a lawm dawn em in a hria a,a lawmpui daih in ka ring…chu chu Ringtu nun tak tak pawh a ni e
[Report abuse]
September 15th, 2009 at 9:50 am
“Thil ti bo chuan dawt an sawi chawk a nia” an lo ti thin a; Pu Mz-a pawh vanduaithlak takin lo hmu let leh lo hlauh la chuan, dawt i sawi ngei dawn a ang. I kianga thu Sap nula chu a hmel leh awmdan i’n mitthla let ang a, ani meuh chuan i Laptop bag chu a ruk i ring si lo ang a
Chuhhelh taka chhuk hmanhmawh Vaiho ngei kha i ringhlel daih ang a. I hmu let leh hlauh chu ka va lawmpui che em, a chhunga i thil dah zozai te kha an pawimawh si a.
Tin, ka rindan mai maiin Pa zaidam tak i nih ka ring.
[Report abuse]
September 15th, 2009 at 10:30 am
Vaihovin inhnawh tup tup an ching hi chu a changkan loh thlak ngawt mai. Mahse, keini zuk sim tir chi an ni der mai si lova! Fel taka intlar hi thiam thlawt hek lo! Five Star Hotel vela Conference/ Seminar changkang fe fe ah te hial pawh hian Lunch/Dinner ei dawn hi chuan mithiam, milian leh inti changkang awm fu fu hi eitur dawh hmasak inchuhin an innek tup tup zel!
Zin nikhua hian taksa a lo hah deuh lo thei lova. Amaherawhchu, zinkawngah na na na chuan inthlahdah lova insanphek ve hram hram hi a tihchi viau — harsatna bik kan neite anih si loh chuan. Airport velah mahni Flight timing pawh ngaihsak lem lova in la khawlhrawng ve ringawt te, mahni chauh inngaihtuah a, midang harsatna siam pawiti lem lo niawm taka ngaihsam ve hluah hluah hote hi ka chekin a ngeih loh te zinga mi an ni lek lek thin!
[Report abuse]
September 15th, 2009 at 1:20 pm
Thilruk tum ve rau rau si-ah chuan kan nula nalhi chu a va zeilo si em!! Keichu ni ila chhuk veleh khan ladies rest room velah emaw ka dah thra daih ang a, chuan pu MZ-a mangang deuha a tei kual vel lai khan a rukin ka chhuahpui zeuh anga te ka tia
Tak takin Pu MZ, pa zaidam tak chu i ni ngei ang. Mahse tlem chuan han tih ve deuh hlak tur alawm le, a sorry dan a dangdai sia.
[Report abuse]
September 15th, 2009 at 1:41 pm
@irreplacable
Chu tak chu kan nu min trawngtrai ka chhawr Bus ah Aircaraft leh Terminal building inkar Bus chuannah ka va hmu hlauh kha lawmawm tak ani
Han tih nek a chakawm khawp mai. Fiamthu during my lunch break
[Report abuse]
September 15th, 2009 at 2:39 pm
‘Devil in disguise’ anih ber mai chu. Haw lam chu rawn fimkhur hle la, i lap top pawh ‘lap top’ anih ang in i mal chung ah dah reng ang che, chuan a him ang.
[Report abuse]
September 15th, 2009 at 3:02 pm
Awi, bus chhunga i rawn luh ve pawha i hmuh mai lohna turin rambo polythene ka pai chhungah ka khung thra tlat ang ka tihna nih kha.
Tih tih lemah na vakloa sik deuh zeuh ang chi talin mawle!
[Report abuse]
September 15th, 2009 at 3:34 pm
Thubelh para 2 atangin kawrlum phiar chhana a awmbawr zawlaidiin kan pu a tichiai tih a hriat
Kovalam beach a sap nuho tuicheng en tur ringawta kan kal thin lai te min ti hrechhuak e a haha
[Report abuse]
September 15th, 2009 at 4:01 pm
Pu @MZ, sawi duh chiah loh 2/3 khi chu rin dan tawk lo neih ve mai a van harsa ve
[Report abuse]
September 15th, 2009 at 4:22 pm
Pu MZ, va lawm awm ve, kei pawh laptop chu ka ti bo tawh, backup neih loh phei chuan, kan thluak kan ti bo lek lek emaw tih mai tur a ni. Fimkhur ang tluk hi a awm lo a ni. Finger password tih vel nei te hi laptop reu reu ah pawh, a tha deuh bik ang em le?
[Report abuse]
September 15th, 2009 at 4:32 pm
Kan ngaihtuah nawn/tha leh thin a tihian ka thlip deuh dawn ta mai.
Sap nula hmeltha takin laptop file pawimawh awm teuhna a ru a. A ru tih hriatna chu a neitu phalna lovin a lo khai a ni.( “I am sorry” a ti mawlh mawlh maia. Kei lah chuan “It’s OK am happy i got back my bag” ka ti a kan inthren ta a.) tih lai tak mai khi… story short cut na a awm em aw te ka ti mai mai.
A laptop leh khaitu hmuh leh, “kan inthen ta a,” tih inkar ah khian engemaw awm awm turin ngaihna sual zuk nei tlat peki mawle.
chawnghilh a comment #21,” Pu mz nen kan chat hrep a, kha nula nalhzia kha chapter 2 chauh kan sawi chhunzawm leh, chapter 3 kan la kai thar leh ang. ” tih atang te khian ngaihtuah a ti thui riau mai.
chawnghilh, chapter 3 tihian kan tan thei mai em, Pu mz nen in 2 chat kher lovin ?
Hairehai , fiamthu
[Report abuse]
September 15th, 2009 at 4:43 pm
Fiamthu tih ziak nachang ka hriat lohnaah hian mi engemaw zat chu ka tikhup lup ru mai theiin ka inring ta. “I’m sorry …” ti mawlh mawlhtu hian, laptop a lo thukru hman lo pawi a tihzia lam zawk a ni lo maw … chuti chung chuan, Pu mz hian apology emaw-ah a ngaih sak mai niin ka hria …
Pu mz-a te, technical lutuk miin he nu nalhzia a’n sawi tak tak hi chu PL-a te ngaihthlak dak atan ka awt … ngawi karin, chhing siar siarin lo ngaithla se, Veng lehlamah PL-a’n a style dik takin han report leh chal mai se … 22D-i chu an chhuah nalh mai mai tawh ngawt ang!
Kan hlimpui ta zek e, a lawmawm lam a ni zel e. Oh how I wish she could be on your laptop!
[Report abuse]
September 15th, 2009 at 4:46 pm
Nula hmeltha kher kher han ruk tir…
chilthli tla duah duah khawpin ilo en tehi anilo maw
ani thinrim khan i laptop bag kha a khai ta nawlh aniang a
[Report abuse]
September 15th, 2009 at 4:55 pm
Thil nithei a ni, hairehai
[Report abuse]
September 15th, 2009 at 4:56 pm
Tlem a tlemah kan in thra thren trep a lo nih chu maw lee…
Mahse ti hian a tirah chuan kan han fimkhur phah ve tak thin nanga, a hnu deuhah chuan angai te bawk.. Khawvel pianken ti tawh mai ang.
[Report abuse]
September 15th, 2009 at 5:38 pm
he comment hi report comment abuse angin a rawn lut palh a. click sual deuh niang
. a ziaktu kan hre lova mahse chhuah sak ve ngei kan duh sia Anonymous comment angin kan rawn dah mai e!
k lawmpui takzet ce,keipawh jun 2007 khan Kolkata airport ah k bag chhunga k ah lairengin k purse a bo…Security ah k report a,mahse tun thlengin k la hmu lo…Pawisa chu k dah tam vak lo a mahse k passport,credit card,visiting cardetc a hnu lam ah buaina a intran tak2 mai cu….thla tam nun pangaiin k nung thei lo.A la tu chu hria ila cuan hremhmun ah k paih ciang viau ang.
[Report abuse]
September 15th, 2009 at 6:11 pm
Hremhmuna paih tura vauna lai tak hi niang abusive lai chu!!
[Report abuse]
September 15th, 2009 at 6:54 pm
Hei ka laptop a bo loh avangin tluang takin meeting ka zo thei, kan project thlalak hrang hrang te pawh ka entir theih avangin, ka lawmna a zual sauh. Chumi piah lamah Mizoram min han fak phah hlak bawk, nen, kan sum dil ang ang kan pe ang che u, mahse dik tak leh project duh ang ngeiin hmang ula, report leh UC te CC te a hun takah theh lut ula dan hi dan anih angin zawm thlap thlap ula in project mipui te hman theih tura in deliver phawt chuan kan support zel ang cheu tih trawngkam mawi takin min thlah bawk. Lawm leh hlawhtling inti takin naktuk hawn ka tum e. An sawi ang zawng an tih veka keini lamin kan sawi ang zawng a ground ah kan thipuitlin chuan a zarzo bertu chu kan ram mipuite an ni dawn ani.
Ka bag bo ka hmu leh chu ka lawm leh zual
Khanu kha chu han chin deuh a chakawm fiamthu tak tak
[Report abuse]
September 15th, 2009 at 7:50 pm
Chin-leh hrep chi maw le! Dimna tel lo lêkin!
Oh 22D of that flight!
[Report abuse]
September 15th, 2009 at 9:24 pm
He he he… Luang kan pet no ta fu mai a
[Report abuse]
September 15th, 2009 at 10:41 pm
Ka ti hrep mai dawn ti ila
kutbuli an angin an thiam se min tih hmel, thiam ila chu ka ti hrep ang mawle. mahse mihring hian phak tawk hi kan nei threuh mai sia, kan dim ta mah mah emaw ti kha in awm paw’n ka thiam tho che u
[Report abuse]
September 15th, 2009 at 11:05 pm
Tih hrep lohva a liam ta mai chu —a uiawm ta mai mai mang e.
[Report abuse]
September 15th, 2009 at 11:17 pm
@chawnghilh
Dusty Fog a te leh Sudden-a te hunlai kha chuan, an han hnek hi an ke hi an vawr suau mai tihte kha ania, ti-nek tur chuan khumlu lamah hian an pheikhawk te hi tla nawk nawk maise a cowboy nge nge kan ti mai dawn em ni le
Mahse mi hi tih nek ai chuan dimdawi tak hian enkawl thei ila chu a thratna a tam zawk awm mange aw ka ti thrin. This is life
[Report abuse]
September 15th, 2009 at 11:22 pm
Dìm heuh heuh hun leh tih nek hun hi … a sa-kal riauva thiam a ngai rèng a ni!
[Report abuse]
September 15th, 2009 at 11:35 pm
@mzvision- dusty fox leh sudden te i ron refer a… a va han lunglen thlak tak em ve le… 1970-80s lai vela kan khawvel kha an
ni si a….
[Report abuse]
September 15th, 2009 at 11:43 pm
Oliver Strange-a Western Novel, SUDDEN kha James Green a ni a … a thawnthu hmunhma ka tlawhchhuak ve asin! A lunglenthlak khawp mai! Lianliana Pa, Lalsangliana of Kulikawn khan typewriter inchhawpin a hmatiamin a let char char a, stencil paper barh lut nghalin —piah lawkah mimeographic machine nen … khatih hun lai kha chuan Zofate thawnthu lamah kan Western thei hle, bu khat mah ka chhiar ve lo … vairam kan awm lai a nih vang a niang.
Mahse, Gauhati kawng kam lehkhabu hlui zawrhnaah Cowboy novel chu ka va lei ve thin thung. Lunglenthlak viau mai a!
[Report abuse]
September 15th, 2009 at 11:54 pm
Jim Green-a (Sudden) kha a phawirang thei khawp mai, Dusty nen khan ‘in draw’ ta se te kan lo ti ve thin a…. aw.. a va han lunglen thlak tak em… Dusty te kha JT Edson emni ka a ziak tu kha… Louis L’Amour angin Oliver Strange khan a location vel kha a survey ve thin tho a ni maw…?
[Report abuse]
September 16th, 2009 at 12:52 am
Hman ni khan ka thiante computer-ah mi pakhat phawi rang/kap rang zet mai ka en a, a hming ka theihnghilh tlat! Tunlai ami a ni. second khat hmun 100 a then a hmun 2-ah a kap hman tlat! Ama insawi dan phei chuan speed of light aiin a rang zawk a ti!!! Second khat hmun 4 a thena hmun 1-a phawi/kap hman Dusty Fog tih vel chuan an khan lo hle dawn a ni.
[Report abuse]
September 16th, 2009 at 3:10 am
Jerry Miculek tih vèl em ni? Puakruk chu a rang ve teh asin! Kap thelh duh mang raih lo leh nghal!
[Report abuse]
September 16th, 2009 at 3:44 am
CowBoy insawi kai takah chuan kan tuihnih ve hlek teh ang. Cowboy nun ina Mizote heti taka kan fascination a la mai hi mak ve tak chu niin ka hre thrin. Cowboy ho vanglai hi late 19th Century leh first quarter of 20th century vel kha ni berin a langa. California Gold Rush 1849, vel khan he mei hi chhemalh tran ani a. “My Darling Clementine” tih hla ang te hian keini Zopa te pawh, Cowboy nun kha rilruah rawn tarlangin lung an ti leng veng veng mai te hi a nuam ani. “… dwelt a miner, forty niner, and his daughter Clementine”
1849 vel atanga California Gold Rush a hausak hluai tuma Modern Day Northern California a awm Eldorado County a John Sutter a mill awmna hmun vela fuankhawm ho kha, “49er” ti a koh an lo nia. John Sutter an Rangkachak thlitfimna khawl a siam “Replica” kha tun thlengin Eldorado County ah hian Tourist te tan pawh hmuh theih turin an la vawng thra nghe nghe tak asin. Lung a ti leng mai mai khawp mai han hmuh chuan. “My Darling Clementine” hi Cowboy film title ah hmangin “Gunfight at the O.K. Corral “, Tombstone khua, Arizona thlaler chhim lama, Cowboy ho hun laia Mining khaw lar tak, Wyatt Earp, Doc Holliday te leh Johnny Ringo te tual lo chaina Background story a hmangin Hollywood in film a siam te kha Cowboy nun dik tak tarlanna film hmuhnawm a tlingin ka hria.
[Report abuse]
September 16th, 2009 at 4:52 am
MZ, Sap te chu pheikhawk siai rim an nam nam nen (an ti), in chhir miah suh fiamthu hairehai
[Report abuse]
September 16th, 2009 at 5:03 am
@Virthli : Vanapa, Taitesena … Neuva kan ti ang tho hian an Cowboy-te kha, he ram tana mi hmingtha hmasa an ni a; taima leh hlawhtling pawh an ni thlawt —Zopa theology-ah an tla na lo mai pawh a … kekawr zuih ha dek dek tawh phawt “inti-cowboy” tia an han puhthla ngawt kha —COWBOY an hre chiang vak lo niin ka hre ve thung. An la roh em mai, Cowboy ho thil kaihhnawih reng reng hi … ka lawm zawng tak a lo ni bawk nen!
[Report abuse]
September 16th, 2009 at 5:39 am
@Chawnghilh: In sawi takah chuan nia, Texas Lawman, silai kah thiam leh phawirang hmingthang “Wyatt Earp” ate, kha tih hunlaia khaw trihbaiawm leh Rothap “Tombstone ” khua, misual rothap tak tak bakah, Red Indian ral hrat khawkheng hnam Apache te, Navajoe tribe te ho hranna ram a Law and Order kengkawh theitu te ang kha chu an Taitesena emaw Neuva emaw an Captain Lalhleia emaw an ni ve tak meuh meuh e tiraw. Historian tam tak pawhin, American Legendary figure zingah an chhiar tel reng ani.
[Report abuse]
September 16th, 2009 at 5:56 am
@Virthli : Native American (Red Indians)-ho tak te hi ka ngaisâng a, an tùnhma primitive life kha kan tùnlai Mizoram pawh khian a lo la tluk pha lo hle mai hi —sa pelh kawngah, a fin lehzual tàk hret hnua agriculture lama America khawmualpui an lo bawh èn dànte chìk taka a bu chhah pui pui meuh nèna ka’n thutchilh meuh chuan … Zoram hmasàwn nân khian Red Indian-ho hmànlai kum 200 dâwnthàw liam tawha NLUP hre ve hauh lova an khawsak dàn chhawm tlàk a lo tam hle dâwn mai! Mexico ram lama an sùlhnu, lungdawh leh an in sak architecture ringawt pawh namai lo tham tak tak te hi … sethlàm satliah —a chung dî, a bang leh chhuat dàpa kan khawsak mèk lai nèna khaikhin chi a ni ta hauh lo mai!
[Report abuse]
September 16th, 2009 at 6:00 am
Ani tak asin Dusty pawh fiamthu thiam kan neih kha mawle lecturer in khawi college ah emaw a awm ang. Sudden-a pawh St Paul’s HS kan kal lai khan a awm bawk lar ve tak thrin asin
[Report abuse]
September 16th, 2009 at 6:17 am
Dusty Lunghnèma/Vànlalhnèma em ni ta kha … mihring nungchang a lo inthlàk danglam theihzia mai chu —Hnahthial College-a lecturer a nih hnu chuan, chuti mai maia sàhàwkin a nui duh tawh rèng rèng lo! A ni hmaks mai a ni. Zahawm râm mai! Tarmit frame chhah tàwk chi nèn! Thu tak sawi pahin a zungchalin a nawr che sek tawh mai! Principal a nihna pawh a rei tawhin ka hria.
Sap nula kutkem nei atanga thupui inchhawpah kan lut kual ta mah mah e.
[Report abuse]
September 16th, 2009 at 10:33 am
Sap nula, rukru, hmel tha bawk si atangin Cowboy phawirangah kan OT ta, OT belh leh zawk teh ang. Sudden-a thawnthu, (Marshall of Lawless, In the Range robber, In the cave of thug etc) tih vel Cyclostyle a her, a lai thlehna chuar tet tawh han chhiar kha chu a lunglen thlak ve ngawt mai. A hnu deuh khan Sudden-a thawnthu ang deuha phuah (imitation) Bill Jack-a pawh a awm kha maw!!
[Report abuse]
September 16th, 2009 at 10:38 am
Pheikhawk keartui sang bun i tih atang khian Russian/Eastern European anih duh hmel. An in penparh nasa thei ania. University ah te hian an hriat theih deuh nghal an in chei dan atangin Nula US/Canada/Western Europe/Aust leh Eastern European ho chu dang tak ani, thlawhna ah pawh chuang la American/Australian etc ho chuan sneaker emaw slipper kan tih ang chi an bun tlangpui ang, Russian leh eatern european ho chuan Ke artui sang ngat nen, make up chhah tawk nen an rawn in ti rup mai ang. Nalh pawh an nalh mah se a hun leh a hmun hi an hrelo ve thin khawp mai.
[Report abuse]
September 16th, 2009 at 10:46 am
@Aryan i vang mah mah buai deuh em ni? han misual fo teh. I sawi hi a dikduh hmel ka hmelhriat Mizo foreign-a zir pawh Russian nula te nen an inkawp tawk fu asin, mamawh an inpe tawn thra awm khawp an tia nia
[Report abuse]