May thla, kum 2009 zanlam a ni tawh a, Suffolk County, New York ah chuan zan danga a tih thin ang bawkin, Mohammad Sohail chuan Shirley Express, tinreng dawr tih mai tur ang chi chu anghak leh a. Zan te alo rei chho a, dawr khar te pawh alo hun ta. Chutia Sohail in a dawr khar a tum lai chuan a dam chhung a hriatreng tur thil a tawng ta thut mai le.
Vawi leh khatah misual dawr rawk tum, baseball bat rawn vilik nen an in hmachhawn ta reng mai a. Sohail lah chuan a dawr dawhkan hnuaia a rifle dah (mu awmlo) chu a chuh ve nghal a, a hmai ah tak mai a tin ta nghal bawk a.
Chu dawr rawk tumtu chu dawr chhuatah thingthiin, an chhungkua in pawisa pakhatmah an neih loh thu te leh eitur pawh an neihloh thu sawi chung chuan, Sohail-a khawngaihna dilin police ko lo hram turin a ngen ta chul mai a ni.
Sohail hian a dawr rawk rawn tum tu chu khawngaihna mitin a en ta tlat mai a. Tumah hetianga ti thlabar tawh lo tura a intiam tir hnu chuan $40 leh chhangthawp a pe a. Hetih lai hian khawngaihna diltu chuan Muslim ah inleh nghal a duh thu a hrilh leh ta zel a ni. Tichuan, Sohail, Pakistan atanga US pem chuan Muslim thurin a chham sak hnu chuan, a tanpuina dawngtu pawh chuan hming thar, Nawaz Sharif Zardari tih chu a pu ta nghal bawk a ni (Muslim ah a baptist a nih ber chu, hriat awl zawngin).
Hun te a liam zel a, ram chhung hmun hrang hrang atangin a thil tih chu min an lo hre pung zel a, fakna thu te leh midang a puih zel nana a hman tur bank check (cheque) te an rawn thawn ta nawk mai. Thenkhat te chuan, a thiltih avangin an nundan an thlak phah thu te an rawn sawi bawk.
Tun Nilaini, December ni 2, 2009 khan a rin phak loh Sohail a hian a dawng ta nawlh mai le. Hman, thla ruk kaltaa a mi lo khawngaih hnen atang chuan lehkhathawn a dawng ve ta tlat mai.
Lehkha ah chuan, ” ka nun i thlak chiang ngei mai. Khatih hun lai khan hna pawh ka nei/thawk lova, pawisa pawh ka nei heklo. Chawei dawhkan ah pawh eitur ka chhungte tan chhawp tur ka nei heklo. Tih ngaihna dang ka hre si lova khatiang kha a thleng ta a nih kha. Khatia rifle a ka lu in chuktuah khan ka thih loh hi ka ring tawh lo,” tiin, Muslim sakhua nghet taka vuantu a nih thu a lehkha ah chuan a ziak nghe nghe a, a lehkha karah hian $50 chu a pawisa leh chhangthawp man rulh nan a lo thawn tel bawk.
Kan ngaihtuah thin a, Kristian inti Mizo te hian hepa, Sohail atang hian zirtur kan nei tlatin hriatna ka nei a. Pathian nung ringtu inti si, Samari mitha chanchin pawh hre kur nguai chung si hian kan nunah hian alang lo thin hlein hriatna ka nei leh tlat thin. Hnamdang ngat phei chu tanpui na chang hre lo ni lovin tanpui pawh kan peih ta meuh lo a ang thin. Hetiang te chu Kristian vang pawh ni lovin, mihring mihrinna atangin, puih ngai te chu kan pui turah ka ngai a ni. Kan YMA branch thenkhat te lah chu tanpui ngaite tanpui ahnehin, tanpui ngaite chu vuak hrep lamin an chungthu kan rel sak zawk fo ta mai.
Hman kum mai te khan Canadian lam kohran mi thenkhat te chuan Mizoram an rawn hmuh dan chu, “kutdawh awm lohna ram, in neilo awm lohna hmun,” tiin, “The Most Christian Place On Earth” ti hialin documentary film an lo siam a nih kha. Tunang, kum rei pawh a rial hma hian kan nun han lem chak zia hian sawi pawh a siaklo a ni ber awm e. Ringlo mi te atang hian Kristian te hian nundan kan zir angai ta fo mai hi eng vang nge ni ta ber ang le? Kristian nundan tur te hi Sunday sikul angah te hian kan inzirtir tam talo em ni zawk?.
NB: “Hnamdang tanpui pawh kan peih ta lo,” ka tih khian, hnamdang neih emaw, Mizoram chhunga an pem theihna tur buaipui lam promote ka tum hauhlo. Hnam chu humhalh tlat tur a ni, suahsualna tel lova, thiam tak siin!
Thu thenkhat lakna:
https://www.cnn.com/2009/US/12/03/convenience.store.compassion/index.html
Similar Posts:
- Lazydog’s “KRISTIAN RAM ANI SI A”
- Orissa kristiante tihduhdahna – Thlirna dang atangin
- Taksa-a current kal hi
- Putarin bank rawk
- Aizawl a kutdawh tam ta lutuk hi
December 5th, 2009 at 6:02 pm
Sohail tih thian chu ka nei thin!!! a mawl ang reng…kutkem a nei leh nghal!!! hihihii
[Report abuse]
December 5th, 2009 at 6:03 pm
A dik hnam dang te chunga polite tak siin mahni ram leh hnam hum halh hi a theih a ni.
[Report abuse]
December 5th, 2009 at 6:06 pm
A en tawn tlak hle mai a…mizo kristain tam tak chu hetiang hian tawng ve ila chuan silai mu om lo pon kan chhu thlu in kan vaw let hrep duh ang chu male….
[Report abuse]
December 5th, 2009 at 6:20 pm
Muslim zawng zawng an tha chuang lo. He pa hi a tha fuh mai a ni e. Eng sakhuaah pawh mi tha tak tak leh sual tak tak an tam tho. Kristian zingah phei chuan chawh rualin hetianga thil tha tih ching hi kan tam ber ang. Chutih lai chuan kan inbeiseina hi a sang a, kan duh thawh bawk a, Kristian ho han insawisel vel hi nuam kan ti mah mah em aw ka ti! Mizo Kristiante pawh fel tak tak an awm a, a fel lo te avanga in vai hma vek thin hi a dik ber ang em? Kei chu Mizo Kristiante zingah hian fel leh tha tak tak ka hmu teuh mai! Chumi avang chuan kan tha tawk e ka tihna chu a ni lo va, hmasawn zel tur chu kan ni. Amaherawhchu, insawisel nuam kan ti lutuk hi chu ka kham deuh tlat!
[Report abuse]
December 5th, 2009 at 6:26 pm
..Bakah(ti leh hram teh ang) Pu HV, he pa hi America ramah a awm a, American culture, Judeo-Christian background-ah thil tam tak a zir tawh a ni thei bawk. Anmahni Muslim ram tak taka thil thleng chu ni se a zia a dang mai thei. Ngaihdam aiah a kut an tan sak pawh a ni mai thei!
Amaherawhchu, he thawnthu hrim hrim hi chu tha ka ti a, entawn tlak tak a ni tih erawh chu ka pawm thlap!
[Report abuse]
December 5th, 2009 at 6:31 pm
Muslim zawng2 an tha tihna lam a ni lova, he Muslim pa nunah hian entawn tlak a awm nia ka hriat avang chauh zawk a ni e. Enghnam zia pawh chu lo zir se, entawn tlak a ni hrim2 lo maw? Mi thatna lai sawi hian a chhe tur lai zeldin thu , lo suangtuah vak chi a ni dawn em ni?
Tih emah chuan hmanni mai khan Muslim pakhat chuan a fanu a in westernise lutuk tih vangin a car in a su hlum. Muslim te hian sual turin an ram kher an mamawh chuang lo. Mizoram mi tlemte awmna, Kristian ram inti ramah hian mawngkawhur/tuai leh sualna atam zia hi zah zawk tur. Midang engemaw nun dik deuh entawn tlak sawi hlek a, “a chuti khati awm e mai,” ti a zeldin thu lo suangtuah vak chi a nilo. Hetiang kan nih vang te pawh hi aniang chu tumah engmah kan inzirtir theih loh hi. “ENGE A NIH BIK,” tih ang tawngkam te hi i sim teh ang u, thil tha hmuh tleu phet tum lo hian. Kei phei chu tlinglo ve tak ka ni mahse, Mizoram nun chhe chak lutuk hi ka vei ve a ni mai.
Hetianga sawisel tur chuan kan khawtlang nun hi en hmasa teh ang. NOI hairehai Ni lawm ni
Sawisel na lam ziakah ka inngai lova, fuihna tur zawkah ka ngai. Ram leh hnam hi min an en dan chu, a tlangpui/ anawlpui a ni thin in ka hria. Tam tak Kristian tha tak tak lo awm mahse, a tam zawk kan ni si lo a ni. God’s channel neitu te Mizoram rawn zin te khan engtinnge Mizoram an rawn hmuh kha? Kristian nun a nung mihring khawsakna ram anga rawn hmuh an tum nen, an tum ang a nih miah loh kha mawle.
[Report abuse]
December 5th, 2009 at 6:53 pm
sohail hi thra ka ti hran em em chuang lo.a ni ang hi chu mizote zingah pawh an awm treuh ang.
“ngaidam miah suh” post-ah pawh a fanu pawngsualtu a ngaih dam khi maw.
[Report abuse]
December 5th, 2009 at 6:59 pm
Pu HV, I post hrim hrim hi chu tha ka ti a, a ngaihnawm khawp mai. Amaherawhchu, entir nan helai para:
“Kan ngaihtuah thin a, Kristian inti Mizo te hian hepa, Sohail atang hian zirtur kan nei tlatin hriatna ka nei a. Pathian nung ringtu inti si, Samari mitha chanchin pawh hre kur nguai chung si hian kan nunah hian alang lo thin hlein hriatna ka nei leh tlat thin. Hnamdang ngat phei chu tanpui na chang hre lo ni lovin tanpui pawh kan peih ta meuh lo a ang thin. Hetiang te chu Kristian vang pawh ni lovin, mihring mihrinna atangin, puih ngai te chu kan pui turah ka ngai a ni. Kan YMA branch thenkhat te lah chu tanpui ngaite tanpui ahnehin, tanpui ngaite chu vuak hrep lamin an chungthu kan rel sak zawk fo ta mai.”
I thahnemngaihna a ni tih chu ka hria. Ka han sawi duh tak zawk chu kan Evangelist te thleng hian kan Mizo hnam leh kan Kristian sakhua hi a chhe lai sawi hi nuam kan ti tlang lutuk a, midang (entirnan Muslim pa) thatna kan sawi lai leh entawn tlak an nihna kan sawi lai hian engatinge keini Mizo chhiatna leh tlin lohna lam hi kan sawi tel ve kher zel? Entawntlak an nihnaah khan duh tawk mai a tha lo’m ni ka han ti ve mai mai a nia! A dik tak chuan Mizo kan tha lo bla..bla..bla…titute pawh hi mahni han inen ila kan ngum a lo khak ve tho mai thei a sin! Thlirna dang atangin ka han thlir ve a nih ber chu!
[Report abuse]
December 5th, 2009 at 7:03 pm
Engmah ka ni bik chuanglo ka tih khi maw mahse, hetiang chanchin ka hriat ang te hi inzirnan ka hmang chho ve bek bek a ni. Rampum thu han sawi dawn hi chuan a nawlpui a lak hi angai thin si a lawm mawle. A nawlpui kan that hunah fuih chauh ni lovin, kan fak vak tlawr dup tawh zawk dawn nia.
Tin, Veng thenkhat mi vuak ching bik riau hi an awm alawm mawle. Nimin maiah pawh vaipa hliam na tak, puitu/ngaihsak tu neilo civil hospitalah a awm an tih leh tawh kha!
“Nimin chawhma dar 10:30 velah khan Lengpui PHC atangin Aizawl Civil Hospital-ah, Vai hliam tuar pakhat, ngaihsaktu nei lo dah luh a ni a, amah hi Lambu, kum 35, Buichali ti-a ziah luh a ni a, Aizawl Civil Hospital-a dah luh a nih hnuah pawh vawiin tlai thleng khan ngaihsaktu nei lovin a la awm a, a lu-ah a hliam bakah a beng leh hnar atangin thisen a chhuak a, Aizawl Civil Hospital-a thawktuten theihtawpin an enkawl a, a chhungte emaw amah hriate emaw chuan ngaihven se an duh thu an sawi.”
Courtesy : Zonet.in
bawmrang, a ngaidam lo a ang ka lo tia. NOI
[Report abuse]
December 5th, 2009 at 7:26 pm
Pu HV, nangmah mimal ka sawina a ni lo a nia aw!
Thlirna hrang hrang atanga thlira han inhnial vel te hi a nuam ve a!
He vai hliam tuar pawh hi tuten emaw an lo vua em ni? An lo vua a nih pawhin YMA/VDP ai chuan misual tute emawin an lo khawih a ni thei ang em? Tin, Civil Hospital thlenga rawn hruaitu te leh Hospitala theih tawpa enkawltute hi an fakawm hleina ka hria. Chutih lai chuan mahni thian leh hmel hriat pawh ni lem lo ngaihsak tura Damdawiina va kal ngawt chu har ve deuh a ni! A nunna chhan tura thisen pek ngai emaw te chu ni se YMA member engemaw zat an inpeih nghalin ka ring tho mai. Tunah pawh he vai pa chhungte zawng chhuak tur hian tlawmngaia theih tawp chhuah mekte pawh an awm mai thei a sin! Kha daih kha a nia…!
[Report abuse]
December 5th, 2009 at 7:39 pm
nya…
[Report abuse]
December 5th, 2009 at 7:39 pm
Kan Pulpit tlanga Pathian thusawi thin ten min hau hrep zel hi chu ka ning tawh khawp mai.
[Report abuse]
December 5th, 2009 at 8:16 pm
Suamhmang mifel an nih chu
[Report abuse]
December 5th, 2009 at 8:54 pm
I thil rawn ziah chu a va han tha ve le…. A thupui i rawn tarlan ang atan khian a itawm hle mai…. kristian taliban tan hi chuan.. !!!!
[Report abuse]
December 5th, 2009 at 9:29 pm
rilru a hneh ngei mai, Ka thianpa Evangelist Team Speaker tan ka copy e, Pulpit atanga sawi rik nise ka awt tlat.
[Report abuse]
December 5th, 2009 at 9:54 pm
pu hv pastor tam tak thu sawi kur duah ai in i thu tlem te rawn post hian ka nun a hneh zawk daih mai a.a lawm awm e
[Report abuse]
December 5th, 2009 at 10:03 pm
Insiamthat mamawh lo mihring kan awm lovang. Sohail chu a tiropui khawp alawm!
@keimah sawi ang khian, kan ramah hi chuan a hman hman hian kan hnam tlukchhiatna, kan kristianna dal tawhzia leh chanchin chhe lai vawrh darh a, kan thatna lam kawng sawi leh duh si lo kan tam lutuk hi chu kalsan a hun tawh a ni.A chhe lam kan hriat reng chuan chu chuan kan rilru kalphung pawh a khawih danglam thei a ni.
Pastor pakhat sawi ka hre reng thin,’..mi chanchin tha lai sawi tur i hriat loh chuan a chanchin chu sawi lo law law rawh’ a ti thin.
[Report abuse]
December 5th, 2009 at 10:09 pm
Sohail khi Christian lo ni hlawuh zawk se tha tur mo..
[Report abuse]
December 5th, 2009 at 10:37 pm
Mizo te hian ngaihdamna chu kan uar viau a, mahse, hremna tuar tirloin, thinlunga huatna reh siloin. Sohail ang hian kan ngaidam hmak theilo a nih law law chuan ngaidam hming pu lo law law ila, kan that tlan phah zawk a rinawm in ka hre thin.
Mi(sual) te mangtha vek ule.
[Report abuse]
December 5th, 2009 at 10:43 pm
Breaking News chu ava tha dawn ve. Admin te chungah lawmthu lawmthu.
[Report abuse]
December 5th, 2009 at 11:01 pm
Thu ngaihnawm, zirtir tha tak nei a ni e.
Amaherawhchu, thil kan compare reng rengin, mi thatna leh kan chhiatna lai emaw, mi chhiatna lai leh kan thatna lai khaikhin kher hi chu a fuh chiah lem lo. Hetiang story hi Kristian/Hindu/Jews, etc. zingah pawh sawi tur a tam ve ang.
[Report abuse]
December 5th, 2009 at 11:19 pm
Ka thu thiamloh a laiah, lak kawih theih turin kalo ziak pek a ni maw, ka tihpalh a ni e. samuelapa, keimah etc engmah khaikhin ka tumlo ania. Fuihna thu lam ania ziah ka tum, ka tisual der a ni maw. Min ngaidam hlawm teh u, nangmah nin ziak teh u. Ka lawm e
[Report abuse]
December 5th, 2009 at 11:33 pm
@HV: Tihsual leh ngaihdam dilna tur a awm reng2 lo. Thil tha nia i hriat i rawn phawrh chhuak a, kan ngaihdan kan lo thai lang ve mai chauh a ni. Kan ngaihdan hi a dik ber vek chuang lo bawk. Ngaihdan thawhkhawm theihna topic i rawn hawng hrim2 pawh hi Very Good, Keep on writing
[Report abuse]
December 6th, 2009 at 1:30 am
A, in lungnih loh hi ka tuar an vanpui a chim ani ringawt asin Hairehai
Tak2 a, ka hmuh leh ka hriatdan leh ngaihdan hi Mizoram thatna tura ka ngaih chu tuman ka sawi an dal lovang. Ka sawi pawp pawp zel dawn. Keimah phei chu ka lo sawi tawh thin angin, eng ka ni ka intih na lam a ni lo mahse, Sanglianthanga tih dan deuhin, ka hmuh leh hriatte hi sawi lovin ka awm thei lo a ni e (Mizoram tan a tha tur a ka ngaih ah chuan).
Eiru duhlo inti pawl a mi te ang kha ni ngat phei ilang chuan, hming hmerhin asin ka ziah lan ang.
[Report abuse]
December 6th, 2009 at 1:46 am
tlai khawhnuah comment ve mai mai ang.a story chhiar khian chanchawp a ang!muslim ho in tih lar tumna te pawh a ni ang. engpawhnise, tanpui ngaite tanpui hi sakhuana vang ni lo pawn mihring kan nih miau avangin kan tih tur a ni reng ani. ramsa kan ni si lo.
[Report abuse]
December 6th, 2009 at 4:46 am
lrpa, dawr camera lak video te pawh a awm vek alawm. Police in hepa hi an la zawng reng, case an la close lo. CNN, FOX etc ah an ti chhuak alawm. Dawr camera lak video pawh en tur a awm kha.
https://www.huffingtonpost.com/.....79456.html
[Report abuse]
December 6th, 2009 at 5:38 am
He thu hi ka lo hre tawh a,amaherawhchu HV thlir dan ang zawng lo deuh hlek hian ka lo ngaih tuah zawk a.
HV , i rawn post dan zawng hi a pawimawh khawp mai..i ti tha e ..!
Mizo kristian a in chal zawng zawng te hian ,he Mohammed Sohail a kristian pawh nilo amah rawk tum tu a tanpui let leh thei hi kan tluk a ngem ? Mihring takin ka ngaisang a,ropui ka ti khawp mai.
Keimah , han in chhut ve ta la Mohammed Sohail( MS a ) a din hmunah hian ding ve ta ang la,amah ang hian nangmah rawk tuma ,engang chiah in nge i chungah a thlentir duh ang tih pawh hriat loh pa hi i ngaidamin i tanpui let thei a ngem ? Chu lai tak chu a ni , HV an MS a, Kristian pawh nilo nunah hian mizo kristiante hian zirtur kan nei a tih zawk a chu…! khi lai, vai hliam tuar mi tih nat tum chu sawi loh mahni in sa seng thei lo ,lo tanpui a lo buaipui nen a tehkhin chi a ni lo.
Misual anga kan ngaih tam takte pawh hi sual hrim2 vang nilo , vanduai avang a in hambuai ta te pawh an awm theih bak ah mitin te hian second chance neih hi a that zia a ti lang chiang a, kristian te chuan khawngaihna leh lainatna nen a chhandamna chanchin tha hril tur leh mi thlarau nun damna chanchin tha hril tur kan nih lai a, chu lam zawng a kan mizo kristian nun a kal ta lo lutuk hi he MS a kristian pawh ni lo chanchin atang hian in zir chiang theuh ang u khai….!
Chhanchhuah theih , ngaihdam /chhanchhuah a tha leh thei chhanchhuah / ngaihdam an nih loh avang a boral/ thlarau nun bo hlen ta tam tak an awm a, Eng hi nge Pathian chanchin tha hril dan chu ni ta ber ang le ?
Mohammed Sohail thil tih hi a ni chanchin tha ” i hmelma hmangaih la,i thawm hnawh lak sak tu hnenah chuan a dang pawh pek belh rawh ” Lal Isuan a mah ringtute tih tur atan a a pek chu.
Kei pawh hian MS a dinhmun ah hian ding ta ang i la ,a thil tih ang hian ka tlin lo mai thei.
A pawimawh khawp mai
[Report abuse]
December 6th, 2009 at 5:54 am
Pu HV, i ti tau mai ang tih kan va hlau em! Hairehai!!
Inthlahrung reng reng suh. He i post phei hi chu ka sawi ang khan mi entawn tlak tak chanchin a ni e. Thil reng reng hi thlirna zawn hrang hranga han thlir hian a ngaihnawmin a lang chiang thin a, kan han comment kual vel a nih kha!
@lalhmeltha, i sawi hi ka pawm thlap e. Mohammed Sohail-a dinhmunah hian ding ta ila a tih ang hian ka ti ve thei ang em tih hi zawhna lian tak a ni e. Amaherawhchu, Kristian, Lal Isua ringtu, piangthar dik takte chuan hetiang hian kan ti thei vek turah ka ngai.
MS hi a thil tih hi a ropui a, hetiang hian keini Kristiante hian ti ve thei vek ila chuan miten Kristian nih an chak sup sup ang tih chu a chiang khawp mai.
Hei hi he thread-ah hi chuan ka comment tawp ber tur a lo ni ta! Ka lawm e.
[Report abuse]
December 6th, 2009 at 7:39 am
keimah, tlangval lai khan chhan tha tak neiin nula kiangah hian tihtauh mai hlauhawm awm tur deuh hian ka awm zeuh2 thin, (tih tauh tum awm deuha awm ngaih chang a awm ve thin!
)
[Report abuse]
December 6th, 2009 at 10:17 am
Dawr rawk tum tu Nawaz Sharif Zardari tih hming pu ta zawk a khi a mumal lo phian zawk reuh ka ti..Hman ah hetiang deuh hian U.S ah dawr rawk tum pakhat in dawr neitu hnenah a pianthar duh thu a sawi a,Pathian thu te an in hrilh a,thingthi in an tawngtai dun a,chuan an tawngtai zawh ah a rawk zui a!CCTV ah alo lang chiang sia an man leh ta tho a!Haha!
[Report abuse]
December 7th, 2009 at 8:36 am
Nimin khan CNN ah an rawn tichhuak tak e. Zardari hi tunge a nih, khawia awm nge tih hriat a ni lo a. CCTV in a lo capture vek bawk si. Lemchan chawp emaw ka lo ti mai a hehe…
[Report abuse]