mi(sual).com

Kan Topic tlem tih danglam nan Naxalite chanchi, zawi ho a tan ka rawn chhawpchhuak e… keini misual rual in tifing ve tak tak ho hian lo sawi leh mar mar ila…….

NAXALITE (MAOIST) HI ENG TIHNA NGE?

By: L.R.Colney

Mizo ten Naxalite hming kan hriatlar vena hi, la rei teh chiamin alang lo. Mizoram Police duhawm takte Naxalite kut tuara an thih ve tak nual atangtein, Mizo mipui tam tak chuan kan hria ni ten alang.

Chumaibakah Orissa rama Hindu Puithiam Laxananda Sarawasti August 23, 2008 thah chungchangah “Naxalite-te thah a ni e” tih thawm vangten mite hriat an hlawh lehzual bawk.. Mahse chutitaka an hming kan hriat lar ve tawh chu, tute nge an nih a? Eng tik atanga lo awm nge? Enge an thiltum ? tih lam chu mipui mimir chuan kan ngaih ven em emin a lang lo.

Kum 1957 khan Communist party chuan Kerala state ah sorkarna an siam nawlh mai a. Mahse a rei lem lo hle a. Kum 1964 chuan Communist party pawl hnih Communist Party of India (CPI) leh Communist Party of India (Marxist) (CPIM) te chu Politic lam ngaihdan leh kalphung in anglo takte ni mah se United Front Government tia inkawpin West Bengal ah chuan sorkarna an siam leh bawk.

NAXALITE LO CHHUAH DAN

West Bengalah “Inkawp Sorkar” Communist Party ve ve ten an siam lai hian thingtlang khaw pakhat West Bengal state chhung ami, Darjeling Dist a khaw lian lo tak Naxalbari khua ah chuan ram leilung vanga buaina an neih lai a nia. Tribal tlangval pakhat, Bimal Kissan-a huan, a ram leilung; mihausa leh hnam sang zawkten an chhuhsak tawh, pek let lehna leh leilet hna thawh nghal theihna “Judicial order” kengin March 2, 1967 chuan an khua a pan a.

Mahse an ram lo luahtu te chuan Misual rual (Goon) te chu lo ruai-in anlo sawisak rawn ta chiam mai a. Chumi avanga thinrim, Naxalbari a tribal mipuite chu Charu Majumdan a kaihruaiin an intiamruala an beilet ta vak mai a. He buaina liantham tak mai hi sorkar chuan ralthuam hmangin a thelh dai thei hram a. Police Sub-Inspector pakhat leh Tribal mi 9 laiin an thih phah a. He buaina tharum hmanga tihtawpa a awm chu “Central Congress” sorkar pawh chuan tha a lo tihpui ve a. Heta mipui thinrim sawhkhawk chuan India ram pumah Naxalism alo pian phah ta a ni. May 25, 1967 chuan naxalite chu lo piangin vawiin ni thlengin Naxalbari khua a tanga lo piang anih vangin Naxalite tiin kan lo hre ta zel a ni.

He tiang thil a thlen atanga thla hnih lek hnuah CPI(M) hnuai a Communist Revolutions, State Unit, state hrang hrang West Bengal, Bihar, Orissa, Andhra Pradesh, Tamil Nadu, Kerala, U.P leh Jammu and Kashmir amite chuan heng mi ralthuam nena hel tate hi thlawpin an tan ta tlat mai a.

Tichuan West Bengal a sorkar mek United Front Government chuan ni 72 chhung lekin helpawl hian tak a lo nei ta reng mai ani tih a hriatin, khuahkhirh dan tur ngaihtuahin November 1967 chuan an thukhawm ta chuk chuk a. He meeting pawimawh tak hian heng helpawlte chungchang ngaihtuah zui tur chuan “All India Coordination Committee of Communist Revolutionaries” (AICCCR) chu May 1968 chuan an din ta hial a ni.

Ralthuam nena che pawl ho chu Polictical party inthlanna ah tel ve lo tura an relna chu duh lovin Kanhai Chaterjee kaihhruaiin May 1969 chuan Communist Party of India (Marxist-Lenist) pawl chu alo piang ve leh ta a. Heta Cheterjee kaihhruai pawl hian Maoist Communist Centre (MCC) chu an zawm ta a. Tichuan CPI(M-L) inhmuhkhawmna hmasa ber chu 1970 chuan Calcutta-ah chuan neiin Charu Majumdar chu an General Secretary hmasa ber atan thlan alo ni ta a ni. Chuta tang chuan Maoist ti-a hriat an hlawh zui chho ve leh ta zel a. Heta an hruaitu Charu Majumdar hi “Naxilate Guru” an ti hial thin. A fin em avangin India ram kilkhawr ber thlengin tunah phei chuan an in zarpharh vek tawh ani.

An mahni chhungah pawh buaina neuh neuh an nei ve reng a. Kum 1980 khan ngaihdan in an lohna avangin Kandapalli Seetharamaiah chuan Group thar People’s War Group ( PWG) a din ve leh a. Mahse heng helpawl hrang hrang anga awm hote hi 2003-2004 chho atang khan hotu pakhat hnuaia awm turin an in chhung khawm leh vek tawh a. Hemi avang hian an lo lian ta thut mai a, namen lovin tunah phei chuan Central ngaimawh tham tak meuh an lo ni ta hial mai.

NAXALITES TE DINHMUN MEK.

Tunah chuan India ram hmun hrang hrangah District 220 laiah ngawrh takin an che mek a. Hei hi India ram geographical area ah 40% lai an luah tawh tihna a ni. Ralthuam nena che chi mi 20.000 lai an nei mek a. Square Km 92,000 lai an control tawh bawk. Mipui maktaduai tam takin a rukin an tan tlat mai a. An dinhmun mek mipui ten kan hriat thiam nan chuan MNF te ralthuam nen a rawn haw te kha mi 900 pawh an tling lo ani.

NAXALITE TE TUM LEH PHUT?

I. Democratic ram hmel hi lang chhuak rawh se. Govt hian mipuite dikna chanvo zahsakin an chanvo humhalhna atana an beihnate hi zahsak thin rawh se.

1.Ram rorel fel loh vanga mipuiten lungawi lohna kawng zawh an neih thin te hi Sorkar hian dodal thin suh se.

2. Communist Party of India (Maxist-Leninist), People War leh Organization pawldang dan pawna a dah hi hlip rawh se. 3. People War, People’s Guerilla Army leh Organization te do nana lawmman sorkarin a siam thin hi titawp rawh se. . 4.Special Security Force, Special Intelligence Branch (SIB) leh Central Paramilitary Force hmanga mahni ramchhung mite beih hi ti tawp rawh se.

5.Politics avanga Lung In tang zawng zawngte chhuah vek rawh se.

6. Naxalites te diklo taka beia that tute an nihna atanga kaisan tir leh chawimawi hi sorkar in ti tawp rawh se.

7.Thuruk report thin tura thingtlang mite sorkarin a phut leh P.W Workers te thlem a, an mahni agent atana a hmang leh thin hi ti tawp rawh se.

8.Ram chhunga Gang(Misual intelruh) rual ho Green Tigers, Kranti Sena, Palnadu Tiger, Tirumala Tigers leh Nayeem Gang te hi Sorkar hian thunun rawh se. .

II. Loneitute chungchang hi siamtha rawh se

1.Mipui ramluah chu sorkar hian an kutah hlan rawh se, mipui ramluah lai chhuhsak dan a siam tawh chu siam tha in, enfel vat rawh se.

2.Land Ceiling Act hi siam tha rawh se.

3.Tui lak project sorkarin a pending kha ti puitling sela, Loneitute tana tui lakna leh power tam tawk pe thin rawh se. 4.Loan ( puk ) avanga mahni intihlum an awm tawh lohnan, Loneitute loan puk hi sorkarin a ngaihdam sak vek loh pawhin thlahdul deuh rawh se.

5.Khawkheng avanga ram chhia hi sorkar hian plan mumal leh kumhlun tur chi hmalakna nei thin rawh se.

6.Agriculture mawhphurhna chelh tute hi bang vek rawh se.

III. Industrialisation leh Scheme dang reng reng a sorkar policy chu a hnuai ami angin siam that ni rawhse:

1. World Bank Project zawng zawng leh min thunun zui theihna tur hmanga intanpuina reng reng chu hnuk kir leh vek rawh se.

2.Loneitute leh mipui vantlang hamthatna tura sorkarin sum a dah tlem lutuk hi titawp rawh se. .

3.Industries te zawk (Small Industries) te in elna diklo Multinational Companies leh Cooperative te avanga lo awm thin hi veng tawh rawh se.

4.Tui man, Zirna leh vantlang hriselna atana sum, mipui chawitir thin hi tawp rawh se.

5. World Bank , MNCs leh ramdangte nena inremna siam hi ti tawp rawh se.

IV. Tribal mipuite ram leilung chungchanga an dikna hi hriat sakin zah rawh se.

1. Tribal mipuite hian mahni ro inrelna(Autonomy) nei rawh se.

2.1/70 Act siam that ni rawh se. Tribal mipui teriballo zinga an awm dan leh an ram luah tawh chungchanga sorkar rorelna hi ti danglam rawh se.

3.Tribal hnam tawng te hi tih len leh hlutsak ve rawh se.

V. Telangana State hran siamna. VI. Formulate an integrated plan for the development of backward regions of North Coastal leh Rayalasseema areas te hi development mumal takin kalpui ni ve rawh se.

VII. Karamchedu, Tsundur, Neerukonda and Vempenta hmuna Dalits te zahlo leh Police officer leh hnam sang in tite Dalits beih chungchanga mawhphur tute chu hrem ngei ni rawh se. Dalits tan Job reservation siam sak ni rawh se.

VIII. Hmeichhe chanvo in ang khat tlanga dan siam ni rawh se.

IX. Implement total prohibition.

X. Dan lo taka, office hnathawk hausa leh Politician leh eiru thinte hi man ni rawh se.

Similar Posts:

• Sorkar hnathawkin budget sum ei tam
• UDA thiltumte
• Probe report on ‘nexus’ with insurgents to be made public
• UK General Election 2010 Results
• Kan Sorkar Chaktak

Recent Posts:

• ‘Viagra’ for women to hit the shelves soon
• Petrol leh diesel khuahkhirh
• Bru lokir ten Mizoram-ah harsatna an siam leh ta em ni?
• Tlanchhe chunga post!
• Ho si, tha si.

This entry was posted on Saturday, May 22nd, 2010 at 8:32 pm and is filed under Information. You can follow any responses to this entry through the RSS 2.0 feed. You can leave a response, or trackback from your own site.