Archive for February, 2010

Lent: Khawngaihna hun duhawm tak chu!

Sunday, February 28th, 2010

By Rev. Fr. Denis Lalfela SDB

Lent hun kan hmang leh ta reng mai. He khawngaihna hun hi vawi tam tak kan lo hmang liam tawh a. Nidang aia nasa a hmangaihna tihthar tumin, inlamleta Chanchin Tha ring tura sawm thar leh kan ni. Ni khat chu misual pathum hian Father an lo ambush a. Sum tam tak an dil a. Father chuan sum a neih loh thu leh Father a nih thu a sawi a. An zah ta em em mai a! An kal dawn chuan, Father chuan misualte chu meizial a dil ve thung a. Katholik an lo ni ve chek aniang chu. ‘Father, Lent hun a nia, mei kan zu lo’ an ti daih mai.

Sual lian tih hreh loh khan meizuk erawh an insum tlat! Dan ang chauha Lent hun hman hi a hlauhawm reng a ni. Kan sualna avanga Pathian leh vengte nena kan inlaichinna keh chhe fo chu tihdam kan tum thin a. Lent hunin min sawmna chu i ngaihtuah ho dawn teh ang.

(more…)

Platinum Jubilee (Logo)

Sunday, February 28th, 2010

platinum logo

YMA chuan kum 75 hmel a lo hmu tan ta reng mai ! Hetih chhung hian Mizoram leh Mizote thatna turin hmalakna tam tak a nei thin a, khawvel changkang chho zelah a motto vawng reng chunga a inher rem hret hret erawh a ngai ve zel dawn niin a lang. Mizo culture humhimtu a nihmek laiin, YMA Br. tam tak chuan zualko tlan kan ti meuh ta lo, khawpuiah phei chuan Radio, cable TV, telephone/ mobile etc. kan ring der tawh a ni..

K.S ( A sap tawng tak in Female Sex worker) lakah kan luangliam teh ang tun tum chu.

Sunday, February 28th, 2010

@goldmember post belhna ni pah fawm in han luangliam leh phawt mai teh ang. Hmanni chu (han ti tan leh ila dik ber mai) K.S (female sex worker a sap tawng takin) kan tih te hi ka ti ti pui a lawm le.  Ka lo nghahna hmun an rawn thlen chuan ‘inzuar’ thin an nih rinna pakhat mah ka neilo (kan vawi khat inhmuhna a nih avangin), ka kawm a te kha pahnih an nia, an mahni chu nu fel renrawn tak mai, che fel thlap, tawngkam fel tak an ni.

Kan hming te kan han in hrilh tawn hnu chuan a tir a min han tih deuh kha an tawng pawh a zangkhai ta sawt a. Kan han inkawm tan a, an chhungkaw dinhmun te an han sawi a, pawmlai nei an nih thu min han hrilh chuan ka tim ta er er mai, ka zawt ta dawt a engvanga heting ang nun hmang chho ta nge an nih, an ni chuan an pasal te enkawl nan a nih thu leh, an natna avanga hnathawk theilo an nih thu min hrilh ta a, kawng dang awm ta lo chu kan in zawrh mai a ngai ta a ni an ti a ni.

(more…)

Ka Hla Phuah Pakhat

Sunday, February 28th, 2010

L.V
– Jonathan Lianhmingthanga Sailo (Hmingtea Sailo)

1. Vanhnuai aleng Hringfa zingah,
Kei aia riang an awm nem maw?
An sawi hmangaihna parmawi vangin,
A ring nun ka chang mai ta si!

Chorus: Ka hawi vel a, Chungleng Sirva,
An leng dial dial- Thangvanah khian,
Thlazarin hmangaihna par mawi chu,
Hram chungin an ‘inhlan’ e.

(more…)

Love Story- IV (Ka Thài)

Sunday, February 28th, 2010

Ka Thåi,
Zep nàk emaw!
Hmanah khan e…
Nang ai hmeltha, nang ai a nalh
Nang ai it-awm, nang ai a tawih
Nang ai lenmawi, nang ai a hleitling
Ka lo tawñg ve tawh thin a;
Mahse…
Nang ai a ka lairil luahtu reng ka tawng ngai lo.

(more…)

Khawvel a skating thiam ber Kim Yu Na

Sunday, February 28th, 2010

He Korean nula te hi kum 18 mi chauh ni mah se tun tum Winter Olympics 2010 Canada a neih ah champion nih na hauh in khawvel skating thiam ber a thlan a ni. Kim Yu Na hi Korea tan chuan a van hlu dawn em.
source:

https://www.latimes.com/sports/olympics/la-sp-olympics-figures27-2010feb27,0,7502334.story

(more…)

Hundred Percent

Sunday, February 28th, 2010

A boy and a girl were playing together. The boy had a collection of marbles. The girl had some sweets with her. The boy told the girl that he will give her all his marbles in exchange for her sweets. The girl agreed. The boy kept the biggest and the most beautiful marble aside and gave the rest to the girl. The girl gave him all her sweets as she had promised.

That night, the girl slept peacefully. But the boy couldn’t sleep as he kept wondering if the girl had hidden some sweets from him the way he had hidden his best marble.

(more…)

Parking fee to lutuk tur hi!

Saturday, February 27th, 2010

Aizawl khaw chhunga Parking fee to ltk tur hi review han nei ve ila. Hnathawh neilo zirlai tan chuan a tam deuh in ti lo mo?

Mizoram sorkarin notification a chhuah angin, April 1 atang khian Aizawl khawpui chhunga motor parking area hrang hrangah parking fee tihsan a ni dawn a; hemi atan hian khawpui chhung chu Category ‘A’, ‘B’, ‘C’ ah then a ni.

Parking zone Category ‘A’-in a huamte chu – Chanmari, Zarkawt, Upper Bazar, Dawrpui Raj Bhavan South Gate thleng; Chanmari to Israel Point via New Market; Tennis Court to Khatla kawn, New Capital Complex; Mission Veng (JL Point to Ophel House); Sakawrpului (New Market hnuai) to Bazar Bungkawn leh, Tennis Court to Zodin Square via Aizawl Temple-te an ni.

Category A-ah hian parking fee chu LMV tan darkar thumah Rs. 30 leh darkar thum hnu darkar thum zelah Rs. 15, two wheeler tan darkar thumah Rs. 10 leh a hnu darkar thum zelah Rs. 5 a ni ang.

(more…)

Topic 3, Chawh-chaw-rawi

Saturday, February 27th, 2010

Khawvel atawp mai dawn lo! “Kum za tamtak kal ta atang khan khawvel tawp tur thu- Hun hnuhnung/ Isua lo kal lehna/ Mithianghlim lawr tih vel hi mithenkhat-in an lo tlangau pui chiam tawh thin a, a sawi huai apiang dawt sawi huai an ni lek a. Bible-in hun hnuhnuanga thil thleng tur nia a sawi- “Indo thu thang” nise, khawvel indopui I-na leh II-na hial a lo chhuak tawh a. “Lirnghing rapthlak” nise, khawvela lirnghing rapthlak ber ber te pawh a lo thleng tawh thin a.

“Natna/ Hri leng leh tam tla” nise, natna mak tak tak te leh hri leng avanga pul(h) phuk phukna te pawh lo thleng tawhin, ram hrang hrangah tam nasa takin a lo tla tawh thin bawk a. Vawiin thlengin khawvel chu a la tawp lem lo a. Isua pawh a lo kal leh lem lo a. “Mithianghlim lawr” tih te hi thil tak tak pawh va ni suh.” ti a ngaihdan neih rum rum chang ka nei thin. Khawvel hian kum maktaduia tamtak a lo paltlang tawh a, kum maktaduai tamtak a la kal zel dawn niin a lang!? Englai pawha thi thei reng i nihna zawk kha hre reng la, thlarau khawvela Isua hmachhawn turin i nun inbuatsaih rawh.
(more…)

School Naupang Uniform Pawnfen chhing lutuk hi!!

Saturday, February 27th, 2010

School threnkhata an naupangte Uniform Pawnfen chhing lutuk hi ka ngaimawh khawp mai. Ramhlun North- ah sawn School pakhat (a hming tarlang lo mai ang!) chu an naupangte Pawnfen a han chhing mai mai khawp a! An mal chanve thleng zu han lang thei a!! An han thrut hian an Pawnfen a lo chhin avangin an mal chanve vel thleng a lang thrin a.

An tan han tih ngaihna vak a awm si lo. Lerh deuh tan chuan a ngaihthiam theih ang a, mahse Mizo Society Moral hian hetiang ang hi kan la pha chiahlovin ka hria.Hman deuh pawh khan MZP te pawhin an buaipui tawh nghe nghe kha. Session thar atan hian tih danglamdan ngaihtuah nise a thra ngawtin ka ring.