Aw le tun tum chu aviation industry lampang i lo hawi dawn teh ang. Aviation industry a Mizo ten kan hriat lar em em chu pilot leh air hostess/cabin crew te hi an ni maia,heng bakah hian engineer te, management department te leh adang tam tak pawh an la awm ani.
Commercial pilot course hi Mizo thalai te tan course challenging tak ni in ka hria a, mahnia tuina tak tak leh inpumpekna nena zir a ngai ani. Awle tun tum ah hian engtia zir chi nge, a zir man, a scope a zau em, a thatna leh a thatlohna te kan sawi dawn ani.
A hmasa berah chuan a luh dan (Eligibility):
A hmasaber ah chuan Student Pilot License (SPL): Hei hi kum 17 tlina class 10 pass angai a, hemi pass hnu ah 50 hrs vel thlawhna khalh an training hnu ah ( hemi hma hian 10+2 Science with Physics and Maths min 50% a pass a ngai bawk ) Commercial pilot license(CPL) i exam thei dawn tihna ani. CPL ah hian paper 4+1 (1 hi specific, i thlawhna khalh zirna paper, e.g- Cessna 172 a khalh i zir chuan khami kha i exam dawn tihna nih chu) a awm a, hemi pass vek bakah Ministry of Communication atangin Radio Telephony (RT, thlawhna leh leilam inbiakpawhna) exam pass a ngai bawk a, chuan medical test class-I kaltlang bawkin total flying hours 200hrs neih a ngai bawk ani.
A chunga kan sawite i pass kim vek chuan Director General of Civil Aviation (DGCA), Govt of India in Commercial Pilot License (CPL) a pe ang che. Foreign ah te pawh a zir theih a, hun pawh India ai chuan a duh reilo zawk maithei , mahse India a let leh dawn in paper leh RT (Radio Telephony) te i pass leh vek a ngai)
CPL zawh hnu hian tamtak chuan hna thawk nghal a hna hmu nghal mai tur ah an ngai thin a (flying club ah chuan instructor ah te chuan atan theih), a dik takah chuan a kawng chanve vel an zo chauh a tih theih awm e .A hun harsa lai ber leh a hautak lai ber ani bawk ang. CPL licence khan thlawhna lian airlines in an service ang hi a khalh ngawt theih loh a,training hranpa kal leh a ngai thin. Training zawh chuan a training chhuahna thlawhna kha a khalh thei a, a dang khalh leh tur chuan training leh a ngai. A awmzia chu Airbus A320 ah chauh license aneih chuan BOEING 737, Beech craft etc a khalh thei chuang lo,a khalh dawnchuan training hranpa akal zel angai. A training man hi atlangpui in 22-25 lakhs vel Airbus A320 ah hian ani a, a thlawhna azir in a danglam bawk. Hemi training tak hi mi tamtak tan sum leh pai lamah thil harsa a ni thin. Amaherawh chu airlines in exam a buatsaih a tlin emaw pawisa neih a mahni thiam chuan airlines ah a training theih bawk (airlines in exam kaltlanga an lak te chu a thlawn in an training tira hna an thawh hunah an hlawh atangin an rul leh mai thin)
Engtin nge a zirman kan neih ang?:
Ministry of Tribal Affairs in kumtin tribal tan seat 10 zirna a pe thin. (An website – https://tribal.nic.in/ emaw an office ah zawhchian theih). Hei hi All India Tribals ten exam beiin ati tha tha 10 anthlang thin a,a tling te chu CPL an pass thleng 100% Free in an zir thei ani (CPL course fee hi a tlangpui in 18-24 lakhs vel ani).Tin private a zir duh tanpawh bank kaltlang in student loan hmanga zir theih ani bawk a mahse hei hi chu a risky deuh. CPL zirte tan hian Sawrkar ah scholarship hrang hrang dil theih a awm bawk.
Zir hun chhung:
A zir hunchhung hi a tlangpui in thla 18 ani thin a,thla 18 chhung a zawh hmanloh chuan mahni remchan dan angin zawh hma a zir zel theih bawk.
Hlawh:
A zir man a to angin hlawh pawh a tha thawkhat hle, i hnathawh darkar azir in hlawh an pe ang che.
A thatlohna te:
i) A zir man a sang lutuk (pawisa nei tanchuan a thatlohna ani chuanglo ang).
ii) Medical fitness maintain reng angai (a tha zawk daih).
iii) Hna hi a specific em avangin hnadang aiin hna hmuh zung zung a har.
NB: A zir duh Mizo thalai kan awm anih chuan buaipui vat chi ani ang.Tin a course hi 10+2 zawh a zir anih deuh vek avangin leh degree anihloh avangin a zir tur te chuan degree course Bsc(aviation) emaw a dang a course relate zir tel a tha.
Aw le a chunga kan sawi tak te khi a tlangpui an nia, a dik veklo maithei a, amaherawhchu taimakna leh tumruhna tak tak kan neih a pawimawh hmasa ber a, chutiang mi tan chuan thil harsa ani lo ang.
Tin he post hi Mizo thalai lehkha thiam tak tak te tan a chotu leh tiphurtu lo ni se, Mizo thalaite hian zir tum ila, kan ram leh hnam i ti hmasawn zel ang u.
Similar Posts:
- Beidawng duhlo!
- Hyderabad air show ah thlawhna chesual
- Pilot Assn President-ah Mizo
- Mizo Pasaltha
- Mizoram School Examination Policy
April 24th, 2010 at 3:18 pm
kavar uarh mai a.
[Report abuse]
April 24th, 2010 at 3:33 pm
A post tu hming a lan hma chu ka comment lovang!
Info thra tak a nih hi. Kan nau pilot nih chak deuh ka lo chhiar tir ang.
[Report abuse]
April 24th, 2010 at 3:46 pm
Lal-pi-blackmagicwoman, Lal-pu-by-a post anih khi
Lal-pi-blackmagicwoman, air hostess ah hian tang la, pawnfen tight tawk chhing deuh kan feng mei lah…Lal-pu-taia-pa te an chi thli a tla nasa awm
Ka tar tawh em mai hetiang titur chuan keizawng !
Ka lawm e
-LVK
[Report abuse]
April 24th, 2010 at 3:51 pm
Fate tan chhin chhiah chi a ni.
Class 10 pass hnuah 50 hrs chhung khalh zira Pilot nih mai tur a ni dawn emaw ka ti a mahse a kawng a lo la thui êm a ni.
Sangte-a (Lunglei DC 1994 vel ami) fapa ni tain ka hria Delhi-ah kan intawng fuha Pilot a training thu min hrilh a. ‘Flight Training neih ka la hmabak’ a ti ta niin ka hria. India-ah chuan Kum 2 chhung a ngai dawn si a, Texas-ah chuan Thla 6 chhung lekin a zawh theih a. A chhan chu zirlai 3-in Thlawhna 1 flight training atan an hmang thei angin a sawi a. Ka têt laia tukverka ka thlawh thlâk bâk kha chu thlawhna lampang chinchang hi ka hre lo khawp mai. Sangtea thil sawi hi chiang lo ruaia ka la hriat theih chu a ni mai. Amah hria pawh hi Misual ho zingah hian in awm mai thei a ni. Sangtea tih hi a Mizo hming a ni a, a hming tak erawh ka hre lo. Pilot emaw Aiur Management lamah emaw chuan a thawk ngeiin ka ring.
Kan thil hriat ve hi zawng a hlui tawh thin em a.
[Report abuse]
April 24th, 2010 at 3:57 pm
tha khawpmai, hetiang hi han post zel teh u.
pilot nih hi ka tetlai khan ka chak ve thina, mahse ka nilo chhiava ta anih hi. lol
[Report abuse]
April 24th, 2010 at 4:02 pm
Kan veng ah hian duh2 in rawn zir rawh u, thlawh chhin (flight intro) mai mai hi Cheng 99, intro flight certificate an la pe zui hairehai
https://www.frederickflightcenter.com/
Tak taka, a bengvar thlak hle mai. Ti daih ila, khitiang khi thianpa fam, VALRIANGA (Sawmtea) khan Delhi atanga sual chhuakin Lengpui ah a tih theih dawn tawh emaw ka tia… ?!! Min hrilh lem loh mi hnen atanga ka hriat.
funny, high sikul kal lai chuan , pilot nih emaw USA a hnathawh hi ka tum ber a ni thin. Tunah pawh hian hna atana nei ni si lova, khalh thiam ve hrim2 nih ka chak na a la reh chuanglo… naupang lawmzawng hlat theilo ang deuh hian an office ah khian ka va leng fo mai hairehai
[Report abuse]
April 24th, 2010 at 4:05 pm
Post tha lutuk a ni. Kan Mizo thalai fit tak takte khan han training sup sup teh u, ti ila, sum lam khi a hautak deuh chu a ni. Mahse tum phawt chuan kawng chu awm zel alawm le. Loan la te pawhin. Rulh chhung a rei lo ang.
Keini lah physical/medical lamah kan fit der si lo.
[Report abuse]
April 24th, 2010 at 4:11 pm
Jamp, huphurh nghal chuan hlawhtlin hi har tak mai ania
Chhuanlam (obstacles) hi fight tlang tum hram zel hi a tha ka ti. Hei hi adventure sports atangin ka phak tawk chuan ka zir chhuak chiang khawp in ka in hre ve.
American ho hi a chang chuan nuih hi an tiza ve thei khawp mai. Tunlai tak news a lar em em pakhat chu Washington, DC a national zoo a an Panda khawi hi a rai em le, tih an buaipui em em ringawt mai hi a ho lo nangin a leh lutuk ka ti
a hrin chhun lah kha China in a chhuh leh daih tho si a, chutiang tur tho bawk chu a ni zui … OT
[Report abuse]
April 24th, 2010 at 4:13 pm
@HV: Keini ang tan chuan spectacles hi obstacles a tling pha tlat alawm le.
[Report abuse]
April 24th, 2010 at 4:16 pm
spectacles, obstacles a i ngaih kha pal tlang dan tur ngaihtuah angai alawm… chhuanlam te chu thil a fel chiah hrih loh vang mai mai alawm.
Obstacle race te pawh a awm hi, khatiang kha rilru ah tuh angai weinch 
[Report abuse]
April 24th, 2010 at 4:26 pm
HV i sawi awmzia tak hi ka man phak vein ka hria asin. I rilru tumruhna ang chiah hi tuna kan Mizo thangthar zawng zawngte (keini tiamin) hian nei thei ila ka ti. Kei pawh harsatna paltlang theih loh awmin ka hre lo, paltlang hnu chuan harsatna hi ‘hmelma’ a ni tawh ngai lo a, min dawmkangtu ‘ban (pillar)’ nghet tak a chang tawh zawk thin.
Mizote hi kan tum ruh tlangpui a, kan tlakchham nia ka hriat ve chu a inkaihhruaina lam leh kawng inkawh hmuh lam hi niin ka hria. Chuvangin he post pawh hi a hlu hle a ni. Thalai tam zawk chhiar atan a tha hle mai.
[Report abuse]
April 24th, 2010 at 5:20 pm
Jamp dik chiah
[Report abuse]
April 24th, 2010 at 5:27 pm
I post chu thalaite chophurna tha tak ani.
Keipawh hi army lam ti chi ka ni lo,ka mitah ka tla nghal
[Report abuse]
April 24th, 2010 at 5:28 pm
I post chu thalaite chophurna tha tak ani.
Keipawh hi army,pilot lam ti chi ka ni lo,ka mitah ka tla nghal
[Report abuse]
April 24th, 2010 at 5:51 pm
Post tha tak a ni.
Messerschmitt, Spitfire, FockeWolf, Mustang….WWII fighter Planes min ti hre chhuakin Fighter Pilot nih ve kan chak thin zia kha aw! Scramble, scramble……Bandits at 12 O’clock!!
‘The Whole Nine Yards’ lo chhuahdan hi WWII lai a Spitfire Pilots ho tawngkam a ni a,machinegun magazine kha 9yards (27Ft) a sei a nia. An kah ruah thak khan ground crew ho hnenah “I’ve used up the whole nine yards” an ti thin a.
Sister Naomi khan ambition kha min zawt diat diat a, Fighter Pilot ka tih khan a nui suk a….Ka tlin a ring lo nge ni teh reng adawtah a ti leh kher a!
Kan Unaupa Zohranga(RIP) khan Texasah a zuk zir ve lauh lauh a, a licence kha India ram a hmang tur khan PU Sc emaw B.A maw kha pass a ngai a, nupui a nei chho nen khan non flying pilot kha a ni chho ta a! A ti uihawm khawp mai.
Lengpui chhumin an bawh deuh a, flight an cancelled zel mai thin hi chu Mizo Pilot kan la tam tawk loh vang aniang.
[Report abuse]
April 24th, 2010 at 5:53 pm
Commercial pilot zir cu a thra ltk a, mahse ka tu leh fa te tan cuan ka duhpui lo cu ai cuan AIR FORCE a PILOT k duh pui zawk a, a thra zawk in k sia….Commercial pilot cu zir chhuak mahla License poh nei mahla hna i hmu don ge dawn loh tih a siat loh, airlines hrag2 ah iva interview te a gai a, tlin a har phian, tunlai phei cuan airlines company ho an tlachhia a hna a vag ltk,
A nei fate cuan zir mahse a poilo, mahse nei leh nelo chhunga zir tum tan chuan a tih chi lo… a zir chhuak hna hmu ta lova awm ta mai2 te poh an awm nual tlat…a zir chhung a rei a, hna dang dil dawn ta se class 12 level a ni, commercial pilot tih loh eng hna sang mah dil teih emo thawh teih an nei tlat lo.
[Report abuse]
April 24th, 2010 at 5:57 pm
Teleptuama ..he thu i ron post avag hian a lawmawm mi tam tak tan kawnka i rawn hawg tlat..
[Report abuse]
April 24th, 2010 at 6:23 pm
@BMW,hei ka rawn inlar ta e…heheh
@ chimchem i sawi chu adik khop mai,mahse a zirtu hi a pawimawh hmasabera,taimatak leh rilru leh tihtakzeta tuina tak tak nena zir tan chuan kawng a la zau dawn chauh asin ,tunlai ah mizawng zawng thlawhna azin antum tawh hi….hehe
chuan 10+2 level chauh anni i tih khi enchiang leh deuh la, Bsc(aviation) anzir kawp thei a heu hi mumbai ah pawh a zirna a awm.class kal angai lemlo a correspondent in an zir thei ,an syllabus kha CPL syllabus ang deuh tho ani in pilot zirtana duan deuh bawk ani.
chuan hnadang an thawktheilo tihlai ah khian hei hi lo check mai mai teh https://www.indiancoastguard.nic.in.(hna a awmloh tawpah chuan i lut thei in ka ring)
[Report abuse]
April 24th, 2010 at 6:29 pm
lushai_er, Zohranga (fam) kha ka ui thin ngawt mai, kawm te kha anuam asin. A pilot license (1000+ flight record etc) leh a “Tanto” (Japanese chemte $400+ man) kha a chhuang ve thin khawp mai, chhuan tlak pawh a ni reng a ni. Pilot license neiin Electric contractor kha a ni ta daih a
dangdai ve ang reng
[Report abuse]
April 24th, 2010 at 7:09 pm
naupan lai kha chuan Pilot nih kha chu chak thei raps male…mahse ni lo chiang vai2 hle mai..mi khalh ah kan chuang ngam tawk a ni….heheh….tiang career quide ang hi tam thei se..mizo thalai te hi line ah hian kan la hawizau lo teh mai ania….tum tak2 te chuan sum lam te chu a awm theih dan kan dap mai alawm…….tum tak2 chu an hlawhchham khat hle bawk…..
[Report abuse]
April 24th, 2010 at 11:09 pm
Va bengvar thlak ve mawle hei chu thralai tan chuan luhchilh rap chi anih hi le. Pilot ho hi ka hmuh ve tawh chu an hmelthra an nalh thei roops
[Report abuse]
April 24th, 2010 at 11:39 pm
Ava han bengvar thlak kher ve leh.. Class X ka pass khan zir chhoh ve ka tum ran ran kha ania amaherawhchu ka pa thachhangdawltu tur ka nih miau avangin line danga ka kal a ngai ta miau sia. Tun thleng hian ka chakna ala reh lo. A tha in chhiar a manhla khawp mai.
[Report abuse]
April 25th, 2010 at 12:01 am
Veng var thlak ngei mai thlawhna khalh tu nih chu naupan lai chuan chak awm tak anih trhin kha maw.
A hria deuh ten a dang te pawh rawn post zel teh u Rail driver zir dan te.Mizo ah hian rail driver an awm tawh em?
[Report abuse]
April 25th, 2010 at 3:49 pm
Teleptuama ; k knowledge i rn ti zau hawk mai..thanks.
[Report abuse]
April 25th, 2010 at 8:52 pm
You are most welcome…
[Report abuse]