NLUP hmanga leirem rah tum tak tak hi kan Mizo-pui zingah taima tak tak, lehkha thiam te thiam vak lemlo te leh chhiar thei trawk trawk mi chi hran hran pawh an tam ngei ang. Chutih rual chuan NLUP hmang diklo tur fe fe pawh an awm ngei a rinawm.
NLUP hi hlawhtling ngei sela, a hmu tur diktak te’n an hmuh mai hi a tawk hauh lo. Tunai nasa leh zual hian planning, research and development te bakah monitor tak tak pawh a ngai ngei ang. chumi piah lamah chuan Farmers te an hlawhtlin ngei theihna tura ruahmanna fel hi kan mamawh mek a chu ani.
NLUP trade thlang turah hian agriculture leh horticulture hi an tam ber turah kan dah rawka. Chungho hmakhua atana pawimawh ber chu an thlai chin tur kha certified seed ngei nithei sela, chumi atan chuan hmalak a trul hle in ka hria.
Certified seed ngei hi ching thei ila kan thil chin a hrisel zawk anga, kan thar (yield) pawh nasa takin a pung ang. Chubakah khang kan thlai chin kha engemaw avangin thar mumal ta lo ila a SEED vang anih phot chuan Certified seed petu khan a compensate ngei nan ruahmanna mumal siam ni bawk sela.
India sawrkar pawhin Certified Seed ngei chin hi a ngaih pawimawh em avangin India hmarchhak state tan phei chuan Transport subsidy pawh phal takin a hawng reng ani.
Hemi lama tuimi tan heng link te hi chhiar nise -
1. Certified Seed awmzia
2. FAQ certified seed chungchang-ah
3. Sikkim state hmalakna
4. Power Point Presentation
Kan ramah pawh mumal vak lo chuan hma kan la ngeiin a rinawm, mahse tunai nasa zawk thra leh hlawk zawkin engtinge hma kan lak ang tihte leh, Central Act hi kan state Act ah kan lalut ang nge tihte. Abakah kan ramah kan tih ve vat theih nan rawtna mumal siam i tum teh ang u.
Similar Posts:
- Bawkbawn Chi
- Mizoram cancer tam chhan
- One village One Crop
- Zo Thlifim leh NLUP
- Hnahthial district a piang ta
January 26th, 2010 at 3:09 pm
NLUP ah hian Long term leh Short term leh immediate te pawh a awm a angai ngei ang.Kan ramah chuan immediate hi kan tuipui a,a dik a dik chuan mitam zawk chuan kan mamawh hle bawk a ni.
Chutiang bawkin Certified seeds nei tur pawhin hma kan lak a ngai a,mahse kan dinhmun ang ang a trang a hma kan lak pawh a ngai bawk ngei ang.
Kan ram kan rethei/eizawnna a vang te pawh ti ti mah i la taima tan chuan thawhsen loh a awm in ka hria,kan thalai rual lehkhathiam ho te hian lo neih te hi computer nen internet hmang trangkai in han buai pui i la zawng kan kang awk awk mai ang… mahse contract/therhlo.hausak thut tumna a vang hian kan peih leh mang si lo
[Report abuse]
January 26th, 2010 at 3:44 pm
Bekang te hi kumkhat ah a thar mai, lei a tihang thar bawk, huan nghet nei duhtan chuan bultran nan a thra. Bekang hi Cash Crop zing ami ani.Value addition viz – powder, paste, bekang um leh bekang milk leh milk chi hrang hrang dhai thlengin a siam theih heng hi Value addition an ti. Nutrela te hi hmeh tuitak ani tlat.
Mahse bekang hi seng hma a ruah in a nan chuan an puak vak maia ruh leh chi lohin famrmers te a tihawihai thei. hemi venna shield hi Bekang thlangtu te chu pek ngei ngei an ngai. September atranga shade a dah an ngai. Bekang vuak hi buh vuak ang tho-in a hlimawm.
Bekang Certified seeds ngeiin bul tran ila hralhna hi chu a tam bon top top. Crop dang chu sawi rih lo ila mithiam shailendra te sawiah kan khek ange.
[Report abuse]
January 26th, 2010 at 9:54 pm
NLUP trade mipuiin an thlan in, a hlawhtlin loh kan ring nasa bawk si, thlan sak a fuh chiah kan ring bok si lo, kan ram mirethei te tan chuan KHUA ava la thim em…te ka ti ve mai mai
[Report abuse]
January 26th, 2010 at 10:16 pm
@Jennifer Lo. # 25. fertilizers hi cancer a thlen, mihring taksa atan a tha lo, etc etc.. tih hi chu mis-conception a ni e. Pesticides nen hian kan ngaihfin thin.
Fertilizers hman hi developed countries in an revenue hui lut tam berna a ni. European countries khuan an hmang tam ber a, chutah USA. Asia-ah chuan Japan leh China in. India hi chu fertilizers hmang tam list-ah top 10-ah pawh an lang pha lo. India-ah chuan Punjab , Haryana, UP te khu a hmang tam a ni a, hmang lo se la Mizoramah buhfai (ration) lak tur kan nei tawh lo ang… Mizoram leh Sikkim hi fertilizers consumption-ah India ramah kan hniam ber. Ram hectare 1-ah kg 10 pawh kan hmang pha lo.
Fertilizers hman leh hman loh (aka Organic Farming) hi trend lam thil daih a ni. Hriselna lam a kawk pha lo… Mizoram in kan lo hman ve loh ringawt hian awmzia a nei bau lo. Food security kan neih hunah, duh leh Organic trend-ah lut in, kan surplus area-ah organic crops chu kan ching ang chu. Tin, tunlaia Mizoram-a fertilizers rawn lut zawng zawng hi, Tiau ralah englai, tih theih deuh thaw in quintals 10,000 chuang a in chhawp reng a, kan ram rawn lut tlang a nih avangin, kan ram consumption-ah chhiar loh theih loh a ni a, nichin a hectare khat a kg 10 ka han tih pawh kha, a reality-ah chuan 1kg pawh kan hmang lo ang…
Please xcuse JLo. kan ang ta vak a, nangmah ka rawn an khum che a ni lo a ni auh…. hehehe…
[Report abuse]
January 27th, 2010 at 2:08 pm
Vawiin Vanglaini ah Certified seeds lampang an rawn ziak tlat mai, min support tu an nih ngei ka ring.
Pu M. Lalmanzuala ziak NLUP Waterloo tih pawh hi download theih a dah keuh tlak niin ka hria. Nge samuelapa hian a han click leh keuh ang. Mahse download theih a dah chu duhthusam ani
[Report abuse]