‘The Bold and Beautiful’ leh ‘Santa Barbara’ hnuchhawnin ‘Kasauti’ lamah kan mit kan len thup a, Kan lo lang alawm hei…”Korean Film chu” tiin tleirawl tam tak chuan ‘sa rang e’ ‘hai mawni’ ‘awp pa’ tih vel chu mahni tawng ang maiin an bel anih hi… Keini ang mi ho! belhchian poh leh ho telh telh thuziak ve hi zawng a thupui leh a thu hian inzawmna a nei em? tih pawh hriat theih va ni suh! chhiartute tan chhawrnahawm nilovin chhawr tlakloh a ni mai awm e!
Han-Ji-Eun tih hi mizotawng chuan – tak, der awmlo, nih ang anga langchhuak ngam tihna zuk ni daih a! Full House en thinte chuan a changtunu Han-Ji-Eun hi kan hre vek awm e. Thianpa pakhat chuan hmeltha teh nan ber a hmang thin a, Han-ji-eun aiin a hmeltha, hmelthalo tih vel kha a tehfung chu a ni mai!
Nula hoina an entawn, tlangvâl hoin an ngaihzâwn, Han-Ji-Eun atang hian enge kan zir chhuah ve tak ang le. A hmel chu ni bawk mah se, anih ang anga a lan ngamna hian mi a hip a ni! A nun tak tak (real life) lam chu kei mi mawl hian ka hre lo, ‘Full House’-a a part atang hian enge zir tur kan neih theih ve tak ang le tih hi a ni ngaihtuah ho ila ka tih ber chu.. !
Tunlai kan khawvelah hi chuan thil tak hi kan ngaisangin kan lâwm a, American Idol, Mizo Idol/icon, Beauty and the Geek, Laguna Beach, Tera mera beach mein etc. tih vel chan chawp awm lo, a tak tak hi a ni lâwm ni he lemchanna khawvelah hian lemchang thinte hian lemchang nilovin thil tak a ni lâwm ni kan zawn thin kha? Chu thil tak chu hmuh kan chak a, kan chil a put thin a ni lo’m ni….?
Tute nge lemchang ve ngailo mi tak chu? Nui ngailo, inhmuamup reng, kuthnung suiha intivei taka kal zen zen thin te, Biak In kawng pana hlabu leh Bible zakzeh paha kal bu hnak hnak thin te, Khawtlang leh kohhranah pawh nihna chelh ve teuh, an hringnun zirlaiah chuan engmah ni silo te hi an ni lo! Eng chanvo pawh a lian emaw a te emaw pawh chelh se, mahni theihtawp a hlen tum mi, Mihnuaia hnathawk pawh nise Pu te awm leh awm loh inang reng, danglam ngailo. Sawrkar hnathawk pawh nise a ruaitu sawrkar tana thahnem ngai taka thawk mi an ni thin.
Office-a a thawhpuite zawng zawng dar sawm, sawmpakhat vela an thlen lai pawha a hun taka thu nalh thin. An pate officer lian tak ni si Scholarship dil dawna carpenter nih tir ta thut ve ngailo, tuma hriat loha eiruk theihna remchang tak pawh awm se rinawm taka ding tlat thin. Pawnlam aia chhunglam tha, langsar ropui aia thukru ropui thlang zawk thin, an nuna lem awm ve lo an nih ang anga lang tawp “Be yourself” tih thupuia hmanga, nunpui thin tute ho hi mi tak chu an ni.
Alexander-te, Napolean-te, Hitler-a ten an lalram thawhrimna avang leh tumruhna avanga an zauh duai duai laia kohhran Upa mahni thenawmte tana hnawksak khawpa mahni ram zauh ching, vantlâng ram pawh zah zo lo kan tam ta!! Kohhran upa meuhin Inkhawm kal hma tur tih puang ve dum dum si, Mahni hnathawhna lamah chuan dar 9 a tan tur kha dar 10-a mahni In atanga chhuak chauh thin te, Midang eiru haw em em scolarship diklo taka lak hreh chuang miah lo, Sunday School zirtirtu ve meuh si achanga rui thei, achanga sex hmang thei leh mai ngam kristian kan ni hi chu kan Han-ji-eun loh zia tilangtu pakhat chu a ni ngei ang le!
Kan pâwn lam nunah chuan kan ho-in kan lo uang ve hle te pawh a ni ang. Tin, kan sam rawng te chu thla tina inthlakin, tluk leh din fawmin a thenin chunglam, a thenin hnuai lam te pawh a lo kawk te pawh a ni thei! Kan pian nena inhmeh miah lo kekawr zuih mang kheng hain Aizawl lunlai tak takah te pawh kan lo vei thuak thuak tawh pawh a ni mai thei, hnehsawh takin Karizma, R15, Pulsar-te hi tlangval awm tha duh lo ang maiin chawmhlawm speed an tih ang te pawh hian chak deuh deuhin kan lo tuai vir ve tawh te pawh a ni mahna! Chung zawng zawng kan tih avang te chuan min hmu khawlo viau te pawh lo ni teh se….!
Min belchiang se min ngaisang rawh se. Tunge kan nun hi kaihruai a, fianrialah pawh kan rinawm tho em? tih te hi an hriat hunah min ngaihdan hi an thlak hmak ang! Kristian tlangval kan nih avangin vawi engzatnge Josepha anga SEX hi kan tlân san tawh tih te hi miten hre rawh se. Chu thil tak chu hmuh tur, hriat tur an neih loh chuan hnathawh ropui, nihna leh chanvo langsar, qualification sâng tak pawh nei ila, Mark bial min pe tho tho ang. Ropui hi Occupation a ni lo a, qualification pawh a ni ngai lovang! Ropui zawk tur chu kan nun hi a ni dawn lo’m ni?
Kan awmna hmun danglam ang zela kan danglam ve zel chuan miten engtikniah mah kan nunah nun tak an hmu ngai dawn lo a. Banga milem tar nen danglamna kan nei dawn lo tihna a ni! Sapho chuan London-ah London mite angin New york-ah New york mite angin an lo tih ang hian kan awm ve mai dawn em ni? Zu in mi bulah kristian tlangval ka nihna ka pholang ngam ang a, fianriala ka bialnu bulah pawh Josepha angin Pathian tihna avangin Pathian tan ka rinawm tlat ngam tur a ni. Chutianga ka rinawm loh chuan hnung lam atang min nuih ang a, hmalam atang min fak tawh mai dawn a ni.
Kan cable TV-te hian Award sem ve dawn ta se Best Actor, Best Actress lawmman dawng tur hi kan tam ngawt ang, nominees pawh kan tam na ngiang mai thei a ni! a lema rawngbawl, alema nung, lemchan thiam kan tam ta hi a pawi a ni!
Adera nung ve ngai lo, mitak mahni nihna ang anga langchhuak ngam, a mawl ang ang, a thin ang ang, a retheih ang ang, a zei loh ang anga nung tawp maite bul tluka chawlhna nuam leh hahdamna, hlimna leh nuihna tur hi he khawvelah hian a tam bik awm lo e a….! Mother Teresa te, Mahatma Gandhi te kha hmelthat vanga hringfate thinlunga langsar tur leh châm reng tur chu nise, a tlinglo berte zinga mi an ni ngei ang le! khuanu ruat anga an nun tawp mai na leh an mihringpuite tana mahni indah tha a, mi tak, an nih zia an Show ngamna vang liau liaua chhuan lo la awm zel turte hnenah pawh hmingdai tawhlo tur an ni.
Hman deuh khan kan gospel singer-ho chu kohhran thununna tawk an awm nual a nih kha! Langchhuak vek kher lo sual tih hreh chuang si lo hi engzat tak ni maw? Tunlai chhanah chuan nula fel chu an rai nalh tawh a, “regu” fe fe rai duh miah lo an tam an ti. Lamtuala lam thin te pawhin lam lohna hmunah, Pulpit tlanga lawn thin te paw’n pulpit lovah, Sunday School zirtirtute paw’n Sunday School lovah mi tak kan nihna kan show ngam dawn em? “Rinawm taka kan din tlat chuan van khian mal min sawm ang” tih hi thupuia neiin, i han Han – Ji – Eun tak tak teh ang u.
- Mickey Hlondo @ https://zawlbuk.net/
Similar Posts:
- Ka duhthusam
- Haiti leh Mizoram?
- MIZO TE HI HNAM DAWIHZEP TAK KAN NI.
- A der-a that/ fel (Thlirna tlangdang)
- Sualna neilo chuan min deng rawh u
January 21st, 2010 at 5:49 am
1st peih loh nen nen!!
https://img684.imageshack.us/im.....100221.jpg
Hei hi maw a changtunu —ka hmuh vawikhatna! Kan hmeichhiaten an hmuhin anmahni ni tlatin an hmu thin tihna em ni?
A background KOREAN MOVIES ka hre pha lo deuh va … ka chhiar thui tulh tulh a, a tha tulh tulh mai —Pathian Thu class tum khat ka attend-naah chuan zirtirtu khan Thlarau Rah pakua-te, Thlarau Thilpek chanchinte a sawi a. “A rahah in hre mai ang” tih thu nen, “a zar a tha tur a ni,” tiin a sawi fo pek a. Hun a tawp ta a, “Kan lesson a tawp ta,” tiin hnu a khar ngawt a; kei lah hi kamthlawn ba ngai lo ka lo ni si, “A intan dawn chauh a ni lo maw? Tin, a zar a duah that ai mah khan a zung (root) a nei nung tha turah ka ngai,” tiin ka’n tlip khum hram a —zirtirtu pawh chu a nui rawh rawh a, a bu ta nghauh nghauh a, Thlarau Thilpek vel chu la dawng chhunzawm zui zel turin kan inpuahchah leh ta thut a —a nuam ve mai mai e, ka’n tih ve tak hluai chu!
Christian growth hi a sang lam ringawta thang a ni lo, a hmasa berah chuan a hnuai ber —a zung inkaih nghet a tul hmasa thin zawk fo! A zung a zar a that mai bakah, a par kuhmumte pawh sihal notein a nek tilh loh nan Lal Solomona kha chuan “sihal note te min venpui rawh u,” a ti tawk tawk bawk a. Rah chhuah dawn tepa a par nek tilh chhiat palh hi venthawn ngai tak pawh a ni lehzel. Rahchhuah a ngai!
Darthlalang fim tak a ni e—convex emaw concave mirror emaw ni sela chuan—a ngei deuhten chhir keh thei tak maw?
Post tha tak a tling, negative approach mai ni lo, lunghlu hai chhuah tur a tam hle mai! Pu HV-a te tana rawn hlap chhunzawm pawp pawp atan ka’n khek khal leh rih mai ang e.
[Report abuse]
January 21st, 2010 at 5:53 am
Kei pawh ka zan mu thei lo, ka rawn 2nd ve thruai…
[Report abuse]
January 21st, 2010 at 5:56 am
A ngaihnawm bawrh bawrh khawp mai. Korean movie hi Mizoram a Emo/gay culture rawn promote tu niin ka hria in ka hmu a, ka ten in haw uchuak min ti awm mahse pawi ka ti lo hle. Uak thui.
“Ropui hi Occupation a ni lo a, qualification pawh a ni ngai lovang! Ropui zawk tur chu kan nun hi a ni dawn lo’m ni?
Adera nung ve ngai lo, mitak mahni nihna ang anga langchhuak ngam, a mawl ang ang, a thin ang ang, a retheih ang ang, a zei loh ang anga nung tawp maite bul tluka chawlhna nuam leh hahdamna, hlimna leh nuihna tur hi he khawvelah hian a tam bik awm lo e a.”
Mahni nih anga nung lang ngam hi kan tlem khawp ang le!
[Report abuse]
January 21st, 2010 at 7:24 am
Korean film hi kei pawh ngaina turin ka la en tam lo va, en tam ka peih bawk si lo va, amaherawhchu Seoul Airport vela Korean nula ho incheina leh Aizawl nula/tleirawl ho incheina a inan em em danah hian Korean film hi chuan Mizoram chu a chiah hneh thawkhat niin a lang.
He post chu a tuamna kawr han kheh han kheha a laimu lo lang chu a ropui hle mai! ‘Mahni’ nih ang anga lungawi theihna leh ‘mahni’ ang chiaha nun ngam hi mi ropui nihna pakhat chu a ni chiang mai. Mi dang an tuma kan buai lutuk hi kan buaina chu a nih hi !
[Report abuse]
January 21st, 2010 at 7:40 am
Kan nihna ang lova lan kan tum vang hian Mizoram hi a buai a nih hi!
[Report abuse]
January 21st, 2010 at 8:38 am
Hmanah ka chhiar tawh..duh aiin a thui mah mah….a tha thawkhat e.
[Report abuse]
January 21st, 2010 at 9:17 am
Ka chhiar peih lo hrim hrim korean chungchang a nih vangin! Ka la hmu tamlo hlawm pawh a ni mahna, kei a Korean hmuh ve ho hi chu trawp ve tak tak an ni tlat! Kan la ngaisang ve hlawm em em zui! Korean ho ai chuan Shah Rukh Khan leh Anushka Sharma ka duh fe!
[Report abuse]
January 21st, 2010 at 9:21 am
Santa Barbara…chutah, Kasauti…. chutah, korean film…. chutah, eng leh nge niang le ?????
[Report abuse]
January 21st, 2010 at 9:47 am
Mizote zawng thil chin pakhat uar hluau chi, hria/nei ve lo nih hlauh avanga ti ve dim dem zel – A hnu, chin loh hnua, a la ching a te entleu/hmusit leh mai chi. Tunah pawh ‘Santa Barbara’ a la tui awm te chu ngaihnep anni viau ang – “Monkey see, monkey do”
[Report abuse]
January 21st, 2010 at 10:22 am
chhangte_ll, a changtu te (mipa) an rai thei vek ang a tih chi mawle
[Report abuse]
January 21st, 2010 at 10:23 am
Cenima kan en dawn a, poster kan han en hmasa phawt.! Insual engzatnge awm, insual tlemna kha chu hmuhnawm loh tawp. Tunah zawng a ni ta hauh lo.
[Report abuse]
January 21st, 2010 at 10:36 am
ni e, thlarau nun nen a a chung lam pangin a in rawn kai lut khi a ngaihnawm khawp mai.mizo nula te’n kan ti bik teh ang, a mihring tak pawh in hetia kan ngaisang a nih rau rau chuan ei tling khawpin han ngaisang law law ila a va tha dawn em o.
Kan hriat ang in Korean ho hi english thiam lo ve tak tak an ni hlom a, bakah an accent hi hriat a har em em bok a a nawlpui in, mahse india ram ah hian an technology kan chawlut nasa si a, hetah tak hian an tawng let thei tu hi mamawhna a sang em em mai si a, kan hmel a lo in ang bawk nen, an tawng hi zir peih te han awm ta se chuan an hlawh hmuh tur khu a va sang in a va tha em. kan Graduate nula tha tak tak te hian, internet te hi hmang tangkai ta ila, korean language zirna tha tak tak a om si a,hmel leh pian a tling tak tak kan ni si, he kan dawhkan hma a khawvel in pharh ah hian han chhu zau peih deuh ta ila chuan harsa a ni miah in ka ring lo. LG, Samsung,etc, etc. khungah khuan requirement a tam khawp mai a peih tan chuan….
[Report abuse]
January 21st, 2010 at 10:46 am
Nia, a chi khawp ang.
[Report abuse]
January 21st, 2010 at 10:58 am
herc, #`12
Ka beng a tan chuan i sawi ang hian, Korean (Korea Korean)ho English hi hriat a har ka tih ber te zing a mi a ni mai awm e. eg: a tent (puan in) hi “a tente” ti angin an lam daih ang, hawrawp an belh deuh zel
Tawng hrim2 hi thiam tam hi tangkaina tam tak a awm hrim2.
[Report abuse]
January 21st, 2010 at 11:18 am
H.Vangchhia
ni chiah asin, nuih chi siloh, nuih zatthlak duh bok si, hrehawm thei tak a ni. an hnam tawng an ngaisang ltk hi a fuhlohna chen chu tam tak a lo om a ni. PU Vangchhia poh hi,
echhe vangchhia ia an tih daih a rinawm lah lo e a..:)
[Report abuse]
January 21st, 2010 at 11:19 am
ka ngaihtuah thiam pha love, rinloh lam daihin an lam zel
Rishikesh, UP a engemaw training kan neih lai khan Korean special force a an captain, Park No Ik hi cycle a Korean mi Himalaya bul thut tlan chhuak hmasa ber nih tum chuan min rawn fin alawm. Ni 2 leh zan khat kan zingah a khawsa alawm mawle, kut zaizir leh nuih huk huk chang kan ngah hlawm khawp mai.
[Report abuse]
January 21st, 2010 at 11:20 am
Korean tlangval ho hi chu zanthum riahpui ila, ka rai thei mai lawng maw?
An nula te hi chu an vun a nalh, an no, an thianghlim.
Hei hi TV a lang ho ka hmuhdan.
Chuan ‘Full House’ kha chu a hmuhnawm ve thlawt. Vawihnih ka en zo tawh. A rei duh khawp mai. ‘Stairway to Heaven’ kha chu ka enzo peihlo. ‘Snow Queen’ pawh kha a entlak ve, ka en zo tawh, ‘Autumn in My Heart’ kha hmuhnawm leh bawk a mah se ka la en zo lo.
[Report abuse]
January 21st, 2010 at 11:23 am
kei all in kha hmuhnawm kan tih tlat hrih mai a, thiam leh thiam lo in ka tui ve hrim hrim.
[Report abuse]
January 21st, 2010 at 11:28 am
On Demand channel ah hian unau thawnthu, North leh South Korea indo cc a awm thin a, chu chiah chu ka la en chhuak peih. Aizawl a an uar, an sitar ang ho hi chu Alejendro hian rai vek se a tha ang, an mahni ang deuh ho pawh.
Kan in chhungah hian Rap leh Emo lam hi khap bur a ni hrim2.
[Report abuse]
January 21st, 2010 at 11:36 am
@H.vangchhia: heheheh,khap bur mai tur, kei mipa si sam in sei hleih awn chho vel kara an mitmu pakhat rawn de kawr te hi ka hmuh nin zawng tak mai a niah, a duh chuan tise kan thu phei chu a om lo nangin.
[Report abuse]
January 21st, 2010 at 12:01 pm
Article tha tak chu a ni e
kei chu english film sexy pui2 en ai chuan Korean film leh Hindi film en ka thlang zawk. Full House, Autumn in my Heart, Green Rose, All In, My girl, Spring waltz etc. ka en hnem tawh lutuk… kan chhungin kan en thin
Autumn in My Heart phei chu kan chhungin kan mittui a tla vel… Mizotawng ngei mai hian rawn let se zan tin rawn play back bawk seeeeeeee
[Report abuse]
January 21st, 2010 at 12:05 pm
mygurl, Hindi leh Korean Film pawh sexy pui pui a awm tho alom.
[Report abuse]
January 21st, 2010 at 12:11 pm
nia, awm ngei ang, english film-ah hian sexy a tam zawk lo maw? tunlai film tam tak te hi chu chhungkua a en tlak loh a tam e
[Report abuse]
January 21st, 2010 at 12:15 pm
Korean Film hi Mizoram aiin Korea ah an uar daih zawk He2
[Report abuse]
January 21st, 2010 at 12:24 pm
@mygurl, lo ngai reng rawh…nakin lawkah Korean film mawng lang a lo thleng thla thuai ang!
Tak tak a, tunlaia Korean film Mizorama kan lo en te hi chu a zia viau hmel e. Hmanlai Hindi film, nihliap phena an han luh zawk khan an infawp nge fawp lo tia rilrua kan lo inrin siak vel thin ho kha a hmuhnawm berin ka hre mai! 
A changtupain vawi khat hneka mi 5 a han hnek thlu rual vel thin kha chu a va pui tak em!!
Hindi film kalhmang kan hmelhriat dan tlangpui kha chu – atir lamah thing kung tlan hualin an zai ang a, a laihawlah a changtunu a tap deuh reng ang a, a tawp dawnah an insual luih luih ang a, a tawpah ‘happily ever after’! A va nuam thin em!
[Report abuse]
January 21st, 2010 at 12:34 pm
@keimah: a la kim lo, atawpah an insual achangtupa a chak chiah tihah police kekawr bul ha inspector hovin an lo thleng chiah.
[Report abuse]
January 21st, 2010 at 12:47 pm
@As_Khiangte, a changtupan a sawp chauh vek hnu kha Police ho chuan inti thei fein an man a, an han nam kat deuh darh darh a..Ha ha haaaa
Hindi film i en ve tawh a ni chiang!! 
[Report abuse]
January 21st, 2010 at 12:52 pm
@keimah: AR cinema hall khumfa seh hrep hnu ka nih hi, khumfa kha tam si lian thei si
[Report abuse]
January 21st, 2010 at 1:38 pm
…a changtupa chu a ban lehlam lehlamah misual 10 rual velin an man bet…kil khatah misual lalpa-in a changtunu alo chhaihnawmnah ve…kha ta, a changtupa thinrim, rawn au-chhuak zet kha chu(h)! A manbettute lah kha bomb puakin mihring ruang a rawn vawrhdarh aimaha nasain patling 10 rual vel kha vawilehkhatah…chhunzawm ve r’u.
[Report abuse]
January 21st, 2010 at 1:46 pm
(A ni aw). Bye Bye tihna nih hi aw. Changtunu khi chu aw.sil loh pawn a keih bawrh bawrh tlak ka ti
[Report abuse]
January 21st, 2010 at 2:54 pm
Brus Lee kha a vanglai in India a zin turiin an sawm a Amitab Bachan a hlauh avang in a rawn zin ngam lo .Mi 20 chuan in a bawh beh pawn a hnek darh vek zel trhin kha a lo hmu ve ni ngei tur ani hahahaha.
[Report abuse]
January 21st, 2010 at 5:28 pm
Korean film hi a ‘Man’ hran lo khawp mai, mahse, sex lamah a thianghlim (innocent)a, tleirawl ho en atana an tih deuh ni awm tak ani. Sap film rothap pui pui leh sexy tak tak en ai chuan a tha zawk mai lawm maw aw? Rawn post tu hian a ziak tha e!
[Report abuse]
January 21st, 2010 at 5:45 pm
i rawn thawh tha hle mai,kei ka support e.eng emaw hleka mizia leh incheina thlak zung2 ho hi mi rilru nghetlo,rintlaklohah ka ngai.Korean mipa ho an tuai hlom ltk,hmu ila chuan ka beng hrep duh ang…(hnek chi ah poh ka ruat love)..hehe
[Report abuse]
January 21st, 2010 at 6:12 pm
Han Ji-eun hi chu a chhe lo a ni… Ka’n hlui hnawk ang che u
https://img228.imageshack.us/img228/4559/song5.jpg
https://img228.imageshack.us/im.....809092.jpg
https://img145.imageshack.us/im.....o13551.jpg
https://img705.imageshack.us/im.....968423.jpg
https://img228.imageshack.us/img228/4962/002104.jpg
[Report abuse]
January 21st, 2010 at 8:35 pm
Korean films chu ka en peik ‘thrais’ lo mai!
Hindi film lah hi pa taka lam duai duai ringawt, Hindu film siam tirh ata kut tang chhiam tham lek arts tling a awm; kei ka lo hmuh dan chuan!
Bollywood awm tirh ata a style hi a la dang chuang em ni le? A channa hmun an ti changkang deuh ve, a senso a hautak deuh tih mai loh chu.
Vai ho hur ngaihtuah chuan an film hi chu nuihzatthlak tak chu an ni. Hypocrites dik tak chu an va han ni chiang em.
Kawng thankhatah chuan vai films hian vai ho real life thlengin a nghawng ve tlat.
[Report abuse]
January 21st, 2010 at 10:42 pm
Lee Dae Hae…. star bon top….
[Report abuse]
January 22nd, 2010 at 12:22 am
A ‘kore film’ lam ka tuipui loh vei nen, a thuril ken chuan min hneh zek mai, zirtir leh zir tur a pai hnem khawp mai.
A dik a ni. Hetia a ram pum huapa naupang inkhualtelem ang maia kan intawllen luih luih a, mawhphurhna chang ngai lo inkhawmpui ang maia kan inhawngbi luih luih reng chuan, chhuan lo awm leh zel turte tan hian rahbi kan va tuk lo tehlul em!!
A pawn cheina piahlama zirtirna tha la chhawpchhuak zel thei Mickey Hlondo a fakawm e.
[Report abuse]
January 22nd, 2010 at 8:40 pm
Ka comment hi ngatinge ‘Your comment is awaiting moderation’ a va ti rei tawh ve a??????
[Report abuse]
January 22nd, 2010 at 8:49 pm
@meester. thlalak i thun teuh a ni lo maw…? admin teh an remtha a niang…. in ti hre ve tawh a sin…
[Report abuse]
January 22nd, 2010 at 8:51 pm
Thun teuh e 5 vel lai, Han Ji-eun thlalak ania, pawi a sawi lo asin mawleeeee
[Report abuse]
January 22nd, 2010 at 9:19 pm
kei pawh pic 6 vel comment-ah upload ka tum a, an moderation. 3 vel chiah an phal. an rem felah a lo chhuak mai ang…..
[Report abuse]
February 5th, 2010 at 1:36 pm
Korean film, incheina, an mipate an incheina a lo tuai pawh ni rawh se, abikin mizo hmeichhiate emaw mipate pawh an ni tho ang chu, EN SUH ti mah ila, an en tho ang.. an en dawn tho tho a, zan rei tak tak thleng an men phahin an rilru nasa takin a la peng ang… chumi anih rual chuan an en ta sa sa KAWNGTHA inkawhhmuh hi a finthlak zawk kan ti nge? Kan SAWISEL vak vak ringawt dawn..
[Report abuse]