‘C.B.I. kan tih fo hi, Central Bureau of Investigation kaihtawi a ni. An hnathawh ber chu pawi khawihtu hmuhchhuah leh court-a hrem tura nawr luh a ni.
Tun kum sawm chhung vel hian Mizoramah corruption a hluar em em a, tual thihna kan police-ten an chhui chhuah theih loh a tam bawk a. Mizo pa ve bawk tana chhui leh chhui chhuah hrehawm tak tak te pawh a awm ni ngei tur a ni. Pawikhawihtu/eiru hreh miah lova lepse ngam/duh hi chu kan mamawh a ni. Mi dik tan an hlauhawm lo. An lo lut ang tih kan hlauh viau chuan, a chhan, kan police-te an tha tawk tih mai ni lo, a chhan dang a awm ngei ang. A chiang reng.
‘C.B.I leh Mizoram’ – ‘Ka ko lut ang’ emaw ‘Ka ko lut lo vang’ tih ri hi a tam hle a. Tuna kan Chief Minister hian, tun hnaia local T.V-a an kawmnaah khan, “Pu Ch.Chhunga khan a ko lut duh lo va. Pu Thenphunga khan a ko lut duh lo va. Pu Lal Thanhawla khan a ko lut duh lo va. History-ah C.B.I ko lut hmasa bera ka lang tur hi thangtharin min la dem ang,’ ti khan a sawi a, Pu Ch.Chhunga leh Pu Thenphunga te kha U.T. kan nih laia C.M an ni a. Kan tarlan tawh angin India sorkarin Adaptation of Laws Order, 1956-a an siam angin, U.T-ah chuan ‘koh luh’ a ngai lo va, an lut sa reng a ni.
Mizo Officer ngei C.B.I-in case an siamsak pawh, kei ngei pawhin A.G ka nih lai khan Gauhati High Court-ah ka buaipui nek nghe nghe a ni. Pu Lal Thanhawla khan 27/6/1990 khan a ko lut a. Tuna kan Chief Minister hian 17.7.2002 khan Notification No. C.31016/1/85-VIG chhuahin a sut a ni. Kan C.M. hi U.T-ah koh luh hran a ngai lo a ni tih hre rual a ni, a hre ngei tur a ni.
Pu Hawla koh luh umchhuaktu a nih avangin, ‘Pu Hawlan a ko lut ngei a ni’ tih leh ‘a ni in a umchhuak a ni’ tih hi a theihnghilh hman a rinawm lo va, a hai palh pawh a rinawm lo. Chuti chung chuan a sawi huai em em mai si a. Eng vanga heti taka huaia sawi mai nge a nih ang tih hi ngaihtuah tham a tling. Ko lut hmasa bertu nih ka duh lo’ a tih hi chu a dik lo phawt a, ko lut tu Mizoram C.M. pakhat Pu Hawla a awm tawh avangin, ‘Ko lut lehtu nih ka duh lo’ ti ni se chuan, a koh luh duh loh avangin hnialna awm thei chi a ni lo.
‘Hetiang hian huai takin sawi pawp mai ila. A dik leh dik lo hre pha chin lah mi tlemte, uihum lek an ni dawn si a. Thudik ngei a nih ring, Luka ziak ang hiala ngai hmiah mai tur tawk vel erawh an tam ropui mai si a. Huai deuh hian sawi pawp mai ila, kei leh ka party hian kan hlawkpui ber ang’ tih ngaihtuahna atanga sawi mai a ang!
A thuhrimin a bial fannaa Pastor Chanchimawia thih dan chungchanga tualchhung mipuite ngaihdan nia a sawite kha a tul lo ngawt mai. Chuta karah dawt muhlum a la ni zui.
Similar Posts:
- Mizoram Sawrkar leh CBI
- MNF-in India a dona chhan, CM-in a sawifiah
- Zorama Cabinet Vs Hawla Cabinet
- Zoramthanga’n Pastor thih dan chhui a cho
- Taikheri
July 13th, 2008 at 2:26 am
C.B.I. chu enge koh luh an hreh em em a, an sual hailan an hlauh vang mai a ni lawm ni?. Engpawh nise, Synod hi Mizoram sawrkar ah hian a in rawlh huai ta sa sa a, an kohluh theih chi an ni em, koh kher an ngai a nih chuan. Mak ka ti ve hrim hrim….Central Bureau of Investigation ni ve lem si, India ram chhung a heti khawp a pawisa chingpen nasa ah pawh…koh chawp an ngai hi, an va intelligent awm lo em em nge, Mizoram hi an ngainep khawp a, an buai buai in lo buai mai mai teh se…an nep tham thi the em mai min ti. In hmuh sitna pakhat a ni thei mai lo maw?
Mizoram a Special Crime Branch te hi an van tangkai lo em em ve mawle, bawk an a. Tangkai na an neilo a nih chuan, an dept’ hi thiat se, Mizoram ah pawisa tamtak an hlawh tur zawng zawng a mi pawh a awm phah ang chu. Crime branch ho hi criminal an ni vek a, chhui thei pawh an ni bik lo zawk nge? Min han hrilh fiah teh u…risk lovin, thudik in.
[Report abuse]
July 13th, 2008 at 2:51 am
CBI koh luh chungchanga Mizoram Sorkar-in Synod rawn a tum hi a dan a va dang ta em? Mizoram Sorkar-in Synod a ngam loh zia a langchiang hlein ka hria…
Zu khap chungchangah nise Synod an hlauh avangin an hlip ngam lova, Synod hian Mizoram Sorkar-na hi chelh law law mai se tha mai lo maw?
Mahse kan ti teh ang? Mizoram Sorkar-a Minister leh MLA tam zawl khi Synod-in Upa-a a nemngheh anmahni mi leh sa, a chhunglum ai pha chin an ni a, Synod hian Eirukna leh Diklohna a duh lo tak tak anih chuan a member Minister, MLA, Officer leh Cer lo ho an hlawh leh an In leh Lo din dan inphu lova a hriat ho chungah thununna lek ta mai sela, tichuan Mizoram chu diklohna ata an khaichhuak thei mai lovang maw ka ti deuh.
A member nei tam ber leh Kohhran lian ber khian bul han tan sela, Baptist lamin an chhunzawm phei chuan a behbawm Kohhran khi chuan MLA 2/1 bak an nei ngai meuh lova, thil a fel duak ni mai tur..Kohhran khian Ram a hmangaih tak tak anih chuan chu chu a kawng awlsam ber ni maiin ka hria.
[Report abuse]
July 13th, 2008 at 12:37 pm
Zonet-a an interview khan, CBI ko lut hmasa ber ka ni duh lo, kan police te ka ring tawk a ti emaw tia, a hnu lawkah cabinet meeting ah Rev. CC Mawia thih hi CBI chhui rem an ti leh bawk sia..huiha
[Report abuse]
July 13th, 2008 at 12:45 pm
Ninawm hle mai, hman chang chang a CBI tih reng mai!
Synod hotu te kha harh vat teh u, eiruk thup nan “Zu” sualah puang reng lo khan harh vat teh u.
Synod hotu te khan min hruia dik ula CBI koh luh pawh a ngai lovang.
[Report abuse]
July 13th, 2008 at 2:55 pm
CBI koh luh leh luh loh hi kan sawi fo a, enge a awmzia ni chiah le? Case chhui turin kan sawm thei reng tho alom. Mawhphurhna kan pek leh pekloh a ni zawk. Mizoram chhunga branch an neih kher a ngai chuanglo.
Tin, Eiru nia kan hriat te high court lama khing ngam der si lo va, CBI chhui tir sawi rik chhen pawh hi a mak ka ti deuh. Pu Hawla kha a eiru ngei a nih ringin Bualhranga leh Rev.Zairema ten an khing a. Case a la kal zel a. CBI pawh chhui tir se, File kaldan tur chu DAN ang tho hian a kal zel ang. Chutiang bawkin Zoramthanga pawh a eiru nia hretute hian high court lama khing hmasa ve ta se?
Hetianga CBI chu engkim tithei leh Pathian tluka ngaihna thinlung hi a tha lo. An nin sawrkar thupekna lo chuan an duh duh an chhui thei chuang lo va. Phalna an neih a ngai tho. Sawrkara phalna lak ngailo, eiru nia hriatte chu hriatpuina lehkha pawimawh tak tak nen court lama khin ni thin ta mai se. Kan thatpui zawk ka ring.
[Report abuse]
July 13th, 2008 at 4:47 pm
Tuna kan CM hi chu a zahthlak deuh a ni Mizote tan hian, mahse kan party a nih chuan, kan chhungkuain kan thatpui phawt chuan, kan ram leh kan hnam hi kan ngaihtuah tak tak lo, mi thenkhat chuan
[Report abuse]
July 13th, 2008 at 5:32 pm
Kan CM kanram hmel ani, Rilru lam Doctor rawnse atha ang.Lalna leh thuneihna, sumlehpai ten abual a zotawh anih hi.
[Report abuse]
July 14th, 2008 at 10:00 am
___________________________________________
Zoramthanga hi kan khua ah chuan ‘Mau-Rua-Kel-a’ anti.
(Maurawkela)
___________________________________________
[Report abuse]
July 14th, 2008 at 11:08 am
pu thanhawl an a ko lut hmasa chuti zoram an ka ko lut hmasa ber duh lo ati.. aep sazu e mai a,,,,
[Report abuse]
July 14th, 2008 at 11:09 am
aep nilovin anep
[Report abuse]
July 14th, 2008 at 12:19 pm
Huiham.Kan politics khelh dante hi kan van la mawl tak em. CBI tih tuah hum reng mai hi a khamawm tawh e mai.
[Report abuse]
July 14th, 2008 at 12:46 pm
Mizoram Chief Minister awm tawh zawng zawngah ala nuihzatthlak ber Zoramthanga hi. A interview kha ka en ve a … Tuikuk ho zinga rawngbawl turin Evangelist atan ka hauh e!!
[Report abuse]