Kum 10 chhung zet Mizorama sawrkarna an chan hnuin kum 2008 November inthlanah Mizo National Front chu paihthlak an ni a, kum khat chhung vel an thawm a reh hnuin intuaithar leh tranin February ni 22 khian inkhawmpui an nei dawn. He khawmpuiah hian hruaitu lawk panga an thlang chhuak ang.
MNF kalphung chu President, Vice president leh Treasurer a ni a, hei hi elected OB tia sawi a ni. A chunga post-te khi Zoramthanga, Tawnluia leh R Tlanghmingthanga-te ten a indawh dan khian an luah mek.
Elected OB kalphung thar tur chu President, Senior Vice president, vice president (post pahnih) leh Treasurer a ni. Hei hian electeb OB-ah hmelthar a lantir dawn a, chu chuan politikah chuan beiseina thar mipuiah a thlen fo thin.
Elected OB-ah hian a ni sa pathum bakah hming lang leh sawirik an awm. Dr. R Lalthangliana (ex-minister) MLA ni lai, K. Lalchamliana (ex-speaker) PUC lecturer, B. Lalthlengliana (ex-minister) MLA ni lai, ex-MP Vanlalzawma, K Sangthuama (ex-minister) hmingte chu lamrik zingah hian an tel.
Khing a chunga hming langte khi han thlir bing ta ila, Dr. R Lalthangliana hi minister a nih laia chak tak mai a ni, university boruak hre pha, academician kan tihte zinga tel a ni. Hemi piah lamah hian Mizorama chhim lam MLA bial 12 awmnaah boruak lian tak a nei a, Baptist kohhrana mi inhmang leh an chhuanvawr a tling, hei hian ‘weight’ a pe rit hle ang, MLA ni lai a ni bawk, hmunruak pakhat hi a hnawh zo mai thei.
K. Lalchamliana hi tunlai thalaite chuan ’smart’ tia an sawi a ni, a ‘generation’ puite zingah nep lo pawl tak a ni. Politik tlang atang chuan Congress leh regional party dangah a rualpui zingah ngam loh a nei bik lo, party-ah awm hlun leh lehkhathiam Aizawl mi hlun an ni. Ani pawh hian ‘mark’ a hmu chhe lo ang. Media lam pawhin an lawm.
B. Lalthlengliana, ani hi politikal party huangah chuan hriat hlawh a ni. Mahse pawn lamah chuan mite hriat han hlawh vak erawh a ni lo. An sawi dan chuan party worker hre tak leh duhsak thiam tak a ni, Pu Zoramthanga rin kai berte zinga mi niin an sawi thin bawk, hei hian a buk a tirit hle ang.
Vanlalzawma, ani hi Hrangbanga College lecturer kalsana Lok Sabha MP ni tura candidate a ni a, MP-ah hian thlan tlin a ni. MNF lamin an ta neih chho a, CYMA president te ni tawhin mipui ngaihin boruak a nei chhe ngai lo. Thiam circle tha tak tak a nei a, an thiante hi ‘influencial’ tak tak an ni, mahse MNF party-ah hian a la hlun lo a, amah hi a ngawichawia mi pawi sawi hlau tak a nih thin avangin a buk a rit tawk lo thei bawk.
K Sangthuama hi Mizo pa taima leh viaktha tak tia sawi thin a ni, contractor lar hmasa niin Vana Pa Hall, TB Hospital etc-te satu niin kawngpui tha hnem tawk tak a sial bawk. Minister a nih lai pawhin a viak that thu an sawi uar hle a, party mi leh saten an bel nasa hle a, politik hi eizawnna lama a hlawhtlin hnua zuanglut niin rawngbawlnaah a ngai tiin amah chuan a sawi. Ani pawh hi beisei awm pawl tak a ni thei ang.
Similar Posts:
- Thlarau nun leh politik tui nu
- Kalphung thar vrs Sawrkar Thar
- IIM grads to lead BMA
- Khatla VC ngaihdan ni lo
- Mizoram Politik Lungphum
January 25th, 2010 at 8:15 pm
Ruling lo party hian post creat hi an uar in party tawngtawl mai tur ten an uar zual emni? te ka ti a eg MPC hahahahaha
[Report abuse]
January 25th, 2010 at 8:16 pm
First emaw ka inti a sin maw le, 2nd tal auh.
[Report abuse]
January 25th, 2010 at 8:24 pm
Party lam thil/ thuthar post awmte pawh hi tha ve reng2 e. Zangkhua-in bungbut hun a nei ngei a, nangni erawh pu “Hawl again”-a anga fing taka intih sual leh tih dik lohah zoram mipuite hnena ngaihdam dila, inthat tawk lohna leh fel lohnate in insiamthat viau loh chuan zängkhua ang ngawtin hunin inbungbu hun a rawn herchhuahpui ngawt dawn lo a nia …ti ve khanglang tengs.
[Report abuse]
January 25th, 2010 at 8:30 pm
Breaking News:
Iraq’s government spokesman says Saddam Hussein’s notorious cousin “Chemical Ali” was executed Monday about a week after being sentenced to death for the poison gas attacks that killed more than 5,000 Kurds in 1988. Source:Washington Post
[Report abuse]
January 25th, 2010 at 8:37 pm
KUM SAWM min kaihruai tawh tu te an ni a,kum 10 chhung khan ram hnuk sawi tham min hnut chhiah lo tlat mai a, an mahni ah change a awm loh chuan angai ang bawk in min hruai leh tho in a rinawm.
[Report abuse]
January 25th, 2010 at 8:45 pm
mnf mi leh sate hi mi tha tak tak vek kha an ni thin (hlawm a). A tam zawk erawh chuan kum 10 chhung sawrkar kha an zo lo niin a lang. An mimal nunah leh khawtlang tana an thawhnaah kha chuan an te lo hlawm a sin le! Mahse, sualna te chu mihring te hian inngaidam thei lo mah i la, sima a lam kan hawi kir phawt chuan Pathian chuan min ngaidam nasa thei hle si a!!
[Report abuse]
January 25th, 2010 at 8:48 pm
An term chhunga Kawngpui an laih zozai leh building an sak tha tak takte hi haider chi chu ni lo mah se, hmasawnnain a rawn ken telte pawh a ni thei tho. A tawp lam erawh an awng rawp deuh va. An indin thar leh thei a nih chuan an la tha ve tho ang. Tu amah hi ……….
[Report abuse]
January 25th, 2010 at 9:20 pm
Engpawh nise,sorkar khalh ngil tur hian opposition party chak tak an awm angai.chuvangin lo intuaithar sauh sauh tehse.
[Report abuse]
January 25th, 2010 at 9:47 pm
Leader kan tehna ber ni ta rih chu Democracy-ah chuan FOLLOWERS fing leh mawl engzat meuh nge an neih tih hi a ni ta ber —zuitu mipui nu-nau an ngah vanga Leadership nei tha ta em em an ni chuang kher lo bawk!
Mimal-ah chuan an va tha hlawm dawn ve le, Congress pawh Pu Hawla mi fawm tharte hian mipui rin an kai rih a nih hi!
Rin kai —mahni tenure hun chhunga eng ni ta lem lo hi kan tawng zauh zauh … ram hnukpui leh a tlachawp nei thiam, thil ti tak tak mi kan mamawh riau!
[Report abuse]
January 25th, 2010 at 10:07 pm
ka mi hriat hovah chuan Pu zawma bak mi tha tak tak ka hmu chuanglo. amah pu zawma lah politician hmuh in ka hmulo ve leh tlat bawk. an mi thar ho khi kala hre hlawmlova mi tha leh fel tak anni ang tih ka ring, mahse an hruaitu lawk ho khian an hupbet leh mai mai in ka ring, MNF theology an sawi danglam pha in ka ringlo.
Tin, hruaitu te a innghah lutuk hi tuna kan hnam dinhmun in ala phaklo in ka hria. mipui kan fin a kan dik a uhruaitu te pawh thil thalo ti ngamlova kan siam hunah chauh kan kal dik ang.
[Report abuse]
January 25th, 2010 at 10:30 pm
A tu apawh lo tlingin lo tlinglo se…eng party pawh lo ’sawrkhar’ pawh ni se…heti hian ka ngaihtuah ve mai mai thrin :- Mizo ten zinglam chaw eikhamah ”vawin chu inthlanni(vote thlak ni) ni mah se ka farm/lo/hnathawhna lamah hna ka thawk phawt ang a,tlailam hnathawh zawhah ka peih leh vote chu ka thlak ang” kan tih hunah chiah mipuite hian kan aiawh tur thra tak kan thlang chhuak chauhin ka ring kei misual hian! Enge in ngaihdan??
[Report abuse]
January 25th, 2010 at 11:09 pm
Kan Constitution hi ammend ila, Chief Minister hi term limit awmse. Term 2 limit nise. Talent thra leh mi thar thra tan kawng kan hawng thei ang. Hei hi ram chang kang zawk entir nan USA te ang pawh an Dan Pui duangtu ten beng sik a an ngaih tuah hnua thra ber ni a an hriat ani. State ah leh Federal level ah State Governor leh President hi Term 2 limit a siam an ni.
Pu Zorama hi Term 2 a lo zo tawh a. Lo chawl ve tawh mai se. Mi thar thra leh viak thra zawk rawn invawrh chhuahna chance a awm anga. Kan ram kalphungah pawh Progressive mind set kan nei thei zawk ang.
[Report abuse]
January 25th, 2010 at 11:35 pm
@ ZOaTlau : “K”.Lalchamliana nilovin “R” zawk aw. Ralte pa ani e.
@ virthli : i sawi khi keipoh thra kati. a implement hteih tak ang em maw chu??
[Report abuse]
January 25th, 2010 at 11:57 pm
An that loh na lai chu mifing zawk te sawi ah khek ta ila’h..kei chu durtlang kham a footpath an siam ber mai khi a ni ka fak ve na chu..hlau leh khur chung a kal ngai tawh lova thlamuang taka han chhuk chhoh vel khi a nuam tawh em a ni.
[Report abuse]
January 26th, 2010 at 12:04 am
Pu K.Sangthuama hi kelpal hungna dawi bo thiam antih kha ani em?? a eiruk leh rukloh lam pheizawng hriat ka nei law, Nuthlawi hmeltha duhsak bik a nei anti em kha aw…
NOI
RTI hmang tein emaw nakinah thangthar ten an chanchin anla chhui chhuak zel ang chu.
[Report abuse]
January 26th, 2010 at 12:17 am
@funny : Director of Education hlui ex-ngaihzawng an ti em ni ta kha le? Duhsak bik nihna hi duhsakna dawngtu tan chuan hlu deuh a ni asin! A dangten kan thik mai pawh a!
[Report abuse]
January 26th, 2010 at 12:19 am
…….. ka proposed kan chhu dawn zet a, ka delete leh ta rih e….
[Report abuse]
January 26th, 2010 at 12:19 am
K. Lalchamliana kha chu zai ve chiam kha a ni lawm ni?
[Report abuse]
January 26th, 2010 at 12:40 am
Ka hul hmeiche thi hul takin kan hul chu le mahse Party OB thlan te zawng keini misual rual zingah hi chuan – a ngaihna hria thlang se tih bak sawitur nei kan vang viau lawng maw le
Kan ram hruaitute te capacity han en hian ram ropui tak kan thleng ang nge kan thleng lo ang tih hi erawh chu sawiho theih tak aniang.
@ #12 i ngaihdan hi keipek ka duhdan ani, mahse India constitution hi an ammend zing viau na-in helam hawi erawh hi chuan an kalpui vak duh awm hmel hi ka la hmu thiam ve lo e
[Report abuse]
January 26th, 2010 at 12:44 am
@mz : CM tenure hi chu an amend loh pawl a ni viau tlat! Joyti Basu … kan tih-basu nachhan pawh khitiang vang khi a alawm! Leader thar an chher chhuak lo ngawt mai!
[Report abuse]
January 26th, 2010 at 12:53 am
K Lalchamliana te poh mahni bial ah manhi party chhungah pawh mi chawk phel thei tawk kha an ni ve tho a lom lehkha thiam hle mahse top leader atang chuan party in an buai phah fo long maw te kei mi sual hian ka lo ti ve mai mai trhin a.
Pu Thangtea chu in a nei lian em kha
pu Thlenga hi chu a frank in a huaisen ve bawk .
President ah chuan pu Rama bak an dah leh chuang nang vice ah poh a ngai tre ah poh chu bak senior vice leh vice pakhat hi mithar an ni leh trawk ang chu
[Report abuse]
January 26th, 2010 at 1:46 am
MNF ka hmuh hniam zawh vekna chhan pakhat chiah ka sawi ve duh. Neutral ka ni tih min hre phawt ula…
MLA Election 2008 kan zo fel a, EVM an sawisel a, thu thang mak pui pui an thehdarh a. MP Election te Boycot an tum vel kha a ni. Free and Fair Election neih a nih theih nan hian Election Commission of India (ECI) hian dan chi tin chi tang a duang chhuak a, a khirh lutuk mah mah lam zawk mah a ni. Mizoram tana hman tul ve miah lo thlengin; All India huap zo tura dan zam a nih avangin, kan practice a. A fair tawk tih hi ka pawm a, ka chiang bawk a ni.
MNF Party-a ruh ve satliah mawl ve deuh deuh ho, mawl tih pawh inhre lem lo hoten an sawisel a, an ang ve chiam chiam kha chu ka hrethiam thei khawp mai. An ruling lai zawng zawnga an inlek phek vel te thin thleng pawh khan ka hrethiam vek. Mawlna hi chu inhriatthiam loh theih pawh a ni lova. Chutih laia ka huat leh thring ka tih em em chu, fing var ve tawka ka ngaih hote thleng thleng a EVM an sawisel pung pung mai kha chu, mak ka ti a ni. Ex-CM te kha a trang huai huaiah chuan a la trang zui a. Kum 10 chhung min hruaitu, ka lu bera kan lo neih chu a ni ve sia aw… ka ti rilru rauh rauh mawle.
Mahse, hun a liam a, MP Election pawh kan zo fel leh ta tho chu a nia…
Tha vek e
[Report abuse]
January 26th, 2010 at 3:12 am
ka sawi ve theih van tlem ve!! MNF hi awm lo sela…Mizoram hi…Karbi-anglong ho ang sawn…district hi kan la dil fo lo ang em tih a sawi theih loh!!! Kan ram hruaitu tur a kan thlan hi….kan zah fo a ngai!! Kan pawpuleisawn la tlem em mai!! Kawngkeres ho tang fan fan le!!!
[Report abuse]
January 26th, 2010 at 4:19 am
Fiamthu deuh in:::: hmingtea…i comment hi hriat thiam a harsa ang reng!! eng ber nge i sawi tum thin!!
[Report abuse]
January 26th, 2010 at 8:14 am
Kohhran kalphung ang deuh a kan tihdan hi a la thra tih kan ching tlat, hei hi kan bansan thiam lo thrin. Leadership thar a lo chhuah loh vang nge phei chu ka hre hran lo. Engpawhnise, roreltute hi Pathian ruat an nia, kan thrat tlanna tur an rel chhuak turah ngai ang o. Ha sen sung a Tv interview an chin chhung chuan kan changkang mawh deuh ang.
[Report abuse]
January 26th, 2010 at 8:21 am
Kan awmna NSW (New South Wales) state hi Labor party in ro an rel mek a, tun term chhung hian Premier (CM ang hi) vawi 3 an in thlak tawh. CM in hna a thawk thalo a an hriat chuan ruling MLA ho an in hmu khawma CM thar tur an thlang mai. Mizoram anga tlan tauh a party hrang din, in hnawhchhuah tih vel a awm ve lo. CM hlui pawh Minister ah an awm leh loh leh politics an chawlh sana , a then MLA mawl tawpah an let ve leh mai bawka.
Mizoramah chuan Zoramthanga post chuh pui ngam chu zoramthanga support tu zawng zawngin an hmu sakhi vek a, in in ti keh darh pheng phung zel. Free an Fair takin party in thlanna te hi neih ni sela, a chaklo te pawn tlan tau nghawng nghawng zel lo se a tha.
[Report abuse]
January 26th, 2010 at 8:30 am
a dik
[Report abuse]
January 26th, 2010 at 8:57 am
Tlan tauh ching lo se Pu Duhawma hi a CM loh pon charge a la zing toh ngot ang.
[Report abuse]
January 26th, 2010 at 9:03 am
Turu
https://www.youtube.com/watch?v=rZDonqtAf-8
[Report abuse]
January 26th, 2010 at 9:15 am
@Uaiizzz: thanks, an sawrkar loa an hmingte pawh kan tisual nghal mai pek alawm le. R Lalchamliana.
@Mengmnawi: Nia kum 2008-ah khan MZU Pol Sc lam chuan survey an nei a, khawpui chuan politics an atchilh lo deuh tih an hmuchhuak. System a kal fuh hunah chuan ram hruaitu kan phu tawk anga kan ngaih thin chu kan la nei mahna.
@kawlhawk: A post-tu hi chu party lam mi ka ni lo a nia aw…
[Report abuse]
January 26th, 2010 at 9:24 am
MNF hi chu an zia leh an thu hi a nawi ka ti ve tlat! An pu ber lah hi thawnthu sawi thiam, sunday School-a Beginners ho zirtirtu atan ka it thin!
Tunah pawh hian kan naupan laia kan inkhualtelem min ti hre chhuak. Sipai lemah kan han tang a, lal nih vek kan duh si a, nihna phuah chawp tak tak kan ni fur ang deuh khan! Vice President 3 ngawt han neih mai chu leh! Tlan tau tur venna a ang lek lek! Sr. Vice President tih loh, a dang 2 te hi chuan hna an nei lo mai mai viauin ka ring ve ringawt! Hetaing ai chuan President hlir 5 nei law law zawk se….an lal hlawm dawn em a sin. Zoramthanga chu Sr. President a ni ve leh mai dawn a!!
[Report abuse]
January 26th, 2010 at 12:03 pm
nizan ka comment chu a funny lo angreng hlemai. mi pawi sawi tepawh a hlauhawm lek lek alo nih hi
Pu chawnghilh: hahaha, midang bill a pending thup laiin nuaih 70 vel lek lek techu lehlan pap pap thei tura vohbik ni awm ani.
[Report abuse]
January 26th, 2010 at 12:17 pm
A ngai thra ti mai an tam leh ber kan ring leh ngawt a
[Report abuse]
January 26th, 2010 at 12:31 pm
MNF hian hruaitu thar an mamawh tawh, a ngai ho ber bur hi chu an ning tawh hmel hlawm an mipuite hian. hehe, fiamthu angreng…
[Report abuse]
January 26th, 2010 at 12:57 pm
ZOaTlau meuh pohin K leh R tisual nawk nawk mai a; ka lo hmufuh lo zui.
@As_Khiangte an hotu ni mek te hian ,b>an power par zu an dawt hi an la zuk kham hmel loh viau lo maw ?
Kei chu Party thar hi ding sela, dan lairil preamble thlak theih re re loh ah hian President hi kum 10 ai rei nih thiang lo sela, chu chuan thrangthar a KO ang. Bakah kum 75 chunglam hi chu Adviser position ang bak an chelh phallohna Party Constitution awm sela.
Party an lo sawrkarin, a thlangtu an bial te’n an MLA te 75% vote a paih thiena dan awm hial sela. An han thlang lal te te a, mipui rawngbawl lova mahni chhungkhat laina tana rawng an bawl thrin dan nan hian a trul ka ti tlat.
Mamata Banerjee te hi ti thra thrak thrak deuh asin.
[Report abuse]
January 26th, 2010 at 1:01 pm
K leh R vel chu thu dang,Pu Chama hi Pu Lamchamliana tih chauh khan ka lo hre ve mai thin a…
[Report abuse]
January 26th, 2010 at 1:20 pm
Pu mz, kan politician senior tak2 te, ram tana thawh hlawk tak tak tawhte hian ka lo hahchawl tawh ange, thrangthar mi thiam, mi tha in awm alawm, in thlavengah ka lo awm ange an ti dawn emaw tih pawh hian rin aiin an la trang thei fu zel. Hengte hi a chhan a ni ber angem le?
1. Ram an hmangaih em avangin an chawl hlei thei lo.
2. Minister/MLA/Party hruaitu nih hi a nawm em vang.
[Report abuse]
January 26th, 2010 at 1:28 pm
@Aryan sawi dik lutuk. sawi belh tur ka nei lo.
[Report abuse]
January 26th, 2010 at 1:40 pm
Mi thar an lak nachhan ni a ka rin mipuiin kan hriat ve kar tua ka duh chu;
An hruaitu lawk, thu ther ther ho pawh hian mipuiin an ring zo tak tak tawhlo tih an inhre ve a, chuvangin mitha ni a an hriat mipui rin hlawh tur deuh an thlan belh mai mai ani. Heng an mi lak thar te kawra hmang hian han tling leh chiah pawh nise thu ther ther ho bawk hi ania duhtawka leng kual leh tur chu.
Pu Hawla pawh a bang biklo. “keini mi vervek leh huamhauh tehi, tunlai thangthar fing leh ram hmangaih tak tak ho hian min mamawh tawhlo, chuvangin kanlo chawl tawh ange” ti sela ka ngaisang zawk ang.
[Report abuse]
January 26th, 2010 at 1:58 pm
An thu m2 laia ban daih chu an tum lo tawp ang. Lehkha thiamthei deuh apiangin sorkar hna kan beisei ber anih chhung chuan lo la chelh ve rih mai2 se a thra mai alom. Mithiam leh a ngaihna hria an ron chhuak hrih lo anih hi.
[Report abuse]
January 26th, 2010 at 2:10 pm
La sorry deuh bawk chu, politics khelh tum tlema beisei awm ve deuh ho pawh hian, tuna kan hruaitu tehi an sawisel ngamlo tran der, an party anla join duh dawn tih hre lawk ran in a theih ang angin inhmelhriat dan zawngin an tlawn tran deuh chu ani ber e. Chuvangin thangthar kan han ti thin takna a hengho hian rawn thlak pawhnise beisei kala nei sang vaklo hle.
Tun Genereration nilo, tuna kan hruaitu Pu hawla teho chawlh huna (an thih hma loh chu chawlh an tumlo maithei
) Generation lo awm leh turah chuan kan kal dan a dik in, huaisen leh tha an rawn chhuak chauh in ka ring. Tunah chuan thu ther ther ho hi sawsel ngam chi an nilo animaithei, an hmuh sakhi tawh chuan an hupbo hmiah thei zela, tunah pawh hian mi tha tak tak anmahni kal dan diklo sawisel ngam tur chu an hupbo hmiah zel niin ka hria.
Angela Merkel-i techuan an party president tepawh an sawisel in public ah an do ngam maia, chancellor ah an thlang tling leh tho.
khatiang kha chu tun Genreration ah chuan kanla hlat khawp in ka hria.
[Report abuse]
January 26th, 2010 at 2:46 pm
@As_Khiante
OB ni kher lova ram hmangaih thiam thawhhlawk reng kan mamawh. Sawrkar pawha thri beh kher lova midang hotute nihna accpet mai ni lova theihtawpa supprot an ngaih leh sel ang ngaiha hmala ngam kan mamawh.
Tunah hian India ram state zz deuh thaw hian pavalai hi nihna pawimawh tak tak an chelh tir asin. Keini ram ve zawng Tar-kiring zu khamlo ho hian min ho reng mai ang tihhi ka hlau hlel love.
[Report abuse]
January 26th, 2010 at 2:48 pm
Ka rin dan ve mai mai chuan ‘tiang hian MNF party hruaitute hi inrem se an fuh ber ang: Pre: Pu Zawma, Sr. Vice Pre: Pu Chama, Vice Pres: Pu Thangtea leh Pi Rozami (w/o R Lalawia), Tre: Pu Sangthuama. Hengho hian kaihruai se chuan hna an thawk theiin an vengva deuh ang a, mipui paw’n an vote tling leh duh ngei ang.
[Report abuse]
January 26th, 2010 at 2:56 pm
Pu Hawla’n, ” Ka Lalthuthleng..” a tih chungchang kha ka post ang kati deuha, kala ziak hmanlo.
Eng vanga he kan savawm putar hian Lalthuthlenga thu anga lo inngai ve ringawt nge anih a, tihvel..
hahaha, no offence. fiamthu hi chuan ka tawng na thei ania, lak nat awihloh
[Report abuse]
January 26th, 2010 at 3:09 pm
@mzvision
@XaiA: Ka directory hluite ka han en nawn leh a, K pawh ni hek suh, R pawh va ni hlei lo. SPEAKER LALCHAMLIANA a in ti kuau mai, tihdikna ka rawn dah e.
[Report abuse]
January 26th, 2010 at 3:12 pm
ZOaTlau,Pu Chama chu a hming ziah dan vel kan buai pui em mai,an thlang tling dawn a niang a
[Report abuse]
January 26th, 2010 at 8:45 pm
kei chu ngaihdan lian tak ka nei hran chuang lem lo.mahni tan a tang hma hai tum a, ram hmangaihna aia chhungte tan leh mahni in hai vur tumna hi eng ti kawng mahin ka ngaisang lo hrim hrim. Chubakah hetiang ang ho hi ram hmangaihtuah hian ka ngai theilo hrim hrim. Tuna kan sawrkar hian thalaite ham thatna tur an sawi reng rengin Sports ringawt hi an sawi vul chuk mai hi ka hriat thiam zawng a ni tlat lo. Adventure, NSS.Scouts & Guides leh thil dang thalaite hamthatna hi an hre ve thiam lo nge. An sawiin I.T an sawi vul ve leh ngawt a… engtiang takin nge I.T. hmasawnna tur an ngaihtuah chhuak chuang ang le.
[Report abuse]