Archive for the ‘Admin Info’ Category

Hello World! :)

Tuesday, August 28th, 2012

Ni 4 chhung zet han down chu a va lunglenthlak duh ve :)

Tunah chuan kan adminte hnathawh nasat avangin kan rawn online leh tawh e. Kan lo buaina chu kan hriatthiam theih dan ber turin sawifiah kan tum ange.

Friday zing dar 9 vel khan misual.com hi a rawn down thut a, chu chu a tir chuan mi in min block sak emaw te kan ti hial a ni. Khami lai khan North East chungchang rumors vel avangin Indian Govt in Indian site leh blog 300 chuang a block sak sia, keini pawh hi min block tel ve ringawt a mi le, phai rama Mizote dinhmun chungchang kan post zing sia kan lo ti rilru deuhva.

Mahse kha vang kha a lo nilo hlauhva…

Chuan admin Chhamanator and team ten keimahni lam diklo emaw ti in kan data zawng zawngte pawh kan han endik zel a (chutia buailai lai chuan keimah chung chang fiamthu chu FB group hran hranah misualdotcommer sual lutuk ten in lo la thehdarh zui, huissss :P ). Hetia kan han chhui zel chu kan thiamloh a nilo in kan hre tlat sia, godaddy ho chu mail tamtak kan thawna, mahse an ni pawn an hriatthiamloh avangin an expert te hnenah kan buiana chu an thawn chhawng leh zel ta a.

Chuan nizan khan kan buaina chhan tak chu an Tech hotuten min rawn hrilh ve chiah a ni.

Kan rin ang ngeiin godaddy lamin kan database admin access an lo tih danglam vang ni in!

(more…)

Facebook a thudiklo post avangin FIR

Tuesday, May 8th, 2012

Source: Vanglaini | PDF Link

Nimin khan Facebook-a group \henkhatah, kumin HSLC Examination-ah zirlai pakhat, distrinction-a pass-in MBSE-ah complain a thehlut a, ennawn a nih hnuah pakhatna aiin mark a hmuh san zawk thu leh, MBSE lamin topper nihna an pek theih loh thu tarlan a ni a; hei hi thu dik lo a nih avang leh, MBSE tihhmingchhiatna nia an hriat avangin, MBSE Secretary chuan nimin khan Bawngkawn Police Station-ah FIR a thehlut.

HSLC mark complain ennawn leh thu hi Facebook-a ‘Zoram Tân’ tih group-ah Lalfamkima Renthlei tih leh, ‘Chanchinthar (Zofate inhriattawnna)’ tih groupah Fiaha Chuauhang inti-in an post a; an post dan pawh a inang chiah a ni. Complain thehluttu anga an tarlan chu, Lalzikpuii d/o Sangdingliana, Bungkawn, Aizawl a ni.

Facebook-a an post dan chu – ‘MBSE- thu beng verh tak mai ka hria a, mahse kei mah tak chuan mi han zawh chian mai tur ka hriat loh vangin ka chiang ngam lo a. Bungkawn veng a hmeichhe pakhat, St. Paul’s school a\anga matric exam, tun result chhuak chiah a Dist. a an pass tir chu a mark an complain a topper ai khan a lo hmu sang zawk a nih chu…an sawi danin a class mate te pawhin topper tura an ngaih sa a ni awm leh nghal e, chuan MBSE chuan topper nihna chu an lo pek theih toh loh thu leh Media lam kal lo hram tur ten an lo ngen an ti a nih chu…a thinur thlak hle mai, MZP lam hnai kan awm chuan chhui chian a tha khop mai,’ tih a ni.

(more…)

Thlalak post dan

Tuesday, May 8th, 2012

Thlalak post dan hi thil ho te ni mah se hriat loh chuan bo theih ve deuh mai ania.

imgur leh tinypic ah hian picture hi kan host tlangpui a. I thlalak post tur kha hemi site ah te i va upload chuan a hnuaia mi ang hian Direct Link tih i hmu ang a.

(more…)

Breaking news.. pawh nih chiah lo..

Saturday, April 28th, 2012

iPhone leh Android phone hmang te’n misual.com in rawn luh khan update.apk tih file a lo in download ve thin a, in phone khawihchhe thei thil chu a ni lo a mahse lo click lo phawt ula, kan rawn siamtha vat ang! Inrinni hman nuam vek u!

Ch-ch-ch-ch-Changes… :-)

Friday, January 6th, 2012

Khai le, sawi tawh angin misual.com plugins leh feature vel chu kan la khawih kual zel a, tuna inhmuh ho thil thar te pawh hi an awm hlen dawn tihna a ni chuanglo ania. misual.com banner a “Misual At Work” tih a in tar chhung khi chuan experimental phase ah kan la awm tihna a ni ang.

Hemi testing phase chhung hian enge kan en ber?

1. Heng thil thar te hi kan memberte tan a tangkai em?
2. Site interaction a tih nawm phah em?
3. Site a comment quality a tih san phah ang nge a tih hoh phah zawk ang?
4. Site a tih muang phah a ngem?
5. WP-cache lamah kan resource utilization a hmang nasa zual a ngem?

Point 5 khi chu adminte chauh in report kan hmu thei a, a dang point pali te khi chu memberte input lam atangin kan lo thlir ang.

Eng features/plugins thar chu nge kan dah belh?

1. Social Links: A hmasa berin, kan member zahawmtakte ngenna – Awlsam deuhva misual.com a post tha in tih ho chu in “Facebook like” theih na tur, chuan Facebook lama in like thu in profile a tih lan in duh thu… Hei chu kan dah e. misual.com a post tin chu in Facebook like thei a, in +1 thei a, chuan in tweet thei bawk e.

(more…)

“Admin or Mod te” chhanna

Wednesday, January 4th, 2012

Fonz a post Admin or Mod te

Strict deuh teh u, OT lutuk tur te hi veng ula, delete te pawh delete ta mai u la. Hlawh in nei lo tih chu kan hria, duh leh mod thar ruat belh mai teh u… post release hma ngai te hi a awm a, chuan post edit te hi uluk teh u. 2012 AH CHUAN MISUAL.COM ENKAWL THA ZUAL DEUH TEH U.

…ah khan kan member zahawmtakten in ngaihdan (suggestion, opinion, feedback) tha tak tak in rawn sawi a. Hetah hian a theih theih chu kan rawn chhang a che u. Chuan comment ah sawibelh tur in neih chuan in rawn sawi zel dawn nia.

1. XaiA Says:

Kan kal dan pangngai hi a tha e, lol

hehe nia, kal dan pangngai a kal reng hi chu a nuam fova (comfort zone), mahse a changchuan technology chhuak thar leh hun in thlak zel te nen in adapt zel a ngai thin a, heihi a nia admin te chuan kan buaipui deuh ber chu – engtin nge thil kan thlak zel ang thil liantham thlak si lo hian, tih hi…

(more…)

misual.com krismas banner design

Thursday, December 1st, 2011

It’s that time of the year again! – Khami kum kha sana a ni leh ta!

Khai le, kan misualdotcommer designer ho zawng zawngte tan – misual.com krismas banner han design leh i la? Nikum a krismas banner mawi tak rawn design tu Mr TambourineMan (khawnge a bo tak daih?) pawh kan admin hmeichhia ten (digital) kiss an pe bik a nia…

Leh, tunah chuan misual.com te pawh han ti Krismas tak tak i la?

(more…)

Kan hre vek!

Saturday, October 1st, 2011

misual member kan pung zel a, silent reader ni thin Posting leh comment lama rawn inhmang thar te kan awm bawk a. Post pawh chi hrang hrang, mi hrang hrang ziah chhiar tur kan nei zel a, a lawmawm e.

Kan hriat vek hnu ni mahse sawi nawn leh fo hi a ngai thin. Post ziah leh submit chungchang bik te hi, thil dang chu tunah chuan sawi lo ila. Post ziah dan tih hi kan chhiar ngai meuhlo hlawm awm e, heta mi points thenkhat hi lo tarlang tel bawk ila.

Post kan ziah/submit in:
1. SMS language hmang lo hram ang u. Entirnan: kn thrianzaho cu kan in komgeih ltk

2. “Tr” hi hmang lo hram ang u. Entirnan: “Tranpui ngai te tranpui hi thil thra tak a ni” tih aiah “Tanpui ngai te tanpui hi thil tha tak a ni” ti ila a dik zawk a chhiar pawh a nuam zawk.

3. Punctuation mark (comma, fullstop, semicolon etc) zawh chiahah hian space dah zel ang u.
(more…)

misual+1.com

Thursday, July 14th, 2011

Google Plus chu kan lo sawi fo tawh a, enge a nih tih lam chu tunah chuan sawi tawhlo mai i la… tunah hian misual.com ah +1 chu kan han integrate ve chhina, post tin hnuaiah hian +1 sign in hmu ang. G+ account in neih chuan hei hi in +1 thei. Hman atanga thil kan tih angin tun pawh hi kan han test mai mai a nia, nakinah te pawh kan la deactivate leh thei tho a ni.

Kum 3 vel kal ta pawh khan Facebook like leh share button pawh kan dah thin a, mahse page a tih hnawk avang khan kan la thla leh ta a. Chutiang tho chuan he G+ feature pawh hi a awm hlen dawn nge dawnlo chu a sawi theih hrihloh.

Tunah chuan +1 feature lam hi kan sawi zuai a nga – Post tina +1 a awm pawimawh ve na chu Facebook a like feature ang a nih mai bakah, post tha in tih chu in share kual thei a, chuan nakina chhiar zawm leh in duh tak chuan in G+ account ah a in bookmark nghal a ni.

Example:
(more…)

Sorry!

Tuesday, July 12th, 2011

Tukin zing dar 10 bawr vel atang khan kan misual.com server bik te hi a down avangin misual.com a luh theih loh a, misual.commer te ngaihdamna kan rawn dil e! A saptawng takin ” We are sorry for the inconvenience caused to  you!”