Mizo Pa chhuanawm tak, Pu C.Pahlira, Upper Republic hi Mizo tawh phawt chuan kan hre vek turah ka ruat a. Tun hma deuha a thu min hrilh kha a pawimawh em-a ka hriat avangin hmanni lawk khan hmaichhanah ngei va kawm lehin ziakin ka dah tha a. Ka han share ve duh che u a ni e.
“A kum hi ka chiang chiah tawh lo va, 1986 kha ni ta in ka hria. 80’s chho bawr vel chu a ni ngei mai. Tum khat chu Pu R.Lalawia’n,’Mikhual ka nei a, i kawm tur mi an ni e, lo leng chho teh’ tiin mi a rawn tir a. A mikhualte hi Rajput hnam (India hnam tha mi) an lo ni a. An pa ber hi IFS a ni a, Pi leh Pu atanga Kristian an ni.
He IFS pa hi Kristian tha tak a ni a. Tun hmain a pa hnenah, ’Ka hun zawng zawng hi Pathian rawngbawl nan hman ka duh a, ka hna atang hian ka bang mai teh ang,’ ka ti a. Ka Pa chuan, ‘Aw! Hei, tunah pawh Lalpa rawng alawm i bawl, Pi leh Pu atangin Kristian kan ni a, rinawm taka i hna i thawh hi a rawngbawlna chu a nia lawm, engahnge i hna i bansan kher ang?’ tiin min chhang a.
Tum khat chu kan fapa hi a kang vak mai a, a kan nasat em avangin a dam beisei chi a ni lo va, nasa takin kan tawngtai a. Kei phei chuan,’Lalpa, ka fapa hi i tihdam chuan ka hna bansanin ka hun pumin i rawng ka bawl ang,’ tia intiam chungin ka fapa dam nan tawngtaiin ka inhlan a. Pathian Aw chuan,’A dam leh ang’ tiin min hriattir a. Kan fapa chu a natna tuar lo vin a thi ta a, Doctor-te pawhin a thi ngei a ni tih an declare tawh a. Amaherawhchu, mak tak mai hi a rawn dam leh tlat mai a ni. Tichuan, kei pawhin Pathian hnena ka intiam ang chuan ka hna chu ka bansan a, rawngbawlna lamah ka kal ta a.
Hun engemaw lai khan Pathianin, ’HUN HNUHNUNGA KA MITE KA HUMHIMNA TUR RAM KA ENTIR ANG CHE’ a ti a. Ram pakhat min hmuhtir a, chu rama mihring chengte leh an khawsak dante, an pianphung leh hmel, an ran vulh dan te leh an thlawhhma lak dan te, an ram lui leh tlangte nen lam min entir a. India ram hmun hrang hrangah chu ram chu ka zawng kual a, mahse, khawiah mah ka hmu lo.
Ka Puzawn hi IAF-ah Squadron Leader a ni thin a, a ni chuan ka ram zawn chungchang a lo hriat chuan,’Ngawi teh, i ram sawi thin chu tun hmaa Ration leh bungrua vel kan thlakna thin, North Eastern Area kha a ang hle-in ka hria’ tiin min hrilh a.
Tichuan, Lalpan Ram min hmuhtir chu zawng zel turin North East lam chu panin kan lo kal ta a, Assam, Meghalaya, Manipur leh Nagaland te kan rawn tlawh kual vek tawh a. Mahse, ka ram hmuh chu an ni si lo va. Tichuan, Silchar atangin Mizoram kan rawn pan leh a, Vairengte kan rawn luh chiah khan uluk takin ka han thlek kual a, Lalpan min hmuhtir kha he ram ngei hi a ni e. ka ti ta a ni a ti” tiin Pu C. Pahlira chuan he vai mikhual nena an inkawm dan chu min hrilh. Tin, Pu C.Pahlira chuan,”Hun hnuhnunga a mite a hunhimna tur ram chu in ni ngei a, mahse, hmabak in la ngah hle mai min ti” tiin a sawi bawk.
He IFS Pa hi tum 2/3 lai Mizoramah a lo kal niin an sawi a. A hming leh Address an lo chhinchhiah lo hi a pawi ka ti lutuk a, zawnchhuah dan awm se ka ti ngawt mai.
Similar Posts:
- I Duhlai Hlu Ber Kha…!
- Traffic police chungchang
- Ti hian ka ngaihtuah thin
- Lazydog’s “KRISTIAN RAM ANI SI A”
- ‘Bik’ kan ni em?
September 27th, 2009 at 7:39 am
Future map of the world ( mithiam ten an mitthla) ah chuan Mizoram vel hi a awm miahlo.
https://www.youtube.com/watch?v=cZPB1TaF83A
https://www.earthchangesmedia.c.....rldmap.gif
September 27th, 2009 at 8:03 am
Heti khawpa suahsualna ramhi maw?ka va awih chiah lo em!!!
September 27th, 2009 at 8:58 am
Rajasthan atanga thil tha ka hmuh ve chhun chu, Thar Desert trekking kan kal dawn khan an homeguard hotu kan hmu a, Mizoram a lo awm thin an lo nia, an nun ” i dam em,” tih vel a lo la thiam kha ni maiin ka hria
September 27th, 2009 at 11:40 am
HV nge nge i lo hre ril dawn phian mai min han share zel teh
September 27th, 2009 at 12:07 pm
Pathian hi chuan Zoofate hi chu min la hmangaih ani..heti khawp hian amah hawisan tawh mah ila….
September 27th, 2009 at 12:42 pm
Mizo tawh phawtin kan hriat(?) C.Pahlira chu Mizo nih ve si chuan hre chiah lotu nih chu a va nuam love! Hun hnuhnung thuah hi chuan Bible a ka hmuh bak hi chu awih ka tum lo bur mai!! Thu lawmawm lam chu ni mahse mi sawi apiang lo awih ve ringawt hi ka tih loh zawng ani ve tlat.
September 27th, 2009 at 1:49 pm
muantea a dik ang
September 27th, 2009 at 2:10 pm
hun hnuhnung thuah chuan midang inlarna leh hrilhlawkna tih vel ai chuan zawinei Isaia-te Jeremia-te,Ezekiela-te leh thuthlunghlui zawlnei hrang hrang te sawilawk hi pawm mai a him hmel Bible ringtu tan chuan.Tin,a lo thleng ngei bawk ang.Dik lo thei lo kha a ni tlats.
September 27th, 2009 at 3:42 pm
“Heta hi emaw sawta saw emaw an tih pawhin awih suh ang che u” tih em ni kha aw!! Buhlem leh Buh tak hi kan la to tlang fur si a, thlarau chan a san vakloh phei chuan ka buai ru riau
September 27th, 2009 at 3:46 pm
Saitawk, buai suh, Isirael ah inngai lo phawt maila, a tha vek mai ang
September 27th, 2009 at 4:10 pm
inthawina aia thuawihna duhtu Pathian thu hi awih tawp ila kan him ani mai, Hun hnuhnung (Tribulation) hma in Mithianghlim Lawr alo thleng ang chutah chuan kal i tum theuh zawk ang u, Kan in humhimna chu Krista ani si a
September 27th, 2009 at 4:10 pm
Ni leh lawi bawk si, HV. khawvel hi tawp ta thut se Hindu leh Buddist ho te hian min kai khalh dial thut mai se, i ho hian kan hawihai hle mai anga.
September 27th, 2009 at 4:11 pm
Program ah chutiang a tello. Tha mai ang hairehai
September 27th, 2009 at 4:21 pm
Khawvel tawp programme hi mak deur reng a ni. ‘programme te hi a tuldan in a tihdanglam theih e’ tih hi an Prg. sheet hnuailamah ah a chuang ve angem le
September 27th, 2009 at 4:42 pm
hmmm
September 27th, 2009 at 4:44 pm
Saitawk, intawngtai kep/sak te hi a chi miahloh an tih kha. Vanram gate vengtu ten, ” nang chu an luh kep tawh che,” an lo tih vaih chuan a pawi thui viau ang, an ti. hairehai
fiamthu
September 27th, 2009 at 4:58 pm
Hv, sunday a inkhawm hun leh fellowship kal hun lai vel a online tluk2 ho hi misual ah pawh a sual pawl kan ni mai lo maw!
intawngtai kep chu ka duh a,mahse in ei kep chu ka duh bau lo!
September 27th, 2009 at 5:13 pm
Saitawk, tunah hian zing dar 7:43 ania, chawhnu dar 2 ah keini chu kan inkhawm dawn choh. Hla kutpui kan hmang dawn a, ruai kan theh siah siah dawn mawle. Kalo ei kep dawn che nia.
September 27th, 2009 at 5:20 pm
Oops, zanriah kan ei ve dawn, min lo tawngtai kep la, zoram i lo luh hun ah eitur chu min lo ken mai rawh
September 27th, 2009 at 8:36 pm
Pathian in mizo te min hmangaih tih hi chu thudik a ni.
BIK tih erawh chu ngaihtuah ngun leh chhut ngun a ngai deuh ang.
Mi zawng zawng in angkhatin a hmangaih tih leh ama tan a duh tih hi ka pawm bawk a.
Mizo te min hmangaih bik leh zawnchhuah bik ni a kan inhriatna phenah hian pangchanna rah tha lo leh sawngnawi a inphum tel ni te hian ka hre vawng vawng thin.
Min rawn zawng chhuak bik a lo nih pawh in A chatuan thil tum ti hlawhtling turin, a Lalram zauh zel na hmanrua a chher a tan min duh a niang tih ka ring bawk.
Lalpa mit a ‘bik’ dinhmun a ding te reng reng in a thununna leh a hlauhawm zia an hmuhhmaih ngai lovang.Enge kan ngaih ve dan hlawm le!
September 27th, 2009 at 8:37 pm
Lal Nebukadnezzar-a mumang, Zàwlnei Daniela Lehkhabu-ah kha chuan ram chuam leh him bìk awm lovin … khawvèl lalram hmasate chu Messia Lalram Thar-in a rawn tichhiain a rawn luahlàn nghàl mawp mai a … tlâng ata kuta laih chhuah ni lo LUNGPUI, KRISTA entîrna kha leilung rawn thleng nghàlin a rawn lum thla thleng nghàl tlat, kawng chanve chauh rawn lum a, vàn lama lum lèt chho leh pawh a ni lo … special-a MIZORAM tih ve chhèn hi a Biblical hauh lo!
ZORAM ti chhèntute pawh an ralthùm lam zèl. A thente phei chuan THI LOVIN KAN BAN TLANG DAWN an ti hial a, thi thei lova inchhâlte an vuinaah ka tel ve fo, thil thlîr chiang tùrin.
Zoramthanga, Kulikawn khàn ‘thi thei tawh lo’ a inti a; mahse, a ruang chunga a nupui ngei a’n tap ta chiah mai kha chu HARHNA HAWK tùrah ka lo ruat vei nèn; tin, Ramhlun lamah LALZOTHANGA pawh, Mizo dànin ka râl. Tlangsama inkhuar Lalzâwna leh a kaihhruaite pawh, an thu ngaiah la ding tituai mah se, thlànmual hi tute mai pawh hian kan hnaih ni tin zèl vek.
Kum AD 70-a Jerusalem leh Juda mipui, an Temple tichhiatsakna ràpthlàk eltiang kha Matthaia 24 thu leh ‘the Great Tribulation’ inkungkaih zir chhuak chiang lo kan tam viau. An (Juda) tâna tlànchhiatna hmun atân khân PELLA kha ruatsak an ni a, chuta thlengte kha an him —Kristâ sawilàwk a ni miau va, a kal ve ta lo Jerusalem hmunthua mite Kristan a dam laia “This generation …” a tih te, AD 30 – 70 inkâr kum 40 chhûnga miten Kross-a Messia thihna etc., awih duh lo, chhuan uirê leh tenawmte tâna HUN KHIRH, Jakoba Mangan hun kha an Historian rothap Josephus-a chuan an lo ziak kimchangin a lo hrilhfiah chiang khawp mai! Great Tribulation hi zir chian pawh a ngai rèng a ni. Matthaia 24-ah HUN TAWP tih thu hi Grik tawngin chi HNIH a awm a; hriat hran ngai lulai tak an ni —TELOS tih leh SUNTELEIA … TELOS zàwk a thlen famkimna chu AD 70 kha a ni. Tùnah hian kan nghah awmchhun ni ta chu SUNTELEIA a ni thung a, chumi SUNTELEIA hun tàwp kaihhnawih ZORAM chungchâng pakhatmah Bible hian a sawi lang lo. Khawvèl pum huap thil thleng tùr kan hmachhawn mawlh dâwn! A thente hriat, a thente hriat lohvin Krista hi a rawn kal dawn bawk hek lo … Matthaia 24 hi zir ngun a ngai khawp mai, Mithianghlim Lawr (Secret Rapture inzirtîrna AD 1830 hnu lam atanga rawn awm thar) pawh hi Bible-ah a awm reng reng lo.
September 27th, 2009 at 9:32 pm
Zirtirna diklo leh him lo hi pawl tesep ho chuam ah ka lo ngai deuh thin a,
mahse hmanlai a tirhkoh te lo sawi te ni awm tak tak kha a rawn inlar thar leh thin te pawh hi a ang lek lek.
Kan kohhran Lian te pawh hi kan him dam bik em tih ngaihtuahna ka nei ve thin a.
Hman ni MIzo Theological Association ho Dawrpui Biak In a inkhawmpui ka thlir a tang khan ka lo thlir dan min pawmpui riau mai nia maw le.
KEINI PUMKHAT KAN NI ANG BAWK A PUMKHAT AN NIHNA TURIN..JOHN 17:22 thupui a hmangin zoram kohhran pawl hrang hrang a ‘mite’ hlimtak leh tui em em in an inkhawm ho thei tawh a.
Pawl hrang hrang ni lovin pawl hrang hrang a “mite” an la ni rih a.zoram kohhran beram inruksak theology hi khawi a tang a lo chhuak nge ni ang.Berampu pakhat chauh a awm si a.
September 27th, 2009 at 10:05 pm
@Darchhunval.
Beram te chu a ru thei theiin an ru mai anih hlawm hi. Tunah pawh Kohhran denomination hrang hi chu kan la inkhawmho thei lemlo a nih hi, ka tih tak chu RILRU takin ka tihna nih chu aw. Kan tum lah inang reng, kan inngeihlo em em hlawm hi kan la puakkeh vekin a nia ka rin rawngbawltu inti ve si ho hi. ka sawi peih tawh leu.!!!!!!!
September 27th, 2009 at 10:14 pm
Khawvel ram tin a Gospel tlangaupui tute pawh hian Church planting ah duhtawkin Pawl planting hi an ti tawh mang lo a sin maw.!Kan missionary ten an sapram KOhhran hming min pe tel hi a pawi zia kan tem tlang ta nih hi le.Kan tawng ni hlei lo Sap hming KOhhran pu in lamrik pawh thiam mang lovin kan in phek beih ta vak a.Kan Lalpa tarmit a tang in a chiang awm ropui si a.
Kaini ‘misual’ te tal hi chu harh chhuak kim hram ang u.
September 27th, 2009 at 10:19 pm
Pathian ram chu ‘Hetiang mìte tà hi a nisì a’ chuvàngin, misualho hi ‘Hetiang mite’ i ni vek mai teh ang u.
September 27th, 2009 at 10:31 pm
Sawitur vak ka hre lo BIK tih erawh ka awih lem lo.
September 28th, 2009 at 1:25 am
Mizo kan danglam vena pakhat chu, kan dai ram ni miah lo vah pawh ‘Hre ber’ kan ni zel hi a ropui e. Ngalrek chen pawh kan la dai ren reng loh vah pawh thu hi kan ngam huai thei khawp mai. Kan nihna a lang e. Mizoram ah Kohhran a la ding dawn tih hi Bible ah a lang si lo va, kan awih lo mai dawn em ni ang?
@darchhunval : i thu han puahchhuahpui danah chuan Pathian Ram i hlat hauh lo. Thil awmzia i manthiam riau mai. Tin, Pathian Thuthlung pawh i hnaih hle a ni. I kawm tlak hmel hle mai ka ti! Aizawlian i em? Han inzawt phawng ila.
September 28th, 2009 at 1:36 am
@ Zozyal & darchhunval = in thaw dik fu mai. inti-fing mahse, fing ziktluak si lo an om a, mifing, belhchian dawl an awm bok. an thu leh hla atangin an mizia awm ang, 80% vel chu a hriat theih e. thil reng2 hi a lan ang ngot lo vin, ngun taka ngaihtuah hi a tha e.
September 28th, 2009 at 1:46 am
keini Zofa leng ve te hi Pathianin min hre ve reng ang tih ring ang u. Hmasa ber pawh hnuhnung berah a awm theih e. Kei chu MIZO KA NIH CHHUNG chuan Mizo hi ka dah SIPISIAL dawn..!!!
“Nazareth ah thil tha a chhuak thei em ni?” an tihna khua atang ngei khan khawvel chhandamtu a rawn sei lian tlat a ni!
MIZO nih chuan MIZO nih mai tur!
September 28th, 2009 at 1:49 am
@zozyal … i sawi dik khop mai. Dai loh ram chu soi loh mai tur. Hre ber ang ziazanga, tiro? Hnunglamah a rukin nuih tet tet!!
September 28th, 2009 at 1:54 am
@thox: Pathian thu lam post a ni si a, engmah ka comment ve ngam lo, kei misual te hian. Tlaivar/chawnghei poha tawngtai ngai lo tan chuan mahni phak tawkin lo awih ve top mai ila, ka thiam ve dan a ni e. Ka ID ang hi kan ve top mai, ka Zo zial hle ringot mai a ni.
September 28th, 2009 at 2:08 am
SPECIAL TAKIN, A BIK TAKIN Pathianin Mizo-te hi min enkawl a ni. Khawvel hnam leh Kohhran History hi en ila, Mizote tluka Harhna chang nasa tumah an awm lo, chu chu hnial ngai lo va THUDIK awm sa a ni.
Heti khawpa Pathian enkawlna lawmawm tak tak, tam tak kan chang chung pawha lawm nachang hre lo va, AMA hnena lawmthu sawi pawh tum bawk lo kan nih chuan inbihchian a ngai khawp ang.
Pathian Thuthlung hi dai loh chuan hre lo nih ngam mai tur. A finthlak ber. Mihring thluak atanga chhut leh kalpui chi a ni lo tih hi mifingte chuan an hrethiam mai.
September 28th, 2009 at 7:08 am
@zo_pa, politic zawngin entirna han siam i la. Pathian hi Minister angah dah chhin ila,”Pathian chu ruling party Minister a ni a, keini Mizote chu ruling party member ang deuh a duhsak bikah i ngai deuh tihna em ni?”
September 28th, 2009 at 12:56 pm
@chepahakhata: Ni e, entirna ni mai lo vin, Pathian hi Lei leh van Chief Minister a ni. Siamtu a ni bawk e. Keini Zofate chungchangah chuan duhsak bik teh reng mai. Mahse, he duhsakna hi kan manthiam erawh a tul khawp mai. Israel fate khan ‘Hnam Thlan’ an nihna kha hnam dangte chunga intih ropui nan an la a ni. Mahse, chutiang tur chu a ni lo va, Israel leh Mizo-te chungah hian mawhphurhna a dah sang bik ka ti a ni.
Israelte chuan an tlukpui tawh. Mahse, Pathian thutiam rinawm tak avangin, Amah, Pathianin a la kaitho leh ang. Anmahni avang ni lo vin, A tiamtu rinawmna avang zawkin.
Tuna kan sawi hi lei leh van Politics dik tak a ni e. Pathian chuan he leiah ngei hian a LALRAM a la rawn din ngei dawn a ni. (Ram ni mai lo vin, LALRAM chu. “Thy Kingdom Come” an tih hi a ni.)
Lal Isua hian kan thlarau chuah a tlan lo, kan rilru leh taksa pawh a tlan a ni. Tlanna Famkim chu kan tan a ni.
ZORAM TI CHHENTUTE HI KAN RAL THUM DAWN LO!
September 28th, 2009 at 1:23 pm
ZORAM TI CHHENTUTE HI KAN RAL THUM DAWN LO!
Pathianin Zofate hi khawvel puma Chanchin Tha pechhuak turin min buatsaih a ni. Israelte ang maia luhlul leh helhmang, ring tha duh lo ni mah ila, Thim Chhah tak hmangin min khawih harh tho tho dawn!
Hmanni lawkah Dawrpui Biak In, Chanmari Biak In leh Zoram hmun hrang hrangah Vai Kristian ho chuan hun an rawn hmang a, Mizo te hi India ram su eng turin hmanrua kan nih thu an rawn sawi a, Kohhran hrang2 hruaitute nen hun pawinawh tak an hmang a, Local Channel-ah pawh an tichhuak zing hle anih kha.
Tin, tunah hian South East Asia velah chuan Sap/Mingo ho an tlangtla lo telh telh a, Chanchin Tha hril kawngah pawh an tuitla lo telh telh a ni tih inhriain, an ni chuan,”Keini chuan lawm kan hlawh lo, khawiah pawh kal ila, ringhlelin min enthla zui reng a, tin, a ram mite’n min ngaina tak tak thei lo a ni. Chuvangin, Mizo te hi Pathianin a hmang duh che u a ni. In hmel leh pianphungte a inang si a, an ni chuan an ngaina nghal thei zel che u a, chuvangin, South East Asia velah hi chuan Mizo te hi Chanchin Tha hril turin in tha ber” an lo ti tawh a ni.
Tunah hian pawl pakhat, South East Asia lama rawngbawlna kalpui an indin thar a. He rawngbawlna-a kalte hi Tent Making-a kalte an ni. Chu chu kei pawhin ka duhdan ve tak a ni a, “A Prospect for Tent Making Ministry in South East Asia” tih a ni. Mizo Thalaite, mahni inhlawhchawp/hna hrang hrang thawka, mahni inchawma rawngbawlna-a inpe te an ni. (Tent Making)
He Pawl hi “SOUTH EAST ASIA MISSION SOCIETY” tih a ni.
India ram leh South East Asia mai pawh ni lo vin, khawvel pumpui hi kan hmaah Pathianin a dah a ni. Israelte’n Pathian Thuthlung an lo tlukpui tawh avangin Zofate’n kan mawhphurhna kan hlenchhuah a tul tak zet a ni.
Zofate hi Chanchin Tha hian min au nasa lutuk tawh! Kan ngaihsak loh chuan THUAWIH LO THEI LO vin min siam mai dawn a ni!
See: https://saikhuma.blogspot.com/
September 28th, 2009 at 3:00 pm
kei zozyal, pa berh tee hian ZORAMTHAR hi ka van nghakhlel tak em!!!!
September 28th, 2009 at 4:11 pm
@zo_pa, chu “Pathian chu thlei bik nei Pathian”, an ni i tihna a ni mai lawm ni?
September 28th, 2009 at 7:24 pm
Awihawm loh lutuk…..!!!!!
Zoram leh mizo te hi Pathian in min hmangaih em em, hnamdangte aia min hmangaihna bik erawh a awm lo.
Thil reng2 hmu spiritual over leh supernatural over ho lakah hian i fimkhur ang u….!!Wake up guys, this is the Age of Reason…!!
Bible kan ring tur ani, bible a thil inziak zong2 erawh a ngial a ngana lak tur ani lo. Bible kan interpret dan te pawh hi fimkhur a tul.
The Book of Revelation phei hi chu fimkhur lehzual a ngai. Scholars tam tak phei chuan thil kal tawh angah an ngai asin. John-a khan roman empire tla chhe tur a sawi lawkna an ti daih mai asin le…haha…!!! a eng ber hi nge dik a hriat loh…!!
September 28th, 2009 at 7:40 pm
@kasper: Nangni ang ho hi Ringtu leh Kohhrante hruai sualtu, LIBERAL an tih, tunlai Kohhran hmelma in ni. “Pathian ngaihsak anna an nei ang a, a thiltihtheihna an awih lo vang” Bible in a tihte zinga mi kha in ni.
Thu Puan hi khawihah mah thil kal tawh a ni lo ve. Sap mi A ho hi in ngaisang hle ringawt a, eng tihna mah an ni lo ve, mawl thlak eeeeeeem mai a!
Kristian i nih pawh ka ring lo ve!!
September 28th, 2009 at 7:55 pm
Liberal Theology hi Kohhran hmelma a ni. inti Scholars tam zawk hi Pathian Thlarau Thianghlim chenchilhna changtu an ni lo tih hi hriat a tha. Mihring takin an zir ve ngawr ngawr ringawt mai a ni. Ka thian/chhungte ngei zinga Pathian thu zir ho pawhin, inzir dak awlzia an sawi ziah.
Chuvangin, heng scholars ho hi ngaihsan tehchiam tur an ni lo. An rinthu bak engmah an hre chuang lo ve.
Bible hi rin bur mai tur. Kan inti-fing telh telh a, kan da telh telh kum tin a nih si hi maw!
September 28th, 2009 at 8:31 pm
Pathian hian hmangaih bik anei leu..Pathian hi Chief Minister, party mi leh sa chauh duhsak nise enge mihring nen a danglamna???…Mi tu pawh angkhat vekin min hmangaih..Tupa thusawi emaw lo phurpui chiam mai zel hi a dik ber lo..Experience pawh kan ngah fu tawh hi mawle.
September 28th, 2009 at 8:36 pm
IN VA HAN MAWL TAK EM! TUIN NGE MIZOTE HI PATHIANIN A HMANGAIH BIK TIH SAWI A?? Hahahaaaa, in vung leh vak thin, in mawlzia in thailang mai mai a ni. Tumahin Pathianin hmangaih bik a neih thu an sawi loh hi! Engkim hi chik ta che u, in mawl em mai aaa!! Chhiar chiang ta che u!! Nuih in tiza, in intifing fu bawk si a!!
September 28th, 2009 at 8:40 pm
Rilru in tihah!! PATHIANIN mi tumah hmangaih bik a nei lo tihte chu mi mawl ber pawn kan hria ang chu. Chutiang hmangaih bik thu tuman an sawi leuuu! Intifing apiang hi in mawl, Mawl hei hui em mai!!
September 28th, 2009 at 8:47 pm
@ZOZYAL: HA-HA-HA… ka nuih a za hle mai! Nia, hei mi tumahin Pathianin hmangaih bik a neih thu an sawi loh hi maw le!
September 28th, 2009 at 8:54 pm
@zo_pa: i thu post te ngun takin ka lo study thin a, zirchian chakawm tak tak hlir an ni. Inthlahrung lovin han bei zel rawh, kan ram a chhiat tawh em hi!
Nia, engpawhnise, kei chuan zo_pa rawn sawi, INDIA leh SOUTH EAST ASIA lama Chanchin Tha tih chungchang hi chu ka ngai pawimawh khawp mai. Tin, Hnam hnuk a khawih a ni. Chanchin Tha chauh hi kan ram leh hnam dinchhuahna chance a ni.
September 28th, 2009 at 9:07 pm
@chepahakhata: Pathianin mi tumah thlei bik a nei tih hre rual chu kan nih ka ring e. Mahse, koh bik, mawhphurhna pek bik erawh a nei fo. Nu chhula awm lai atang tawha serh hran te pawh a nei thin tih chu hre rual kan nih tawh ka ring e. Chu chu a nia ka han sawi awmzia zawk chu, Zofate chungah hian mawhphurhna sang tak Pathianin a nghat a ni tih hi. Galatia 2:6 i lo chhiar dawn nia.
@bawlhhlawh: i sawi dik khawp mai. Theology hi an zir a, Isua Krista-a piantharna tak tak chang lo tan pawh zir theih reng a ni a. Chungte chu Pastor-ahte pawh rawih theih an ni leh zel a. A hmingin keini chhungkua pawh hian tum 2/1 chu ATC-a zir duh, harsa si te chu Financial Support kan lo tihsak ve tawh a, chungte pawh chuan i sawi ang chiah hian min hrilh ve tawh a ni.
Scholar/Pastor/Theologian khawro tak leh piangthar miah lo hian Kohhran an enkawl ang tih a hlauhawm khawp a sin (Nge khawi laiah emaw chuan kan lo kawl fo reng tawh zawk). Liberal Theologians ho lakah chuan fimkhur a tha khawp mai.
Nia, Pathian Thu hi eng subject peng pakhat ang ringawta chai chi a ni hauh lo. Rinna zawng zawng leh Thlarau Thianghlim chenchilhna, tawngtaina nasa tak nena zir tur a ni.
Ti ta mai mai ila, “SOUTH EAST ASIA MISSION SOCIETY” lamah hian in borti ve ka rilruk. Farkhat tal nih ve theih tak mialin.
September 28th, 2009 at 9:10 pm
@chepahakhata: Pathianin mi tumah thlei bik a nei tih hre rual chu kan nih ka ring e… tih ni lo vin …”Pathianin mi tumah thlei bik a nei ‘lo’ tih hre rual chu kan nih ka ring e”…. tih zawk tur a ni e. Tihpalh.
September 28th, 2009 at 9:19 pm
Engpawhnise, Zofate hian Chanchin Tha hril hi ngaih pawimawh berah nei ila, kan Chanchin Tha hril chu hnam dangten an ei theih nan kan nun uluk bawk ila. Chu chu kawng dik a ni e.
September 28th, 2009 at 9:29 pm
Hmangaih bik a nei a ni lo maw?
Rom 9:13 “Jakoba ka hmangaih a, Esauva erawh chu ka hua,”
Ve khauh khauh mai a!
September 28th, 2009 at 9:38 pm
Mizote hi kan inti bik viau, a tul ka ti lem lova, thiltha a ni hek lo.
Bik a inhriatna hian thil thlir a ti buai a. Thu laila chungin thil a thlir theih lohva. Historian ho phei hi chuan bik a inngai chunga thil thlir hi an duh lo hle. Chuvangin, bika inhre chunga kan history kan chhui phei chuan thuthlukna felfai kan nei thei ngai lovang.
Mizote hi engnge kan bikna le aw! Kan inngai bik mai mai a ni lo maw? Tumah dang hian bik tehchiamah min lo ngai ve mang si lovang a!