India rama heart patient upa ber VL Bela?

October 25th, 2009 11:30 am by v_vantawl

Lung (heart patient) natna nei India rama upa ber chu Mizo pa niin BM Birla doctor te chuan an sawi a, amah hi Tuikual Venga awm a hming chu VL Bela, kum 97 a upa a ni.

VL Bela hi kum 2005 khan a lunga thisen zam phui pakhat chu thauin a hnawh a, hei vang hian heart attack a nei nghe nghe a ni. April, 2005 khan hemi hawlh pawp tur hian BM Birla, Kolkata-ah refer a ni a, angioplasty tihsak niin, kum 4 hnuah pawh a hriselna a la tha hle a. Angioplasty an tih lai hian kum 92 niin, India rama angioplasty an tihsak kum upa ber nia hriat a ni. An khawih dawn hian a kum a upat tawh vangin daktawr te pawhin an huphurh viau a, mahse, a taksa a chak tha nia an hriat avangin an hlawhtling takin an khawih thei ta a ni.

“Inchhung dung leh thenawm velah te pawh ka la vei peih a, ka beng hi a tha lo deuh tawh a, ka mit erawh a la tha hle a, ka chaw ei a tui a, insawiselna ka nei lo,” tiin VL Bela chuan ZALEN a hrilh a ni. VL Bela hi 1912 khan Mission Vengah a piang a, hemi Veng-a piangah chuan damlai kum upa ber nia sawi a ni bawk.

- https://www.zalen.co.in/ ah chhiarzawm theih.

7 Responses to “India rama heart patient upa ber VL Bela?”

1
Rc Hmar Says:
October 25th, 2009 at 12:12 pm
Pathianin a duhsak hle anih ka ring:)
Nimina Rangvamuala Car chesual te,Nizana taxi leh bike insu te….Bazar bungkawn pheia bike chesual te kha chiang zawka hria kan awm mial em aw?????
[Report abuse]
2
mzvision Says:
October 25th, 2009 at 12:42 pm
VL Bela chu lo dam reng rawh se, natna te hi dampui tur chuan chhelna leh huaisenna te hi a ngai reng ani. VL Bela hi ka tluk ngai loh tur ani.

mi(sual) langsar taka tel lo mahse chhiar fo mai, thulak nan pawh a hman tho ka ring – Rinawma IRS pawh hi lunglam enkawl ngaiin a awm an ti. Ani pawh kan ram mamawh miril ani lo dam leh vat se kan va ti ve

Lung lam natna neiho hi ZU hi kartin 60ml vel an in ngei ngei angai. Chuvangin in phalan pawh pek an ni. ZU hi a chhe lam vek chu a lo ni hauh lo nia
[Report abuse]
3
Zorunpuia Says:
October 25th, 2009 at 1:36 pm
Tirhkoh Paula’n Timothe-a hnenah pawh Wine tlem tal lo in thin turin a fuih a, wine hi 12% vel alcohol tel a ni tlangpui a, tin, mihring tan a bik takin internal lam, lung, kal, leh thin atan te hian red wine emaw zu pangngai tlem te in zeuh zeuh hi a tha a, ruihna khawpa in tur tihna ni lovin. Damdawi pawh damna khawp, doctor te min chawh chin kan ei hian kan dam phah a, kan lo hrisel phah a, mahse dam nan ni lo, ruih nana kan hman chinah chuan damdawi hnathawh kha a lo danglam ta thin a, chu chuan mihring a tibuai a, a ti khawlo ta thin a ni. chuvangin chintawk nei thil reng reng a tawka kan hman thiam dan a zirin, malsawmna leh chhiatna a ni ve ve thei tihna a ni.

Heart lam te lungphu lamah buaina nei te tan wine tlem a zawng in zeuh zeuh a tha hle.
[Report abuse]
4
H.Vangchhia Says:
October 25th, 2009 at 2:26 pm
pu mz, keipawh ka doctor in nitin red wine glass khat (no khat a ni hauhlo ania )in turin min fuih.

Pu Bela chu ka rin aiin alo upa ve daih tawh mai a.
[Report abuse]
5
drake Says:
October 25th, 2009 at 4:37 pm
Kei pawh tunlai chu hei ICU ah upa deuh2 lunglam tha lo kan nei nual a, an khawngaih thlak khawp mai….. Pu Bela chu a eng artery nge ni ang aw…. Upa hle tak mai!!! Dam tha thuai tur in ka duhsak e…God Bless
[Report abuse]
6
chhana Says:
October 25th, 2009 at 6:17 pm
Tunlai khawvel thang zelah vansang pawh kan lawn duh thei. Lung thalo tan chuan a tha miah lo a nia.
Chutianga zu in theihna chance a nih chuan lungna neih ve mai pawh i va chak mai awm ve! k’u mzvision
[Report abuse]
7
chhangte_ll Says:
October 26th, 2009 at 12:05 pm
Angioplasty kum 92 a niha tih ngai chu, a hrisel thawkhat anih ber mai chu. Tunlai thisen sâng leh BP nei reng an naupang hlawm mai. Kan va tluklo chhiava ve, a kum ang nih hunah tih chu thuhran nise – Kan dam thleng nut ange maw. “Keep it up, you Grand Old Man, and wishing you the best“.
[Report abuse]