Kang fai vek tawh mah se; he Zawlbuk hian thinlung a kuai ve tlat. Aizawl atranga chhim lam Km 14 vela hlaah a awm a. Mizo typical village tarlanna hmun Falkawn hian tlawh a hlawh phah ve hle.
Kulikawn hi tunhma lam chuan Aizawl khawpui chhuahka leh luhka ber a ni trhin a; mahse, Aizawl leh Lunglei inkalpawhna motor-kawng hi Bawngkawn lama a awm tak avangin Veng hnuchhawn takah a trang zui ta a; mahse, tunah meuh chuan kawngpui thar a awm tran leh tak avangin Veng lun leh hulum tak a ni leh ta. St Paul’s Higher Secondary School etc., kalkawng bera awm a ni bawk a; naupang bright zualte phei chuan Kulikawn hi an hai lo hle ang.
Lengpui Airport thlen hma—Sihhmui khaw pelh—Tlawng lui kan hnuin he tuikhawhthla hi a awm a; trhal-va-ek-char tak tak lai chuan tui luang tur a awm bar lo. He lai hmun timawi zualtu bera lang chu Lungpui indawh mar ut mai chunga motor-kawngpui a insial phei ruak mai hi a ni mah zawk.
Mizoram Science Center atranga khawchhak lam thlir chhohvin, Chalfilh tlang hi hmar lam hawiin a inkhawhphei ut mai a, chumi hmun atranga antram, aidu-sentil etc., reng rengte chu tui leh hralh tla bik chungchuanga ngaih a ni. Chalfilh tlangpang sial ran chhiat hma a ni a; a thlalak hi hlui tawh mah se —roh tlak a ni ve tlat tawh.
Aizawl atranga Sihhmui khaw pelh, Tlawng lui thlen hma siin —motor kawngpui chhak lamah chawlhhmun nuam tak a lo awm a, Dr Palaia Picnic Spot a ni — hmun nuam ve tak a tling.
Tuirial Airstrip chhak lamah mimal leipui hmun leh huan a awm nual, hengahte hian buhte hial pawh an tuh ve trhin. Thlalak hlui tawh mah ni se, lung hlui a kai tho ve mial mah na!
Mau-hung kar atrang ngeia khawthlang lama ni a han tla sen suar mai hi chu —a thlirtu tan lunglenthlak ve tak a tling hrim hrim a ni. Naupan lai phei chuan, “Kawl aw sen sen, ka fanghma aw tai tai, Taia fanghma aw trawih trawih …” kan tih trhap trhap lai te kha!
Khi ni tla mek kan thlir hnu lamah hian —khawvel hmun zauvah hian eng thil zozai nge rawn inherchhuak leh tawh ang le? A chhe zawng leh a trha zawnga thil thleng a tam leh hman tawh viau ang le.
Chunglam atranga malsawm tinreng kan dawn hi mi tinah intluktlang vek lo mah se; mahni dawn chin zelah lawm thiam ila, mi nihlawh kan lo ni reng mai! Zoram! I va ngaihawm tak em!
Similar Posts:
- BRTF Kawng ve hi le!!
- Hnam bil tlawmngai pawl din hi a dik em?
- Section-I Day Out
- Uite Rim In Nam
- Ruotmawii hlip Saizikpuii Phuar!
June 9th, 2009 at 10:36 am
comment hmasa ber ang. Nice pics . Nitla tur hi a nalh hle mai.
June 9th, 2009 at 11:23 am
He post hi ka lo chang ngar ngar a, a nalh hlawm hle mai, Mizoram ah awm reng mah ila Mizoram a ti ngaihawm pha tlats.Pic 1,2,3 ang deuh khi ka nei ve leh pek tlat mai hlawm!!! #4 lah khi ka lak tum dan hual a ni lehngal nghal.Mi i lo khalh zar zar a nih hi mawle,makthei ngei! Ni tla lai tla ka nei nual a,post ka rilruk mek laiin nalh special deuh i rawn telh bawk si,ka post leh rih lo mai ang.Hairehai!Nakin deuhah,i post an theihngilh deuh hunah ti mai ang.He!he!
June 9th, 2009 at 1:41 pm
Hmuh nawm thei hle mai.Zoram kan fang ani ber mai.Hei ai a huap zo, chhim lam leh hmar lam pawh a rawn lang thuai ang chu maw.Xai a paw’n rawn post thuai mai teh a…kan en chak ve ani a.
June 9th, 2009 at 2:39 pm
A thlir a hahdam dap hlawm mai. Kan sikul hlui St. Paul’s hian lung a la tileng fo thin. Class IV to X thleng ka kal a, Tlangnuam chhovah hi chuan ka kehniak a tam ve tawh ngawt ang.
Kulikawn pheia Pu Lalnuntluanga dawra Wills 99 sikret kan lei lai te, Pu Zatluanga te varandaa tlangval rual lo thu thup thin te, Pu V. Roshiama (Mami Varte Pu) Ina a hming tar, engati nge ‘h’ hi a belh kher le? kan tih fo hun lai te, Hrangi dawr kawta Bazar mi hausa faho sikul kalna thirsakawr inhung tlar tuar te, HV-a Pu damdawi dawra “Rilru chakna damdawi kan zuar e” tih intar thin te mitthlaah a la cham reng.
June 9th, 2009 at 2:57 pm
I thlalak ho hi a mawi ka ti hle mai
June 9th, 2009 at 3:04 pm
Pic no.1 Zawlbuk khi ‘kangfai vek tawh mahse’ i tih khi enge a awmzia, hmanni pawhin kan kal reng sia, khi pic chiah chiah khi ala ni si a, engtiklai in nge a lo kan fai vek a?
June 9th, 2009 at 3:14 pm
pic ho chu lung a ti leng hlawm hle mai a. a bik takin pic no . 2 na khi, ka hun tam zawk ka hmanna thin a ni a, khitilai bawr vel khi. Lung a ti leng takzet zet. Kum 14 chuang ka lo in chhuih chhoh ve na thin kha a ni a…..
June 9th, 2009 at 7:06 pm
Mawi hlawm hle mai. Selna anka tam mahse, kan Zo tlangram nuam hi chhawrpial run i iang e tih loh rual alo ni lo
June 9th, 2009 at 9:25 pm
Zawlbuk khi —hman kum lawka lo-hal mei-si leng avangin a kang fai vek tawh. Tuna Zawlbuk kha chu, an sak trhat leh tawh a nih dawn kha! Camera ka hman hi a ningnel tham a; a hun laia zir zel chu a ni ve bawk e; a pixel a nep che che hle a lo nih hi! A dava duar mai!
June 9th, 2009 at 11:15 pm
Lung a ti leng hlawm hle mai… skyscrapers tih vel ai chuan hetiang, nature mawina lam hawi hian ka lung min len zawk zel….
June 10th, 2009 at 8:06 am
Kan in hmasa (sak that hma) pawh alang ve va alawm….engtik kuma Rahsi Veng atanga la che zuk ni maw aw…
June 10th, 2009 at 8:08 am
Oh, Thakthing Tlang an ti tawh tak e…Thakthing in tlang a nei a ni awm e, te ka tia… tra la la la la. no offense intended…
June 10th, 2009 at 8:11 am
Lengpui Airport thlen hma…lungpui tohlawt (over hang) pic i dah chu aw…. Kulikawn Adventure Club in repelling, zoomering, rescue etc vel training an neihna kha anih hi mawle… lung avan ti leng vele.
Long Live KYAC.