1. Chhimlam ah chuan “Min lo leng rawh” kan ti thin a mahse hmar lamah chuan “lo leng rawh” tih kha a tawk mai niin a lang, tin tawng diklo tiin min nuihzat chang te pawh a tam thin a, amaherawhchu chhimlam in “min lo leng rawh” kan tih hian kan rilru a kan tum tak chu “lo leng la kan pahnihin kan in kawm ang” tih ani. “Lo leng rawh” tih ringawt hi chuan a kawm tura kha tu ber nge a chiang ta lova chuvangin kan hmelhriatloh emaw midang tu emawin kawngkhar a lo kik ta a chuta kan chhanna chu “lo leng rawh” hian kan chhang zawk thin.
2. Thian tu emaw nen entirnan Khatla atang Chandmari ah kan kal dawn a ka hun neih dan nen a in ang ta tlat lo mai a tahchuan “Lo va kal hmasa rawh” emaw “Lo va kal rawh” emaw hmar lamah chuan hman a ni thin a, chhimlamah ve thung chuan “lo va kal chhung rawh” kan ti leh hlauh thung a. Heta “lo va kal chhung rawh” kan tih hian kan tum chu “lo va kal hmasa la chandmari i thlen hma in ka lo um pha leh ang che” kan tihna ani. “Lo va kal hmasa rawh” tih hi chuan a lo va kal hmasa ngei anga mahse ka va thlen ve hun tur kha chandmari a thlen hnu ah nge a thlen hmain ka va um pha dawn a ti chiang tlat lo, “Lo va kal rawh” tih phei hi chuan ka kal ve dawn leh dawn loh a ti chiang ta hauh lo zawk a.
Ka han post ve na chhan chu engdang ani lova Mizo tawng tih hausaknan chhimlam leh hmar lam tawng te hi in nuihzat mai lovin in pawmsak tlang ta ila a tha zawk angem? Khing lo pawh khi a tam mai a han ziah sen chi pawh ani lo. Misual ho ngaihdan hriat a va chak awm ve…lamkhuang or laui, kawlthei or kawiam, thingfanghma or hnuhnun?
Similar Posts:
- Leiah remna leng rawh se
- Hmar hi Mizo hnam ani em?
- Thil Pakhat Chauh
- Mahni hnam tawng thiamloh a zahthlak
- A mak ta luo
September 29th, 2008 at 7:24 am
ka lo en mai mai teh ang tih ai ah ka lo en luk lak teh ang ti ta ila enge in ngaihdan le?
September 29th, 2008 at 7:45 am
Pi elcee, a lamdan hi phonetics sign a ka dah theih loh avangin min lo hrethiam la, ka comment hi i chhiar chian deuh chuan Mizo tawnga ‘t’ aia ‘tri’ lam pawl zawka lam a tam thu ka sawi na a ni tih i hmu ang.Tin,phonetics lam i khawih tel chuan necktie tihah hian ‘r’ ri awm miah lova ‘thai’ tih hian a ri lo tih i hriat ka ring e.Zir ho zel pawh a chakawm khawp mai.Kan Mizo tawng ang lo taka tip of the tongue,teeth ridge, middle tongue etc. hman ngai nuai mai a nih hlawm avang hian kan tan chuan lam dik tak hi chu a har a ni.Diphthong,glided vowels te hian buaina min siam a, s leh sh ringawt pawh hi kan pawlh nawk nawk fo si. dz (z hi a dik chiah lo) hman dik ringawt pawh a harsa leh tho bawk si.A tul berah chuan a hnaih thei ang bera lam tum hram hram a ni mai e.
September 29th, 2008 at 8:29 am
elcee…Tr tih hi chu mizo tawnga han ziah dan ka chiang lo vang ani e,in han sawi takah chuan tr ai chuan chhi tih lampang lek lek in an lam zawk ang,hei poh kala chianglo,ka ziak dik leh chhiah lo maithei. A ziah lamah hi chuan mizo tawnga ziak tur chuan ka chhiang vak biklo a,mahse sap pachal hnuai a linguistics kum khat tal tawp zir ve tho ka nia,a lamdan ah chuan ka in zahpui lo ve khawp mai.
September 29th, 2008 at 8:32 am
Ka sawi tum ber zak chu t aiah tr lam lek lek kan hman chuan brits ho chuan an hrethiam fe zak ang ka tihna mai ani e…tr tih ri chiah chiah hi anilo tih chu ka hre ve tho,mahse a ziah dan ka chiang chiah lo mai a ni e.
September 29th, 2008 at 8:59 am
Kan topic lamah aw:
Hetah hian ka comment hi 100 bikimnan kan dah tho teh ang.
Min lo leng rawh tih ai chuan, “Lo leng rawh,” tih hi a samkhai et zawk a. Tichuan, a rawn leng anga kan duh duh kan ti tawh mai ang chu. Min rawn leng rawh tih pawh chuan engtiangin nge kan inkawm dawn a sawifiah chuang hran lo va. Min rawn kawm ve la, tihna ang vel tho a ni e. Nulain tlangval hnenah min lo leng rawh ti sela a la inhmeh thei deuh, mahse a aia mawi zawkin, “min lo rim rawh” tih mai tur a ni. “Leng” i hman dawn chuan “min” tih hi telh kher mizo tawngah a tul lo.
“Chhung” tih hi adverb-ah kan hmang ngai em? “Lo va kal chhung rawh” kan tih chuan, “Lo va kal pawn rawh” tih chu engtihna nge ni ta ang? Tin, lo va kal chhung rawh tih hian ka rawn um pha ngei ngei dawn che tih a sawi chiang chuang lo.
Lo va kal hnek hnek lawh lem.
September 29th, 2008 at 9:28 pm
Lo va kal chhung rawh..a awze hiah hiah hle mai…. hairehai
September 29th, 2008 at 10:06 pm
Burbura: kan chhungin kan lokal or kan pawn in kan lokal kan ti dawn tal ami? adverb hi a awmsa chauh hmang lovin seng luh tur dang te ngaihtuah ho ila a tha lawm ni kan ti mai ania, verb dang adverb dang etc etc…… lu mehna dawr ah hian lu an met tak tak ami a? sam zawk hi ani lawm ni an meh thin? Lo an thlo a mahse hnim an sam fai ani zawk sia tiraw?!!, Mizo (Lusei, Lai, Paihte, Hmar etc..) tawng hi hausa leh hrilhfiah harsa deuh asin ni reng
September 30th, 2008 at 3:48 am
@feeder, mizo tawng hi lo hausa zel se ka duh em em, chutih laiin kan tawng kal phung mawi tak hi chelh nung zel bawk ila. Mu leh mal nei lo leka fawmkhawm lo turin fimkhur a ngai reng a sin.
Mizo tawng hi (Lu met tih te hi a dik thlap a) hrilh fiah a harsa lem lo ve, tawng dang zawng zawng aiin ka tan chuan a awl bera, a fiah ber bawk. Mahse tun anga tawptaka fawmkhawm kan pawi tih loh chuan hrilhfiah te pawh a la harsa deuh deuh mahna.
September 30th, 2008 at 12:03 pm
Lunglei ho in an lam tri a,hmar ho in an lam ti a…hei hi a dik ber mai.ti leh tri chungchang chu.Aizawl pa chuan a dam chhungin a ti TI ang,Lunglei pa ve thung chuan a dam chhungin a ti TRI ang.Thats all..folks
July 7th, 2011 at 9:32 am
Regional influence vang ani e tawng dan dang thin hi chu, United Kingdom ah te pawh ani tho, Liverpool leh London a an English hman chu an lamdan mai bakah, a sentence construction a anglo nual thin, chutiang ang bawkin Delhi leh Patna a Hindi chu a dang leh thin. In nuih sawh vakna chi pawh ani lo.