AMFU-in NLUP hlawhchham hlau

October 25th, 2009 6:19 am by v_vantawl

All Mizoram Farmers’ Union chuan Mizoram sorkarin kuthnathawktute chhanchhuahna tura flagship prog. a kalpui mek New Land Use Policy chu a hlawhchham an hlauh thu an sawi a. “Rinawm leh dik taka a dawng tur ten kan lo dawnsawn a tul a ni,” an ti.

AMFU hruaitute hian nimin khan Aizawl Press Club-ah thuthar lakhawmtute kawmin, NLUP sum chu tuten emaw sum siamna atan an hmang vak ang tih an hlauhthawn thu an sawi a. Congress party leh an duhsak zawngte chauh tana kalpui an tum a nih chuan tha kan ti lo, an ti.

Mizoram mihring zaa 30 velte chu In leh Lo nei tha, khawvel hmasawnna chhawr pha an nih mek laiin, za zela 70 te chu dinhmun la chhe takah an awm tih sawiin, India state thenkhata loneitu retheihna avanga inawkhlum hialte an awm laia, sorkarin mirethei, kuthnathawktute ngaihpawimawh bera a neih hi lawmawm kan ti, an ti.

- https://www.zalen.co.in/ ah chhiarzawm theih.

Similar Posts:

Recent Posts:

10 Responses to “AMFU-in NLUP hlawhchham hlau”

  1. 1
    caribou Says:

    NLUP Scheme atan “Zu sak” (a saptawngin Zu factory) han thlang ilah. A hlawk ka ring tlats. :)

    [Report abuse]

  2. 2
    changban Says:

    A that chu.. hlawhtling ngei roh se.

    Caribou@ e ;-)

    [Report abuse]

  3. 3
    mzvision Says:

    A hlawhtlin hlau lo tunge Zofa zingah awm ang, a hlawhtlin nan erawh transparent tak thawh ho a pawimawh hle ang stakeholder hrang hrang.Rilru fello taka tih hlawhchham duh an awm ngai anih chuan ram leh hnam hmelma an ni ang.

    Tute emaw pamham leh thleibik neih avang mai leh power leh position abuse vanga a hlawhchham anih ngat chuan Kross ah khengbet rawh tih piah lam thlen chu kuthnathawktute kutah awm sela.

    Ruahmanna fello vang leh thatchiatna hri, rinawmlohna vangvat, hmathlir neih loh luat vanga hlawhchhamna a lo thleng anih erawh chuan tunge kan kawh rawn ang le. Lo hlawhtling se chawimawina tunge kan khum tir ang tih hi kei misual zawhna ani.

    [Report abuse]

  4. 4
    ZerO Says:

    Vawk vulh tanpuina pek anga an kalpui vaih chuan a pawi ngawt ang. ‘Cheng 2 in membership rawn lei la nuai 1 i hlawh ang’ ti pawl an lo awm ve bawk.

    “Chhungkaw khat nuai khat” beiseia indang ta mai pawh thingtlang lamah an tam.

    [Report abuse]

  5. 5
    keimah Says:

    NLUP hi a nihna tur taka hman chuan kan ram hian a that pui tham turah beisei ila. Engpawhnise, RINAWMNA leh THAWHRIMNA tel lo chuan eng anga Policy tha pawh hi a hlawhtling tak tak dawn chuang lo tih erawh hi chu NLUP atanga sum dawngtu zawng zawng hian hre mawlh teh se!

    @ZerO says: “Chhungkaw khat nuai khat” beiseia indang ta mai pawh thingtlang lamah an tam.

    Tak tak a nih chuan…tak tak a nih pawh ka ring! Sad :(

    [Report abuse]

  6. 6
    Zoram_Genesis Says:

    Aw Zoram, le! NLUP lam a ni lo!

    LALPA chuan, “Hawh teh u, i ngaihtuah tlâng teh ang u! In sualte chu sen lâr angin awm tawh mah sela, vur angin a var ang; sen duk angin sen tawh mah sela, berâm hmul angin a awm ang. Tihnuam tak leh thu awih taka in awm chuan, in rama thil thate hi in ei ang: nimahsela in duh lova in hel chuan, khandaihin a ei zo vang che u: LALPA ka chuan chu chu a sawi tawh a ni,” a ti a. – Isaia 1:18 – 20

    “A ram leh a felna chu zawng hmasa zawk rawh u, tichuan chung zawng zawng chu a pek belhchhah dawn che u nia.” – Mat. 6:33

    Pathian thu hi a daw ngai lo! Hetah hian hlawhtlinna chu a awm si a. A ni lo zawng hlira kan kal chhung chuan NLUP emaw, UP lo pawh, kan hlawhtling ngai lo vang!

    Ring lo mite angin kan inteh thei lo vang. LALPA chu a mite chunga thikthuchhia Pathian a ni si a! Kan ram leh hnam dinchhuahna – ZORAM DAMNA hi chu Amah-ah a ni a awm ni!

    [Report abuse]

  7. 7
    hmingtea Says:

    iNSAWI TRHAIH vau avanga hlawhtling tur chu nise tuntrum chu a hlawhtling ngei ang le!!!!!!mahse chutiang avang a hlawhtling tur ani der si lova hahahahah thawh rinawnm taimak angai kan sem ang tih lam ani lo thawk rawh u in nei ang tih lam kha a pawimawh thawktu hlawh tur leh thawh zat hlawh te a poimawh KALPHUNG thar kan mamawh sorkhar dept sistem leh dept tam lutuk leh sorkhar hna thawk tam lutuk file khawihtu tam lutuk system te hi paih vek ilang sorkhar hnathawk leh mimal hna thawk te hlawh in ang tlang se chutih hunah chuan invau insawitrhaih ngai lovin kan thawhah kan hlawhtling tawh ang

    [Report abuse]

  8. 8
    chhana Says:

    NLUP hi 1996 lai khan bawng vulh kan thlan ve avangin tun thlengin kan la chhawr. Tunah an han thar thawh leh dawn a nia, a hlawhtlin ngei ka beisei. A hmang diklo tamtak awm mahse a hmang dik tlemte tal pawh an awm chuan a hlawhtling a ni mai.
    Tihtak emah chuan gospel camping pawh kan buatsaih zing hlea; piangthar ho zinga a tam zawk tlu leh awm mahse, tha hlen pakhat tal pawh an awm chuan a hlawhtling a ni mai.

    [Report abuse]

  9. 9
    lalpeace Says:

    MIP pawisa kuangbang an han theibawng sem ngawt dan atrang khan NLUP hlawhtlin duh tak tak tu te mut chu a tui tawh lo tawp ang. :(

    [Report abuse]

  10. 10
    XaiA Says:

    Sorkar leh kei ngei pawn a hlawhtlin loh ka hlau ve tho… mipui hian hlau ve tak maw :?:

    [Report abuse]

Leave a Reply

You must be logged in to post a comment.