Archive for the ‘Advice’ Category

Tawng tih hausak a pawimawh!

Wednesday, May 23rd, 2018

Khawvelah hian tawng chihrang a tam em em a, hnam ropui leh fing deuhte tawng a hausa deuh a, hnam mawl deuh te tawng a hausa lemlo fo niin a lang – mahse, tawng hausa sa awm theiin a rinawm loh. Tawng hausa tur chuan mahni tawng emaw atang a phuahbelh ngawt lo pawhin hnamdang tawng lalut (adopt) te pawhin tawng a tih hausak theih a, chumi chu khawvel a tawng hausa ber English a hausak chhan ber pakhat pawh a ni thei ang.

William Shakespeare khan a lehkha ziaknaah English thumal 17,677 a hmang a, chutah chuan thumal 1,700 chu a ma siam ni a sawi a ni. Chutih karah chuan a hunlai khan English hi a la buaichuar khawp mai a, khaw lehlam leh lehlam te, ziaktu hrang hrang leh press khawl chhu ho pawhin a remchan dan angin thumal sipel an thlak kual vel mai mai thin a ni a. Midang ang bawkin amah Shakespeare-a hming ngei pawh sipel dang 80 lai a ziak a awm niin Milada Broukal chuan a ziak a, chutiang sipel-ah chuan Shagsspeare tihte, Shakspeare tihte leh Shakestaffe tih thlengin sipel danglam hman a ni. Amah Shakespeare ngei pawhin a signature lar tak 6 hmuh theih zing a pahnihah ngawt a hming sipel zuk thlak danglam ve roh pek a mawle! A enga pawh chu nise, Shakespeare khan English hi nasa takin a ti hausa chiang a ni.
(more…)

‘Remna’ Palai Bâwngte

Wednesday, August 29th, 2012

A eng chu ka hria ni maw… Hre lo pawh ni ila, ka intihre châk ve hrim hrim! ‘Bâkah ‘remna’ tih tawngkam hian ka lung a lên ve hrim hrim bawk. Sâp hoin ‘compromise’ an tih ang êm chu ni lo mah se, ni deuh thuakin ka ngai. Eng chu? He ‘remna’ hi maw le!

“Tu te kârah nge?” tih zawhna in lo zâwt hmanhmawh leh tawh elo, inhnial hrât-ho!? Tûnlai boruak — Lalhnam/Hnamsakhua ‘neuh neuh’ avanga Rinzova Khawlhring Lalhnam, Hnam Sakhua, houdini leh ɪ̣uɪ̣pnoÉ¥ te thahnem ngaihna a ropui khawp mai. Chutih rualin sawi leh sêlna pawh “an thâwm mitdelte hriat khawpin” tih tluk zetin a ring a. Heti ang lam hawi paws pawh pending mawi hnawk khawpin a intlar pût khi. A ziaktupa Rinzova Khawlhring Lalhnam leh a thiante hmêl pawh an zahawm rûn tawh mai. Amaherawhchu, mi puitling tak an ni a, lung loha la mai lovin paws dangah phûr takin kawmen an rawn pe ve zêl a, an fakawm khawp mai.

(more…)

Chhungkaw tan thusawm pek.

Wednesday, August 22nd, 2012

1. Pathian thuin asawi angin chhungkua chu thuneihna inkhaidiat fel tak neiin kalpui tur a ni. Bible chuan chhungkaw hotu ber chu Isua Krista a nih min hrilh. Pa chuan Pathian thuin thuneihna a pek ang zelin a nupui fanau lakah amawh phurna a hlen ang a, nupuiin a pasal thu a zawm anga fate pawhin nu leh pa thu an awih bawk tur a ni.Tin, nu leh pain fate lakah an mawhphurna an hlen anga, an tithinur tur a ni lo. Fate pawhin nu leh pa laka anmawhphurhna an hlen bawk tur a ni.

2. Chhungkua chu kan inkawmngeihin, kan inhmangaihtawn dial dial tur a ni.

3. Chhungkuaa chu kan inpawm tawnin, kan inchawi-mawi tawn tur a ni.

4. Chhungkua chuan an chunga Pathian thuneihna chu an pawmin an zah tur a ni. Tin, chhungkuaa thuneihna inkhaidiat dan chu Pathian ruat a ni tih an pawm tlat bawk tur a ni.

5. Chhungkua tan thawh theih tawk apiang thawk turin kan inzirtir thin tur a ni.
(more…)

Nupa

Thursday, August 16th, 2012

Ka hnathawhna hmun ka thleng hlim chu, kan thawhpui pa hi ka thutna ah chuan rawn thu phei in. An nupa kar khi chho mek leh annu lakah a lungawi loh thu chu min hrilh hrilh mawlh mawlh a. Kei Nupui chu sawi loh Ngaihzawng bulfuk tak pawh nei mumal lo chuan sawi tur ka hre tam teh chiam lo han hnem a han sawi pui ngial tur pawn ka hul tlat. Mahse ka thiana min kalsan hnu chuan ka rilru ah heti zawng hian awm in ka ngaihtuah ta a.

Pawn lam lan dana nupa in ngaih tak anga lang te pawh hi, mihring pahnih awm dun ta chu in ngaih loh chang in hauh chang chu an neih meuh mai. Amaherawh chu Nu tha emaw Pa tha emaw chuan thiam lo zawk nih in chuh in tawngkam thlum an in hlan a harsatna tam tak chu an kal pel ta thin a ni. Chutin, Nupa tam tak te hi chuan an mahni chan chauh hmu vawng in tha a in ngai in an nupui/pasal te chu tha lo ngawih ngawih zawk ah an dah fo a. Mahni that loh na hmuh theih loh ta na chu in rem aiah in nghirngho leh zual na a lo thlen phah ta thin a ni.

(more…)

Awmpui Nula

Monday, August 13th, 2012

Office a ka hnathawh lai ka thawh bawr bawr lai chuan, kan nau pakhat chanchinbu bih melh melh chuan a ma hriat tawk lek hian Chanchinbu ho lah hi Awmpui buai hian an buai a tiin a lo phun melh melh a. Ka nuih chu a ti za viau na in heti zawng hian ka rilru a rawn luah ta tlat mai.

Vanglaini chhiar nitin ta chu kan lo en kim tlang pui a, awmpui tur an duh thu hi colum khat dawn hian a in tlar dul reng lah tak a. Nupa a hnathawh nei chhungte rin tur em em nei lo tan chuan Awmpui chu an tangkai teh zawng a. Mahse awmpui kan uar ta lutuk te hi kan buai vang piah lamah kan thatchhe lutuk em aw tih teh rilru ah chuan a rawn lang ve mai mai a.

Awmpui an tangkai zia leh thenkhat a mi Nupa ti buaitu an lo nih leh hial thu te chu tawng ve chiah lo mahila mi tawngka atangin ka hre fo thi. Mahse neiin tlin ve hek lo chu awmpui tih lam chu ngaihtuah ber ah nei hek lo le.

(more…)

Nun Champion

Saturday, August 11th, 2012

Nau-no tap râwl ka hria a, naupang tlu palh ka hmuh hmaih hek lo. Kan hah viau thin; ni e, nunna tûra kan tlânna kawngah hian châwl hman kan ni mawlh si lo. Hahna haider a, taimâkna tûlpui thin chuan hringnun drama kan chan mêkah hian ‘hlawhtlinna’ leh ‘hnehna’ an lâmpui thin. Tu nge hria, khawi atangin nge malsawmna dawibûr lo thleng ang a, tawlh thlûkna tûr harsatna chu? Kan pawm thiam tûr a ni, kan ziahlai mêk thawnthu tawi tê hi.

Hlawhtlinna chu han thlîr teh, i hmu ang a ler sângah chuan. Rahbi tin chhiar kim la, i hmuh hmaih ka ring lo beidawnna leh harsatna thlantui far chu. Mite pawhin an zawh a, an tlu thin asin. Mahse tlu hlen duh lo va, chawlhna nuam thlen hma zawng tumruhna nêna beituten malsawmna rah an seng thin. Rilru ngaihtuahna fîm leh ‘tih tak tak arpa tuihâl’ nên chuan hringnun thawnthu ziah hi a kal zaih mai ni. Tahna mittui kan ziah laiin phêk dangah chuan hlimna hlimawm kan ziak leh dâwn tih kan hre si a.

(more…)

Rawtna tlêm — III

Wednesday, August 8th, 2012

Rawtna thlen ve hrim hrim hi chu thihna êm a nih loh chuan ka zak duh vak bîk lo. Tûnlai tleirâwl mahin chhîng tak takin an fêng alawm le, han bih deuh lah hian eng tak tak mah a hmuh theih mang bawk si loh! Nalh inti takin an lêng hawh hawh a (an nalh rêng bawk a), kan awm ve tih hre eih lo ni âwm fahranin min han pêl ngâwk a, an rim chiah kan chan tâwk! An rimtui vak loh phei chuan, uak thui.

Zukhâwn ka chan loh avanga pâwt mai mai erawh ka ni bîk dêr lo. Zu hi far khat pawh ka la in chhin lo (in tak tak a nia ka tih, damdawia chuti zât % a tel tih vêl thuartham ni lo hian), duh ni ila ka ni Phalzauvi ten an nei hnêr hnûr alawm; chutiang zukhâwn chang lo tûr khawp khawpin ka tlawk tlaw bîk lo! Mâwl avanga vanram kai loh tûr ni ta se, a sa lai district-ah pawh mâwl lehzual zînga STNREGA (Setana National Rural Employment Guarantee Act) hnuaia job card nei pha ve lo tûr leh NWUP (New Water Used Policy) hnuaia thla tin far khat pawh dawng pha lo tûr zinga BDO pha tûr ngat hian rawtna fahrah tê tê — thenkhat tâna nuih pawh tiza pha lo — ka’n naupanga dâwn tawi au chhuahpui ve phawng phawng ang e.

 1. Thu leh hla huang zauhna: Mi(sual).com hi thu leh hla huang zauhna hmun pawimawh tak a ni tih tu man kan hai lo. Zirna hmun pawimawh tak a ni a, zirlaite tân source pawimawh tak a ni thei. Thu leh hla lama mi ropui tak chher chhuahna hmun a ni thei a, chuvangin kan thu paws (post) leh kawmen (comment) rêng rêng Mizo tawng kalphung dik thei ang berin tih tum hrâm hrâm ila a tha âwm e. Ram hnuk khawih, literary works, international politics, history leh future vision lam te hi tam lehzual thei se. Tin, MAL & Journalist-te nêna thawhho dân te pawh hi a awm mial lo maw? Kan thu leh hla te hi awmze nei zâwka vawrh chhuah dân awm se ka ti hle.

(more…)

KA PENDRIVE.

Sunday, August 5th, 2012

Sawi leh phawng phawng mai ang aw niang, ka pendrive hi 8GB Cruzer Blade China rama siam a ni a. Eng ti tih a, hetilai kan zoram ar hmai tiat leka rawn thleng nge chu ka hre pha hauh lova, eng hmanga an siam nge ni phei phei chu ka hre lo leh zual kei mimawl hian. Mahse ate ren rawn viau na in aá¹­angkai em em mai leh nghal a. Mifate hi zawng anlo chungnungmang teh e aw !!!!, kei fapa rangkachak inti ve hian sairawkherh pakhat pawh kalasiam thiam ve der mang si lo a, mite tana á¹­angkai tur thil hi eng tikah tak siam chhuak ve ang i maw?!

Ka’n ti leh deuh hluai a, a computer hrim hrim pawh kum 4-5 liam hnu vela ka hmuh kha ka hmuh hmasak ber a ni hial awm e, amak na leh a á¹­haá¹­na hrim hrim pawh ka hre lova, a hmingte chu kan hriatna a rei ve tawh alawm. Mahse enge a nih a, eng atan nge an hman kalo la hre ngailo hrim hrim, mawl pawh minti maithei, mawl vang pawh a ni chiah lo, hmuh tur kha keini thingtlang kilkhawr lutuk a awm tan kha chuan a awm lo hrim hrim, a rim a ra pawh kan hre lo.

Khawvel changkan na chuan min zuan khum bik lo a ni chek ang chu, kan khuaah te atak hmuh tur a awmve zel a, kan pathian thu in awt lo tura min hrilh mawlh mawlh te chu dah bo in, ka awt a, ka it bawk a, neih ve ngei dan tur chu ka zawng ta ruai a, a thla tel tel a sa pawh hmehphalo tan chuan ava sang lua em em kher vele.It ve ngawt pawh mi rethei fa tan chuan a in thlahrun awm rum rum zawk mah.
(more…)

Tum miau chuan kawng a lo awm ve zel anih hmel.

Friday, August 3rd, 2012

Ka post khat bawka hei hi kalo post mai mai ange midang motivate tu tepawh anih ve takin ti ve khanglang teh ang. hehe

Thla hmasa vel khan ka thianpa pakhat hian amah ka hmuh dan vel motivation letter tur ziah sak turin min duh a, keia peihlo chuan nangman ziak la ka ziah angin ka lo sign mai ang i duh anih chuan ka ti liam maia. Min ti zui talo bawknen kalo theihnghilh leh daih tawha. Chuanin leh nichin lawk khan Czech Republic ah hna a hmuh thu min hrilh hlawl a, a hma a motivation letter ziah a duh nachhan pawh kha a hna zawn vel vang a lo nia. Mahni leh mahni in ziah sak ai chuan thiante tal ziah tir kha alo duh ve ngei a lo nia. Mahse amah leh amah alo in ziah sak ta tho a lo nia. :)

Ka’n rawn post deuh hluai nachhan chu chumi hma lawk chuan CV a ziak bawka, khata tang khan hna lo zawng char char alo nia. chutiang atan email hranpa siamin email 2200 vel lai zuk thawn kual a mawle hmun hrang hrangah. Chuti taka a zawn kual hnu ah chuan Czech Republic a an lab pakhat ah a hmu ta ani a. Khati taka beidawng lova a zawng kual peih kha a ngaisanawm letling phian ka tih vanga rawn post mai mai chu ka nia. Ui pawh a vah a vah chuan ek thing a tawng nge nge an lo tih ang khan.

Tunlai ah chuan net hmangin thil a zawn kualin a tih zung zung theih tawha, zirna lamah te hian an hmang tangkai nasa a. email professor te an thawn mai a. Ram changkang zawka lehkhazir zawm duh tan te, hnathawk duh tan tepawh hetianga zawn kual peih hrim hrim chuan eng tin tin emaw kawng hi alo awm ve zel tih hi ka rawn share ve mai mai ani e. Entirnan mai mai tunah pawh Singapore hian an population hi 6.5 million ah tih pun an duha an target phak tur hian immigrant an lak luh teuh angai ve leh zela, hetiangah tak hian chance te a awm ve zel ania foren a awm duh hrim hrim tan chuan. Kan Mizorama lehkhathiam hna hmulo an tih tamtak hian ngaihven sela a chi phian maithei ani. hehe

Lak aiin pekin Lukhawng a nei.

Sunday, July 29th, 2012

“Englo lak aiin pekin lukhawng a nei zawk” (Tirhkohte 20:35)

Europe a University hmingthang tak pakhatah hian, Professor thiam tak mai hi a awm a. A thiam mai pawh nilovin, engtiklai pawha Zirlaite harsatna hrilhfiah sak tur leh zirtir tura inpeih reng mai anih avang chuan ngainat pawh a hlawh hle a ni.

Tukkhatchu, chu Professor leh zirlai pakhat hi in lam pana an hawdun laiin, kawngsir deuhvah hian pheikhawk hlui chhetawh tak mai bunkhat lo awm hi an hmu a. Chumi kawng bul lawka Leileta hnathawk loneitu, rethei tak mai leh tar tawh tak mai pheikhawk chu anih an ring thiam nghal mai a. Tlai lam anih tawh avangin, a rawn bang dawn tep tawhang tih pawh an hrethiam a ni.

Zirlai tlangval chuan, an Professor hnenah chuan, “Sir, He Loneitupa hi I fiam teh ang khai; a pheikhawk hi sawlai hnimbuk karah sawn thukru ila, sawlai thingkung phen atang sawn lo bihthla ila, ahan zawngbuai tur vel leh, a han mangang vel tur kha hmuh a chakawm alawm maw le” a ti a.

Professor chuan, “Valte, miretheite mangang taka siamin kan intihlim tur ani lovang; Chhungkaw awmthei tak inni tih ka hria a, I nu leh ipate pawhin pocket money tam tawk tak an paitir reng thin che tih pawh ka hria e. I pawisa thir (coin) kha hepa pheikhawk chhungah hian dah ve ve la, he loneitu rethei takin a pheikhawk a rawn bun dawn huna a pheikhawk chhunga tangka alo awm reng ahan hmuchhuak lai tur vel chu kan lo bihthla zawk dawn nia” a ti ta a.

(more…)