«
»

MIZO KHAWVEL THLIRNA Part-I

June 12th, 2009 3:30 am by chepahakhata

Mizo tih hi a chhuhna la reilo hle mahse, Mizo tih hian a huam hi a zau thawkhat viauin ka hria. Chu tihlaiin mi thenkhatin Lusei/Lushai/Duhlian tawng hmang ho chauh hi Mizo emaw ti kan la awm tlat a, Lusei/Duhlian tawng hmang ve lo lahin Mizo-ah kan inchhiar thei tlat lo mai te hi kan ngaituah chian a ngai a ni. Mizoram, Manipur leh Burma rama Mizo intite hi:- Lai, Paite, Hmar, Zophei, Zotung, Lusei,Mara,etc.. te kan ni a, kan chi-leh-kuangpui ngei Lusei/Duhlian tawng an hman loh vanga Mizo-ah ka ngai lo tlat mai hi enge Mizo kan tehfung ni ta ang? Mahni tawngpeng te te nei ho pawh Lusei/Duhlian tawng hmang zingah kan chipui ngeite Mizo-ah an lungawia Mizo an intih si chuan ngahnge Mizo chu kan nih lohna bik tur awm ang?

Zofate Burma, Bangladesh, Manipur & Assam awm te hi kan zavai hming atan huapzo hming tur hi la nei loh mah ila, mahni inkoh dan te te hi inhriatthiampui tawn i la, inzah tawn i la, Mizo pawh hi huapzo hmingah pawm tlang vek lo mah ila, Mizo intite hian kan unaute hi huam tel tir vek ila; Mizo tih awmzia pawh hrilhfiah peih ila chuan kan unaute pawn an pawm ve mai a rinawm.

Read more at:

https://zochepa.wordpress.com/2009/06/08/mizo-khawvel-thlirna-part-i/

Similar Posts:

Recent Posts:

This entry was posted on Friday, June 12th, 2009 at 3:30 am and is filed under Mizo Society & Culture, More than words, Opinion. You can follow any responses to this entry through the RSS 2.0 feed. You can leave a response, or trackback from your own site.

2 Responses to “MIZO KHAWVEL THLIRNA Part-I”

  1. 1
    chawnghilh Says:
    June 12th, 2009 at 6:47 pm

    Hnam tin zingah hian Highlanders inchhal hi an lo tam nan’giang mai! Hnam hlui leh upa tak Ethiopian-ho zingah pawh AMHARA inti an awm a—heng hi hnam upa ekzampul ka rawn tarlanna ni se— ‘AM = mipui, HAR = tlang’ tihna Hebrai trawng kalphung pawhin a ni reng a.

    Mahse, tlang sang bawha chengho zawng zawng hi Mizo chu an ni vek lo va; Zotrawng (Lusei) trawng pawh an thiam nahek lo! Khawvela hnam naupang tak, kan trawng pawh naupang tak —tlangrama cheng ve ta te chu keimahni Mizo-ho hi kan lo ni e.

    Report this comment

  2. 2
    Neo Says:
    June 12th, 2009 at 10:55 pm

    na deuh hlekin,tumah tihbikna nisi lovin kan sawi ang nge:
    1. ‘MIZO’ tia lungawilo hi chu Mizo-ah hian chhiar leh telh tur pawh a ni chuang lo.
    2. Mizo tih hian min mizo te chu a huam vek mai..hming hran siam tum phet pawh hi a ni chuanglo.. Hetah hian Mizo te chu kan lungawm mai..lungawichiahlo ho hi chu Mizo an ni chiahlo a ni mai lawm ni. Mizorama awmte hi Mizo ah hian kan lungawi tawk a..(exception tiamlohin), Burma, Manipur, USA etc -a awmte pawh MIZO ah hian mizoho chu an lungawi mai.
    3. Thlahtu hrang hrang leh chenna dan avangin tawng leh tihdan te chu hrang deuh mah se, Mizo inti, mizo tawng hmang hi chu tunah pawh kan awmna apiangah Mizo ah hian kan lawm tawk theuh chuan ka ring..
    4. Mizoramah pawh Mizo inti ve ang reng, Mizo nih duh chiah silo, Aizawl velah inti mizo em em, mahni khua a, Mizo nih duhlo, inlakhran tum talhho hi chu Mizo ah pawh hian chhiarloh ngam mai tur..anmahni hnam peng hming hrang neite hi chu engtikahmah lungawi takin ‘MIZO’ an intih a rinawm chuangloh.. eg. Lai emaw Paihte emaw, Mara an nih chuan khawiah pawh an nihna hi Mizo te hian pawmpui mai tur. Mizo nih duhlo te chu tuman tihluihna-a sawm pawh a ngai chuan em ni?
    5. Point 4 ang chiah hian Burma, Manipur, foreign ram zawng zawng(USA, England etc…) pawh a ni tho.
    6. Mizo in a huamchin leh Mizo tawnga tel chin hi siamfel mai theih a ni lo aniang..tin a sawitu hrang2 azir a ni mai mai bawk e.. A thenin an huamzau tir lutuk a, a huamchin ngeite pawhin Mizo tih an duh chuang silo va, a buaithlak mai mai a nih hi…
    7. Mizo te hi mizohnathlak dangte hian an tluk loh avang hian a ruk tak chuan an ‘er’ nasa a, lehlamah tlaktlum duhn avangin ‘inti-mizo’ mai2 lah an tam.. Advantage or benefits duh vang mai maia Mizo hi khawi hmunah pawh an katna nuk mai..’Mizo’ nih hi a lo nuam a niang e.
    8. Tin, thlahtu or tawng hrang kan neih chhung leh kan thliarkar rilru kan put theuh chhung hi chuan ‘MIZO’ tihah hian kan buai kumkhua ang..
    9. Mizorama awmte hian ‘MIZO’ tihah hian kan buai, kan buai kan hre ngai lo.. a behbawm leh a chekhnawk deuhho avang hian he buaina (timai ang)hi a awm niin ka hria. Tin, Mizorama mizo te hian kan mizopui tam tak chu kan hrechiang tawk lo bawk reng a, kan bengvarlohna lam pawh aniang.. mahse mizo-tia lungawi leh lungawilo hi chu thliarthiam chu a hun tawh khawp mai. State dang or foreign-a awmte bawk hi a nia Mizo tia buai mai mai chu…
    10. A tawp nan.. ‘Mizo’ tihah hian lungawi tlang ila, ‘Mizo tawng’ ah hian lungawi bawk ila..hma kan sawn chak deuh ang… Thank you.

    Report this comment

Leave a Reply

You must be logged in to post a comment.