Nizan khan Liverpool leh Maccabi Haifa ten Anfield-ah Champions League third round qualifier an khel a, mual neitu Liverpool hi goal 2-1 in an chak tawk a ni. Mikhual lam tan Gustavo Boccoli chuan goal a thun hmasa a. Reds tan lei thar pahnih Craig Bellamy leh Mark Gonzalez ten goal an thun. Inkhelah hian mual neitu lam hi barakhaihin an awm a, mins. 29 na ah playmaker Gustavo Boccoli chuan Maccabi Haifa tan goal a rawn thun a. Mahse, hemi hnu mins. 33-ah Blackburn atanga lak thar Craig Bellamy chuan Liverpool tan a rawn sut a. Hei bak hi Ist half-ah goal a awm lo. Second Half ah pawh goal a lut mai lo a. Liverpool tan lei thar, Jermaine Pennant, Mamou Sissoko, Riise leh Captain Gerrard ten khel tha viau mah se, goal an thun thei tlat lo. An inhnehtawk a nih vaih chuan an tan a pawi thei dawn tih hriain theihtawp an chhuah a. Hun tawp nan mins. 2 chiah a awm tawh tihah Gerrard thlaktu, lei thar Mark Gonzalez chuan Liverpool chakna goal a rawn thun ta a ni. A nihna ang chuan Second leg hi Maccabi Haifa khelmuala khelh tur a ni a. Mahse, ram buai avangin UEFA chuan Israel rama khelh a phal lo a. Tunah hian khawiah nge an khelh dawn tih a la chiang lo a ni. Tin, Liverpool captain Steven Gerrard hi England Manager Steve McLaren-an Zirtawp ni hian England Captain ni turin a puang dawn niin an sawi.
Similar Posts:
- Gunners Laipui vawi 3 a puak
- 2011-12 Premier League champion Man City
- 2nd Wai Wai Cup tan a ni
- World Cup – Vawiina inkhel turte
- BMA Football Tournament
August 10th, 2006 at 3:52 pm
hranga a.. football i lawm bawk sia.. http://fantasy.premierleague.com hi ron khel ve la! zakk kima poh kha ka sawm tawh kha…
nia liverpool tan chuan tlemin hlauhthawn awm deuh… mahse an chak chu ka ring tho.. Maccabi hian an home game hi Cyprus or Greece ah an khelh hmel..
Report this comment
August 10th, 2006 at 4:38 pm
Se lo le….min sawm that viau chuan a ni mai. CNN breaking news hi ka haw hluah hluah….sports news ka en theih loh phah a…..he
Report this comment