I pian leh murna ka hre lova, i chi leh kuang lah chhui rual a ni lo. September ni kua, kan Lalpa pian atanga chhiara kum sanghnih leh pakua khan Millenium Center-ah ka hmu che a. Khami ni atang khan ka khawvelah hian i lo tla lut ve ta a. I mitmeng mawi tak leh i sam sei tle siau mai ka mitthla-a cham reng avang hian he thu hi ka ziak ta a ni.
Tihpalh thil thu-a he thuziak hi i lo chhiar fuh ve hlauh a nih pawhin, i tan zawng kei mi naran, zo tlang sanga tlangsam buk leh phuihnamchhe kara seilian hi zawnchhuah mi ka ni lova, hmangaih tlak lah ka ni hek lo. Millenium Center-ah September ni kua khan i kal a ni tih pawh i hre tawh kher lovanga, mi za tel teh meuh khami ni-a Millenium Center-a zi kual hut hut zinga pakhat kha ka ni.
Kawr var ban tlawn i ha a, Jeans pawnfen fual fengin, pheikhawk pum buang paw thek thawk i bun a. Nu valai tak ban vuan chungin, he khawvel hmuh atana a nalh thei ang berin i rawn inlar a. I hriat loh karin kei mi mawl thinlung hi thawidam hleih theih loh khawpa nasa-in i rawn chhun keh a.
Hliamin ka awm a; ka hliam tuar mangang hi rumchhuak lo thei ka ni ta lo. Rilru retheihna,a paltlang ve tawhte tan chauh lova hriatthiam rual lohvin min bawmzui dawn a ni tih hria ni ila, zah dawn lovin, i hmaisa tawn huamin chibai tal ka han buk tur che hi a nia leh !
Mihring hian mihring ve bawk hi, pianze mawina leh hawiher duhawmna hmang ngawtin heti khawp hian a bual a thei ang tih ka ring phak ngai lova. Mahse, ka rinna leh suangtuahna zawng zawngte chu sawidanglama awmin, tihdanglamin ka awm mek si. Thilmak ni-a ka lo hriat thinte pawh tunah chuan ka hmufiah thiam ve ta a, ho mai mai ni-a ka ngaih thinte pawn awmzia a rawn nei chho ta.
Mitthla-a i hmel vawikhat tal hmu lo chuan ni ka vui zo lova. Tawn leh che beiseiin vawitam Aizawl kawtthler hi ka hrutkual tawh a. Mahse, vawiin ni thlengin i hmel hmuh tur reng a awm si lo. Beiseinain min bual at tak tak lai chuan Millenium Center-ah thuthmun remin, darkar thum chuang ngawt te i lo lan leh hun nghakin ka hun ka hmang thin a. Mahse, inlar leh tik ni i nei si lo.
Beidawnna leh beiseina inkarah hian ramri a inkham a, chu ramri chu ka chhia leh tha hriatna hian kan tawh turin min nawr a, mahse, ka thinlung hian chakna a nei si lo. He hringnun par tivul tur leh, kei mirethei hmela hlimna zung eng zamtir tur hian vawikhat tal rawn inlar leh ta che, mikhual duhawm !
Similar Posts:
- Ai Ai Aizawl…. Mizoram khawpui hi
- Millenium centre is ready
- Engvangnge? Mi ten min chhiar, min hre reng e !!
- Thinlung dam nan…
- Bai
April 22nd, 2010 at 9:15 pm
Hmana Izawl.com a kolasib mi Zote a in ti lehkhathawn ziak vak kha i ni em?
[Report abuse]
April 22nd, 2010 at 9:19 pm
Izawl.com hi ka website ngainat loh pawl tak a ni. Vawikhat chu ka tlawh ve tawh law maw ni le, an siamtirh lam khan. Misual.com-ah hian hming hi kan tarlang lem lova. James CVL Thafamkima ka ni. Zotea ka ni lo hlauh. I ngaihsan loh zawk ka nih hmel
kidding
[Report abuse]
April 22nd, 2010 at 9:27 pm
Thafamkima te meuh pawh Thafamkimi chuan a bual a der mai maw.
[Report abuse]
April 22nd, 2010 at 9:51 pm
hetiang hi a awm ve chawk. ila beidawng ve mai ang hun alo in her zel anga
[Report abuse]
April 22nd, 2010 at 9:51 pm
A va na em!!! PS Chawngthu hla Chhingkhual Lenmawi kha ka hlan a che.
[Report abuse]
April 22nd, 2010 at 10:04 pm
lo kal ru. kan vaiin millenium centre ah kal vek ang u
[Report abuse]
April 22nd, 2010 at 10:05 pm
Hnung lam chhas hi chu kan nei ve chawk reng a nia…..a tha ber chu an hriat loh ve in ban leh daih ila..a thawven thlak zawk ngai…..
[Report abuse]
April 22nd, 2010 at 10:08 pm
OT ve mai mai… Vawiin hi Earth Day tih kan hre hlawm em aw.. Anyways, go green
[Report abuse]
April 22nd, 2010 at 10:26 pm
Earth Day ania Vai chhuah an khap reng alawm:>
Tute mikhual ngemaw nidawn chu le chuti taka ilo hisap zui tak chiam chu..@Kawnga ang em kha chu ni emlo angchu maw..
Tha te khan han awm pawt mai la kanla zawnpui dawn che nia.;-(
[Report abuse]
April 22nd, 2010 at 10:33 pm
AW T..North East Sport festival ah Manipur in hma anhruai e tih thawm a awm a..chiang zawk report pe thei kan awm em aw..lo hriat ve mai ah..Pu te u..
[Report abuse]
April 22nd, 2010 at 10:57 pm
“kan Lalpa pian atanga chhiara kum sanghnih leh pakua” tih awmzia hi AD 2009 tihna em ni tho le? Isua Krista pian kha 6 or 4 BC tih a ni deuh duah si! Chuti a nih si chuan AD 2009 +4 or 6 = ???
[Report abuse]
April 22nd, 2010 at 10:58 pm
A woman possessing nothing but outward advantages is like a flower without fragrance, a tree without fruit.
-Regnier.
I star chu a hmel leh pian ang bawka mawi nungchang a neih ka beisei. I la naupang deuh a niang, outer beauty ah i la in ham buai em mai
I ziah ngaihnawm lutuk e.
[Report abuse]
April 22nd, 2010 at 11:05 pm
Vawikhat hmuhna kan in vei zui hi chu, hmangaihna lam aiin tisa itna a lian zawk in ka ring! NOI
[Report abuse]
April 22nd, 2010 at 11:30 pm
coolsoul, i va lungleng awm ve! Kan hla hlui angin ‘Chhingkhual Lenmawii’ ti ve mai la.
Hman deuh Aizawl poets’ meet a ka tel ve tumin pa upa ve tawh tak hian a tlangval lai chanchin min rawn hrilh chawt a. ‘Mikhual nen kalkawngah kan intawk a, min rawn en zeuh khan ka rilru a la ta tlat mai a. Mahse pasal nei tawh a lo ni si a, tun thleng hian ka lung a la ti leng’ a ti a. Ka haw hnu chuan he hlachham hi a pualin ka phuah ta a:
Khuarei Lunglen
Khua rei kum tam chu liam mah se
Thinlai ah i dai love;
Nghilhni awm thei ngai ang maw e?
Nang tawng lovin hai ang kan tar,
Mahse, Lungrun, nang ngaih a thar,
I zun leng zam zawng tuar a har.
Lamkawi ah chhingkhual kan in tawng,
I chhingmit len khat mai kan dawng,
Chhingmit len in lungkhar i hawng.
Mahse le, awi maw, a pawi lua!
Tahlai kawlkung dung a sei rua!
A tlai zo ta, khuavanga khua.
Khiangawi nuthai i lo ni e,
I zun ngai ka riang thlawn ngei e.
Han thawn turin a address ka hre si lova, a aiah lo chhiar mai ta che
[Report abuse]
April 22nd, 2010 at 11:30 pm
Ava lunglenthlak ve aw a…mih…he he…kauh..Tu zunah nge CHhuihthangvala ka uai…Aizawl vengtinah hmeltha kei ka hmu mai si a..he2 .. Kan khua ah pawh hian ka hmu teuh mai … Nia Danglam ‘bik’ hi chu an awm ngei a lawm ..eh…Chuan tawk daih te’ng….
[Report abuse]
April 22nd, 2010 at 11:59 pm
@chawnghilh..I thought about that..Dickens-a sitail ka hawh a..Its our Lord’s year two thousand and nine tih aiah tlemin ka herdanglam hret a..a fuh ta zat lo a nih hi
sorry 
@emi : Nice poem, liked it..and, thank you. Naktukah ka lung tileng em em thintu, ka thil translate pakhat ka lo post dawn nia.
[Report abuse]
April 23rd, 2010 at 12:13 am
Ziak tha e, mahse chu nula chu ka hmu ve chak em em hran lo, hlathu thiam in fakmawina tin renga an vawm kur luk hi a taka han hmuh ve chiah hian eng teh ual alo ni leh thin si lova, mawi tih zawng alo inanglo thin hi chu siamtu fakawm thin e.
[Report abuse]
April 23rd, 2010 at 12:16 am
If you can’t get a girl, get a pet
perhaps a cat.
[Report abuse]
April 23rd, 2010 at 12:19 am
gulp, he might get CTD
cat transmitted disease hairehai NOI 
fiamthu
[Report abuse]
April 23rd, 2010 at 12:39 am
Love at first sight nge like at first sight zawk?! Tawngkam thiam khawp mai, vawi khat tal chu han tawng leh la aw… Ka lo zawnpui ang che, he he…
[Report abuse]
April 23rd, 2010 at 12:42 am
Ka pianna chu ka hria ka mur lai erawh ka hre lem lo in mur ve trhin em .Murmu ho hian an mur lai an hriat ka ring hahaha
[Report abuse]
April 23rd, 2010 at 12:46 am
Coolsoul hi thu leh hla lamah i ril tlt…a ngaihnawm !
[Report abuse]
April 23rd, 2010 at 12:46 am
hmingtea thin hi aw hairehai Pian-leh-Murna hi Word khat ang a nih i hre awm tho si a, i chimawm thiam roh ka ti.
English thumal ah chuan, “floccinaucinihilipilification” hi dangdai ka tih zing a mi a ni awm e.
[Report abuse]
April 23rd, 2010 at 1:04 am
aaaaaa….here i am
[Report abuse]
April 23rd, 2010 at 2:23 am
@14: Emi, i hla phhuah khi hmanlai upa tawng i hmanna diklo ni a ka hriat kan sawi ve aw
Chang 4 na a
“Tahlai kawlkung dung a sei rua!
A tlai zo ta, khuavanga khua.”
# Kawl chu kan hriatangin ni lo chhuahna leh tlakna sawinan kan hmang. Kawl a eng, kawl a ngui, kawl a phe, etc..
Kawlkung hi hla thu ah hun rei zawng sawi nan an hmang thin a, Eg: ‘Kawl a lo ngui zaikung hlui an lo tin’ emaw ‘Tahlaini kawlkung zamual a liam thei lo’ tih emaw!
Kawlkung hi dung i neih tir leh hian lui nen io ngaih fin emawni ka ti deuh. Bei nge sei Run dung ? Suangtuahna sei tak run lui dung tluk a sei……..
# Khuavang hi Ramhuai chi khat min ti na lo chi ni in ka hria. ‘Khuavang chhinchhiah’, ‘khuavang kallai’ hi kan sawi lar pawl a ni awm e.
Hla thuah khuavang khua hi hun sawina lamah an hman ka hre tlat pek lo! An hman thin zawk chu ‘Phengphehlepa khua a tlai zo ta’ ni zawk lo maw?
Ka hriatdan ka sawi ve mai mai a nia, a tobul min hril fiah theih phei chuan ka lawm ngawt ang. OT em aw?
[Report abuse]
April 23rd, 2010 at 2:53 am
Vanlalsailova hla ‘Hmeltha’ kha ka thlan sak che e…
[Report abuse]
April 23rd, 2010 at 2:54 am
ka mitthla in ka lo suangtuah vel…
tha ngawt ang….!
[Report abuse]
April 23rd, 2010 at 8:58 am
Guys..thanks for your comments..
@Lushai, emi hlachham mi ziak hi nang i han khawih tha chhin dawn em ni ? Emi hian lo ngaithiam sela, mawi leh nalh zawka i rin angin han dah chhin dawn teh a..a saptawnga dah thiam kan awm phei chuan..(saptawng ka ngaihsan vang a ni lem law..a nalh phian ka rin vang mai mai)
@de_beauvoir & Jaspi, ka lawm takzet e.
[Report abuse]
April 23rd, 2010 at 10:46 am
@25lushai_er, i rawn chik a a tihzia. ‘Kawl kung’ chu thui, sei tak angin ka’n suangtuah ve mai a nia, ka idiom hman dan a lo dik tawk lo pawh ani maithei. ‘Khuavanga khua tlai’ tih hi chu mi hman ka hre tawhin ka hria a, mahse tan vak ngaihna ka hre lem lo.
#28coolsoul rawt ang hian han ti chhin la mawle, a tha khawp ang.
[Report abuse]
April 23rd, 2010 at 11:16 am
@coolsoul09 :Emi phuahna thinlung kha ka nei ve lo a ! Thousand apologies.
Hla thu hi thangthar hian a tobul atangin chhui peih i la, engtiang a heng thu hi lo piang nge tih a chepa kai atangin hriat tum leh i la, hma kan zawn ngei ka ring!
[Report abuse]
April 23rd, 2010 at 11:33 am
Ka rinai daih mai a a a !! coolsoul09 chu…ngaihnawm ve pah reng mai
[Report abuse]
April 23rd, 2010 at 11:48 am
@”Khuavanga khua tlai” tih tak hi ka la fuh khawp mai
No offence Emi. A ang ve riau a.
Thousand Apologies hi chu a ‘Mind Your Language’ riau
[Report abuse]
April 23rd, 2010 at 3:53 pm
coolsoul09, ziak ngaihnawm khawp mai,, hetiang hi awmve chawk nia, kan ngai veng veng mai thin a sin,,,,,,hmel duzawng leh ngainat zawng hi chu vawikhat hmuh na ah a awm ve thin chawk nia….
Emi, chungchangah hi chun, thil pakhat kan hriat mai mai a tan a tha chu, hla siamtu te hian zalenna zautak an nei tih kan hriat ka duh khawp mai…
kan hla thu pakhatah pawh “….Samdal thei chengkek nghahin nghak dawn ila, zawl vaw chhurbura famta si e,…”tih a awma, Samdala khan chengkek hnuaiah khan a tla tur nghakin a lo mu loa, theipui kha alo nghak a ni zawk. Mahse kan fimkhur erawh chu a tha hrim hrim e…
[Report abuse]
April 23rd, 2010 at 9:08 pm
He topic hi comment ka chak na rei toh lutuk, tlai deuh zok mah..@coolsoul09, tiang deuh hi ka tawng ve tawh..mahse H/S zirlai daih toh khan nia..in an lohna awnchhun – keichu voi 2 ka hmu..:)
[Report abuse]