Liverpool tan rum ruttu ka ni a, tun season UEFA Champions League (UCL) chu kan ram Club chhuanvawr Yossi Benayoun lo chawrchhuahna Club Maccabi Khaifa an tling ve teh mial a,Maccabi Khaifa hi Israel League(Liga HaAl) ah chuan ka tan ber ni tho mahse tuntum an UCL khel ve tur chu anmahni ka tan vanga ka lawmna ai mahin Europe Club lian ho inkhel a nungchung (Live) ngei leh a hmun ngeia entheihna chance tha ka neih theih phah vanga ka lawmna a tam zawk mah e.(A hrana en tura ramdang kal lah a buaithlak hmel viau bawk si).
Mahni khawsakna ram ngeia khel ta chu ka lawm khawp mai.Maccabi tantu(Fan) te tan discount a awm dawn vangin hmun ka chan chuan,German (B.Munich),Italy (Juventus), France (Bordeaux) lam thlenga zui ka tum ve fan mai.Liverpool nen Group khata an awm dun lo a pawi vawng vawng.
Ni 15,sept khan Maccabi Khaifa leh Bayern Munich te chu Ramat Gan,Tel Aviv ah an inkhel ta ngei a,chumi en tur chuan thiante sawm kual in kan han inkhalh chhuak ve ngei a nih kha.Infiamna zawng zawnga ka ngainat ber leh hmuhnawm ka tih ber mai Football tournament ah pawh world cup aimaha ka ngaihhlut zawk UCL ber kher en tur a han in hawl chhuah chu phur a na duh ngiang mai.Chutah khawvel club tha ber pawl Bayern Munich nen an la intum zui.
Robben,Ribery,Olic,Mario Gomez,Lucio etc te ho a hmun ngei a han hmuh chu chiang vak lo mahse a ngaisangtu tan chuan a dan a dang duh ngei mai.Toni,Bommel,Klose -te ho erawh an rawn inlan ta lova lawm a kim chiah lo thung.Ram leh Ram inkhel leh tualchhung League te chu lo en zauh zauh tawh mah ila UCL kher hi chu a dang tlat bik mai,a buatsaihtu EUFA lam in an ti ropui thiam riau tlat.Hemi zan hian kan ram club chhuanvawr te chu 3-0 in vanduai ta hlauh mahse kan hlim haw viau mai.Liverpool an chak bawk nen.
Mak ka tih ve deuh mai chu tunhmaa ka lo ngaihtuah dan chuan Stadium-a an Big screen dah ah hian inkhel kha live a tichhuak ve nghal zel tur leh Replay te pawh en ve theih zel turah ka lo ngai a,mahse hetia stadium pangai deuha ka lo en ve tak zeuh zeuh ah chuan inkhel hi an la ti lang ngai der lo nia.An khelh lai chuan hmun danga khelh dinhmun leh an goal pek dan an tihlan bak engmah an ti lang lo nia.Tan hma leh chhawlhchhung leh ban ah mipui vel an ti lang ringawt a,mak ka ti raps kei misual leh mawl hian.
Helai ah chauh hian a ni nge Big Match hrim hrimah hian ni zawk awww…??Savawm inchi ken luh mai ka tuma an lo phal hauh lo bawk,ka hawi lol lol mai,In atanga kan ken Flag kuang pawh min paihsak daih , a chhungah a kuang nem chi an sem thung.Mi singli vel len theihna stadium khat pawh khati taka a ropui chuan Nou Camp, Old Trafford,Anfield etc vel turu dan tur ka ngaihtuah rauh rauh a.
Xai-a te anga camera tha neih ve ka chak phah hle,ani chu nise an lak nalh dawn nen.
An tan dawn ta
(click pics for larger size)
A ropui thawkhat viau e,ka tan chuan.
Keipawh ka phur ve phian mai.
Heite hian Misual Football lovers te ka rawn awhfik che u a ni e,a ropui telh telh maithei.
Similar Posts:
- Anfield-ah Liverpool 2-1 Maccabi Haifa
- Champions League 07-08 Quarter Finals Line up
- Football fan-te tan!
- English Premeir League
- Liverpool Football Fan Club kan la kal zel e….
September 22nd, 2009 at 11:31 am
stadium chhungah a inkhelh laia an replay lohna chhan chu referee tih dik loh emaw player lo khel rough deuhhlek te mipui in TV a slow motion a an hmuh kha chuan buaina te a chhuak thei a. hei hi FIFA dan a lo ni ve tlat mai.
kha i vannei khawp mai.
[Report abuse]
September 22nd, 2009 at 11:34 am
Maccabi Khaifa i tia ka lo hriat dan chuan Maccabi Haifa tih in ka lo hre thin a. News leh sports websites leh tv channel ah hi chuan Haifa an ti vek asin.
[Report abuse]
September 22nd, 2009 at 11:36 am
Mahni players ngaihsan zawngte inkhel lai a hringhran ngeia en theih chu a nuam awm bik
[Report abuse]
September 22nd, 2009 at 11:37 am
Va nuam don bik ve taia-pa..Keinin in lamah TV trangin kan lo thlir ve ange
.
[Report abuse]
September 22nd, 2009 at 11:38 am
israel hi a ram leh club zawng pawn Europe a an khelh chhan kha i rawn sawi tel ve ang chu ka lo tia.. a hrelo tan kan sawi ange.. hei pawh hi political reason vang lek ania. Asia ah khel seng chuan Middle East ram dang ho hian an khelh pui duh dawn lova. Inkhel phei seng chuan buaina hlir a chhuak dawn chiang sa.
[Report abuse]
September 22nd, 2009 at 11:41 am
מועדון הכדורגל מכבי חיפה leh Juventus pawh an la in tum dawn kha
; vannei khawp mai. Juventus ho an ron kal hunah pawh i lo en leh ngei dawn nia!
[Report abuse]
September 22nd, 2009 at 12:14 pm
Arab ho suahsual tukhum pawn vangin a lawm Israel hi Asian Games ah te Asia Cup velah te Asia intih siak na reng reng ah a tel ngai tak loh. Asia zone atanga qualify tur ni ta se Asia ah chuan tha ber hrim hrim ang ka ring. Miss World/Universe thlanna ah te hian ISrael an tel ve chuan Lebanon Miss hi a ti tau/withdraw fo mai. Huatna leh itsikna hian an khat ani ber e!
Taia pa te thutna khi Football Stadium ah chuan a seat tlawm ber na anih khi (accroding to our tour guide at Old Trafford)
[Report abuse]
September 22nd, 2009 at 1:06 pm
a hmunah ngei kan en a a nuam dangdai a nih chuan ka hrethiam mahse an thutna atng ai chuan TV a kan en in a chiang zawk lawng maw aw… ka ti heehee tak2in an awhawm thlawt e, inkhel lam ai mah chuan a boruak vel khi tem ve chhin a chakawm reuh ka ti. Italy vela inkhel en tura kal dawn chuan min lo hruai ve teh uuu
[Report abuse]
September 22nd, 2009 at 1:14 pm
A hmun ngei a en chu a dan adang ngot ang…AR lammuala live in khel kan en kan biang a chhirh ron per nen chuan live rau rau ah a in ang awm lo.!!!!
[Report abuse]
September 22nd, 2009 at 2:48 pm
Ral khat boruak leh hmun leh hmun boruak hi a inthlau khawp ang le, chak ve eee…
[Report abuse]
September 22nd, 2009 at 4:01 pm
Lucio chu Bayenr ah a khelh toh ka va ring lo ve, Inter player a nia. Anyway enve a chak awm khop mai le!
[Report abuse]
September 22nd, 2009 at 4:59 pm
taia-pa hian Goldmember hi ala chhang hman lo a niang,tunlai hna an buai deuh a.Sap ho hian Hebrew a Kh hi an lam H a,chuvanga Khaifa poh hi Haifa an ni e.Khanan pawh Hanan.Asia a an khelh loh chhan chu Aryan leh Goldmember hriat dan hi ka ngaihdan.
I mitmeng ah chuan taia-pa chu,phur lehnghal vekna i khulh em? Ngaihsan zawng hi a in ang lo a,he staduim ah hian Scorpions concert ka en bak kha chu ka la kal leh miah lo!
[Report abuse]
September 22nd, 2009 at 10:02 pm
Bleacher man tlâwm ber pawh ka la chuangkai ve ngai lo! LIVE hi chu a dang khawp ang … milem, movie-ah eng thil mai pawh hi kan hmu thei chu a ni ta ber e … a tak ngeia hmuh hi chu a dang zàrin, a lo hautak hret zèl bawk!
taia-pa chu, ka suangtuah dàn che aiin i la lang YOUNG daih mai! Khuai la hàw lam ang châr mai lah ni cheeee —ei-trha hmu, khawsakna apianga tlângnêl thei zèl nih hi a nuam a ni.
Thlâ pawh i la thiam e, i cover chinah suangtuahna i thlung khàwm thiam khawp mai. Insìt awkawng suh.
MAHSE, bleachers atranga flashgun nèna thlâ la chur chur hote hian an flashgun range an chhùt ngun lo khawp tih erawh chu —hriat ve mai mai atân ka rawn ziak lang duh. Arena lian tham tak taka bleachers-a thruthmun remte’n FLASHGUN hmanga thlâ an làk hian field chhûnga mite kha an flashgun hman khàn a va khawh thleng pha chuang ngai lo tih hi hriat chian fo tùr. Sàpho pawh hian an han hmet de ve sasawi tak nàin, camera chinchâng an hriat chian loh vàng a ni zàwk zèl! I thlalàk pawh ka save keuh, Football Fans Tallit em ni hial, i thil lek parh hi!
Ka rawn zin ve hunah —i nìn tham khawpin ka rawn chè ang. I nihlawh bìk hle mai!
[Report abuse]
September 22nd, 2009 at 10:20 pm
Zirtirtu pakhat chuan kh hi h in an lam trhin chu chu tawng upa kan tih ang deuh ivrit gavua a ti nghe2 nia taiapa hi pa dai zau leh fel tak ani ve hrim 2 a a zuan te hi a zang tha in thalai te hi chawhphur hi a thiam teh ani a tin football pawh athiam an ti hle a hrechiang ten
[Report abuse]
September 22nd, 2009 at 11:35 pm
Mi in thil an post a an vil thalo leh ngaihsak lo hi ka haw thin khawp,zawhna awm angte chhang lova laiking fa neih an sawi ang deuh a ngaihsak zui lo hi a huatthlala ka lo ti thin.Vawiin chu chutiang deug chu ka ang tlat mai.Mahse hna vang a ni.hnathawhna atang ka lo chhiar ve zel a chhan dan tur pawh ka ngaihtuah lawk vek e.Ngaidams,ngaidams….
Goldmember; Stadium chhunga inkhel an tichhuak ngai loh chhan leh Replay ngai loh chhan i sawi khi a pawmawm in ka lo ngaihtuah ang chiah a ni. inkhelh laklawh laiin An replay na an tih lan chuan Players te khan Referee te kha an kuai dak ang a “khi en rawh ka foul loh khi,ka offside loh tawp khi”tiin an kawh hmuh fo chuan a fuh dawn lo em asin.
Chuan Maccabi Khaifa tia ka rawn ziah chhan chu Daibuaia sawi dan ang khi a ni e.Ka nghawngawrh kena hawrawp hmasa ber a mi khi Hebrai A,AW,B ah KHET a ni a,chu chu KH ang a lam tur a nih laiin Sap tawnga an leh hian H angin an ti ri thin a,Chuang in Khevron pawh Hevron.Khawzawl pawh khi Hebrai tawng chu nise, Sap tawnga an leh chuan Hawzawl an ti dawn a nih chu.Chuvangin a lam dan diktakin ka rawn ziak mai mai a ni e.
Israel Europe a an khel daih hi chu i sawi ang khian Political vang a ni ngei ang,Berlin Olympic-ah a mi ka hrechiang ta lo,Israel infiam mi te Arab misual hoin an thah vak ang kha a thlen leh a hlauhawm.A hrim hrim ah Israel hi an Europe tawh riau engkimah Europe lamah hian an bet ta zawk chu a nih hi.
Aryan;Nia kan thutna khi a tha hran lo,ka inren te tawt vang leh ka sum ui vang pawh a ni chiah lo,Mite hi an lo chhuhhelh bakah Regular tak tak hi an lo tam em a,’an hralh zo chuang loang’tih rilru pu chunga chuh tan chuan a chan that theih loh.Munich fans tan engemaw zat an lo hauh ve bawk nen.Nidangah chuan a laiah khian ka thu thin asin.A hrim hrim ah stadium a nih hrim hrim hi chuan TV a en ai chuan enganga hmun tha a pawh a chiang lo hrim hrim in ka ring.Kan thutna lai khi that vena riau a nei a,Goal bul deuha Stewart ho awmna bulah khuan duh duh hunah a chhuk theih a Player ngaihsan deuh Corner kick lai leh rawn hnaih deuh lai chuan ka chhuk thla fo mai a,an lang chiang thei khawp asin.Tin an score a piangin an rawn tlan hnai bawk nen,manhla tak a ni.(ka awmna lamah vek khian an score a)
Lucio tih khi Lamh ka tihna a ni e.
Daibuai nangang ka ni ve lo,I Magadeth,Scorpian,Madona concert en ve pawh i sawi phur ang ai a tukah sawichhawn tur i hriat tlem theih em kha.I phur leh vekna i khulh hmasak thin vang a nih kha aw…Kei chu hetiang hun hluah hian ka khulh ngai leu.Comment teuh thei tur a chiang leh fima en ka duh tlat.Hawkawngah erawh Carlsberggggg…. a ni mai.Petrol station tinah kan ding zeuh zeuh.
Chawnghilh chu ka lang young viau elaw.Inlak young hun hi a awm ve a,nupui fanaute an kal peih ve lo bawk nen,a tul tlat.A hunah chuan kan lang OLD leh khuk mai ang.Ka thlalak chungchang chu mi hmusit paha mi fak i thiam,ka insit thau thau.I thurawn erawh ka hrereng ang.
Football Fans Tallit em ni hial? i ti thiam rauh e a,khitiang hlir khian lam tawh tur a nih khi.
[Report abuse]
September 22nd, 2009 at 11:45 pm
Ka post naa ka ziah tum ber pakhat pawimawh deuh ka ziah hmaih tlat,hemi zana ka ngaihtuah na titamtu;
Football ah hian hnam hrang hrang hi kan lo inlungrual ber mai emaw ni chu awww? ka ti.Hemi zan hian Maccabi Khaifa lamah hian Arab fir pathum an awm a,pahnihin an start nghe nghe,entu zingah hian Juda ah pawh sakhaw mi fe fe an tam mai.Thil dang a inngeih der lo kha Football Field ah chuan Arab pa kha an lawmin an tan em em mai a,an thlak dawn pawn a au dur dur mai nia. Hei hi Football stadium a nih tlat.
[Report abuse]
September 23rd, 2009 at 1:28 am
taia-pa, a hmun ah chuan an tlan ri fua fua lo maw
Lammual a an rawn khelh ve hunah en ve tum ngei ila tha ang.
[Report abuse]
September 23rd, 2009 at 11:31 am
Off Topic loks – Israel sipai hmeichhe ho hi an van han chhelo tak em
https://img268.imageshack.us/im.....rfshc2.jpg
[Report abuse]