Lengpui Airport ruahman lai khan Ailawng ram fan hi a ngai tlat maia. 1994-a Ailawng pa ho ka kawm bak kha he khua hi ka pel zing hle na-in, khaw chhung leh ram hi chipchiar takin ka lo la fang ngai hlek lo mai chu lo niin. Mi(sual) inhmuhkhawm hlim taka kan hman lai pawhin, ka rilru ah thawh hai ka hlau khan rilru a kap treuh mai.
Ka helhhawlh nge, ka thurualpui te ai chuan ka inpeih hma hle mai. Kan han kim meuh chuan motor a leng lo pakhat erawh chu leng miau hek lo, hreh takin a iptepui nen a chhuk a ngai ta. Mahse ram kal ve tur e tilo chuan eitur kan lo pai miah lova, Ailawngah thingpui dawr a awm mai ang tia inhnemin kan kal ta zel maia.
(click pics for larger size)
Vaipuanpho lui hi lengkir leh kir lo thliar hrang miah lova zawh chhuah tum kan ni naa, excer lak leh deuh loh chuan kei ber hian ka tlin dawn lo ani tih ka inhre chhuak leh ta a. Vaipuanpho lui hnar lam li kamah thlan tlak fe hnu-a kan han hahchawl chu a va han nuamin manhla ka va han ti tak em.
Vaipuanpho hnar lam Reiek tlang ngaw zawng deuh thaw hi chu Tourism Department ho in an lo intitatu hle tawh hi a lo ni a. Ngaw chhung kan han lut chu, hmun threnhkat atrang chuan ni thlar eng lo se chu zan emaw tih mai tur ani. Sava hram hre tawh ngai lo kha sava chitin an awm emaw tih turin an ri nawk nawk mai, sava thla la turin kan veh sasawi a ka chang fu lo zel mai.
Hei ka thlalak hrang hrang mi(sual) thriante en atan ka han dah ve e. ka lawme.
1. 
2. 
3.
4.
5.
6.
7. 
Similar Posts:
- Kiwi
- Inkhawm peih loh hri
- Mizo tawng diklo nge a hausakna zawk?
- YMA Camping
- Kan Biodiversity hian rawih lam a pan
October 25th, 2009 at 1:27 pm
Lalthubohboh-a nih duh hmel hle mai….:)
[Report abuse]
October 25th, 2009 at 1:28 pm
pic hmasa berah khian Lalthubohboh-a nih duh hmel hle mai….:)
[Report abuse]
October 25th, 2009 at 1:39 pm
Ekhai, romantic ruih ruih khawp mai a, inlarna hmu mek te pawh i ang lek lek mai ka ti.. Ailawng sawi takah chuan Pu R.Zamawia min tihrechhuak tlat pek. A lehkhabuah khan rambuai laia Ailawng pawimawh zia te pawh a chuan nasat kha le. Zirlaibu a kan zir thin “Mayymo Sanapui” tih ziaktu Capt.C.khuma kha Ailawng khawchhuak a ni tak asin.
Aizawl khaw bul hnaia Thingtlang khua tam tak hi hmanlai chuan Aizawl aia khaw lian zawk leh mihring tam zawk an ni hlawm fur a, kan pipute sulhnu pawh hmuh tur a tam zawk a, British rawn luh khan aizawl hi innghah nana an lo hman tak atang khan mihring an lo pung a, an pem lut nasa a, tuna pitar putar ho hi aizawla piang chu 10% pawh an ni kher lovang. chuvangin aizawl chu pemlut khua a tih theih ang chu.
[Report abuse]
October 25th, 2009 at 2:08 pm
Nalh reih rawih ve aw. Hetiang en fo hi anuam
thanks pu mz
Khatiang rampalaileng a luite luanglai ah pawh khan, Tuitifiminu takngial pawh a awm tawh dawn em ni le?
[Report abuse]
October 25th, 2009 at 3:02 pm
A va mawi hlawm ve aw. Pic hmasa ber ah khian khawnge a sakawr aw? a dawh fuh ropui. thingkung san zia leh ngil zia hi !!
[Report abuse]
October 25th, 2009 at 3:25 pm
E khai, mzvision – Tun hma kha zawng ni se Pa Thlenga(L) In-ah ‘regu’ a hun ta der mai, timing vel chiah a ni. Tunah zawng mi(sual) ah harfim kakin kan leng lut ta zawk si a, nun hi a lo va inthlak thei em! Tihdanglama awm dan pawh a danglam e!
I pics rawn upload ho hi en ringawt lovin, a hmuna kal ngei a chakawm khawp mai, tunah tak hian, 25th-Oct-2009 Sandei Ivning 3:25 pm ah hian. A nuam khawp ang.
[Report abuse]
October 25th, 2009 at 3:32 pm
Ailzawn ah hian ka kal tawh a, VL Bela pics aia hmun mawi pawh an awm. Lunglen thlak tak ani. Thanks, VL.
[Report abuse]
October 25th, 2009 at 3:32 pm
Ailawng ah, ka tihna
[Report abuse]
October 25th, 2009 at 3:35 pm
Ni e, romance thei thin ruih ruih ngei mai. Keipawh ka kal tawh a sin. Lunglen thlek hle mai. Lunglenna chhan tur kan tawn laite kha chu rei tawh hle mahse, nunhlui min ti ngai kai rawk mai alawm le. ka lawm e.
[Report abuse]
October 25th, 2009 at 3:35 pm
Ailawng hi Reiek khawper Reiek lal ropui tak Lalluaia fapa Laltinkhuma indan ve na ani.Tunah hian in 130 vel an ni, kum 1917 atrang khan meimit lovin he khua hi a lo awm tawh ani.
Reiek lal Lalluaia hi inti lal thiam tak lal huaisen leh ropui ani.Hetia Aizawl a kal tur hi sakawr chungah a chuanga, a tiang kawihsapir ban phakah hian hnim a awm tur ani lo an lo ti thrin. Aizawl kalkawngah hian mel lung pawh a phun tir thlap an ti. Chung vel te chu kan han zawh ve, hei ka rawl threm thrum mai.
Ailawng ah hian Pres biakin leh UPC NE biakin bak a awm lo. Khuangchera puk awmna khua ani bawk. ngaw hual vel zo vah mai Aizawl ep a awm ani a thengthaw nuam hle.
[Report abuse]
October 25th, 2009 at 3:36 pm
Pu Mz, hei ngei hi a nih hi chawngtinleri tual lenna ram daiah an lo tih thin, kei ni ang ram vachal deuh lung a ti leng pha tlat.
[Report abuse]
October 25th, 2009 at 6:11 pm
Reiek tlanga kan kal tum hian Reiekah kan motor dahin kein kan lawn kha a nia; kea kan chhuk leh rin loh taka Ailawnga kan chuak daih mai kha chu motor la Reiek va kal vang vang kha a ngai ta si. A zialo angreng khawp mai.
[Report abuse]
October 25th, 2009 at 6:44 pm
thing hring dup te ram ngaw dur khuih te han thlir hi chuan a hmun ngei a kal a chak awm trhin.
mahse kawng awm mumal vak lohna a kal chuan haw vat a chakawm thei.
[Report abuse]
October 25th, 2009 at 6:54 pm
Vaipuanpho, Reiek, Ailawng ram vel hi chuan ka lung alen pha ve tlat. Mizoram High sikul hrang2 naupang te rotation trekking nei a kan lo hruai kual kumtin na thin kha a ni ve a. Mitthla ah hun liam hnu a lang kir chiai chiai mai.
Ailawng/Reiek vel hi Aizawl atang chuan weather forecast nan kan hmang thin. Zing ah te hian Azl lam ni sa ut in chhum pawl riai mahse, Reiek tlang chhumin a khuh chuan khami ni khan ruah a sur tlangpui.
[Report abuse]
October 26th, 2009 at 7:43 am
“Reiek tlangah khuan hmun hran hranah Reiek lal hian a khuate a awm kual pui. Ailawng khaw hmunah pawh hian 1917 khan an awm, ahnuah tuna Reiek khawhmun hi an zuan leh, chambang ho Lal zui ve ta lo an awma, a hnu 1940 vel khan Lalluaia hian a fapa indan-na khua atan Bawrhsap a dil, phalsak ani. Reilote Laltinkhuma hi a lal ve hman” tih thu hi ka dawng a dik hria in awm chuan han belhchhah thei ula ka lawm hle ang.
[Report abuse]
October 26th, 2009 at 7:51 am
Lalluaia fanu kha Khamliana Sailo Lungleng lal nupui niin ka hria. Ka hresual em?
Amah vek kha a ni lawm ni a lal ropui zia tih lan nan, a in bang zawng zawng Chinrang changa thiah khah tir a tum a, a khua ten an ning lutuk.
[Report abuse]
October 26th, 2009 at 10:14 am
@As Khiangte :ram vachal, silai ak puak thei lung a leng a ni maw? Pu mz a thlalak ho hi a nalh hlawm em a, i thiamawm tho e.
[Report abuse]
October 26th, 2009 at 10:23 am
@mzvision : i thlalak a nalh hlawm hle mai, eng ang camera a i lak nge tih hrelo chung pawhin an nalh hlawm hrim hrim, As khiangte te meuh lung pawh i ti leng a, a ropui khawp mai.
Ailawng ram velah hian mimal huan a tam mai a, ngaw kan thiat zel bawk si a, tunah chuan tui hi an in tram chhuah hle tawh a ni awm e. Vaipuanpho lui pawh hi thalah chuan a kang nasa thei khawp mai. Hetiang a kan vahdarh zel chuan nakin lawkah chuan khulai vel khu ram ro takah kan chhuah thuai dawnin a lang.
[Report abuse]
October 26th, 2009 at 10:32 am
@lalpeace, ailawnga i huanah ka la feh ve lo. engtiknge kan feh ang?
[Report abuse]
October 26th, 2009 at 10:33 am
@lalpiece
I va hmudik tak em ZG inlarna ang aimahin a chiang ka ti.Ailawng ramah hian Zopar ho hian ram Rs 40 lakhs man vel chu an lei ngei tawh ka ring. Anni lo ram-hmangaih thar thut pawh an tam hmel khoops mai signboard a ther fer fur mai.
Vaipuanpho tui lah chu a siak huai huai an nih hmel. Aizawl hnai-a kan ngaw neih chhun hi thriah khapna dan siam ka duh khoops mai mei misual hi chuan.
Ka thu chu nise Ailawng leh Reiek hi chu subsidised LPG pe ila, an rmangaw thingtuah leh tuhatur zawrh khapna area, thingzai re re khap hmaks-na atan ka va duh em. Reiek guard siam ila mi 10 bak kan mamawh miah lo’ng
[Report abuse]
October 26th, 2009 at 10:57 am
@mzvision. i rawtna chu ka pawm khawp mai. Aizawl tuitlan hi tun atanga kum reiloteah chuan a kang mai dawn… Ailawng leh Reiek ngaw humhalh a ngai luttuk. Tlawng tui kan pump hi Vaipuanpho lui (ailawng) leh Serlui tui a ni tih hi a tlantu mitam zawk hian an hre awm si lo a.
[Report abuse]
October 26th, 2009 at 4:45 pm
Zozma time paw’n mawi an ith mhel khoops mai pic # 1 an lo chhuah, ka camera hman N97 fakna ani mai Naikhon D100/200/700 kan la er pha si law
[Report abuse]