Kum 2010 kum thar lai vela boruak bawlhhlawh leng vel leh ri bengchhengte chu Aizawl khaw chhungah a hma lam kum aiin nasa takin a tlahniam a; boruaka bawlhhlawh nawi leng vel hrim hrim (SPM) chu a hma kumah 104 a nih laiin tunah chuan 63 a ni ta.
Hip luh tham leka te bawlhhlawh leng vel (RSPM) chu a hma kumah 46 a nih laiin kuminah chuan 31 a ni ta. Bengchheng pawh nasa takin a tlahniam a, kum hmasa lamah kum thar lai tak velin 68.4 db a ni a, kuminah chuan 44 db chauh a ni ta. Hei hi India sawrkarin zan hun bengchheng zawng tur a bituk 45 db aiin a hniam hret a ni. Sulphur dioxide leh Nitrogen dioxide te phei chu teh tham awm lo khawpin a tlem a ni.
Halpuah leh a kaihhnawih kan hal loh avanga boruak bawlhhlawh a tlem ta em em mai hi a lawmawm hle a; kan hriselnain nasa takin a thatphah ang tih rinhlelh rual a ni lo. Kan ram a lo thianghlimna tur leh kan hrisel zawkna atana fing taka roreltu sawrkar te, taima taka thawktu police te, tlawmngai taka viltu YMA te, mi rilru hneh taka kaihertu media te leh thuawih em em mipuite chungah Mizoram Pollution Control Board chuan lawmthu a sawi a ni.
Kumhlui thlah zan hian I & PR Department chuan an thlalatute Aizawl khawpui chhung fangkual turin a tir a. Halpuah/Halmawi hal tum leh hal lai thla lak tur zawnga khawpui chhung fangkual te hian chutiang chu an hmu zo lova. Department pawhin lawmawm a ti hle a ni.
Similar Posts:
- Aizawl-ah halpuah ri a awm lo
- Zo Thlifim leh NLUP
- Fireworks leh Mizote
- Sualna Khurpui Lamah Chuan Kal Zelin…
- Civil Hospital compound ah basketball court
January 5th, 2010 at 4:13 am
Kumhlui thlah zan hian I & PR Department chuan an thlalatute Aizawl khawpui chhung fangkual turin a tir a. Halpuah/Halmawi hal tum leh hal lai thla lak tur zawnga khawpui chhung fangkualte hian chutiang chu an hmu zo lo va.
I&PR chuan an ringhlel hle tho tihna em ni?
VDP zu man tum, hmu zo lo chu an thinrim lek lek zawk an ti asin! Ninevi khuaa zawlnei Jona pawh kha kan ang riau thin! NOI Fact with fangs
[Report abuse]
January 5th, 2010 at 4:33 am
Test
[Report abuse]
January 5th, 2010 at 7:14 am
Lunglei lam pawh hrilhhaithlak khawpin kan reh a. P&E Dept. in 12:00-ah kum danga an tih thin ang tho in Power an shut down leh a, kha pawh kha a lem zo vek zu nia.. Mahse, a lawmawm tak takin ka hria, January thla chho vela Naupang khawthalo leh luak hri pawh a tlem phah ngei ang le.
[Report abuse]
January 5th, 2010 at 8:38 am
Khati khawpa halpuah halzit halmawi hal ani miah lo chung khan kan boruak chu a lo va thianghlim lo ve le
Miramah zawng an inchhung hi dusting nitin an tih ve ka ring lo. Once in a week vel anih ka ring. Keini in ve ang te hi chu nitin vawi 3 kan tifai ziah
Extra a tha kan hman hi kan chhut chhin – Mizoramah in 2 lakhs a awm nitin vawi 2 phiatfai ila vawikhat tihfai nan hian darkar chanve hmang ila 2 lakhs man hour kan seng tihna. Kum khatah chuan 700 lakhs hour aia tma kan senng. Darkar khat ah USA ah chuan $5 pawh lo hloh se USD 350 million man hi cost of house cleaning per year ani. Indian Rs chuan 1645Crores of Ruppes ani. USA ang hian kan in leh a vel hi fai sela lei lang heng hung hi awm lo in green in khuh vek sel mawi takin kar khatah vawi khat tifai ve ta ila kan senso tur chu Rs. 235Crore ani ang USA hlawhbi angin. Mizoram hlawhfa rate hi a let 20 in USA aiin a hniam chuti anih chuan Rs 11 Crore vel kan seng ang.
Mahse kan boruak hrim hrim dust particle tlem tur hian hma erawh kan la la miah lo chu anih hi. Motor silencer lam a awm dawrkai ho phei chuan nikhatah vawi 10 te an tifai nia
[Report abuse]
January 5th, 2010 at 9:25 am
Thil lawmawm tak a va ni em. Boruak a thianghlim chang a ni lo a, kum thar tukah halpuah etc. halna hnawk em em thrin kha a awm ta lo.
[Report abuse]
January 5th, 2010 at 9:44 am
Aizawl khawpui hi a boruak a that zia kan hrelo mai thei, thingtlang lam hian a tluk miah lo, ei leh in, hnathawh inang theuh2 ah pawh. Chu boruak tha tak chu ti chhetu nilovin, hum halh tlat tu nih i tum zel ang u.!
Chutin, kan zo tlangram nuam hi a nuam reng mai dawn a lo ni.
[Report abuse]
January 5th, 2010 at 12:11 pm
A lawmawmah ngai ila, amaherawh chu nitin lirthei a pung zel a, kan boruak hi chu a bawlhhlawh tulh tulh dawn a, hei vang hian motor tam tak, hlui tawh leh enkawl thatloh, khu tichhuak tam lutuk ho hi chu enchian a, a tul ang a thuneitu ten hma an lak a ngai khawp mai.
[Report abuse]